လံာ်မးသဲ 18:13 - Sgaw Karen Common Bible

¹³ တုၤအထံၣ်က့ၤဝဲဒီး, ယစံးဘၣ်တဲဘၣ်သုတၢ်မ့ၢ်တၢ်တီ, လၢအဝဲသးခုဝဲလၢသိတဒုအံၤအဃိ, ဒိၣ်န့ၢ်ဒံးသိခွံဆံခွံဒုလၢအတဟးဖျိးဘၣ်တဖၣ်အဃိတက့ၢ်လီၤ.

လံာ်မးသဲ 18:13 Iomraidhean Croise

စံးထီၣ်ပတြၢၤ 147:11

မ့မ့ၢ်ယွၤမုာ်လၤဝဲလၢပှၤလၢအပျံၤအီၤ, ပှၤလၢအမုၢ်လၢ်တၢ်လၢ အတၢ်အဲၣ်ဂၢၢ်ကျၢၤအပူၤန့ၣ်လီၤ.

လံာ်ယၡါယၤ 53:11

ဖဲတၢ်တူၢ်တၢ်နးတၢ်ဖှီၣ်အတၢ်အိၣ်မူတခါဝံၤအလီၢ်ခံန့ၣ်, အဝဲကအိၣ်ဒီးတၢ်သူၣ်ခုသးခုကဒီးတဘျီလီၤ. ကသ့ၣ်ညါဝဲလၢအတူၢ်တ့ၢ်တၢ်န့ၣ်တမ့ၢ်တၢ်ကလီ ကလီဘၣ်န့ၣ်လီၤ. ယခ့ယပှၤလၢအတီဒီးယၤ, လၢယဘၣ်ယသးလၢအီၤတဂၤ, ကဝံထီၣ်ယိးထီၣ်တၢ်စံၣ်ညီၣ်လၢပှၤအါဂၤအဂီၢ်, ဒီးလၢအဝဲဒၣ်အဃိယကပျၢ်အဝဲသ့ၣ်အတၢ်ကမၣ်လီၤ.

လံာ်ယၡါယၤ 62:5

ဒ်ပိာ်ခွါသးစၢ်တဂၤဟံးန့ၢ်မုၣ်လိၤဘိတဂၤဒ် တလးမူးပိာ်မုၣ်အသိးန့ၣ်, ပှၤလၢအတ့လီၤတ့ၢ်နၤကဖျီအသးဒီးနၤလီၤ. ဒ်တလးမူးပိာ်ခွါတဂၤသူၣ်ဖှံသးညီဒီး တလးမူးပိာ်မုၣ်အသိးန့ၣ်, နကစၢ်ယွၤကသူၣ်ဖှံသးညီလၢနပူၤလီၤ.

လံာ်ယဃ့းစက့လး 34:4

သုတအံးထွဲကွၢ်ထွဲဘၣ်သိလၢအဂံၢ်စၢ်ဘါစၢ်တဖၣ်, တမၤဘျါဘၣ်သိလၢအဆူးအဆါတဖၣ်, တဘိၣ်ဘံသိလၢအဘၣ်ဒိဘၣ်ထံးတဖၣ်, တဟဲက့ၤစိာ်ကဒါက့ၤသိလၢအဟးဖျိးတဖၣ်မ့တမ့ၢ် ဃုက့ၤသိလၢအဟါမၢ်တဖၣ်န့ၣ်ဘၣ်. အခိၣ်တလိာ်သုမၤဘၣ်အဝဲသ့ၣ်အၢအၢသီသီတ အိၣ်ဒီးတၢ်သးကညီၤဘၣ်န့ၣ်လီၤ.

လံာ်မံကၤ 7:18

ယွၤဧၢ, ကစၢ်လၢအဒ်သိးဒီးနၤတအိၣ်ဘၣ်နီတဂၤဘၣ်. နပျၢ်ကွံာ်နပှၤဂီၢ်မုၢ်လၢအအိၣ်မူတ့ၢ်တဖၣ်အတၢ်ဒဲးဘးတဖၣ်လီၤ. နသးတဒိၣ်တထံၣ်ဃီဘၣ်. မ့မ့ၢ်နသးမုာ်လၢတၢ်ဒုးနဲၣ်ပှၤနတၢ်အဲၣ်တပယူာ်ဃီန့ၣ်လီၤ.

လံာ်စဖါနယၤ 3:17

ယွၤ, နကစၢ်ယွၤန့ၣ်အိၣ်ဒီးနၤလီၤ. အစိအကမီၤဟ့ၣ်နၤတၢ်မၤနၢၤလီၤ. ယွၤကသးခုလၢနဃိ ဒီးလၢအတၢ်အဲၣ်အဝဲကဟ့ၣ်နၤတၢ်အိၣ်မူအသီလီၤ. အဝဲကသးဝံၣ်တၢ်ဒီးသူၣ်ဖှံနသးညီလၢနဃိ,

လံာ်မးသဲ 18:12

သုဆိကမိၣ်ဒ်လဲၣ်, ပှၤတဂၤအသိအိၣ်တကယၤ, ဒီးအကျါတဒုမ့ၢ်ဟးဖျိးဒီး, ကပာ်တ့ၢ်အသိခွံဆံခွံဒုလၢကစၢၢ်အလိၤ, ဒီးကလဲၤဃုက့ၤသိလၢအဟးဖျိးတဒုန့ၣ်တမ့ၢ်ဘၣ်ဧါ.

လံာ်မးသဲ 18:14

ဒ်န့ၣ်အသိး, သုပၢ်အိၣ်လၢမူခိၣ်တဘၣ်အသးလၢပှၤအဆံးလၢအနာ်ယၤတဖၣ် အကျါတဂၤ, ကလီၤမၢ်ဝဲန့ၣ်ဘၣ်.

1 ကရံၣ်သူး 13:6

တၢ်အဲၣ်တၢ်ကွံန့ၣ်တသးခုလၢတၢ်အၢတၢ်သီအပူၤဘၣ်. မ့မ့ၢ်အသးခုလၢတၢ်မ့ၢ်တၢ်တီအပူၤလီၤ.

ယၤကိာ် 2:13

အဂ့ၢ်ဒ်လဲၣ်န့ၣ်, ကစၢ်ယွၤတမ့ၢ်လၢအကဒုးနဲၣ်တၢ်သးကညီၤဖဲအဝဲစံၣ်ညီၣ်ပှၤ တဂၤလၢအတအိၣ်ဒီးတၢ်သးကညီၤန့ၣ်ဘၣ်. ဘၣ်ဆၣ်ဒီး, တၢ်သးကညီၤမ့ၢ်တၢ်လၢအမၤနၢၤတၢ်စံၣ်ညီၣ်န့ၣ်လီၤ.