လံာ်မးသဲ 18:16 - Sgaw Karen Common Bible

¹⁶ မ့ၢ်တဒိကနၣ်နၤဒီး, ကိးဃုာ်ပှၤအဂၤတဂၤမ့ၢ်ဂ့ၤ, ခံဂၤမ့ၢ်ဂ့ၤဒီးနၤ, ဒ်သိးတၢ်ကတိၤကိးထံၣ်ဒဲး, ကဘၣ်တၢ်ပာ်ဂၢၢ်ပာ်ကျၢၤအီၤလၢပှၤအုၣ်အသးခံဂၤမ့ၢ်ဂ့ၤ, သၢဂၤမ့ၢ်ဂ့ၤန့ၣ်တက့ၢ်.

လံာ်မးသဲ 18:16 Iomraidhean Croise

လံာ်စီၤပၤအခီၣ်ထံးတဘ့ၣ် 21:13

လၢကမျၢၢ်အမဲာ်ညါန့ၣ်ပှၤအၢပှၤသီခံဂၤအုၣ်အသးထီဒါစီၤနၤ ဘိးလၢအဆိၣ်အၢကစၢ်ယွၤဒီးစီၤပၤန့ၣ်လီၤ. ဒီးလၢတၢ်န့ၣ်အဃိအဝဲဘၣ်တၢ်ထုးထီၣ်ကွံာ်အီၤဆူ ဝ့ၢ်အချၢဒီးကွံာ်သံကွံာ်အီၤလၢလၢၢ်န့ၣ်လီၤ.

လံာ်တၢ်ဂံၢ် 35:30

ပှၤတဂၤလၢပှၤပာ်ဒ့ၣ်ပာ်ကမၣ်အီၤလၢအမၤသံတၢ်န့ၣ်, တၢ်ကထံၣ်ဘၣ်လၢအဝဲအတၢ်ကမၣ်အိၣ်ဝဲဒီးကဘၣ်တၢ်မၤသံဒၣ်အီၤဖဲ ဒၣ်ပှၤအုၣ်အသးအိၣ်ဝဲခံဂၤမ့တမ့ၢ်အါန့ၢ်ခံဂၤအဃိန့ၣ်လီၤ. ပှၤအုၣ်အသးအိၣ်ဝဲထဲတဂၤဧိၤန့ၣ်တလၢတပှဲၤလၢကဆီၣ်ထွဲတၢ် ကတိၤပာ်ဒ့ၣ်ပာ်ကမၣ်ဘၣ်ဃးတၢ်မၤသံအဂ့ၢ်န့ၣ်ဘၣ်.

လံာ်ယိၤဟၣ် 8:17

တၢ်ကွဲးအသးလၢသုတၢ်သိၣ်တၢ်သီအပူၤ, ဖဲပှၤခံဂၤအတၢ်အုၣ်အသးဃူဃီၣ်လီၤပလိာ်ဝဲန့ၣ်, တၢ်လၢအဝဲသ့ၣ်စံးန့ၣ်, မ့ၢ်ဝဲတီဝဲလီၤ (သိၣ်သီ ၁၉:၁၅).

၂ ကရံၣ်သူး 13:1

အဝဲအံၤ မ့ၢ်ယတၢ်ဟဲသၢဘျီတဘျီလၢယကအိၣ်သကိးသု အဂီၢ်လီၤ. ဒ်တၢ်ကွဲးအသးစံးဝဲအသိးန့ၣ်, “တၢ်ပာ်တၢ်ကမၣ်တမံၤမံၤကြၢးဘၣ်တၢ်ကတိၤဂၢၢ်ကတိၤ ကျၢၤအီၤလၢပှၤခံဂၤမ့တမ့ၢ်သၢဂၤအတၢ်အုၣ်အသးလီၤ.”

လံာ်သိၣ်လီၤသီလီၤတၢ် 17:6

မ့ၢ်နာ်သက့ဒီးအဝဲကဘၣ်တၢ်မၤသံဒၣ်အီၤဖဲပှၤအုၣ်အသးအိၣ်ဝဲ ခံဂၤမ့တမ့ၢ်အါန့ၢ်ခံဂၤလၢအအုၣ်အသးထီဒါအီၤန့ၣ်လီၤ. ပှၤအုၣ်အသးမ့ၢ်အိၣ်ဒၣ်ထဲတဂၤဧိၤန့ၣ်တၢ်တဘၣ်ကွံာ်သံအီၤဘၣ်.

လံာ်သိၣ်လီၤသီလီၤတၢ် 19:15

လၢတၢ်ကစံၣ်ညီၣ်ပှၤတဂၤအတၢ်မၤကမၣ်တမံၤအဂီၢ်န့ၣ်, ပှၤအုၣ်အသးတဂၤတမ့ၢ်တၢ်လၢတၢ်ပှဲၤဘၣ်. အစှၤကတၢၢ်ပှၤအုၣ်အသးကဘၣ်အိၣ်ခံဂၤလၢကအုၣ်အသးလၢ ပှၤတဂၤန့ၣ်အတၢ်ကမၣ်အိၣ်ဝဲအဂ့ၢ်န့ၣ်လီၤ.

၁ တံၤမသ့း 5:19

တၢ်ပာ်တၢ်ကမၣ်လၢပှၤသူၣ်က့သးပှၢ်တဂၤဂၤအလိၤန့ၣ်, ပှၤအုၣ်အသးခံဂၤ, မ့တမ့ၢ်, သၢဂၤမ့ၢ်တအိၣ်ဘၣ်ဒီး, တဘၣ်ကနၣ်ဃုာ်တဂ့ၤ.

ဧ့ၤဘြံၤ 10:28

ပှၤတဂၤဂၤလၢ, ဖဲပှၤခံဂၤသၢဂၤအုၣ်အသးလၢအလုၣ် သ့ၣ်ခါပတာ်စီၤမိၤၡ့အတၢ်သိၣ်တၢ်သီန့ၣ်, ဘၣ်တၢ်မၤသံကွံာ်အီၤတအိၣ်ဒီးတၢ်သးကညီၤအီၤဘၣ်လီၤ.

လံာ်လီၣ်ဖျါ 11:3

ယကဆှၢလီၤယပှၤအုၣ်အသးခံဂၤလၢအကူသိးထၢၣ်တၢ်ကံးယာ်, ဒီးအဝဲသ့ၣ်ကကတိၤတၢ်လၢဝံအကျိာ်, ဖဲအသီ ၁၂၆၀ တဖၣ်အတီၢ်ပူၤန့ၣ်လီၤ.”