လံာ်မးသဲ 16:27 - Sgaw Karen Common Bible

²⁷ အဂ့ၢ်ဒ်အံၤ, ပှၤကညီဖိခွါအံၤကဟဲဝဲဒီးပၢ်အလၤကပီၤ, အိၣ်ဃုာ်ဒီးအကလူးတဖၣ်လီၤ. တုၤနုၤတစု, ကဟ့ၣ်ဘူးဟ့ၣ်လဲ ပှၤကညီကိးဂၤဒဲးဒ်အကြၢးဒီးတၢ်လၢအဝဲသ့ၣ်မၤတ့ၢ်ဝဲအသိးန့ၣ်လီၤ.

လံာ်မးသဲ 16:27 Iomraidhean Croise

လံာ်စီၤယိၤဘး 34:11

အဂ့ၢ်ဒ်အံၤ, ကဟ့ၣ်ကၣ်ပှၤကညီတဂၤဒ်အမၤတၢ်အသိး, ဒီးကဒုးထံၣ်န့ၢ်တၢ်လၢပှၤကညီဒ်အကျဲအကပူၤဒၣ်ဝဲတဖၣ် အသိးန့ၣ်လီၤ.

စံးထီၣ်ပတြၢၤ 62:12

ဒီးအတၢ်အဲၣ်န့ၣ်ဂၢၢ်ကျၢၤဝဲဒၣ်န့ၣ်လီၤ. ယွၤဧၢ, နနီၢ်ကစၢ်ဒၣ်နဲနဟ့ၣ်ဘျုးက့ၤ ပှၤကိးဂၤဒဲးဒ်အမၤတၢ်အသိးန့ၣ်လီၤ.

တၢ်ကတိၤဒိ. 24:12

ဘၣ်သ့ၣ်သ့ၣ်နကစံးလၢတၢ်အံၤတဘၣ်ဃးဒီးနၤဒီးတမ့ၢ်နတၢ်မၤဘၣ်, ဘၣ်ဆၣ်ယွၤသ့ၣ်ညါဒီးစံၣ်ညီၣ်နတၢ်ပာ်သူၣ်ပာ်သးတဖၣ်န့ၣ်လီၤ. အဝဲအိၣ်ခိးကွၢ်နၤဒီးသ့ၣ်ညါဝဲလီၤ. ဒီးဒ်တၢ်လၢနမၤအီၤအသိးန့ၣ်, အဝဲကဟ့ၣ်ဘျုးနၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 3:17

ယစံးလၢယသးကံၢ်ပူၤ, “ကစၢ်ယွၤကစံၣ်ညီၣ်ပှၤအတီအလိၤ, ဒီးပှၤအၢပှၤသီဒ်သိးသိးလီၤ. မ့ၢ်အဂ့ၢ်ဒ်လဲၣ်န့ၣ်, တၢ်ခဲလၢာ်, တၢ်မၤခဲလၢာ်, ကမၤအသးလၢတၢ်အကတီၢ်ဒၣ်ဝဲဒ်တၢ်ပာ် လီၤတ့ၢ်အီၤအသိးန့ၣ်လီၤ.

လံာ်ယံးရမံယၤ 17:10

ယၤ, ယွၤအံၤ, ယဃုသ့ၣ်ညါပှၤကညီအတၢ်ဆိကမိၣ်တဖၣ် ဒီးမၤကွၢ်ပှၤကညီတဖၣ်အသးန့ၣ်လီၤ. ယမၤဘၣ်အဝဲသ့ၣ်တဂၤစုာ်စုာ်ဒ်အအိၣ်မူဝဲ အကျဲအသိး, ဒီးဒ်တၢ်လၢအဝဲမၤဝဲအသိးန့ၣ်လီၤ.”

လံာ်ယံးရမံယၤ 32:19

နမၤတၢ်ကူၣ်သ့အတၢ်ရဲၣ်တၢ်ကျဲၤတဖၣ်ဒီး မၤတၢ်လၢ အလီၤဘီလီၤမုၢ်တဖၣ်န့ၣ်လီၤ. နထံၣ်တၢ်ခဲလၢာ်လၢ ပှၤဂီၢ်မုၢ်မၤဝဲ, ဒီးနဟ့ၣ်ဘျုးအဝဲသ့ၣ်ဒ် အမၤတၢ်တဖၣ် အသိးန့ၣ်လီၤ.

လံာ်ယဃ့းစက့လး 18:20

ပှၤလၢအမၤတၢ်ဒဲးဘးတဂၤန့ၣ်မ့ၢ်ပှၤတဂၤလၢကဘၣ်သံန့ၣ်လီၤ. ဖိခွါတဂၤတဘၣ်တူၢ်တၢ်လၢအဝဲအပၢ်အတၢ်ဒဲးဘးတဖၣ် အဃိမ့ၢ်ဂ့ၤပၢ်တဂၤလၢတၢ်ဒဲးဘးတဖၣ်လၢအဖိခွါမၤဝဲအဃိမ့ၢ်ဂ့ၤ န့ၣ်ဘၣ်. ပှၤလၢအဂ့ၤတဂၤန့ၣ်ကဘၣ်တၢ်ဟ့ၣ်ဘျုးအီၤလၢလၢအမၤတၢ်ဂ့ၤအဃိ, ဒီးပှၤအၢပှၤသီတဂၤတတူၢ်ဘၣ်တၢ်လၢတၢ်အၢတၢ်သီလၢအမၤဝဲအဃိ န့ၣ်လီၤ.

လံာ်ယဃ့းစက့လး 7:27

စီၤပၤကဟီၣ်တၢ်ယၢၤတၢ်, စီၤပၤဖိခွါကပျဲကွံာ်တၢ်မုၢ်လၢ်, ဒီးပှၤဂီၢ်မုၢ်ကကနိးကစုာ်ဝဲလၢတၢ်ပျံၤတၢ်ဖုးအပူၤလီၤ. ယကသိၣ်ဃီၣ်သုလၢတၢ်ခဲလၢာ်လၢသုမၤတ့ၢ်အီၤအဃိ, ဒီးစံၣ်ညီၣ်သုဒ်သုစံၣ်ညီၣ်တ့ၢ်ပှၤအဂၤတဖၣ်အသိးန့ၣ်လီၤ. တၢ်ဝဲအံၤကဒုးနဲၣ်သုလၢယမ့ၢ်ယွၤန့ၣ်လီၤ.”

လံာ်ဒၤနံးယ့လး 7:10

ဒီးမ့ၣ်အူအထံကျိဖိတဘိပုာ်ထီၣ်ယွၤလီၤလၢလီၢ်ပစိာ်အပူၤလၢအ မဲာ်ညါန့ၣ်လီၤ. အိၣ်ဝဲဒၣ်ဒီးပှၤအကထိအကထိတဖၣ်လၢ ကမၤအတၢ်မၤဒီးပှၤအကကွဲၢ်တဖၣ်ဆၢထၢၣ်လၢအမဲာ်ညါ န့ၣ်လီၤ. ကွီၢ်ဘျီၣ်စးထီၣ်တၢ်စံၣ်ညီၣ် ဒီးလံာ်တဖၣ်အိၣ်အိးထီၣ်တ့ၢ်အသးန့ၣ်လီၤ.

လံာ်စကၤရယၤ 14:5

သုကပူၤဖျဲးထီၣ်ခီဖျိတၢ်တြီၤဖးဒိၣ်အံၤလၢအနီၤဖးကစၢၢ်ခံခီန့ၣ်လီၤ. သုကဃ့ၢ်ထီၣ်ကွံာ်ဒ်သုမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲအသိး ဖဲဟီၣ်ခိၣ်ဟူးဝးမၤအသးလၢကီၢ်ယူဒၤအစီၤပၤဧူးစံယါအမုၢ်နံၤန့ၣ်လီၤ. ယွၤ, ကစၢ်ယွၤကဟဲဝဲ, ဒီးကဟဲကိးဃုာ်အကလူးတဖၣ်ခဲလၢာ်ဃုာ် ဒီးအီၤန့ၣ်လီၤ.

လံာ်မးသဲ 13:41

ပှၤကညီအဖိခွါကဆှၢလီၤအကလူးတဖၣ်, ဒ်သိးအဝဲသ့ၣ်ကထၢဖှိၣ်ပှၤလၢအဒုးမၤပှၤဂၤလၢတၢ်ဒဲးဘး ဒီးပှၤလၢအမၤတၢ်အၢတၢ်သီတဖၣ်ခဲလၢာ် ဒီးထုးထီၣ်ကွံာ်အီၤလၢအဘီအမုၢ်အပူၤလီၤ.

လံာ်မးသဲ 13:49

တုၤမုၢ်နံၤခံကတၢၢ်ဘၣ်န့ၣ်, တၢ်ကမၤအသးဒ်သိးအံၤလီၤ. ကလူးတဖၣ်ကဟဲဒီးနီၤဖးကွံာ်ပှၤအၢပှၤသီတဖၣ်လၢ ပှၤတီပှၤလိၤအကျါ,

လံာ်မးသဲ 24:30

တုၤနုၤတစု, ပှၤကညီဖိခွါအတၢ်ပနီၣ်ကဟဲအိၣ်ဖျါထီၣ်လၢမူ ခိၣ်, ဒီးပှၤကလုာ်ခဲလၢာ်လၢဟီၣ်ခိၣ်ချၢအံၤကဟီၣ်ကယၢၤတၢ်, ဖဲအထံၣ်ဘၣ်ပှၤကညီဖိခွါဟဲဝဲလၢတၢ်အၢၣ်လၢမူကပိာ်လိၤ အိၣ်ဒီးအစိအကမီၤဒီးအလၤအကပီၤဒိၣ်ဒိၣ်မုၢ်မုၢ်လီၤ.

လံာ်မးသဲ 25:31

တုၤပှၤကညီဖိခွါဟဲဝဲအိၣ်ဒီးအလၤကပီၤဒ်စီၤပၤတဂၤအသိး ဃုာ်ဒီးအကလူးခဲလၢာ်န့ၣ်, ကဆ့ၣ်နီၤဝဲလၢအလီၢ်ပစိာ်ကဟုကညီၢ်တဖျၢၣ်အဖီခိၣ်,

လံာ်မးသဲ 26:64

ယ့ၣ်ၡူးစံးဆၢအီၤ, “နစံးတ့ၢ်လံနဲလံ. မ့မ့ၢ်ယတဲဘၣ်သုခဲလၢာ် လၢစးထီၣ်ခဲအံၤဒီးဆူညါသုကထံၣ်ပှၤကညီဖိခွါဆ့ၣ်နီၤလၢတၢ် သ့တၢ်လၢာ်တဂၤအစုထွဲဒီးဟဲဒိးဝဲမူခိၣ်အတၢ်အၢၣ်တဖၣ်လီၤ.”

လံာ်မးသဲ 8:20

ယ့ၣ်ၡူးစံးဆၢအီၤဒီးစံး, “ထွံၣ်မံၤတဖၣ်အိၣ်ဒီးအပူၤဒီးထိၣ်လၢတၢ်ဖးဖီတဖၣ်အိၣ်ဒီးအသွံတဖၣ်လီၤ. ဘၣ်ဆၣ်ဒီးပှၤကညီဖိခွါအံၤထဲအကပာ်လီၤအခိၣ်ဒၣ်လဲာ်တၢ်လီၢ် တအိၣ်ဘၣ်.”

လံာ်မၢ်ကူး 14:62

ယ့ၣ်ၡူးစံးဆၢက့ၤအီၤ, “ယမ့ၢ်အဝဲလီၤ. ဒီးသုကထံၣ်ဘၣ်ပှၤကညီဖိခွါအံၤအိၣ်ဆ့ၣ်နီၤလၢတၢ်သ့တၢ်လၢာ် တဂၤအစုထွဲဒီးသုကထံၣ်အဟဲဒိးဝဲမူခိၣ်အတၢ်အၢၣ်တဖၣ်လီၤ.”

လံာ်မၢ်ကူး 8:38

ပှၤတဂၤဂၤမ့ၢ်မဲာ်ဆှးယၤဒီးယတၢ်သိၣ်လိသီလိလၢစိၤလၢ အပှဲၤဒီးတၢ်တစူၢ်တနာ်ယွၤဒီးတၢ်အၢတၢ်သီအံၤန့ၣ်, ပှၤကညီဖိခွါကမဲာ်ဆှးအီၤဖဲအဝဲဟဲသကိးဒီးမူခိၣ်ကလူး စီဆှံတဖၣ်ပှဲၤဒီးပၢ်အလၤကပီၤအဆၢကတီၢ်န့ၣ်လီၤ.

လံာ်လူၤကၣ် 21:27

တုၤနုၤတစု, ပှၤကညီဖိခွါကဟဲအိၣ်ဖျါထီၣ်လၢတၢ်အၢၣ်အပူၤ, အိၣ်ဒီးတၢ်စိတၢ်ကမီၤဒီးတၢ်လၤတၢ်ကပီၤအဒိၣ်အမုၢ်လီၤ.

လံာ်လူၤကၣ် 22:69

ဘၣ်ဆၣ်ဒီးစးထီၣ်ခဲကနံၣ်အံၤဒီးဆူညါန့ၣ်, ပှၤကညီဖိခွါအံၤကဘၣ်တၢ်ဒုးဆ့ၣ်နီၤအီၤဖဲ ကစၢ်ယွၤသ့တၢ်လၢာ်တဂၤအစုထွဲတကပၤလီၤ.”

လံာ်လူၤကၣ် 9:26

ပှၤတဂၤမ့ၢ်မဲာ်ဆှးယၤဒီးယတၢ်သိၣ်လီၤသီလီၤတဖၣ်န့ၣ်, ပှၤကညီဖိခွါကမဲာ်ဆှးအီၤဖဲအဝဲဒၣ်ဟဲလၢအလၤကပီၤအပူၤ, ဒီးအပၢ်အလၤကပီၤအပူၤဒီးလၢကလူးစီဆှံတဖၣ်အလၤကပီၤ အပူၤအဆၢကတီၢ်န့ၣ်လီၤ.

လံာ်ယိၤဟၣ် 21:22

ယ့ၣ်ၡူးစံးဆၢအီၤ, “ယသးမ့ၢ်အိၣ်လၢအဝဲကအိၣ်မူတုၤ လီၤလၢယဟဲက့ၤအဆၢကတီၢ်န့ၣ်ဒီး, တၢ်အံၤဘၣ်ဃးဒီးနၤ မနုၤလဲၣ်. ဟဲဒီးကဲဘၣ်ယပျဲၢ်ယဘီၣ်တက့ၢ်.”

လံာ်ယိၤဟၣ် 21:23

အန့ၣ်သတးဒီး, တၢ်ကစီၣ်ဟူထီၣ်သါလီၤလၢယ့ၣ်ၡူးအပျဲၢ် တဖၣ်အကျါလၢအပျဲၢ်အဘီၣ်တဂၤအံၤတဘၣ်သံဝဲဘၣ်လီၤ. ဘၣ်ဆၣ်, ယ့ၣ်ၡူးတစံးလၢအဝဲတဘၣ်သံဝဲန့ၣ်ဘၣ်. မ့မ့ၢ် ယ့ၣ်ၡူးစံးဝဲ, “ယမ့ၢ်သးအိၣ်လၢအဝဲကအိၣ်မူတုၤလီၤ လၢယဟဲက့ၤအဆၢကတီၢ်န့ၣ်ဒီး, တၢ်အံၤဘၣ်ဃးဒီးနၤမနုၤလဲၣ်.” တခီန့ၣ်လီၤ.

မၤတၢ် 1:11

ဒီးစံးဝဲ, “သုဝဲပှၤကီၢ်ကၤလံၤလါဖိသ့ၣ်ဧၢ, ဘၣ်မနုၤသုအိၣ်ဆၢထၢၣ်ဖဲအံၤဒီးကွၢ်ထီၣ်တၢ်ဆူမူခိၣ်န့ၣ်လဲၣ်. ယ့ၣ်ၡူးလၢသုထံၣ်တၢ်ဟံးထီၣ်ကွံာ်အီၤလၢသုအိၣ်ဆူမူခိၣ်တဂၤအံၤ, ကဟဲက့ၤကဒါက့ၤဒ်သုထံၣ်ဘၣ်အလဲၤထီၣ်ဝဲအသိးန့ၣ်လီၤ.”

ရိမ့ၤ 14:12

မ့မ့ၢ်ဒ်န့ၣ်ဒီး, ပဝဲကိးဂၤဒဲးပကဘၣ်ဟ့ၣ်တၢ်စံးဆၢလၢ ကစၢ်ယွၤလၢပကစၢ်ဒၣ်ပဝဲအဂ့ၢ်န့ၣ်လီၤ.

ရိမ့ၤ 2:6

အဂ့ၢ်ဒ်လဲၣ်န့ၣ်, ကစၢ်ယွၤကဟ့ၣ်ဘျုးပှၤတဂၤဒီးတဂၤဒ်အဝဲမၤ တ့ၢ်တၢ်အသိးန့ၣ်လီၤ.

1 ကရံၣ်သူး 15:23

ဘၣ်ဆၣ်ဒီးပှၤတဂၤဘၣ်တဂၤကဘၣ်တၢ်ဒုးဂဲၤဆၢထၢၣ် သမူထီၣ်က့ၤအီၤလၢအဂ့ၢ်အဝီဘၣ်ဘျီးဘၣ်ဒါန့ၣ်လီၤ. အဆိကတၢၢ်န့ၣ်, ခရံာ်, အန့ၣ်ဝံၤအလီၢ်ခံ, ဖဲအဝဲဒၣ်ဟဲ အဆၢကတီၢ်န့ၣ်, ပှၤတဖၣ်လၢအဘၣ်ထွဲဒီးအီၤန့ၣ်လီၤ.

1 ကရံၣ်သူး 3:13

ဒီးပှၤတဂၤဘၣ်တဂၤအတၢ်ဖံးတၢ်မၤဂ့ၤဆံးအါဆံးအါန့ၣ်, ပှၤကထံၣ်ဘၣ်ဝဲဖဲမုၢ်တနံၤလၢခရံာ်လီၣ်ဖျါထီၣ်အီၤန့ၣ်လီၤ. အဂ့ၢ်ဒ်အံၤ, ဖဲနံၤအဝဲန့ၣ်, မ့ၣ်အူကလီၣ်ဖျါထီၣ်ပှၤကိးဂၤဒဲးအတၢ်ဖံးတၢ်မၤလီၤ. မ့ၣ်အူကမၤကွၢ်အီၤဒီးပာ်ဖျါထီၣ်အဂ့ၤဝဲနီၢ်နီၢ်ဆံးအါလဲၣ်န့ၣ်လီၤ.

1 ကရံၣ်သူး 8:8

ဘၣ်ဆၣ်ဒီး, တၢ်အီၣ်န့ၣ်တမ့ၢ်အကမၤဂ့ၤထီၣ်ပတၢ်ဘၣ်ထွဲဒီး ကစၢ်ယွၤဘၣ်. ပမ့ၢ်တအီၣ်ဒီးတၢ်တလီၤမၢ်လၢပဂီၢ်နီတမံၤဘၣ်. ဒ်န့ၣ်အသိးပမ့ၢ်အီၣ်တၢ်ကစီဒီဒီး, တမ့ၢ်လၢပကမၤန့ၢ်အါထီၣ် တၢ်တမံၤမံၤဘၣ်.

၂ ကရံၣ်သူး 5:10

အဂ့ၢ်ဒ်အံၤ, ပဝဲကိးဂၤဒဲးပကဘၣ်အိၣ်ဖျါထီၣ်လၢခရံာ် အမဲာ်ညါ, ဒ်သိးပကဒိးတၢ်စံၣ်ညီၣ်လၢအီၤအဂီၢ်န့ၣ် လီၤ. ပှၤတဂၤဘၣ်တဂၤကဒိးန့ၢ်တၢ်လၢအကြၢးဒီး အီၤ, ဒ်အကြၢးအဘၣ်ဒီးတၢ်လၢအဝဲဒၣ်မၤတ့ၢ်ဝဲ ခဲလၢာ်, ဂ့ၤမ့ၢ်ဂ့ၤ, အၢမ့ၢ်ဂ့ၤ, လၢအဝဲဒၣ်အနီၢ်ခိအတၢ်အိၣ်မူ အပူၤန့ၣ်လီၤ.

အ့းဖ့းစူး 6:8

သုသ့ၣ်ညါသုဝဲလၢကစၢ်ကဟ့ၣ်ဘူးဟ့ၣ်လဲပှၤကိးဂၤဒဲး, ပှၤကုၢ်ဖိမ့ၢ်ဂ့ၤ, ပှၤသဘျ့ဖိမ့ၢ်ဂ့ၤ, လၢတၢ်မၤအဂ့ၤအဘၣ်လၢအမၤဝဲအဃိခဲလၢာ်လီၤ.

ကလီးစဲ 3:25

ဒီးပှၤမၤကမၣ်တၢ်ကိးဂၤဒဲးန့ၣ်ကဘၣ်တၢ်ဟ့ၣ်ကၣ်က့ၤအီၤဒ် အမၤတၢ်အသိးလီၤ. အဂ့ၢ်ဒ်အံၤကစၢ်ယွၤလၢအစံၣ်ညီၣ်တၢ်န့ၣ်, တကွၢ်မဲာ်ပှၤနီတဂၤဘၣ်.

၁ သ့းစၤလနံ 1:10

ဒီးအိၣ်ခိးအဖိခွါအတၢ်ဟဲလီၤလၢမူခိၣ်, အဖိခွါယ့ၣ်ၡူးလၢအဝဲဒၣ်ဒုးဂဲၤဆၢထၢၣ်က့ၤအီၤလၢတၢ်သံတ ဂၤလၢအဒုးပူၤဖျဲးထီၣ်ပှၤလၢကစၢ်ယွၤအတၢ်သးဒိၣ်လၢ အကဟဲန့ၣ်လီၤ.

၁ သ့းစၤလနံ 4:16

တၢ်ဟ့ၣ်လီၤတၢ်ကလုၢ်ကသီၣ်ထီၣ်ဖးဒိၣ်, ကလူးအဒိၣ်ကတၢၢ်အကလုၢ်ဒီးကစၢ်ယွၤအကွဲၤကသီၣ် ထီၣ်, ဒီးကစၢ်အနီၢ်ကစၢ်ဒၣ်ဝဲကဟဲလီၤလၢမူခိၣ်လီၤ. ပှၤလၢအသံတ့ၢ်ဝဲလၢတၢ်စူၢ်တၢ်နာ်ယ့ၣ်ၡူးခရံာ်အပူၤ တဖၣ်ကဂဲၤဆၢထၢၣ်သမူထီၣ်က့ၤအဆိကတၢၢ်န့ၣ်လီၤ.

ယၤကိာ် 5:7

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, အိၣ်ဒီးတၢ်သးစူၤတုၤကစၢ်ဟဲတစုန့ၣ်တက့ၢ်. ကွၢ်ပှၤထူစံာ်ဖိတဂၤအိၣ်ခိးစူၤသးဝဲအဟီၣ်ခိၣ်ကဟ့ၣ်ထီၣ် တၤသၣ်လုၢ်ဒိၣ်ပှ့ၤဒိၣ်တဖၣ်လၢကျဲဒ်လဲၣ်န့ၣ်တက့ၢ်. အဝဲအိၣ်ခိးဝဲလၢတၢ်ဝံသးစူၤဖးဒိၣ်အပူၤ, ဖဲတၢ်စူၤလီၤသီဒီးတၢ်စူၤလၢခံအကတီၢ်တဖၣ်န့ၣ်လီၤ.

၁ ပ့းတရူး 1:17

ဖဲသုဘါထုကဖၣ်ကစၢ်ယွၤဒီး, သုကိးအီၤလၢပၢ်လၢအစံၣ်ညီၣ်ပှၤခဲလၢာ်လၢနီၣ်ထိၣ်တမံၤ ဃီဒ်ပှၤတဂၤဒီးတဂၤမၤတၢ်အသိးန့ၣ်လီၤ. လၢတၢ်န့ၣ်အဃိ, မၤလၢာ်ကွံာ်သုတၢ်အိၣ်မူလၢအအိၣ်လီၤတဲာ်လၢဟီၣ်ခိၣ် ချၢအံၤလၢတၢ်ယူးယီၣ်ပာ်ကဲကစၢ်ယွၤအပူၤန့ၣ်တက့ၢ်.

၁ ယိၤဟၣ် 2:28

ဒီးခဲအံၤယဖိယလံၤသ့ၣ်ဧၢ, အိၣ်ဆိးလၢခရံာ်အပူၤဒ်သိး ပကလၢပှဲၤဒီးတၢ်သူၣ်ဒူသးဒူဖဲအဝဲအိၣ်ဖျါထီၣ်ဒီးဖဲအဟဲဝဲ အမုၢ်တနံၤန့ၣ်, ပသုတအိၣ်ခူသူၣ်ဘၣ်လၢတၢ်မဲာ်ဆှးအပူၤ တဂ့ၤန့ၣ်တက့ၢ်.

ယူဒၤ 1:14

စီၤဃနိာ်လၢအဟဲလီၤစၢၤလိၤလိၤလၢစီၤအၤဒၣ်နွံစိၤတစိၤ တဂၤကတိၤဆိပာ်တၢ်အံၤလၢအဝဲသ့ၣ်အဂ့ၢ်ယံာ်တ့ၢ်လံ ဒီးစံးဝဲ, “ကစၢ်ကဟဲဒီးအကလူးစီဆှံလၢအကထိတဖၣ် အကထိ,

လံာ်လီၣ်ဖျါ 1:7

ကွၢ်ကွၢ်အဝဲဒၣ်ဟဲဝဲလၢတၢ်အၢၣ်တဖၣ်အဖီခိၣ်လီၤ. ပှၤကိးဂၤဒဲးဃုာ်ဒီးပှၤလၢအဆဲးဖျိဒီးမၤသံအီၤ တဖၣ်ကထံၣ်ဘၣ်အီၤလီၤ. ပှၤလၢဟီၣ်ခိၣ်ချၢကိးကလုာ်ဒဲး ကဟီၣ်ကယၢၤလၢအဝဲဒၣ်အဃိန့ၣ်လီၤ. မ်တၢ်ကမၤဒၣ်ဝဲအသးဒ်န့ၣ်အသိးတက့ၢ်.

လံာ်လီၣ်ဖျါ 2:23

ယကမၤသံစ့ၢ်ကီးအဝဲဒၣ်အပျဲၢ်အဘီၣ်တဖၣ်, ဒီးတုၤနုၤတစု, တၢ်အိၣ်ဖှိၣ်ကိးဖုဒဲးကသ့ၣ်ညါလၢယမ့ၢ်ပှၤတဂၤလၢအသ့ၣ် ညါပှၤကိးဂၤဒဲးအတၢ်ဆိကမိၣ်ဆိကမးဒီးအတၢ်ဆၢမိၣ်န့ၢ် သးလီတဖၣ်န့ၣ်လီၤ. ယကဟ့ၣ်ကၣ်သုဝဲတဂၤဘၣ်တဂၤ, ဒ်တၢ်ဖံးတၢ်မၤလၢအမၤဝဲအသိးန့ၣ်လီၤ.

လံာ်လီၣ်ဖျါ 20:12

ဒီးယထံၣ်ဘၣ်ပှၤသံတဖၣ်, အဒိၣ်ဒီးအဆံးစ့ၢ်ကီး, အိၣ်ဆၢထၢၣ်လၢလီၢ်ပစိာ်အမဲာ်ညါန့ၣ်လီၤ. လံာ်တဖၣ် ဘၣ်တၢ်အိးထီၣ်အီၤ, ဒီးအန့ၣ်ဝံၤအလီၢ်ခံလံာ်အဂၤ တဘ့ၣ်ဘၣ်တၢ်အိးထီၣ်အီၤ, လၢအမ့ၢ်လံာ်မူတဘ့ၣ်န့ၣ်လီၤ. ပှၤသံတဖၣ်ဘၣ်တၢ်စံၣ်ညီၣ်အီၤဒ်တၢ်လၢအဝဲသ့ၣ် မၤတ့ၢ်ဝဲ, ဒ်အဘၣ်တၢ်ကွဲးနီၣ်တ့ၢ်အီၤလၢလံာ်တဖၣ် အပူၤအသိးန့ၣ်လီၤ.