လံာ်မးသဲ 18:10 - Sgaw Karen Common Bible

¹⁰ ပလီၢ်သုသးဒ်သိးသုသုတမၤတရီတပါဘၣ်ဖိသၣ်ဆံးဒ်အံၤတဖၣ်နီ တဂၤတဂ့ၤ. အဂ့ၢ်ဒ်အံၤ, ယစံးဘၣ်သု, အဝဲသ့ၣ်အမူခိၣ်ကလူးအိၣ်တထံၣ်ဃီလၢပၢ်အိၣ်လၢ မူခိၣ်အမဲာ်ညါလီၤ.

လံာ်မးသဲ 18:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:28

စီၤအးဘၡါလိၣ်အိၣ်ဝဲလၢဝ့ၢ်ယရူၤၡလ့ၣ်အပူၤခံနံၣ် ဒီးတထံၣ်လိာ်စီၤပၤနီတဘျီဘၣ်.

လံာ်စီၤပၤအခီၣ်ထံးတဘ့ၣ် 22:19

စီၤမံၤကါယၤစံးအါထီၣ်ကဒီးဝဲ, “ခဲအံၤဒိကနၣ်တၢ်လၢယွၤ စံးဝဲန့ၣ်တက့ၢ်. ယထံၣ်တ့ၢ်ယွၤဆ့ၣ်နီၤဝဲလၢအလီၢ်ပစိာ်အဖီခိၣ်လၢမူခိၣ်, အိၣ်ဒီးကယဲၢ်ကလူးခဲလၢာ်ဆၢထၢၣ်လၢအကပၤလီၤ.

လံာ်နီၢ်အ့ၤစတၢ် 1:14

ပှၤလၢအဝဲညီနုၢ်ဃ့တၢ်ဟ့ၣ်ကူၣ်အအါကတၢၢ်မ့ၢ်ဝဲ, ကီၢ်ပၤရၣ်ဒီးကီၢ်မၤဒဲအပဒိၣ်ဖးဒိၣ်နွံဂၤလၢအမ့ၢ်စီၤကၢ်ၡနၤ, စီၤၡ့သၢ်, စီၤအၤဒမါသၤ, စီၤတၢ်ၡံၣ်, စီၤမ့ရ့း, စီၤမၢ်စနၤဒီးစီၤမမူကၣ်န့ၣ်လီၤ. အဝဲသ့ၣ်မ့ၢ်ပှၤအိၣ်ဒီးလီၢ်လၤအထီကတၢၢ်လၢဘီမုၢ်အပူၤန့ၣ်လီၤ.

စံးထီၣ်ပတြၢၤ 15:4

အဝဲသ့ၣ်တပာ်ကဲပှၤလၢယွၤညိကွံာ်အီၤတဖၣ်ဘၣ်, ဘၣ်ဆၣ်ယူးယီၣ်ပှၤတဖၣ်လၢအပျံၤယွၤန့ၣ်လီၤ. လၢအတၢ်ဆိၣ်လီၤအသးအပူၤ, တၢ်အၢမ့ၢ်ဘၣ်က့ၤအီၤဒၣ်လဲာ်, မၤဝဲဒ်အအၢၣ်လီၤဝဲအသိးန့ၣ်လီၤ.

စံးထီၣ်ပတြၢၤ 17:15

မ့မ့ၢ်ယဲဒၣ်အံၤယကထံၣ်ဘၣ်နၤ, မ့ၢ်လၢယတမၤကမၣ်တ့ၢ်တၢ်အဃိ, ဒီးဖဲယပၢၢ်ထီၣ်န့ၣ်ယကပှဲၤဒီးတၢ်သးခု မ့ၢ်လၢနအိၣ်ဒီးယၤအဃိလီၤ.

စံးထီၣ်ပတြၢၤ 34:7

ယွၤအကလူးသူၣ်ဒဲဝးတရံးပှၤလၢအပျံၤအီၤ ဒီးမၤပူၤဖျဲးအဝဲသ့ၣ်လီၤ.

စံးထီၣ်ပတြၢၤ 91:11

အဂ့ၢ်ဒ်အံၤ, အဝဲကမၤလိာ်အကလူးတဖၣ်လၢ နဂ့ၢ်နကျိၤဒီး လၢကအံးထွဲကွၢ်ထွဲနၤလၢနကျဲခဲလၢာ်အပူၤလီၤ.

လံာ်စကၤရယၤ 13:7

သ့တၢ်လၢာ်အယွၤစံးဝဲဒၣ်, “ဖုးသံနီၣ်ထီၣ်နးဧၢ, ဒီးဒုးတၢ်ထီဒါပှၤကွၢ်သိလၢအမၤတၢ်လၢယဂီၢ်တက့ၢ်. မၤသံအီၤတက့ၢ်. ဒီးသိတဖၣ်ကလီၤပြံလီၤပြါကွံာ်လီၤ.

လံာ်စကၤရယၤ 4:10

အဝဲသ့ၣ်အသးဟးဂီၤဝဲမ့ၢ်လၢတၢ်လဲၤထီၣ်လဲၤထီမၤအသးထဲ တဆံးတက့ၢ်အဃိန့ၣ်လီၤ. ဘၣ်ဆၣ်ဒီးအဝဲသ့ၣ်ကထံၣ်ဘၣ်စီၤစရူၤဘၤ ဘ့လးဘှီထီၣ်ဒံးတၢ်လုၢ်ဟံၣ်န့ၣ်, ဒီးအဝဲသ့ၣ်ကသူၣ်ဖှံသးညီ ဝဲလီၤ. ကလူးန့ၣ်စံးဘၣ်ယၤ, “မ့ၣ်အူဒၢနွံဖျၢၣ်န့ၣ်မ့ၢ်ယွၤအမဲာ်ချံ နွံဖျၢၣ်လၢအထံၣ်တၢ်လၢဟီၣ်ခိၣ်ဒီဘ့ၣ်ညါန့ၣ်လီၤ.”

လံာ်မးသဲ 1:20

ဘၣ်ဆၣ်ဒီး ဖဲအဝဲဆိကမိၣ်တၢ်ဂ့ၢ်အံၤအဖၢမုၢ်န့ၣ်, ယွၤအကလူးတဂၤလီၣ်ဖျါထီၣ်အသးလၢတၢ်မံမီၢ်အပူၤဒီးစံးဘၣ် အီၤ, “စီၤဒၤဝံးအဖိခွါစီၤယိၤသးဧၢ, တဘၣ်ပျံၤလၢနကဟံးန့ၢ်နီၢ်မၤရံဒ်နမါအသိးတဂ့ၤ. အဂ့ၢ်ဒ်အံၤအဝဲဒၢထီၣ်ဒၣ်လၢသးစီဆှံအစိကမီၤလီၤ.

လံာ်မးသဲ 12:20

တပိၢ်တဘိလၢအသဘှံးန့ၣ်တမၤတဲာ်ကွံာ်ဘၣ်ဝဲဘၣ်. ဒီးမ့ၣ်အူဒၢလၢအကပီၤပံာ်လ့ပံာ်လ့န့ၣ် တမၤလီၤပံာ်ကွံာ်ဝဲဘၣ်, ဒီးကကျဲးစၢးဝဲတုၤလီၤလၢတၢ်တီတၢ်လိၤ မၤနၢၤတၢ်တစုလီၤ.

လံာ်မးသဲ 18:14

ဒ်န့ၣ်အသိး, သုပၢ်အိၣ်လၢမူခိၣ်တဘၣ်အသးလၢပှၤအဆံးလၢအနာ်ယၤတဖၣ် အကျါတဂၤ, ကလီၤမၢ်ဝဲန့ၣ်ဘၣ်.

လံာ်မးသဲ 18:6

ပှၤတဂၤဂၤလၢအဒုးလီၤဃံၤပှၤအဆံးဒ်သိးအံၤတဂၤလၢအသုတနာ် ယၤလၢၤတဂ့ၤန့ၣ်, ဆၢၣ်ဂူာ်လၢၢ်ဖးဒိၣ်တဖျၢၣ်မ့ၢ်ဘၣ်တၢ်စၢထီၣ်အီၤလၢအကိာ်လိၤ ဒီး, မၤလီၤအုးကွံာ်အီၤလၢပီၣ်လဲၣ်အတၢ်ယိာ်ပူၤန့ၣ်, ကဂ့ၤဒၣ်တၢ်တက့ၢ်လီၤ.

လံာ်မးသဲ 2:13

တုၤပှၤကူၣ်ဘၣ်ကူၣ်သ့လၢကီၢ်မုၢ်ထီၣ်တဖၣ်က့ၤဝံၤအလီၢ်ခံဒီး ယွၤအကလူးတဂၤလီၣ်ဖျါထီၣ်အသးလၢစီၤယိၤသးလၢတၢ်မံမီၢ် အပူၤဒီးစံးဝဲ, “ဂဲၤဆၢထၢၣ်, ကိးထီၣ်ဖိသၣ်ဒီးအမိၢ်န့ၣ်ဝံၤဃ့ၢ်ပူၤဖျဲးကွံာ်သုသးဆူ ကီၢ်အဲၤကူပတူးဒီးအိၣ်ဖဲန့ၣ်တုၤယမၢနဟးထီၣ်တစုန့ၣ်တက့ၢ်. အဂ့ၢ်ဒ်အံၤ စီၤပၤဟ့ၤရိာ်ကမၢလီၤပှၤလၢကဃုဖိသၣ်အံၤဒ်သိး အကမၤသံအီၤအဂီၢ်လီၤ.”

လံာ်မးသဲ 2:19

တုၤစီၤပၤဟ့ၤရိာ်သံဝံၤအလီၢ်ခံဒီးယွၤအကလူးတဂၤလီၣ်ဖျါ ထီၣ်အသးလၢစီၤယိၤသးလၢကီၢ်အဲၤကူပတူးအပူၤခီဖျိတၢ်မံမီၢ်ဒီးစံး,

လံာ်မးသဲ 24:31

အဝဲကမၢလီၤအကလူးတဖၣ်, လၢအကွဲၤအသီၣ်ဖးဒိၣ်, ဒီးအဝဲသ့ၣ်ကထၢဖှိၣ်က့ၤယွၤအပှၤဃုထၢဖိတဖၣ်လၢဟီၣ်ခိၣ် အသနၢၣ်လွံၢ်သနၢၣ်, လၢဟီၣ်ခိၣ်ဒီဘ့ၣ်ညါန့ၣ်လီၤ.

လံာ်လူၤကၣ် 1:19

“ယဲဒၣ်အံၤယမ့ၢ်ကၤဘြံၤအ့လးလီၤ,” ကလူးစံးဆၢအီၤ, “ယဆၢထၢၣ်လၢယွၤအမဲာ်ညါဒီးအဝဲဒၣ် ဆှၢလီၤယၤဒ်သိးယကကတိၤတၢ်ဒီးနၤဒီးစံးဘၣ်တဲဘၣ်နၤ လၢတၢ်သးခုကစီၣ်တမံၤအံၤန့ၣ်လီၤ.

လံာ်လူၤကၣ် 10:16

ယ့ၣ်ၡူးစံးဘၣ်အပျဲၢ်အဘီၣ်တဖၣ်, “ပှၤတဂၤလၢ်လၢ်လၢအဒိကနၣ်သုတၢ်ကတိၤန့ၣ်, မ့ၢ်အဒိကနၣ်ယတၢ်ကတိၤလီၤ. ပှၤတဂၤလၢ်လၢ်လၢအညိကွံာ်သုန့ၣ်, မ့ၢ်အညိကွံာ်ယၤ, ဒီးပှၤတဂၤလၢ်လၢ်လၢအညိကွံာ်ယၤန့ၣ်မ့ၢ်အညိကွံာ်ပှၤလၢ အမၢလီၤယၤတဂၤန့ၣ်လီၤ.”

လံာ်လူၤကၣ် 16:22

ပှၤဖှီၣ်ဖိယာ်ဖိတဂၤအံၤသံဝဲ, ဒီးဘၣ်တၢ်စိာ်ထီၣ်အီၤလၢကလူး တဖၣ်ဆူ စီၤအၤဘြၤဟၣ်အကပၤ, ဖဲတၢ်အီၣ်အမူးလၢမူခိၣ်န့ၣ်လီၤ. ပှၤထူးပှၤတီၤစ့ၢ်ကီးသံဝဲ, ဒီးဘၣ်တၢ်ခူၣ်လီၤအီၤလီၤ.

မၤတၢ် 10:3

ဘၣ်တနံၤဖဲဟါခီလီၤသၢနၣ်ရံၣ်ဃၣ်ဃၣ်န့ၣ်, အဝဲဒိးန့ၢ်ဘၣ်တၢ်ထံၣ်လၢညါခီတမံၤ, ဖဲအဝဲထံၣ်ဘၣ်ဝဲတြၢၢ်ကလာ်လၢကစၢ်ယွၤအကလူးတဂၤဟဲနုာ်လီၤဆူ အဟံၣ်ပူၤဒီးကိးထီၣ်အီၤ, “စီၤကန့လံးဧၢ” န့ၣ်လီၤ.

မၤတၢ် 12:15

အဝဲသ့ၣ်စံးဘၣ်အီၤ, “မ့ၢ်နပျုၢ်ဧါ.” ဘၣ်ဆၣ်အဝဲစံးသပှၢ်ပှၢ်လၢအမ့ၢ်ဝဲတီဝဲလီၤ. လၢတၢ်န့ၣ်အဃိအဝဲသ့ၣ်စံးဆၢဝဲ, “ကမ့ၢ်ဒၣ်အဝဲအကလူးလီၤ.”

မၤတၢ် 12:23

သတူၢ်ကလာ်, ကစၢ်အကလူးတဂၤတီၢ်စီၤဟ့ၤရိာ်, အဂ့ၢ်မ့ၢ်လၢအဝဲတဟ့ၣ်တၢ်လၤကပီၤဆူကစၢ်ယွၤအအိၣ်အဃိန့ၣ်လီၤ. ဒီးထိးကလဲာ်လၢအပူၤအီၣ်ကွံာ်အီၤဒီးအဝဲဒၣ်သံဝဲန့ၣ်လီၤ.

မၤတၢ် 27:23

အဂ့ၢ်ဒ်အံၤ, ဖဲနၤလၢအပူၤကွံာ်န့ၣ်, ကစၢ်ယွၤလၢယမ့ၢ်အတၢ်ဒီး ယဘါအီၤတဂၤအကလူးဟဲဆူယအိၣ်,

မၤတၢ် 5:19

ဘၣ်ဆၣ်ဒီးနၤအဝဲန့ၣ်ကစၢ်အကလူးတဂၤအိးထီၣ်တြဲၤတဖၣ်ဒီးဒုးဟးထီၣ်ဝဲ ပှၤတၢ်မၢဖိတဖၣ်ဆူတၢ်ချၢ, ဒီးစံးဘၣ်အဝဲသ့ၣ်,

ရိမ့ၤ 14:10

မ့မ့ၢ်ဒ်န့ၣ်ဒီး, နဲဒၣ်အံၤနစံၣ်ညီၣ်နဒီပုၢ်ဝဲၢ်ဘၣ်မနုၤလဲၣ်. ဒီးနဲဒၣ်အံၤ, နကွၢ်တလီၤနဒီပုၢ်ဝဲၢ်ဘၣ်မနုၤလဲၣ်. ပဝဲဒၣ်ခဲလၢာ်ပကဆၢထၢၣ်လၢကစၢ်ယွၤအမဲာ်ညါလၢအဝဲကစံၣ်ညီၣ် ပှၤအဂီၢ်လီၤ.

ရိမ့ၤ 14:21

တၢ်လၢအဘၣ်မ့ၢ်ဝဲတၢ်ဟးဆှဲးတၢ်အီၣ်တၢ်ဖံးတၢ်ညၣ်, တၢ်အီစပံးထံ, ဒီးတၢ်မၤတၢ်အဂၤတမံၤလၢအကဒုးလီၤဃံၤနဒီပုၢ်ဝဲၢ်န့ၣ်လီၤ.

ရိမ့ၤ 15:1

ပဝဲလၢအတၢ်နာ်အဂံၢ်ဆူၣ်အဘါဆူၣ်တဖၣ်ကြၢး ဝံစၢၤယိးစၢၤပှၤလၢအဂံၢ်စၢ်ဘါစၢ်တဖၣ်အတၢ်ဝံတၢ်ယိး တဖၣ်န့ၣ်လီၤ. ပတကြၢးလူၤပသးဒၣ်ပဝဲဘၣ်.

1 ကရံၣ်သူး 11:22

မ့ၢ်သုတအိၣ်ဒီးသုဟံၣ်သုဃီဒၣ်သုဝဲလၢသုကအီၣ်တၢ် အီတၢ်လၢအပူၤဘၣ်ဧါ. မ့တမ့ၢ်ဘၣ်ဒီး, မ့ၢ်သုကကွၢ်တလီၤယွၤအတၢ်အိၣ်ဖှိၣ်, ဒီးဒုးမဲာ်ဆှးပှၤလိၣ်ဘၣ်တၢ်မၤစၢၤတဖၣ်န့ၣ်ဧါ. ဘၣ်ဃးဒီးတၢ်တမံၤအံၤအဂ့ၢ်န့ၣ်မ့ၢ်သုမုၢ်လၢ်လၢယကစံး ယဲဒ်လဲၣ်. မ့ၢ်ယကစံးထီၣ်ပတြၢၤသုဧါ. သပှၢ်ကတၢၢ်ယတမၤဘၣ်.

1 ကရံၣ်သူး 16:11

ပှၤတကြၢးကွၢ်တလီၤအီၤနီတဂၤဘၣ်. မ့မ့ၢ်သုကဘၣ်မၤစၢၤ အီၤဒ်သိးအဝဲဒၣ်ကလဲၤဘၣ်ကဒီးတၢ်လၢတၢ်မုာ်တၢ်ပၢၤအပူၤ, ဒ်သိးအဝဲဒၣ်ကဟဲက့ၤဆူယအိၣ်န့ၣ်လီၤ. အဂ့ၢ်ဒ်အံၤ, ယကွၢ်လၢ်အဝဲဒၣ်အကျဲ, လၢအကဟဲက့ၤဝဲဒီးဒီပုၢ်ဝဲၢ်တဖၣ်လီၤ.

1 ကရံၣ်သူး 9:22

လၢပှၤတၢ်စူၢ်တၢ်နာ်အဂံၢ်အဘါစၢ်တဖၣ်အသိးအကျါန့ၣ်, ယကဲထီၣ်ပှၤဂံၢ်စၢ်ဘါစၢ်ဒ်အဝဲသ့ၣ်အကျါတဂၤအသိးဒ်သိး ယကမၤန့ၢ်က့ၤအဝဲသ့ၣ်လၢခရံာ်အဂီၢ်န့ၣ်လီၤ. လၢတၢ်န့ၣ်အဃိ, ယကဲထီၣ်တၢ်ကိးမံၤဒဲးလၢပှၤကိးဂၤဒဲးအသိး အကျါဒ်သိးယကအုၣ်က့ၤခီၣ်က့ၤအဝဲသ့ၣ်တနီၤ, ခီဖျိကျဲတဘိဘိလၢအအိးဟိထီၣ်အသးန့ၣ်လီၤ.

၂ ကရံၣ်သူး 10:1

ယၤ, စီၤပီလူး, ယသကွံၢ်ကညးတၢ်ဆူသုအိၣ်လၢယနီၢ် ကစၢ်ဒၣ်ယဲ, ယၤ, လၢပှၤစံးလၢအဆီၣ်လီၤအသးဒီးမၤအသး ကပုာ်ကပုာ်ဖဲအအိၣ်ဒီးသုအဆၢကတီၢ်, ဘၣ်ဆၣ်မၤအသးဆူၣ်ဆူၣ်ကိၤကိၤဖဲအအိၣ်ယံၤဒီးသုအဆၢ ကတီၢ်န့ၣ်လီၤ. ခီဖျိခရံာ်အတၢ်သူၣ်ဂ့ၤသးဝါဒီးတၢ်အဲၣ်တၢ် ကွံန့ၣ်, ယဃ့ကညးသုဒ်သိး

၂ ကရံၣ်သူး 10:10

ပှၤစံးဝဲ, “စီၤပီလူးအလံာ်ပရၢတဖၣ်ဆူၣ်ဝဲကိၤဝဲ, ဒီးအသဟီၣ် ဆူၣ်လီၤ. မ့မ့ၢ် ဖဲအဝဲအိၣ်လၢပသိးပကျါန့ၣ်အဂံၢ်စၢ်ဘါစၢ်ဒီး အတၢ်ကတိၤတဖၣ်တမ့ၢ်တၢ်နီတမံၤဘၣ်.”

ကလၤတံ 6:1

ယဒီပုၢ်ဝဲၢ်သ့ၣ်ဧၢ, ပှၤတဂၤဂၤမ့ၢ်ဘၣ်တၢ်ထံၣ်န့ၢ်အီၤလၢအမၤ ကမၣ်တၢ်တမံၤမံၤန့ၣ်, သုဝဲလၢယွၤအသးပၢသုတဖၣ်, သုကြၢးမၤဂ့ၤမၤဘၣ်က့ၤအီၤန့ၣ်လီၤ. ဘၣ်ဆၣ်ဒီး, သုကဘၣ်မၤအီၤလၢတၢ်ကပုာ်လုးဖိအပူၤလီၤ. ဒီးကွၢ်လီၤသုသးဒ်သိး သုသုတဘၣ်တၢ်လ့ပစီတဂ့ၤစ့ၢ်ကီးန့ၣ်တက့ၢ်.

၁ သ့းစၤလနံ 4:8

လၢတၢ်န့ၣ်အဃိ, ပှၤတဂၤလၢ်လၢ်လၢအတတူၢ်လိာ် တၢ်သိၣ်လိအဝဲအံၤန့ၣ်, တမ့ၢ်အတတူၢ်လိာ်ပှၤကညီဘၣ်. မ့ၢ်အတတူၢ်လိာ်ကစၢ်ယွၤ, လၢအဟ့ၣ်သုအသးစီဆှံန့ၣ်လီၤ.

၁ တံၤမသ့း 4:12

တဘၣ်ပျဲပှၤနီတဂၤကွၢ်တလီၤနၤမ့ၢ်လၢနမ့ၢ်ပှၤသးစၢ်အဃိ တဂ့ၤ. မ့မ့ၢ်ကဲထီၣ်တၢ်ဒိဂ့ၤတဲာ်ဘၣ်လၢပှၤစူၢ်က့ၤနာ်က့ၤတၢ် တဖၣ်အဂီၢ်လၢနတၢ်ကတိၤ, လၢနတၢ်မၤ, လၢနတၢ်အဲၣ်တၢ်ကွံ, လၢတၢ်စူၢ်တၢ်နာ်, ဒီးတၢ်စီတၢ်ဆှံအပူၤန့ၣ်တက့ၢ်.

ဧ့ၤဘြံၤ 1:14

မ့မ့ၢ်ဒ်န့ၣ်ဒီးကလူးတဖၣ်မ့ၢ်တၢ်မနုၤလဲၣ်. အဝဲသ့ၣ်မ့ၢ်ဒၣ်သးတဖၣ်လၢအမၤကစၢ်ယွၤအတၢ် လၢယွၤဆှၢလီၤဒ်သိးအကမၤစၢၤပှၤဟီၣ်ခိၣ်ဖိတဖၣ်လၢ အကဒိးန့ၢ်ဘၣ်တၢ်အုၣ်က့ၤခီၣ်က့ၤအဂီၢ်န့ၣ်လီၤ.

ဧ့ၤဘြံၤ 9:24

အဂ့ၢ်ဒ်အံၤ, ခရံာ်တလဲၤနုာ်ဘၣ်ဆူတၢ်လီၢ်စီဆှံလၢပှၤကညီ သူၣ်ထီၣ်အီၤလၢအမ့ၢ်တၢ်နီၢ်နီၢ်အဒိန့ၣ်ဘၣ်. အဝဲလဲၤနုာ်ဝဲဆူမူခိၣ်နီၢ်နီၢ်ဒၣ်ဝဲအပူၤ, ဒီးဖဲန့ၣ်အဝဲဒၣ်အိၣ်ဖျါထီၣ်လၢကစၢ်ယွၤအမဲာ်ညါလၢပခၢၣ်စး ခဲကနံၣ်အံၤန့ၣ်လီၤ.

လံာ်လီၣ်ဖျါ 8:2

တုၤနုၤတစု, ယထံၣ်ကလူးနွံဂၤလၢအအိၣ်ဆၢထၢၣ်လၢ ကစၢ်ယွၤအမဲာ်ညါ, ဒီးအဝဲသ့ၣ်ဘၣ်တၢ်ဟ့ၣ်အီၤလၢကွဲၤနွံ ဖျၢၣ်လီၤ.