လံာ်မးသဲ 16:28 - Sgaw Karen Common Bible

²⁸ ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအဆၢထၢၣ်ဖဲအံၤတနီၤန့ၣ်, တချုးလၢအထံၣ်ဘၣ်ပှၤကညီဖိခွါဟဲလၢ အဘီအမုၢ်အပူၤဒံးဘၣ်န့ၣ်, တသံဘၣ်ဝဲဘၣ်.”

လံာ်မးသဲ 16:28 Iomraidhean Croise

လံာ်မးသဲ 10:23

တုၤပှၤမၤနးမၤဖှီၣ်သုလၢဝ့ၢ်တဖျၢၣ်အပူၤဒီးဃ့ၢ်ပူၤဖျဲးကွံာ်ဆူ ဝ့ၢ်အဂၤတဖျၢၣ်တက့ၢ်. နာ်ယၤတက့ၢ်. သုမၤတၢ်လၢအံၣ်စရ့လး အဝ့ၢ်တဖၣ်အပူၤတချုးသကုၤဒံးဘၣ်န့ၣ်, ပှၤကညီဖိခွါကဟဲဝဲလီၤ.

လံာ်မးသဲ 16:13

တုၤယ့ၣ်ၡူးဒီးအပျဲၢ်အဘီၣ်တဖၣ်လဲၤတုၤဝဲဆူဝ့ၢ်ဖံလံးပံၤ ကဲၤစါရံၤအခိၣ်အဃၢၤဒီး, အဝဲသံကွၢ်အပျဲၢ်အဘီၣ်ဒီးစံးဝဲဒၣ်, “ပှၤစံးလၢပှၤကညီဖိခွါအံၤမ့ၢ်မတၤတဂၤလဲၣ်.”

လံာ်မးသဲ 24:3

ဖဲယ့ၣ်ၡူးဆ့ၣ်နီၤဝဲလၢကစၢၢ်သ့ၣ်စၤယံးအဒီခိၣ်န့ၣ်, အပျဲၢ်အဘီၣ်တဖၣ်ဟဲဆူအအိၣ်ကစုဒုဒီးစံးဘၣ်အီၤ, “တဲဘၣ်ပှၤတက့ၢ်. တၢ်အံၤတဖၣ်ကမၤအသးအခါဖဲလဲၣ်. ဒီးတၢ်မနုၤကမၤအသးလၢအကဒုးနဲၣ်ပှၤလၢနတၢ်ဟဲက့ၤဒီးတၢ် အစိၤအကတၢၢ်န့ၣ်လဲၣ်.”

လံာ်မးသဲ 24:34

သ့ၣ်နီၣ်ထီၣ်လၢ, တၢ်တဖၣ်အံၤခဲလၢာ်ကမၤအသးတချုးလၢ ပှၤတစိၤအံၤလဲၤပူၤကွံာ်ဒံးဘၣ်န့ၣ်လီၤ.

လံာ်မးသဲ 24:42

လၢတၢ်န့ၣ်အဃိ, ဆိးသီတက့ၢ်. အဂ့ၢ်ဒ်အံၤ, သုကစၢ်ကဟဲဝဲအနံၤအသီန့ၣ်သုတသ့ၣ်ညါဘၣ်.

လံာ်မးသဲ 26:64

ယ့ၣ်ၡူးစံးဆၢအီၤ, “နစံးတ့ၢ်လံနဲလံ. မ့မ့ၢ်ယတဲဘၣ်သုခဲလၢာ် လၢစးထီၣ်ခဲအံၤဒီးဆူညါသုကထံၣ်ပှၤကညီဖိခွါဆ့ၣ်နီၤလၢတၢ် သ့တၢ်လၢာ်တဂၤအစုထွဲဒီးဟဲဒိးဝဲမူခိၣ်အတၢ်အၢၣ်တဖၣ်လီၤ.”

လံာ်မးသဲ 8:20

ယ့ၣ်ၡူးစံးဆၢအီၤဒီးစံး, “ထွံၣ်မံၤတဖၣ်အိၣ်ဒီးအပူၤဒီးထိၣ်လၢတၢ်ဖးဖီတဖၣ်အိၣ်ဒီးအသွံတဖၣ်လီၤ. ဘၣ်ဆၣ်ဒီးပှၤကညီဖိခွါအံၤထဲအကပာ်လီၤအခိၣ်ဒၣ်လဲာ်တၢ်လီၢ် တအိၣ်ဘၣ်.”

လံာ်မၢ်ကူး 13:26

တုၤနုၤတစုပှၤကထံၣ်ဘၣ်ပှၤကညီဖိခွါဟဲလီၤဝဲလၢတၢ် အၢၣ်တဖၣ်အကျါ, အိၣ်ဒီးတၢ်စိဒိၣ်ကမီၤဒိၣ်ဒီးတၢ်လၤ တၢ်ကပီၤန့ၣ်လီၤ.

လံာ်မၢ်ကူး 8:38

ပှၤတဂၤဂၤမ့ၢ်မဲာ်ဆှးယၤဒီးယတၢ်သိၣ်လိသီလိလၢစိၤလၢ အပှဲၤဒီးတၢ်တစူၢ်တနာ်ယွၤဒီးတၢ်အၢတၢ်သီအံၤန့ၣ်, ပှၤကညီဖိခွါကမဲာ်ဆှးအီၤဖဲအဝဲဟဲသကိးဒီးမူခိၣ်ကလူး စီဆှံတဖၣ်ပှဲၤဒီးပၢ်အလၤကပီၤအဆၢကတီၢ်န့ၣ်လီၤ.

လံာ်မၢ်ကူး 9:1

ယ့ၣ်ၡူးစံးကဒီးဝဲ, “ယစံးဘၣ်သုတီတီ, ပှၤအိၣ်ဖဲအံၤတနီၤလၢတချုးအထံၣ်ဒံးဘၣ် ကစၢ်ယွၤအဘီအမုၢ်ဟဲအိၣ်လၢအိၣ်ပှဲၤဒီးတၢ်စိတၢ်ကမီၤန့ၣ်, တသံဒံးဘၣ်.”

လံာ်လူၤကၣ် 18:8

ယစံးဘၣ်တဲဘၣ်သု, အဝဲဒၣ်ကစံၣ်ညီၣ်တီန့ၢ်တၢ်လၢအဝဲသ့ၣ်အဂီၢ်, ဒီးကမၤဝဲချ့ချ့ကလဲာ်လီၤ. ဘၣ်ဆၣ်ဒီးဖဲပှၤကညီဖိခွါဟဲဝဲန့ၣ်, မ့ၢ်အဝဲကထံၣ်ပှၤအိၣ်ဒီးတၢ်စူၢ်တၢ်နာ်လၢဟီၣ်ခိၣ်ချၢန့ၣ်ဧါ.”

လံာ်လူၤကၣ် 2:26

ဒီးဒုးနဲၣ်အီၤလၢ, တချုးအဝဲဒၣ်ထံၣ်ဘၣ်ခရံာ်လၢ ကစၢ်စံးပာ်တ့ၢ်လၢအဂ့ၢ်တဂၤဒံးဘၣ်န့ၣ်ဒီး, အဝဲတသံဒံးဘၣ်န့ၣ်လီၤ.

လံာ်လူၤကၣ် 9:27

ယစံးဘၣ်တဲဘၣ်သုတီတီ, ပှၤအိၣ်ဝဲဒၣ်ဖဲအံၤတနီၤလၢအတချုးထံၣ်ဘၣ်ဒံးကစၢ်ယွၤ အဘီအမုၢ်ဘၣ်ဒီးတသံဒံးဝဲဘၣ်လီၤ.”

လံာ်ယိၤဟၣ် 21:22

ယ့ၣ်ၡူးစံးဆၢအီၤ, “ယသးမ့ၢ်အိၣ်လၢအဝဲကအိၣ်မူတုၤ လီၤလၢယဟဲက့ၤအဆၢကတီၢ်န့ၣ်ဒီး, တၢ်အံၤဘၣ်ဃးဒီးနၤ မနုၤလဲၣ်. ဟဲဒီးကဲဘၣ်ယပျဲၢ်ယဘီၣ်တက့ၢ်.”

လံာ်ယိၤဟၣ် 8:51

ယစံးဘၣ်တဲဘၣ်သုတီတီလိၤလိၤ, ပှၤလၢအတိၢ်န့ၢ်ယကလုၢ်ကထါတဂၤလၢ်လၢ်န့ၣ် တသံနီတဘျီဘၣ်.”

လံာ်ယိၤဟၣ် 8:52

အဝဲသ့ၣ်စံးဘၣ်အီၤ, “ခဲအံၤပသ့ၣ်ညါလီၤတံၢ်လၢတၢ်နါ အိၣ်လၢနပူၤလီၤ. စီၤအၤဘြၤဟၣ်သံလံ, ဒီးဝံတဖၣ်သံလံ. အန့ၣ်ဒၣ်လဲာ် နစံးလၢ ‘ပှၤလၢအတိၢ်န့ၢ်ယကလုၢ်ကထါန့ၣ် တသံနီတဘျီဘၣ်.’

မၤတၢ် 1:11

ဒီးစံးဝဲ, “သုဝဲပှၤကီၢ်ကၤလံၤလါဖိသ့ၣ်ဧၢ, ဘၣ်မနုၤသုအိၣ်ဆၢထၢၣ်ဖဲအံၤဒီးကွၢ်ထီၣ်တၢ်ဆူမူခိၣ်န့ၣ်လဲၣ်. ယ့ၣ်ၡူးလၢသုထံၣ်တၢ်ဟံးထီၣ်ကွံာ်အီၤလၢသုအိၣ်ဆူမူခိၣ်တဂၤအံၤ, ကဟဲက့ၤကဒါက့ၤဒ်သုထံၣ်ဘၣ်အလဲၤထီၣ်ဝဲအသိးန့ၣ်လီၤ.”

1 ကရံၣ်သူး 15:23

ဘၣ်ဆၣ်ဒီးပှၤတဂၤဘၣ်တဂၤကဘၣ်တၢ်ဒုးဂဲၤဆၢထၢၣ် သမူထီၣ်က့ၤအီၤလၢအဂ့ၢ်အဝီဘၣ်ဘျီးဘၣ်ဒါန့ၣ်လီၤ. အဆိကတၢၢ်န့ၣ်, ခရံာ်, အန့ၣ်ဝံၤအလီၢ်ခံ, ဖဲအဝဲဒၣ်ဟဲ အဆၢကတီၢ်န့ၣ်, ပှၤတဖၣ်လၢအဘၣ်ထွဲဒီးအီၤန့ၣ်လီၤ.

၁ သ့းစၤလနံ 1:10

ဒီးအိၣ်ခိးအဖိခွါအတၢ်ဟဲလီၤလၢမူခိၣ်, အဖိခွါယ့ၣ်ၡူးလၢအဝဲဒၣ်ဒုးဂဲၤဆၢထၢၣ်က့ၤအီၤလၢတၢ်သံတ ဂၤလၢအဒုးပူၤဖျဲးထီၣ်ပှၤလၢကစၢ်ယွၤအတၢ်သးဒိၣ်လၢ အကဟဲန့ၣ်လီၤ.

ဧ့ၤဘြံၤ 2:9

မ့မ့ၢ်ပထံၣ်ယ့ၣ်ၡူး, လၢအဘၣ်တၢ်ပာ်အလီၢ်ဖုၣ်န့ၢ်ကလူးတဖၣ် တစိၢ်တလီၢ်, ဒ်သိးခီဖျိကစၢ်ယွၤအဘျုးအဖှိၣ်န့ၣ်အဝဲကဘၣ် သံဝဲလၢပှၤကိးဂၤဒဲးအဂီၢ်လီၤ. ပထံၣ်အီၤခဲအံၤဘၣ်တၢ်ကုာ်ထီၣ်အီၤလၢတၢ်လၤကပီၤဒီး တၢ်ကဟုကညီၢ်လၢအဝဲတူၢ်သံအသးအဃိလီၤ.

ယၤကိာ် 5:7

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, အိၣ်ဒီးတၢ်သးစူၤတုၤကစၢ်ဟဲတစုန့ၣ်တက့ၢ်. ကွၢ်ပှၤထူစံာ်ဖိတဂၤအိၣ်ခိးစူၤသးဝဲအဟီၣ်ခိၣ်ကဟ့ၣ်ထီၣ် တၤသၣ်လုၢ်ဒိၣ်ပှ့ၤဒိၣ်တဖၣ်လၢကျဲဒ်လဲၣ်န့ၣ်တက့ၢ်. အဝဲအိၣ်ခိးဝဲလၢတၢ်ဝံသးစူၤဖးဒိၣ်အပူၤ, ဖဲတၢ်စူၤလီၤသီဒီးတၢ်စူၤလၢခံအကတီၢ်တဖၣ်န့ၣ်လီၤ.

၂ ပ့းတရူး 1:16

လၢပတၢ်ဒုးသ့ၣ်ညါသုပကစၢ်ယ့ၣ်ၡူးခရံာ်အတၢ်ဟဲလၢ အလီၤဘီလီၤမုၢ်အဂ့ၢ်အံၤန့ၣ်, တမ့ၢ်ပသန့ၤပသးလၢပူတဖၣ်လၢပှၤကညီဒုးကဲထီၣ်အီၤ န့ၣ်ဘၣ်. မ့မ့ၢ်ပထံၣ်ဘၣ်အတၢ်ဒိၣ်တၢ်မုၢ်လၢပမဲာ်ချံဒၣ်ပဝဲန့ၣ်လီၤ.

၁ ယိၤဟၣ် 2:28

ဒီးခဲအံၤယဖိယလံၤသ့ၣ်ဧၢ, အိၣ်ဆိးလၢခရံာ်အပူၤဒ်သိး ပကလၢပှဲၤဒီးတၢ်သူၣ်ဒူသးဒူဖဲအဝဲအိၣ်ဖျါထီၣ်ဒီးဖဲအဟဲဝဲ အမုၢ်တနံၤန့ၣ်, ပသုတအိၣ်ခူသူၣ်ဘၣ်လၢတၢ်မဲာ်ဆှးအပူၤ တဂ့ၤန့ၣ်တက့ၢ်.