လံာ်မးသဲ 18:11 - Sgaw Karen Common Bible

¹¹ (အဂ့ၢ်ဒ်အံၤ, ပှၤကညီဖိခွါဟဲတ့ၢ်ဝဲ, ဒ်သိးအကအုၣ်က့ၤခီၣ်က့ၤပှၤလၢအလီၤမၢ်တဖၣ်လီၤ.)

လံာ်မးသဲ 18:11 Iomraidhean Croise

လံာ်မးသဲ 10:6

မ့မ့ၢ်လဲၤသုဝဲဆူပှၤအံၣ်စရ့လးဖိလၢအမ့ၢ်သိလၢအဟါမၢ် တဖၣ်အအိၣ်န့ၣ်တက့ၢ်.

လံာ်မးသဲ 15:24

ယ့ၣ်ၡူးစံးဆၢတၢ်ဒီးစံး, “ယဘၣ်တၢ်ဆှၢလီၤဒၣ်ယၤဆူသိဖိလၢအလီၤမၢ်လၢအမ့ၢ် ပှၤအံၣ်စရ့လးဖိအဒူၣ်အထၢတဖၣ်အအိၣ်လီၤ.”

လံာ်မးသဲ 18:12

သုဆိကမိၣ်ဒ်လဲၣ်, ပှၤတဂၤအသိအိၣ်တကယၤ, ဒီးအကျါတဒုမ့ၢ်ဟးဖျိးဒီး, ကပာ်တ့ၢ်အသိခွံဆံခွံဒုလၢကစၢၢ်အလိၤ, ဒီးကလဲၤဃုက့ၤသိလၢအဟးဖျိးတဒုန့ၣ်တမ့ၢ်ဘၣ်ဧါ.

လံာ်မးသဲ 9:12

ယ့ၣ်ၡူးနၢ်ဟူအဝဲသ့ၣ်အတၢ်ကတိၤအံၤဒီးစံးဆၢအီၤ, “ပှၤအိၣ်ဆူၣ်အိၣ်ချ့န့ၣ်တလိၣ်ဘၣ်ကသံၣ်သရၣ်ဘၣ်. မ့ၢ်ထဲပှၤလၢအဆိးက့တဖၣ်န့ၣ်လီၤ.

လံာ်လူၤကၣ် 15:24

အဂ့ၢ်ဒ်အံၤယဖိခွါတဂၤအံၤသံတ့ၢ်ဝဲ, ဘၣ်ဆၣ်ဒီးခဲကနံၣ်အံၤအဝဲဒၣ်မူထီၣ်က့ၤလံ. အဝဲဒၣ်လီၤမၢ်, ဘၣ်ဆၣ်ဒီးခဲကနံၣ်အံၤဘၣ်တၢ်ထံၣ်န့ၢ်က့ၤအီၤလံ.’ မၤသးဒ်န့ၣ်ဒီး တၢ်အီၣ်တၢ်အီအမူးစးထီၣ်ဝဲဒၣ်လီၤ.

လံာ်လူၤကၣ် 15:32

ဘၣ်ဆၣ်, ပဂ့ၤအိၣ်ဒီးတၢ်အီၣ်တၢ်အီအမူးဒီးသူၣ်ခုသးခုလီၤ. အဂ့ၢ်ဒ်အံၤ, နပုၢ်သံတ့ၢ်ဝဲ, မ့မ့ၢ်ခဲကနံၣ်အံၤအဝဲဒၣ်မူဝဲလီၤ. အဝဲဒၣ်လီၤမၢ်တ့ၢ်, ဘၣ်ဆၣ်ဒီးခဲကနံၣ်အံၤဘၣ်တၢ်ထံၣ်န့ၢ်က့ၤလံအီၤလံ.’ ”

လံာ်လူၤကၣ် 19:10

အဂ့ၢ်ဒ်အံၤ, ပှၤကညီဖိခွါဟဲဒ်သိးအကဃုန့ၢ်ဒီးအုၣ်က့ၤခီၣ်က့ၤ ပှၤလီၤမၢ်တဖၣ်လီၤ.”

လံာ်လူၤကၣ် 9:56

ဒီးအဝဲသ့ၣ်လဲၤကဒီးဝဲဆူညါ, ဆူသဝီအဂၤတဖျၢၣ်လီၤ.

လံာ်ယိၤဟၣ် 10:10

တၢ်ဟုၣ်တၢ်ဘျၣ်န့ၣ်ဟဲဝဲဒ်သိးအကဟုၣ်တၢ်, မၤသံတၢ်ဒီးမၤဟးဂီၤတၢ်အဂီၢ်လီၤ. မ့မ့ၢ်ယဲဒၣ်အံၤယဟဲယဲဒ်သိးသုကန့ၢ်ဘၣ်တၢ်မူ ဒီးန့ၢ်ဘၣ်အီၤအါအါကလဲာ်အဂီၢ်လီၤ.

လံာ်ယိၤဟၣ် 12:47

ပှၤတဂၤလၢ်လၢ်လၢအနၢ်ဟူယတၢ်ကစီၣ်ဒီးတစူၢ်ဝဲဘၣ်န့ၣ်, ယတစံၣ်ညီၣ်အီၤဘၣ်. ယဟဲဒ်သိးယကအုၣ်က့ၤခီၣ်က့ၤပှၤဟီၣ်ခိၣ်ဖိ ဒီးတမ့ၢ်ဘၣ်လၢယကစံၣ်ညီၣ်အီၤအဂီၢ်ဘၣ်.

လံာ်ယိၤဟၣ် 3:17

အဂ့ၢ်ဒ်အံၤ, တမ့ၢ်ဘၣ်ကစၢ်ယွၤမၢလီၤအဖိခွါဆူ ဟီၣ်ခိၣ်ချၢလၢအကစံၣ်ညီၣ်ပှၤဟီၣ်ခိၣ်ဖိအဂီၢ်န့ၣ် ဘၣ်. မ့ၢ်ဒ်သိးအကအုၣ်က့ၤခီၣ်က့ၤအီၤတခီန့ၣ်လီၤ.

၁ တံၤမသ့း 1:15

အအံၤမ့ၢ်တၢ်ကတိၤအမ့ၢ်အတီလၢပှၤဂ့ၤတူၢ်လိာ်ဒီးနာ် အီၤလၢာ်လၢာ်ဆ့ဆ့, လၢယ့ၣ်ၡူးခရံာ်ဟဲလီၤဆူဟီၣ်ခိၣ်ချၢဒ်သိးအကအုၣ်က့ၤ ခီၣ်က့ၤပှၤတၢ်ဒဲးဘးဖိတဖၣ်လၢယမ့ၢ်အဒိၣ်ကတၢၢ်တဂၤ န့ၣ်လီၤ.