လံာ်မးသဲ 17:7 - Sgaw Karen Common Bible

⁷ ဘၣ်ဆၣ်ဒီး, ယ့ၣ်ၡူးဟဲထိးဘၣ်အဝဲသ့ၣ်ဒီးစံး, “ဂဲၤဆၢထၢၣ်တက့ၢ်. တဘၣ်ပျံၤတၢ်တဂ့ၤ.”

လံာ်မးသဲ 17:7 Iomraidhean Croise

လံာ်ဒၤနံးယ့လး 10:10

ဒီးကွၢ်ကွၢ်, စုတခီဟံးထီၣ်ယၤဒီးဝံၣ်ဆၢထၢၣ်ယၤလၢယစုဒီး ယခီၣ်လ့ၢ်ခိၣ်အဖီခိၣ်လီၤ. ယကနိးကစုာ်ဒံးယဲအဖၢမုၢ်လီၤ.

လံာ်ဒၤနံးယ့လး 10:18

မၤကဒီးတစု, အဝဲထိးဘၣ်ယၤဒီးယဂံၢ်ယဘါဆူၣ်ထီၣ်ဝဲလီၤ.

လံာ်ဒၤနံးယ့လး 8:18

ဖဲအဝဲဒၣ်ကတိၤတၢ်ဒီးယၤအဖၢမုၢ်န့ၣ်, ယလီၤဃံၤလၢဟီၣ်ခိၣ် လိၤသပ့ၤသူၣ်သပ့ၤသးန့ၣ်လီၤ. ဘၣ်ဆၣ်ဒီးအဝဲဝံၢ်ထီၣ်က့ၤယၤဒီးဒုးဆၢထၢၣ်က့ၤယၤလၢယခီၣ်အလိၤ,

လံာ်ဒၤနံးယ့လး 9:21

ဖဲယဘါထုကဖၣ်ဒံးတၢ်အဖၢမုၢ်ဒီး, ကလူးကၤဘြံၤအ့လးလၢယထံၣ်ဘၣ် တ့ၢ်လၢတၢ်ထံၣ်လၢညါခီအခီၣ်ထံးတဘျီအပူၤ န့ၣ်ဟဲယူၤလီၤဆူယအိၣ်တၢ်အလီၢ်န့ၣ်လီၤ. အကတီၢ်န့ၣ်မ့ၢ်ဝဲတၢ်လုၢ်မၤဘူၣ်လၢဟါ ကဘၣ်တၢ်လုၢ်ထီၣ်အီၤအကတီၢ်န့ၣ်လီၤ.

လံာ်မးသဲ 14:27

ဘၣ်ဆၣ်တဘျီဃီယ့ၣ်ၡူးကတိၤတၢ်ဒီးအဝဲသ့ၣ်ဒီးစံး, “ပာ်သုသးဒူဒူတက့ၢ်. မ့ၢ်ဒၣ်ယၤလီၤ. တဘၣ်ပျံၤတၢ်တဂ့ၤ.”

လံာ်မးသဲ 17:6

တုၤအပျဲၢ်အဘီၣ်တဖၣ်နၢ်ဟူတၢ်အံၤဒီး, အဝဲသ့ၣ်ပျံၤတၢ်ဖုးတၢ်ဒိၣ်မး, တုၤဒၣ်လဲာ်အထိၣ်လီၤပှီၤအသးဒီးကျးလီၤအမဲာ်လၢဟီၣ်ခိၣ် အလိၤလီၤ.

လံာ်မးသဲ 17:8

ဒီးတုၤအကွၢ်ထီၣ်တၢ်ဒီး, တထံၣ်လၢၤပှၤအဂၤနီတဂၤဘၣ်. ထံၣ်ဝဲထဲယ့ၣ်ၡူးတဂၤဧိၤလီၤ.

လံာ်လူၤကၣ် 24:5

ပိာ်မုၣ်တဖၣ်အံၤပှဲၤဒီးတၢ်ပျံၤတၢ်ဖုးဒီးဆုးလီၤအခိၣ်, ဖဲပှၤခံဂၤန့ၣ်စံးဘၣ်အီၤ, “ဘၣ်မနုၤအဃိသုဃုပှၤမူတဂၤလၢပှၤသံတဖၣ်အကျါလဲၣ်.

မၤတၢ် 9:6

ဘၣ်ဆၣ်ဒီးဂဲၤဆၢထၢၣ်ဒီးလဲၤနုာ်ဆူဝ့ၢ်ပူၤတက့ၢ်. ဖဲန့ၣ်နကဘၣ်မၤတၢ်မနုၤတမံၤလဲၣ်န့ၣ်, တၢ်ကစံးဘၣ်တဲဘၣ်နၤလီၤ.”

လံာ်လီၣ်ဖျါ 1:17

ဖဲယထံၣ်အီၤန့ၣ်, ယလီၤဃံၤယဲဖဲအခီၣ်ထံးဒ်ပှၤသံတဂၤ အသိးလီၤ. အဝဲဒၣ်ပာ်ထီၣ်အစုထွဲလၢယလိၤဒီးစံးဝဲ, “ပျံၤတၢ်တဂ့ၤ, ယမ့ၢ်တၢ်အခီၣ်ထံးဒီးတၢ်အကတၢၢ်လီၤ.”