လံာ်မးသဲ 17:20 - Sgaw Karen Common Bible

²⁰ အဝဲစံးဆၢအဝဲသ့ၣ်, “မ့ၢ်လၢသုတၢ်နာ်န့ၢ်ယွၤဆံးဝဲစှၤဝဲအဃိလီၤ. နာ်ယၤတက့ၢ်. သုတၢ်နာ်မ့ၢ်အိၣ်ထဲသိးဒီးသဘၣ်အချံတဖျၢၣ်ဒီး, သုမ့ၢ်စံးဘၣ်ကစၢၢ်အံၤ, ‘သုးကွံာ်နသးဖဲအံၤဆူန့ၣ်တက့ၢ်.’ ဒီးကသုးကွံာ်အသးလီၤ. ဒီးတၢ်လၢသုမၤတသ့ဘၣ်န့ၣ်, တအိၣ်ဘၣ်နီတမံၤဘၣ်လီၤ.

လံာ်မးသဲ 17:20 Iomraidhean Croise

လံာ်မးသဲ 13:31

ယ့ၣ်ၡူးတဲတၢ်ကတိၤဒိအဂၤတခါဒီးစံး, “မူခိၣ်အဘီအမုၢ်လီၤဂာ်ဒီးသဘၣ်ချံဖိတဖျၢၣ် လၢပှၤတဂၤဟံးန့ၢ်ဒီးဖှံလီၤအီၤလၢစံာ်ပျီပူၤလီၤ.

လံာ်မးသဲ 14:29

ယ့ၣ်ၡူးစံးဝဲ, “ဟဲတက့ၢ်.” အန့ၣ်ဒီးစီၤပ့းတရူးစံၣ်လီၤလၢချံအလိၤ, ဒီးဟးဝဲဒၣ်လၢထံဖံးခိၣ်ဆူယ့ၣ်ၡူးအအိၣ်လီၤ.

လံာ်မးသဲ 17:17

ဒီးယ့ၣ်ၡူးစံးဆၢတၢ်ဒီးစံး, “ပှၤတစိၤလၢအတၢ်နာ်တအိၣ်ဘၣ်ဒီးအနၢ်က့ၣ်သ့ၣ်ဧၢ, ယကဘၣ်အိၣ်ဒီးသုဆံးယံာ်ဒံးလဲၣ်. ယကဘၣ်ဝံသးစူၤသုဆံးယံာ်ဒံးလဲၣ်. ဟဲစိာ်ပိာ်ခွါဖိဆူယအိၣ်ဖဲအံၤတက့ၢ်.”

လံာ်မးသဲ 17:19

တုၤနုၤတစု, အပျဲၢ်အဘီၣ်တဖၣ်ဟဲဆူယ့ၣ်ၡူးအအိၣ်ကစုဒု, ဒီးသံကွၢ်အီၤ, “ဘၣ်မနုၤလၢပဟီထီၣ်ကွံာ်တၢ်နါတန့ၢ်န့ၣ်လဲၣ်.”

လံာ်မးသဲ 17:9

ဒီးဟဲက့ၤလီၤဝဲလၢကစၢၢ်လိၤအဖၢမုၢ်ဒီး, ယ့ၣ်ၡူးမၤလိာ်အဝဲသ့ၣ်ဒီးစံး, “တချုးလၢပှၤကညီဖိခွါဂဲၤဆၢထၢၣ်က့ၤလၢတၢ်သံဒံးဘၣ် န့ၣ်, တၢ်လၢသုထံၣ်ဘၣ်အံၤ, တဘၣ်စံးဘၣ်တဲဘၣ်ပှၤနီတဂၤတဂ့ၤ.”

လံာ်မးသဲ 21:21

ယ့ၣ်ၡူးစံးဆၢအဝဲသ့ၣ်ဒီးစံး, “နာ်ယၤတက့ၢ်. ယစံးဘၣ်တဲဘၣ်သု, သုမ့ၢ်အိၣ်ဒီးတၢ်နာ်ဒီးသုသးမ့ၢ်တဒ့ဒီဘၣ်န့ၣ်, တၢ်လၢယမၤဘၣ်ချၢၣ်ဒၢအံၤသုမၤကသ့ဒီးအါန့ၢ်အန့ၣ်သုမ့ၢ်စံးဘၣ် ကစၢၢ်အံၤ, ‘သုးကွံာ်နသးဒီးတ့ၢ်လီၤကွံာ်နသးဆူပီၣ်လဲၣ်ပူၤတက့ၢ်’ န့ၣ်, ကမၤအသးလီၤ.

လံာ်မးသဲ 8:26

ယ့ၣ်ၡူးစံးဆၢအဝဲသ့ၣ်, “ဘၣ်မနုၤလၢသုဘၣ်ပျံၤတၢ်ထဲန့ၣ် ညါလဲၣ်. သုတၢ်နာ်စှၤမးလဲၣ်.” ဝံၤအဝဲဂဲၤဆၢထၢၣ်ဒူကလံၤဒီးလပီအလိၤ, ဒီးကလံၤအိၣ်က့ၤမးဝဲဂၢၢ်တပၢၢ်လီၤ.

လံာ်မၢ်ကူး 11:22

ယ့ၣ်ၡူးစံးဆၢက့ၤအဝဲသ့ၣ်, “နာ်ကစၢ်ယွၤတက့ၢ်.

လံာ်မၢ်ကူး 11:23

ယစံးဘၣ်သုသပှၢ်ကတၢၢ်လီၤ. ပှၤတဂၤဂၤမ့ၢ်စံးဘၣ်ကစၢၢ်တဖျၢၣ်အံၤလၢအကထုးထီၣ်ကွံာ် အသးဖဲအလီၢ်အံၤဒီးကွံာ်လီၤအသးဆူပီၣ်လဲၣ်ပူၤဒီး တၢ်သးဒ့ဒီမ့တအိၣ်လၢအသးပူၤဘၣ်, မ့မ့ၢ်နာ်ဝဲလၢတၢ်ကမၤဒၣ်အသးဒ်အစံးဘၣ်ဝဲ အသိးန့ၣ်ဒီး, တၢ်န့ၣ်ကမၤဒၣ်အသးလၢအဂီၢ်လီၤ.

လံာ်မၢ်ကူး 4:31

မ့ၢ်အမၤအသးဒ်သဘၣ်ချံဖိတဖျၢၣ်လၢအမ့ၢ်တၢ်ချံအဆံး ကတၢၢ်လၢတၢ်ချံခဲလၢာ်အကျါလၢအဘၣ်တၢ်ဖှံလီၤ အီၤလၢဟီၣ်ခိၣ်အလိၤလီၤ.

လံာ်မၢ်ကူး 9:23

ယ့ၣ်ၡူးစံးဘၣ်အီၤ, “နနာ်တၢ်မ့ၢ်သ့ဒီး, ပှၤလၢအအိၣ်ဒီးတၢ်နာ်န့ၣ်တၢ်မၤသးလၢအဂီၢ်သ့ခဲလၢာ်လီၤ.”

လံာ်လူၤကၣ် 1:37

အဂ့ၢ်ဒ်အံၤတၢ်လၢကစၢ်ယွၤမၤတသ့န့ၣ်တအိၣ်နီတမံၤဘၣ်.”

လံာ်လူၤကၣ် 17:6

ကစၢ်စံးဆၢအီၤ “သုတၢ်နာ်မ့ၢ်အိၣ်ထဲသိးဒီးသဘၣ်ချံတဖျၢၣ်န့ၣ် သုမ့ၢ်စံးဘၣ်ဝံာ်တထူၣ်အံၤ, ‘ထဲးထီၣ်ကွံာ်နသးလၢနဂံၢ်နဂဲၤတဖၣ်, ဒီးသူၣ်လီၤနသးလၢပီၣ်လဲၣ်အပူၤတက့ၢ်’ န့ၣ်ဒီးအဝဲဒၣ်ကစူၢ်သုကလုၢ်လီၤ.

လံာ်လူၤကၣ် 18:27

ယ့ၣ်ၡူးစံးဆၢဝဲ, “တၢ်လၢပှၤကညီမၤတသ့န့ၣ်, ကစၢ်ယွၤမၤဝဲသ့လီၤ.”

လံာ်ယိၤဟၣ် 11:40

ယ့ၣ်ၡူးစံးဘၣ်အီၤ, “မ့ၢ်ယတတဲဘၣ်လံနၤလၢနမ့ၢ်နာ်တၢ်ဒီး နကထံၣ်ဘၣ်ကစၢ်ယွၤအလၤကပီၤန့ၣ်ဘၣ်ဧါ.”

1 ကရံၣ်သူး 12:9

သးစီဆှံတဂၤဃီဟ့ၣ်ပှၤတဂၤလၢတၢ်စူၢ်တၢ်နာ်, ဒီးပှၤတဂၤဒၣ်လၢတၢ်စိတၢ်ကမီၤဘၣ်ဃးဒီးတၢ်မၤဘျါက့ၤ တၢ်လီၤ.

1 ကရံၣ်သူး 13:2

ယမ့ၢ်အိၣ်ဒီးဝံဧိၤမီၣ်ဧိၤအစိကမီၤ, ယမ့ၢ်အိၣ်ဒီးတၢ်သ့ၣ်ညါ နၢ်ပၢၢ်ခဲလၢာ်ဒီးသ့ၣ်ညါတၢ်ခူသူၣ်ခဲလၢာ်, ယမ့ၢ်အိၣ်ဒီးတၢ်စူၢ်တၢ်နာ်ခဲလၢာ်လၢယကသုးကစၢၢ် ကလိသ့သနာ်က့, ယတၢ်အဲၣ်တၢ်ကွံမ့ၢ်တအိၣ်နီတစဲးဒီး, ယတမ့ၢ်တၢ်နီတမံၤဘၣ်.

ဧ့ၤဘြံၤ 3:19

လၢတၢ်န့ၣ်အဃိပထံၣ်ဘၣ်လၢအဝဲသ့ၣ်လဲၤနုာ်ဆူကီၢ်ပူၤ တသ့ဘၣ်, မ့ၢ်လၢအတၢ်တစူၢ်တနာ်အဃိလီၤ.