လံာ်မးသဲ 16:21 - Sgaw Karen Common Bible

²¹ စးထီၣ်ဖဲအကတီၢ်န့ၣ်, ယ့ၣ်ၡူးတဲနၢ်ပၢၢ်အပျဲၢ်အဘီၣ်တဖၣ်, လၢအဝဲကဘၣ်လဲၤဆူဝ့ၢ်ယရူၤၡလ့ၣ်, ဒီးတူၢ်ဘၣ် ပှၤယူဒၤဖိကရၢအခိၣ်အနၢ်တဖၣ်, ဒီးပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်အတၢ်မၤနးမၤဖှီၣ် အီၤအါမံၤ, ဒီးလၢအကဘၣ်တၢ်မၤသံအီၤဒီးလၢသၢသီတသီန့ၣ် ယွၤကဒုးဂဲၤဆၢထၢၣ်က့ၤအီၤန့ၣ်လီၤ.

လံာ်မးသဲ 16:21 Iomraidhean Croise

လံာ်စီၤနဃ့မယၤ 12:7

စီၤစးလူၤ, စီၤဧၤမိး, စီၤဃံလကံယၤဒီးစီၤယဒံယၤတဖၣ်န့ၣ်လီၤ. ပှၤတဖၣ်အံၤမ့ၢ်ခိၣ်နၢ်တဖၣ်လၢကယဲၢ်အပှၤလုၢ်တၢ်အခိၣ်ကဒဲ ကဒဲအကျါလၢစီၤယိၤၡူအမုၢ်နံၤတဖၣ်န့ၣ်လီၤ.

လံာ်မးသဲ 12:40

အဂ့ၢ်ဒ်အံၤ, ဒ်စီၤယိၤနါအိၣ်လၢညၣ်ဖးဒိၣ်အဟၢဖၢပူၤသၢနံၤသၢနၤ အသိးန့ၣ်, ပှၤကညီဖိခွါအံၤကအိၣ်လၢဟီၣ်ခိၣ်အသးကံၢ်ပူၤသၢနံၤသၢနၤ စ့ၢ်ကီးလီၤ.

လံာ်မးသဲ 16:22

ဒီးစီၤပ့းတရူးကိးန့ၢ်အီၤဆူတၢ်ချၢဒီးဒူအလိၤဒီးစံး, “ကစၢ်ယွၤဧၢ, မ်ယွၤအသုတဒုးဘၣ်နၤလၢတၢ်အံၤတဂ့ၤ. တၢ်အံၤတဘၣ်ဘၣ်နၤလ့ၤတက့ၤဘၣ်.”

လံာ်မးသဲ 16:28

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအဆၢထၢၣ်ဖဲအံၤတနီၤန့ၣ်, တချုးလၢအထံၣ်ဘၣ်ပှၤကညီဖိခွါဟဲလၢ အဘီအမုၢ်အပူၤဒံးဘၣ်န့ၣ်, တသံဘၣ်ဝဲဘၣ်.”

လံာ်မးသဲ 17:12

မ့မ့ၢ်, ယစံးဘၣ်သုလၢစီၤအ့ၤလံယၤဟဲတ့ၢ်လံဝဲလံ. ဒီးအဝဲသ့ၣ်တသ့ၣ်ညါအီၤဘၣ်ဒီး, မၤအီၤဒ်အသးအိၣ်မၤဝဲအသိးန့ၣ်လီၤ. ပှၤကညီဖိခွါစ့ၢ်ကီး, ကဘၣ်တူၢ်တၢ်လၢအဝဲသ့ၣ်အစုပူၤဒ်န့ၣ်အသိးလီၤ.”

လံာ်မးသဲ 17:9

ဒီးဟဲက့ၤလီၤဝဲလၢကစၢၢ်လိၤအဖၢမုၢ်ဒီး, ယ့ၣ်ၡူးမၤလိာ်အဝဲသ့ၣ်ဒီးစံး, “တချုးလၢပှၤကညီဖိခွါဂဲၤဆၢထၢၣ်က့ၤလၢတၢ်သံဒံးဘၣ် န့ၣ်, တၢ်လၢသုထံၣ်ဘၣ်အံၤ, တဘၣ်စံးဘၣ်တဲဘၣ်ပှၤနီတဂၤတဂ့ၤ.”

လံာ်မးသဲ 20:28

ဒ်ပှၤကညီဖိခွါအသိး, လၢအဟဲဝဲတမ့ၢ်ဘၣ်လၢပှၤကမၤန့ၢ်တၢ်အခ့အပှၤ အတၢ်မၤလၢအဂီၢ်ဘၣ်. မ့ၢ်ဒ်သိးကမၤတၢ်အခ့အပှၤအတၢ်မၤလၢပှၤဂၤ အဂီၢ်, ဒီးကဟ့ၣ်လီၤအသးသမူလၢကအုၣ်က့ၤခီၣ်က့ၤပှၤအါဂၤအသးသမူ အဂီၢ်လီၤ.”

လံာ်မးသဲ 26:2

“ဒ်သုသ့ၣ်ညါအသိး, လၢခံသီဝံၤအလီၢ်ခံန့ၣ်ဘူၣ်လဲၤကပာ်ကဘၣ်ဝဲ, ဒီးပှၤကညီဖိခွါကဘၣ်တၢ်ဟ့ၣ်လီၤကွံာ်အီၤဒ်သိးအကဘၣ် တၢ်ပျၤထီကွံာ်အီၤအဂီၢ်လီၤ.”

လံာ်မးသဲ 26:47

ယ့ၣ်ၡူးကတိၤဒံးတၢ်အဖၢမုၢ်ဒီး, အပျဲၢ်အဘီၣ်တဆံခံဂၤအကျါတဂၤ လၢအမ့ၢ်စီၤယူဒၤဟဲတုၤဝဲ အိၣ်ဃုာ်ဒီးပှၤဂီၢ်မုၢ်ဖးဒိၣ်လၢအစိာ်ဒီးနးဒီးနီၣ်တီၢ်တဖၣ်, လၢအဘၣ်တၢ်မၢလီၤအီၤလၢပှၤလုၢ်တၢ်အခိၣ်အဒိၣ်တဖၣ်ဒီးပှၤ ယူဒၤဖိကရၢအခိၣ်အနၢ်တဖၣ်လီၤ.

လံာ်မးသဲ 27:12

ဘၣ်ဆၣ်ဒီးယ့ၣ်ၡူးတကတိၤဆၢက့ၤပှၤလုၢ်တၢ်အခိၣ်အဒိၣ်တဖၣ်ဒီး ပှၤယူဒၤဖိကရၢအခိၣ်အနၢ်တဖၣ်အတၢ်ကတိၤဃုတုာ်တၢ်ကမၣ်ထီဒါ အီၤ, နီတဘီဘၣ်.

လံာ်မးသဲ 27:63

ဒီးစံး, “တၢ်ဒိၣ်ဧၢ, ပသ့ၣ်နီၣ်ထီၣ်လၢပှၤလီတၢ်ဖိတဂၤန့ၣ်, ဖဲအမူဒံးအခါစံးတ့ၢ်ဝဲ, ‘သၢသီတသီန့ၣ်ယကဂဲၤဆၢထၢၣ်သမူထီၣ်က့ၤလီၤ.’

လံာ်မးသဲ 28:6

အဝဲတအိၣ်ဖဲအံၤဘၣ်. ဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤဒ်အစံးတ့ၢ်ဝဲအသိးလံ. ဟဲဒီးကွၢ်တၢ်လီၢ်ဖဲအမံလီၤတ့ၢ်ဝဲန့ၣ်တက့ၢ်.

လံာ်မၢ်ကူး 8:31

အန့ၣ်ဝံၤယ့ၣ်ၡူးသိၣ်လိအပျဲၢ်အဘီၣ်တဖၣ်ဒီးစံးဝဲ, “ပှၤကညီဖိခွါအံၤကဘၣ်တူၢ်တၢ်နးတၢ်ဖှီၣ်အကလုာ်ကလုာ် ဒီးပှၤယူဒၤဖိကရၢအခိၣ်အနၢ်တဖၣ်, ပှၤလုၢ်တၢ်အခိၣ်အဒိၣ်တဖၣ် ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်ကညိကွံာ်အီၤလီၤ. ကဘၣ်တၢ်မၤသံအီၤဘၣ်ဆၣ်ဒီးသၢသီတသီန့ၣ်ကဂဲၤ ဆၢထၢၣ်က့ၤလၢတၢ်သံလီၤ.”

လံာ်မၢ်ကူး 9:12

အဝဲဒၣ်စံးဆၢဝဲ, “ဝံအ့ၤလံယၤကဘၣ်ဟဲဆိဝဲသပှၢ်ကတၢၢ်လၢကမၤ ဘၣ်လီၢ်ဘၣ်စးက့ၤတၢ်ခဲလၢာ်အဂီၢ်လီၤ. ဘၣ်ဆၣ်ဒီးဘၣ်မနုၤအဃိ တၢ်ကွဲးအသးစီဆှံဘၣ်စံးဝဲလၢပှၤကညီဖိခွါအံၤကဘၣ် တူၢ်တၢ်နးတၢ်ဖှီၣ်အဒိၣ်အအါဒီးကဘၣ်တၢ်ညိကွံာ်အီၤန့ၣ်လဲၣ်.

လံာ်လူၤကၣ် 17:25

ဘၣ်ဆၣ်ဒီးအဆိကတၢၢ်န့ၣ်, အဝဲကဘၣ်တူၢ်တၢ်အါမံၤအါကလုာ်, ဒီးကဘၣ်တၢ်ညိကွံာ်အီၤလၢပှၤတစိၤအံၤန့ၣ်လီၤ.

လံာ်လူၤကၣ် 24:46

ဒီးစံးဘၣ်အဝဲသ့ၣ်, “တၢ်ကွဲးအသးမ့ၢ်ဝဲ, ခရံာ်ကဘၣ်တူၢ်တၢ်ဒီးဂဲၤဆၢထၢၣ်က့ၤလၢတၢ်သံဖဲသၢသီ တသီအနံၤ,

လံာ်လူၤကၣ် 9:31

လၢအအိၣ်ဖျါထီၣ်လၢမူခိၣ်အတၢ်လၤတၢ်ကပီၤအပူၤ, ဒီးကတိၤတၢ်ဒီးယ့ၣ်ၡူးဘၣ်ဃးဒီးတၢ်ဂ့ၢ်လၢတယံာ်လၢၤဘၣ်န့ၣ် ယ့ၣ်ၡူးကမၤလၢထီၣ်ပှဲၤထီၣ်ကစၢ်ယွၤအတၢ်တိာ်ပာ်ခီဖျိ အသံဝဲဖဲဝ့ၢ်ယရူၤၡလ့ၣ်န့ၣ်လီၤ.