လံာ်မးသဲ 16:25 - Sgaw Karen Common Bible

²⁵ အဂ့ၢ်ဒ်အံၤ, ပှၤတဂၤလၢ်လၢ်လၢအသးအိၣ်ဟံးဃာ်ဒီးမၤပူၤဖျဲး အသးသမူဒၣ်ဝဲန့ၣ်, အတၢ်မူနီၢ်နီၢ်ကလီၤမၢ်န့ၢ်အီၤလီၤ. ဒီးပှၤတဂၤလၢ်လၢ်လၢအဒုးလီၤမၢ်ကွံာ်အသးသမူလၢယဃိန့ၣ်, ကထံၣ်န့ၢ်တၢ်မူနီၢ်နီၢ်လီၤ.

လံာ်မးသဲ 16:25 Iomraidhean Croise

လံာ်နီၢ်အ့ၤစတၢ် 4:14

နမ့ၢ်အိၣ်ဘှီၣ်ကလာ်လၢတၢ်ဆၢကတီၢ်ဒ်သိးအံၤန့ၣ်, တၢ်မၤစၢၤကဟဲလီၤလၢမူခိၣ်လၢပှၤယူဒၤဖိတဖၣ်အဂီၢ်, ဒီးအဝဲသ့ၣ်ကပူၤဖျဲးလီၤ. မ့မ့ၢ်နဲဒၣ်နကသံဒီးနပၢ်အပှၤဟံၣ်ဖိကတုၤလၢတၢ်ဟးဂီၤလီၤ. ဒီးဘၣ်သ့ၣ်သ့ၣ်, ကမ့ၢ်နကဲထီၣ်ဘၣ်နီၢ်ပၤမုၣ်လၢတၢ်ဆၢကတီၢ်ဒ်သိးအံၤ အဂီၢ်ဧါ, န့ၣ်မတၤသ့ၣ်ညါတဂၤလဲၣ်.

လံာ်ပှၤစံၣ်တဲၤတဲလီၤတၢ် 3:6

ပာ်လီၤဝဲတၢ်အကတီၢ်လၢတၢ်ထံၣ်န့ၢ်တၢ်အဂီၢ်ဒီးတၢ် အကတီၢ်လၢတၢ်ကဟါမၢ်အဂီၢ်, ဒီးတၢ်အကတီၢ်လၢတၢ်ကပာ်ဖှိၣ်ပာ်တံၤတၢ်အဂီၢ်, ဒီးတၢ်အကတီၢ်လၢတၢ်ကစူးကွံာ်ညိကွံာ်တၢ်အဂီၢ်,

လံာ်မးသဲ 10:39

ပှၤလၢအဂုာ်ကျဲးစၢးဟံးဃာ်အသးသမူန့ၣ်, အသးသမူကလီၤမၢ်န့ၢ် အီၤလီၤ. ဘၣ်ဆၣ်ဒီးပှၤတဂၤလၢ်လၢ်လၢအဒုးလီၤမၢ်ကွံာ်အသးသမူလၢယဃိန့ၣ်, ကထံၣ်န့ၢ်တၢ်မူနီၢ်နီၢ်လီၤ.

လံာ်မးသဲ 16:26

ပှၤကညီမ့ၢ်န့ၢ်ဘၣ်ဟီၣ်ခိၣ်ဒီဘ့ၣ်ဘၣ်ဆၣ်, အသးသမူမ့ၢ်လီၤမၢ်ကွံာ်န့ၢ်အီၤဒီး, ကန့ၢ်ဘျုးမနုၤလဲၣ်. ပှၤကညီကဟ့ၣ်တၢ်အပှ့ၤမနုၤတမံၤလၢအသးသမူအဂီၢ်လဲၣ်.

လံာ်မၢ်ကူး 8:35

အဂ့ၢ်ဒ်အံၤ, ပှၤတဂၤလၢ်လၢ်လၢအအဲၣ်ဒိးအုၣ်က့ၤခီၣ်က့ၤအသး သမူဒၣ်ဝဲန့ၣ်, အသးသမူကလီၤမၢ်န့ၢ်အီၤလီၤ. မ့မ့ၢ်ပှၤတဂၤလၢ်လၢ်လၢအဒုးလီၤမၢ်ကွံာ်အသးသမူလၢယဃိ ဒီးလၢတၢ်သးခုကစီၣ်အဃိန့ၣ်, ကမူဝဲနီၢ်နီၢ်လီၤ.

လံာ်လူၤကၣ် 17:33

ပှၤတဂၤလၢ်လၢ်လၢအဂုာ်ကျဲးစၢးအုၣ်က့ၤခီၣ်က့ၤအသးဒၣ်ဝဲန့ၣ်, ကဒုးလီၤမၢ်ကွံာ်အီၤ, ပှၤတဂၤလၢ်လၢ်လၢအဒုးလီၤမၢ်ကွံာ်အသးန့ၣ်, ကအုၣ်က့ၤခီၣ်က့ၤအီၤလီၤ.

လံာ်ယိၤဟၣ် 12:25

ပှၤတဂၤလၢ်လၢ်လၢအအဲၣ်လီၤအသးသမူဒၣ်ဝဲန့ၣ်, အသးသမူကလီၤမၢ်န့ၢ်အီၤလီၤ. ဒီးပှၤတဂၤလၢ်လၢ်လၢ အတအဲၣ်လီၤအသးသမူဒၣ်ဝဲလၢဟီၣ်ခိၣ်အံၤန့ၣ်, ကဟံးဃာ်ပၢၤဃာ်ဝဲလၢတၢ်မူအထူအယိာ်အဂီၢ်လီၤ.

လံာ်လီၣ်ဖျါ 12:11

ပဒီပုၢ်ဝဲၢ်တဖၣ်ဒိးန့ၢ်တၢ်မၤနၢၤလၢအဝဲဒၣ်အဖီခိၣ်, ခီဖျိသိဖိအသွံၣ်ဒီးခီဖျိတၢ်မ့ၢ်တၢ်တီလၢအဘိးဘၣ်သ့ၣ်ညါ ဝဲ, ဒီးအဝဲသ့ၣ်အသးအိၣ်ဟ့ၣ်လီၤကွံာ်အသးသမူဒီးတူၢ်သံ အသးဒၣ်လဲာ်န့ၣ်လီၤ.