လံာ်မးသဲ 17:22 - Sgaw Karen Common Bible

²² ဖဲအပျဲၢ်အဘီၣ်တဖၣ်ခဲလၢာ်ဟဲပာ်ဖှိၣ်ထီၣ်အသးလၢကီၢ်ကၤလံၤလါ အပူၤဒီး, ယ့ၣ်ၡူးစံးဘၣ်အဝဲသ့ၣ်, “ပှၤကညီဖိခွါအံၤဘူးကဘၣ်တၢ်ဟ့ၣ်လီၤကွံာ်အီၤဆူပှၤကညီ အစုပူၤလံ.

လံာ်မးသဲ 17:22 Iomraidhean Croise

လံာ်မးသဲ 16:21

စးထီၣ်ဖဲအကတီၢ်န့ၣ်, ယ့ၣ်ၡူးတဲနၢ်ပၢၢ်အပျဲၢ်အဘီၣ်တဖၣ်, လၢအဝဲကဘၣ်လဲၤဆူဝ့ၢ်ယရူၤၡလ့ၣ်, ဒီးတူၢ်ဘၣ် ပှၤယူဒၤဖိကရၢအခိၣ်အနၢ်တဖၣ်, ဒီးပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်အတၢ်မၤနးမၤဖှီၣ် အီၤအါမံၤ, ဒီးလၢအကဘၣ်တၢ်မၤသံအီၤဒီးလၢသၢသီတသီန့ၣ် ယွၤကဒုးဂဲၤဆၢထၢၣ်က့ၤအီၤန့ၣ်လီၤ.

လံာ်မးသဲ 16:28

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအဆၢထၢၣ်ဖဲအံၤတနီၤန့ၣ်, တချုးလၢအထံၣ်ဘၣ်ပှၤကညီဖိခွါဟဲလၢ အဘီအမုၢ်အပူၤဒံးဘၣ်န့ၣ်, တသံဘၣ်ဝဲဘၣ်.”

လံာ်မးသဲ 17:12

မ့မ့ၢ်, ယစံးဘၣ်သုလၢစီၤအ့ၤလံယၤဟဲတ့ၢ်လံဝဲလံ. ဒီးအဝဲသ့ၣ်တသ့ၣ်ညါအီၤဘၣ်ဒီး, မၤအီၤဒ်အသးအိၣ်မၤဝဲအသိးန့ၣ်လီၤ. ပှၤကညီဖိခွါစ့ၢ်ကီး, ကဘၣ်တူၢ်တၢ်လၢအဝဲသ့ၣ်အစုပူၤဒ်န့ၣ်အသိးလီၤ.”

လံာ်မးသဲ 17:23

ဒီးအဝဲသ့ၣ်ကမၤသံအီၤ, ဒီးလၢသၢနံၤတနံၤန့ၣ်, ကဘၣ်တၢ်ဒုးဂဲၤဆၢထၢၣ်က့ၤအီၤလီၤ.” အပျဲၢ်အဘီၣ်တဖၣ်အသးအုးဒိၣ်မးလီၤ.

လံာ်မးသဲ 17:9

ဒီးဟဲက့ၤလီၤဝဲလၢကစၢၢ်လိၤအဖၢမုၢ်ဒီး, ယ့ၣ်ၡူးမၤလိာ်အဝဲသ့ၣ်ဒီးစံး, “တချုးလၢပှၤကညီဖိခွါဂဲၤဆၢထၢၣ်က့ၤလၢတၢ်သံဒံးဘၣ် န့ၣ်, တၢ်လၢသုထံၣ်ဘၣ်အံၤ, တဘၣ်စံးဘၣ်တဲဘၣ်ပှၤနီတဂၤတဂ့ၤ.”

လံာ်မးသဲ 24:10

တုၤနုၤတစု, ပှၤအါဂၤကညိကွံာ်အတၢ်စူၢ်တၢ်နာ်ဖဲအကတီၢ်န့ၣ်လီၤ. အဝဲသ့ၣ်ကဆါလီၤအီၣ်ကွံာ်အသးတဂၤဒီးတဂၤဒီးကသးဟ့လိာ် အသးသကိးသကိးလီၤ.

လံာ်မးသဲ 26:16

စးထီၣ်အဆၢကတီၢ်ဖဲန့ၣ်, စီၤယူဒၤဃုခိးကွၢ်လၢ်တၢ်အခွဲးဂ့ၤယာ်ဘၣ်လၢအကဟ့ၣ်လီၤကွံာ် ယ့ၣ်ၡူး, ဆူအဝဲသ့ၣ်အစုပူၤအဂီၢ်လီၤ.

လံာ်မးသဲ 26:46

ဂဲၤဆၢထၢၣ်. မ်ပလဲၤသကိးပဝဲတက့ၢ်. ကွၢ်တက့ၢ်. ပှၤလၢအဆါလီၤကွံာ်ယၤန့ၣ် ဟဲတုၤဖဲအံၤလံ.”

လံာ်မၢ်ကူး 8:31

အန့ၣ်ဝံၤယ့ၣ်ၡူးသိၣ်လိအပျဲၢ်အဘီၣ်တဖၣ်ဒီးစံးဝဲ, “ပှၤကညီဖိခွါအံၤကဘၣ်တူၢ်တၢ်နးတၢ်ဖှီၣ်အကလုာ်ကလုာ် ဒီးပှၤယူဒၤဖိကရၢအခိၣ်အနၢ်တဖၣ်, ပှၤလုၢ်တၢ်အခိၣ်အဒိၣ်တဖၣ် ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်ကညိကွံာ်အီၤလီၤ. ကဘၣ်တၢ်မၤသံအီၤဘၣ်ဆၣ်ဒီးသၢသီတသီန့ၣ်ကဂဲၤ ဆၢထၢၣ်က့ၤလၢတၢ်သံလီၤ.”

လံာ်လူၤကၣ် 24:26

မ့ၢ်အလီၢ်တအိၣ်လၢခရံာ်ကတူၢ်တၢ်သ့ၣ်တဖၣ်အံၤ, ဒီးနုာ်လီၤဆူအတၢ်လၤကပီၤအပူၤဘၣ်ဧါ.”

လံာ်လူၤကၣ် 24:46

ဒီးစံးဘၣ်အဝဲသ့ၣ်, “တၢ်ကွဲးအသးမ့ၢ်ဝဲ, ခရံာ်ကဘၣ်တူၢ်တၢ်ဒီးဂဲၤဆၢထၢၣ်က့ၤလၢတၢ်သံဖဲသၢသီ တသီအနံၤ,

လံာ်လူၤကၣ် 9:22

ဒီးတဲအါထီၣ်ကဒီးဝဲ, “ပှၤကညီဖိခွါကဘၣ်တူၢ်တၢ်အါမံၤအါကလုာ်, ဒီးကဘၣ်တၢ်ညိကွံာ်အီၤလၢပှၤယူဒၤဖိကရၢအခိၣ်အနၢ်တဖၣ်, ပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်န့ၣ်လီၤ. အဝဲဒၣ်ကဘၣ်တၢ်မၤသံအီၤ, ဒီးဖဲသၢနံၤတနံၤန့ၣ် အဝဲကဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤလီၤ.”

လံာ်လူၤကၣ် 9:43

ပှၤကိးဂၤဒဲးကမၢကမၣ်ဝဲလၢကစၢ်ယွၤအစိကမီၤအဒိၣ်အမုၢ်တမံၤအံၤ အဃိလီၤ. ဖဲပှၤဂီၢ်မုၢ်တဖၣ်ကမၢကမၣ်ဒံးဝဲလၢကယဲၢ်တၢ်လၢယ့ၣ်ၡူးမၤဝဲ တဖၣ်အဃိအဖၢမုၢ်န့ၣ်, အဝဲစံးဘၣ်အပျဲၢ်အဘီၣ်တဖၣ်,

မၤတၢ် 7:52

ဝံလၢသုမိၢ်ပၢ်ဖံဖုလၢပျၢၤတဖၣ်တမၤအၢမၤနးအီၤဘၣ်န့ၣ်, မ့ၢ်အအိၣ်တဂၤဂၤဧါ. အဝဲသ့ၣ်မၤသံတ့ၢ်ကစၢ်ယွၤအပှၤစိာ်တၢ်ကစီၣ်တဖၣ်လၢအကတိၤ ဆိပာ်စၢၤဘၣ်ဃးကစၢ်ယွၤအခ့အပှၤလၢအတီအလိၤတဂၤ အတၢ်ဟဲအဂ့ၢ်, ဒီးခဲကနံၣ်အံၤသုဝဲသ့ၣ်သုဆါလီၤကွံာ်ဒီးမၤသံကွံာ် အဝဲဒၣ်န့ၣ်လီၤ.

1 ကရံၣ်သူး 11:23

အဂ့ၢ်ဒ်အံၤ, ယဒိးန့ၢ်ဘၣ်တ့ၢ်ယဲလၢကစၢ်အအိၣ်, တၢ်သိၣ်လီၤသီလီၤလၢယဟ့ၣ်လီၤကဒီးဆူသုအိၣ်တဆီ, လၢအမ့ၢ်ဝဲ, ကစၢ်ယ့ၣ်ၡူးဖဲမုၢ်တနၤလၢအဝဲဘၣ်တၢ်ဆါလီၤ အီၣ်ကွံာ်အီၤန့ၣ်, ဟံးန့ၢ်ကိၣ်တလိၣ်,