လံာ်မးသဲ 16:6 - Sgaw Karen Common Bible

⁶ ယ့ၣ်ၡူးစံးဘၣ်အဝဲသ့ၣ်, “ပလီၢ်ပဒီသုသးလၢ ပှၤဖၤရံၤၡဲဒီးပှၤစးဒူၤကဲအကိၣ်မံၣ်တက့ၢ်.”

လံာ်မးသဲ 16:6 Iomraidhean Croise

လံာ်တၢ်ဘူၣ်ထီၣ်ဘါထီၣ် 2:11

ဒီးတၢ်လုၢ်မၤဘူၣ်ဘုဧိၤဟုဧိၤလၢတၢ်ဟဲစိာ်အီၤဆူယွၤအအိၣ် န့ၣ်တဘၣ်မ့ၢ်တၢ်မၤအီၤလၢကိၣ်မံၣ်ဘၣ်. နတဘၣ်ဆိၣ်ကဲၤထီၣ်ကိၣ်မံၣ်မ့ၢ်ဂ့ၤ, ကနဲစီမ့ၢ်ဂ့ၤလၢတၢ်လုၢ်မၤဘူၣ်ဆူယွၤအအိၣ်န့ၣ်ဘၣ်.

လံာ်မးသဲ 16:1

ဒီးပှၤဖၤရံၤၡဲ ဒီးပှၤစးဒူၤကဲနီၤဟဲဆူယ့ၣ်ၡူးအအိၣ်, ဒီးဒ်သိးကမၤကွၢ်အီၤအဂီၢ်န့ၣ်, မၢအဒုးနဲၣ်အဝဲသ့ၣ်လၢတၢ်လီၤလးတမံၤလၢအဟဲလီၤလၢမူခိၣ်တခီ, ဒ်သိးကဒုးနဲၣ်အဝဲသ့ၣ်လၢကစၢ်ယွၤဘၣ်အသးလီၤဆီလၢအီၤအဂီၢ်လီၤ.

လံာ်မးသဲ 16:11

ဖဲယစံးဘၣ်သု, ပလီၢ်သုသးလၢပှၤဖၤရံၤၡဲဒီး ပှၤစးဒူၤကဲအကိၣ်မံၣ်န့ၣ်, ယတကတိၤတၢ်ဘၣ်ဃးဒီးကိၣ်ဘၣ်န့ၣ်, ဘၣ်မနုၤလၢသုတနၢ်ပၢၢ်ဘၣ်လဲၣ်.”

လံာ်မးသဲ 16:12

တုၤနုၤတစုအပျဲၢ်အဘီၣ်တဖၣ်နၢ်ပၢၢ်ဝဲလၢ, တၢ်လၢယ့ၣ်ၡူးတဲပလီၢ်အဝဲသ့ၣ်လၢအကတဒီတဒါအသးန့ၣ်, တမ့ၢ်ဘၣ်ကိၣ်မံၣ်လၢတၢ်သူအီၤပှၤမၤကိၣ်န့ၣ်ဘၣ်. မ့မ့ၢ်, မ့ၢ်လၢပှၤဖၤရံၤၡဲဒီးပှၤစးဒူၤကဲတဖၣ်အတၢ်သိၣ်လီၤသီလီၤန့ၣ်လီၤ.

လံာ်မးသဲ 16:5

ဖဲယ့ၣ်ၡူးဒီးအပျဲၢ်အဘီၣ်တဖၣ်လဲၤခီဂာ်ဝဲဆူဝၢ်ဘးခီန့ၣ်, သးပ့ၤနီၣ်လဲၤစိာ်ဃုာ်ကိၣ်လီၤ.

လံာ်မးသဲ 16:7

ဒီးအဝဲသ့ၣ်ကတိၤလိာ်အသးသကိးသကိးဒီးစံး, “အဝဲစံးတၢ်အံၤမ့ၢ်လၢပတဟဲစိာ်ဘၣ်ကိၣ်အဃိလီၤ.”

လံာ်မးသဲ 3:7

တုၤစီၤယိၤဟၣ်ထံၣ်ဘၣ်ပှၤဖၤရံၤၡဲဒီးပှၤစးဒူၤကဲအါဒံအါ ဂၤလၢအဟဲလၢကဒိးဘျၢအသးလၢထံအဂီၢ်န့ၣ်ဒီးစံးဘၣ်အဝဲသ့ၣ်, “ဂုၢ်ဘီၣ်အီးသ့ၣ်ဧၢ, မတၤဟ့ၣ်ပလီၢ်သုလၢသုကဃ့ၢ်ပူၤကွံာ်လၢ ကစၢ်ယွၤအတၢ်စံၣ်ညီၣ်လၢအကဟဲန့ၣ်လဲၣ်.

လံာ်မၢ်ကူး 8:15

ယ့ၣ်ၡူးမၤလိာ်အဝဲသ့ၣ်ဒီးစံးဝဲ, “ပလီၢ်သုသးဒီးစီၣ်မဲာ်စီၣ်နါဘၣ်ဃး ပှၤဖၤရံၤၡဲတဖၣ်အကိၣ်မံၣ်ဒီးစီၤပၤဟ့ၤရိာ်အကိၣ်မံၣ်န့ၣ်တ က့ၢ်.”

လံာ်လူၤကၣ် 12:1

ဖဲပှၤဂီၢ်မုၢ်လၢအကထိတဖၣ်ပာ်ဖှိၣ်ထီၣ်အသးပှဲၤကတံာ်မး တုၤဒၣ်လဲာ်ယီၢ်လိာ်ဘၣ်အသးတဂၤဒီးတဂၤအဆၢကတီၢ်န့ၣ်, ယ့ၣ်ၡူးစံးဘၣ်ဆိအပျဲၢ်အဘီၣ်တဖၣ်, “ပလီၢ်သုသးလၢပှၤဖၤရံၤၡဲတဖၣ်အကိၣ်မံၣ်လၢ အမ့ၢ်အဝဲသ့ၣ်အတၢ်ပာ်မၤအသးန့ၣ်တက့ၢ်.

လံာ်လူၤကၣ် 12:15

ဒီးအဝဲဒၣ်ကတိၤတၢ်ဒီးစံးဘၣ်အဝဲသ့ၣ်ကိးဂၤဒဲး, “ပလီၢ်သူၣ်ပလီၢ်သး, ဒီးဟးဆှဲးတၢ်သးကွံကိးကလုာ်ဒဲးတက့ၢ်. အဂ့ၢ်ဒ်အံၤ, ပှၤကညီတဂၤမ့ၢ်ထူးဝဲတီၤဝဲဆံးအါဆံးအါသနာ်က့ အဝဲအတၢ်အိၣ်မူနီၢ်နီၢ်န့ၣ်, တဘၣ်ဃးဘၣ်ဒီးတၢ်လၢအအိၣ်ဒီးအီၤသ့ၣ်တဖၣ်န့ၣ်ဘၣ်.”

လံာ်ယိၤဟၣ် 4:33

မၤသးဒ်န့ၣ်ဒီးအပျဲၢ်အဘီၣ်တဖၣ်သံကွၢ်လိာ်အသးတဂၤဒီး တဂၤ, “မ့ၢ်ပှၤဟဲစိာ်န့ၢ်အီၤတၢ်အီၣ်တဂၤဂၤလံဧါ.”

ကလၤတံ 5:9

တၢ်စံးဝဲ, “ကိၣ်မံၣ်တစဲးဖိမၤဖးထီၣ်ကိၣ်ဒီဖျၢၣ်ညါလီၤ.”