လံာ်မးသဲ 17:24 - Sgaw Karen Common Bible

²⁴ တုၤယ့ၣ်ၡူးဒီးအပျဲၢ်အဘီၣ်တဖၣ်ဟဲတုၤဆူဝ့ၢ်ကပ့းရနီၣ်ဒီး, ပှၤထၢတၢ်အခိအသွဲလၢတၢ်လုၢ်ဟံၣ်အဂီၢ်တဖၣ်, ဟဲဆူစီၤပ့းတရူးအအိၣ်ဒီးစံး, “သုသရၣ်န့ၣ်ဟ့ၣ်တၢ်လုၢ်ဟံၣ်အခိအသွဲကစီဒီဧါ.”

လံာ်မးသဲ 17:24 Iomraidhean Croise

လံာ်စီၤနဃ့မယၤ 10:32

ကိးနံၣ်ဒဲး, ပဝဲတဂၤစုာ်စုာ်ပကမၤဘူၣ်စ့လီၤတယၢၢ်ၡက့လး သၢပူတပူလၢတၢ်ဟ့ၣ်စၢၤယွၤအတၢ်လုၢ်ဟံၣ်အတၢ်လၢာ်တၢ်စ့ၤအဂီၢ် န့ၣ်လီၤ.

လံာ်တၢ်ဟးထီၣ်ကွံာ် 30:13

ပှၤကိးဂၤဒဲးလၢဘၣ်တၢ်ဂံၢ်ဃုာ်အီၤလၢတၢ်ထၢဖှိၣ်နီၣ်ဂံၢ်အတၢ် ကွဲးနီၣ်အပူၤန့ၣ်ကဘၣ်ဟ့ၣ်စ့ဒ်တၢ်လီၤဘၣ်အီၤအသိးဒ်တၢ်လုၢ် ဟံၣ်အခိၣ်အနၢ်တဖၣ်ပာ်လီၤဝဲအနီၣ်ထိၣ်အသိးန့ၣ်လီၤ. ပှၤကိးဂၤဒဲးကဘၣ်ဟ့ၣ်စ့အဝဲအံၤဒ်တၢ်လုၢ်မၤဘူၣ်ဆူယအိၣ်န့ၣ်လီၤ.

လံာ်တၢ်ဟးထီၣ်ကွံာ် 38:26

တၢ်ပာ်ဖှိၣ်တၢ်လၢအန့ၢ်အံၤပှဲၤသိးသိးဒီးကယဲၢ်ပှၤကိးဂၤဒဲး လၢအဆဲးလီၤအမံၤလၢတၢ်ဂံၢ်နီၣ်အပူၤအတၢ်ဟ့ၣ်ခဲလၢာ်ပာ်ဖှိၣ် န့ၣ်လီၤ. ပှၤတဂၤဘၣ်တဂၤစုာ်စုာ်ဟ့ၣ်တၢ်ဒ်တၢ်လီၤဘၣ်အီၤ, လီၤတယၢၢ်ဝဲဒ်တၢ်လီၢ်စီဆှံအနီၣ်ထိၣ်အိၣ်ဝဲအသိးန့ၣ်လီၤ. ပှၤပိာ်ခွါလၢအသးအိၣ်အနံၣ်ဃုဆံဆူအဖီခိၣ်, အနီၣ်ဂံၢ်အိၣ်ဝဲဃုကလီၢ်သၢကထိယဲၢ်ကယၤယဲၢ်ဆံဂၤ, လၢတၢ်ဆဲးလီၤမံၤအတၢ်ဂံၢ်နီၣ်အပူၤန့ၣ်လီၤ.

လံာ်မးသဲ 5:46

သုမ့ၢ်အဲၣ်ဒၣ်ထဲပှၤလၢအအဲၣ်သုဒီး ကစၢ်ယွၤဟ့ၣ်ဘူးဟ့ၣ်လဲသုကသ့ဒ်လဲၣ်. ပှၤဃ့သွဲတဖၣ်ဒၣ်လဲာ်မၤဝဲဒ်န့ၣ်လီၤ.

လံာ်မၢ်ကူး 9:33

အဝဲသ့ၣ်လဲၤတုၤဝ့ၢ်ကပ့းရနီၣ်ဒီးတုၤအလဲၤနုာ်လီၤဆူ ဟံၣ်ပူၤဝံၤန့ၣ်ယ့ၣ်ၡူးသံကွၢ်အပျဲၢ်အဘီၣ်တဖၣ်, “ဖဲသုဟဲလၢကျဲအဖၢမုၢ်န့ၣ်, သုဂ့ၢ်လိာ်ဘှီလိာ်သုသးလၢတၢ်ဂ့ၢ်မနုၤတမံၤလဲၣ်.”