လံာ်မးသဲ 17:4 - Sgaw Karen Common Bible

⁴ ဒီးစီၤပ့းတရူးစံးဘၣ်ယ့ၣ်ၡူး, “ကစၢ်ဧၢ, ပအိၣ်ဘၣ်ဖဲအံၤဂ့ၤမးလီၤ. နသးမ့ၢ်အိၣ်ဒီး ယကဘှီထီၣ်ဒဲသၢဖျၢၣ်ဖဲအံၤ, တဖျၢၣ်လၢနဂီၢ်, တဖျၢၣ်လၢစီၤမိၤၡ့အဂီၢ်, ဒီးတဖျၢၣ်လၢစီၤအ့ၤလံယၤအဂီၢ်လီၤ.”

လံာ်မးသဲ 17:4 Iomraidhean Croise

စံးထီၣ်ပတြၢၤ 16:11

နကဒုးနဲၣ်ယၤလၢတၢ်မူအကျဲ, နတၢ်အိၣ်ဒီးယၤမၤလၢပှဲၤယတၢ်သးခု ဒီးဟဲစိာ်န့ၢ်ယၤတၢ်အမုာ်ထီဘိန့ၣ်လီၤ.

စံးထီၣ်ပတြၢၤ 4:6

ပှၤအိၣ်ဝဲအါဂၤလၢအစံး, “အိ, မ့ၢ်မတၤကဒုးထံၣ်ပှၤ လၢတၢ်အဂ့ၤန့ၣ်လဲၣ်. ယွၤဧၢ, ကွၢ်လီၤပှၤလၢ တၢ်သူၣ်ကညီၤသးကညီၤအပူၤတက့ၢ်.”

လံာ်ယၡါယၤ 33:17

မၤကဒီးတစုသုကထံၣ်ဘၣ်စီၤပၤတဂၤပၢတၢ်လၢတၢ်လီၤ ဘီလီၤမုၢ်အပူၤလၢထံကီၢ်လၢအသလၣ်ထီၣ်အသးကတၢၢ် မဲာ်ကတၢၢ်နါကိးကပၤဒဲးတဘ့ၣ်အဖီခိၣ်လီၤ.

လံာ်စကၤရယၤ 9:17

ထံကီၢ်ကဂ့ၤဝဲဒီးကဃံဝဲလၤဝဲဆံးဒိၣ်လဲၣ်. အဘုဧိၤဟုဧိၤဒီးအစပံးထံကဒုးဒိၣ်ထီၣ် ဒီးဒုးဂံၢ်ဆူၣ်ဘါဆူၣ်ထီၣ်အပှၤသးစၢ်ပိာ်ခွါပိာ်မုၣ်တဖၣ်လီၤ.

လံာ်မးသဲ 17:3

ဒီးအပျဲၢ်အဘီၣ်သၢဂၤထံၣ်ဘၣ်စီၤမိၤၡ့ဒီးစီၤအ့ၤလံယၤဟဲအိၣ်ဖျါထီၣ်ဒီး ကတိၤသကိးတၢ်ဒီးယ့ၣ်ၡူးလီၤ.

လံာ်လူၤကၣ် 9:33

ဖဲပှၤသ့ၣ်တဖၣ်န့ၣ်ဟးထီၣ်ကွံာ်လၢယ့ၣ်ၡူးအဃၢၤန့ၣ်, စီၤပ့းတရူးစံးဘၣ်ယ့ၣ်ၡူး, “ကစၢ်ဧၢ, ပအိၣ်ဖဲအံၤန့ၣ်မ့ၢ်တၢ်လၢအဂ့ၤမးလီၤ. မ်ပကဘှီထီၣ်ဒဲသၢဖျၢၣ်, တဖျၢၣ်လၢနဂီၢ်, တဖျၢၣ်လၢစီၤမိၤၡ့အဂီၢ်ဒီးတဖျၢၣ်လၢစီၤအ့ၤလံယၤအဂီၢ်န့ၣ်တက့ၢ်. (နီၢ်နီၢ်န့ၣ်အဝဲစံးတၢ်မနုၤလဲၣ်န့ၣ်တသ့ၣ်ညါဝဲဘၣ်)

လံာ်ယိၤဟၣ် 17:24

ပၢ်ဧၢ, နဟ့ၣ်လီၤယၤလၢအဝဲသ့ၣ်ဒီးယသးအိၣ်လၢအဝဲသ့ၣ် ကအိၣ်ဒီးယၤဖဲယအိၣ်တပူၤလၢ်လၢ်, ဒ်သိးအဝဲသ့ၣ်ကထံၣ်ဘၣ် ယလၤကပီၤ, တၢ်လၤကပီၤလၢနဟ့ၣ်လီၤယၤန့ၣ်လီၤ. အဂ့ၢ်ဒ်အံၤ, နအဲၣ်တ့ၢ်ယၤတချုးလၢဟီၣ်ခိၣ်ဘၣ်တၢ်တ့လီၤအီၤဒံးဘၣ်န့ၣ်လီၤ.

လံာ်ယိၤဟၣ် 7:2

ပှၤယူဒၤဖိအဘူၣ်ဒဲကဘၣ်ဘူးထီၣ်လံအဃိ,

ဖံလံးပံၤ 1:23

ယဘၣ်တၢ်ဆီၣ်သနံးယၤလၢတၢ်ခံမံၤအဘၢၣ်စၢၤလီၤ. ယသးအိၣ်ဒိၣ်မးလၢယကပာ်တီၢ်တၢ်အိၣ်မူအံၤဒီးက့ၤအိၣ်မူဘၣ် ဒီးခရံာ်လီၤ. အန့ၣ်မ့ၢ်တၢ်လၢအဂ့ၤဒိၣ်ဒၣ်တၢ်တက့ၢ်လီၤ.

၁ ယိၤဟၣ် 3:2

ယတံၤသကိးသးဘိသ့ၣ်ဧၢ, ခဲအံၤပမ့ၢ်ကစၢ်ယွၤအဖိ တဖၣ်လီၤ. ဘၣ်ဆၣ်ဒီးပကမ့ၢ်တၢ်ဒ်လဲၣ်ဒ်လဲၣ်န့ၣ်, တၢ်တဒုးသ့ၣ်ညါပှၤဒံးဘၣ်. ဘၣ်ဆၣ်ဒီး, ပသ့ၣ်ညါလၢဖဲခရံာ်အိၣ်ဖျါထီၣ်န့ၣ်, ပကလီၤဂာ်ဒီးအီၤမ့ၢ်လၢ ပကထံၣ်အီၤဒ်အဝဲမ့ၢ်တၢ်နီၢ်နီၢ်အသိးအဃိန့ၣ်လီၤ.

လံာ်လီၣ်ဖျါ 21:23

ဝ့ၢ်န့ၣ်တလိၣ်ဘၣ်မုၢ်မ့ၢ်ဂ့ၤ, လါမ့ၢ်ဂ့ၤ, လၢအကကပီၤလီၤလၢ အလိၤအဂီၢ်ဘၣ်. အဂ့ၢ်ဒ်အံၤ, ကစၢ်ယွၤအလၤကပီၤကပီၤလီၤ လၢအလိၤ, ဒီးအမ့ၣ်အူဒၢန့ၣ်မ့ၢ်ဝဲသိဖိတဒုန့ၣ်လီၤ.