လံာ်မးသဲ 16:4 - Sgaw Karen Common Bible

⁴ ပှၤတစိၤလၢအအၢအသီဒီးအကလုၢ်တတီဒီးယွၤတဖၣ်ဃ့တၢ်လီၤလး, ဘၣ်ဆၣ်ဒီးတၢ်လီၤလးအဂၤတဘၣ်တၢ်ဟ့ၣ်လီၤအီၤဘၣ်. ကဘၣ်တၢ်ဟ့ၣ်လီၤအီၤထဲစီၤယိၤနါအတၢ်လီၤလးတမံၤဧိၤလီၤ.” စံးတၢ်န့ၣ်ဝံၤဒီးဟးဖးဒီးအဝဲသ့ၣ်လီၤ.

လံာ်မးသဲ 16:4 Iomraidhean Croise

လံာ်တၢ်ကဲထီၣ်အခီၣ်ထံး 6:3

တုၤနုၤတစုယွၤစံးဝဲဒၣ်, “ယတပျဲပှၤကညီတဖၣ်ကအိၣ်မူဝဲ လီၤစိၤလီၤထီန့ၣ်ဘၣ်. အဝဲသ့ၣ်မ့ၢ်ပှၤသံသ့တဖၣ်လီၤ. စးထီၣ်ခဲကနံၣ်အံၤဒီးဆူညါအဝဲသ့ၣ်ကအိၣ်မူတအါန့ၢ်ဘၣ် အနံၣ်တကယၤခံဆံဘၣ်န့ၣ်လီၤ.”

လံာ်ယၡါယၤ 57:3

သုဝဲပှၤတၢ်ဒဲးဘးဖိသ့ၣ်ဧၢ, ဟဲဖဲအံၤလၢတၢ်ကစံၣ်ညီၣ်သု အဂီၢ်တက့ၢ်. သုတဂ့ၤန့ၢ်ဒံးပှၤသ့အူတၢ်သမူတၢ်တဖၣ်, ပှၤမၤကမၣ်မုၣ်ကမၣ်ခွါတဖၣ်, ဒီးပိာ်မုၣ်ဟးဂီၤတဖၣ်န့ၣ်ဘၣ်.

လံာ်ဟိၤၡ့ 4:17

ကီၢ်အံၣ်စရ့လးအပှၤဂီၢ်မုၢ်အိၣ်လၢတၢ်ဂီၤတၢ်ဖီၣ်တဖၣ်အတၢ်ရဲၣ်သံ အဖီလာ်န့ၣ်လီၤ. ပျဲအဝဲသ့ၣ်လဲၤလၢအကျဲဒၣ်ဝဲန့ၣ်တက့ၢ်.

လံာ်ဟိၤၡ့ 9:12

ဘၣ်ဆၣ်အဝဲသ့ၣ်မ့ၢ်ဒုးဒိၣ်ထီၣ်ဖိသၣ်တဖၣ်ဒၣ်လဲာ်န့ၣ်, ယကဟံးန့ၢ်ကွံာ်အီၤဒီးတပာ်တ့ၢ်မူဒံးအီၤနီတဂၤဘၣ်. တုၤယစူးကွံာ်ညိကွံာ်ပှၤဂီၢ်မုၢ်အံၤန့ၣ်, တၢ်လီၤပျံၤလီၤဖုးတဖၣ်ကမၤအသးဒီးအဝဲသ့ၣ်န့ၣ်လီၤ.

လံာ်ယိၤနါ 1:1

ဘၣ်တနံၤယွၤကတိၤတၢ်ဒီးစီၤအမံးတဲၤအဖိခွါစီၤယိၤနါဒီးစံးဝဲ,

လံာ်ယိၤနါ 1:17

ဒီးယွၤမၤလိာ်ညၣ်ဖးဒိၣ်တဘ့ၣ်လၢကယူၢ်လီၤကွံာ်စီၤ ယိၤနါလီၤ. ဒီးစီၤယိၤနါအိၣ်ဝဲလၢညၣ်ဖးဒိၣ်အဟၢဖၢပူၤ န့ၣ်သၢနံၤဒီးသၢနၤလီၤ.

လံာ်မးသဲ 15:14

ပျဲအဝဲသ့ၣ်အိၣ်ဒၣ်အတၢ်တက့ၢ်. အဝဲသ့ၣ်မ့ၢ်ပှၤဆှၢတၢ်လၢအမဲာ်ဘျီၣ်တဖၣ်လီၤ. ဒီးဖဲပှၤမဲာ်ဘျီၣ်ဆှၢပှၤမဲာ်ဘျီၣ်န့ၣ်, အဝဲသ့ၣ်ကလီၤတဲာ်နုာ်ဆူတၢ်ပူၤခံဂၤလၢာ်န့ၣ်လီၤ.”

လံာ်မးသဲ 16:5

ဖဲယ့ၣ်ၡူးဒီးအပျဲၢ်အဘီၣ်တဖၣ်လဲၤခီဂာ်ဝဲဆူဝၢ်ဘးခီန့ၣ်, သးပ့ၤနီၣ်လဲၤစိာ်ဃုာ်ကိၣ်လီၤ.

လံာ်မၢ်ကူး 8:12

ဘၣ်ဆၣ်ယ့ၣ်ၡူးကအုထီၣ် လၢအသးကံၢ်ပူၤဒီးစံးဝဲဒၣ်, “ဘၣ်မနုၤအဃိပှၤတစိၤအံၤဃ့လၢအကထံၣ်ဘၣ်တၢ်ပနီၣ်လီၤ လးန့ၣ်လဲၣ်. ယစံးဘၣ်သုတီတီလိၤလိၤ, တၢ်တဒုးနဲၣ်ဖျါထီၣ်တၢ်ပနီၣ်လီၤလးလၢပှၤ တစိၤအံၤကထံၣ်ဘၣ်အီၤအဂီၢ်နီတမံၤဘၣ်.”

လံာ်မၢ်ကူး 8:38

ပှၤတဂၤဂၤမ့ၢ်မဲာ်ဆှးယၤဒီးယတၢ်သိၣ်လိသီလိလၢစိၤလၢ အပှဲၤဒီးတၢ်တစူၢ်တနာ်ယွၤဒီးတၢ်အၢတၢ်သီအံၤန့ၣ်, ပှၤကညီဖိခွါကမဲာ်ဆှးအီၤဖဲအဝဲဟဲသကိးဒီးမူခိၣ်ကလူး စီဆှံတဖၣ်ပှဲၤဒီးပၢ်အလၤကပီၤအဆၢကတီၢ်န့ၣ်လီၤ.

မၤတၢ် 18:6

ဖဲအဝဲသ့ၣ်ထီဒါဒီးကတိၤဒုၣ်ဒွဲၣ်အီၤန့ၣ်, အဝဲဒၣ်တြုၤလီၤကွံာ် ဟီၣ်ခိၣ်ကမူၣ်လၢအကူအသိးအလိၤဒီးစံးဘၣ်အဝဲသ့ၣ်, “သုမ့ၢ်တုၤလၢတၢ်ဟးဂီၤဒီးမ့ၢ်သုတၢ်ကမၣ်ဒၣ်သုဝဲလီၤ. တၢ်ကမၣ်တလီၤတီလၢယလိၤဘၣ်. စးထီၣ်ခဲအံၤဒီးဆူညါန့ၣ်ယကလဲၤစံၣ်တဲၤတဲလီၤတၢ် လၢပှၤကလုာ်ဂၤတဖၣ်အသိးအကျါလီၤ.”

မၤတၢ် 2:40

စီၤပ့းတရူးအုၣ်အသးလၢအဝဲသ့ၣ်အမဲာ်ညါ, ဒီးလၢတၢ်စံးတၢ်ကတိၤအါထံၣ်အါဘီအပူၤမၢန့ၢ်ဆီၣ်ခံ အဝဲသ့ၣ်ဒီးစံး, “မၤပူၤဖျဲးသုသးလၢတၢ်စံၣ်ညီၣ်ဃၣ်လၢ အကဟဲဘၣ်ပှၤတစိၤအံၤလၢအအၢအသီန့ၣ်တက့ၢ်.”