လံာ်မးသဲ 16:19 - Sgaw Karen Common Bible

¹⁹ ယကဟ့ၣ်နၤလၢမူခိၣ်ဘီမုၢ်အနီၣ်ဝံာ်ခံတဖၣ်လီၤ. ဖဲဒၣ်တၢ်လၢနတြီဃာ်တမံၤမံၤလၢပှၤသုတမၤလၢဟီၣ်ခိၣ်ချၢ တဂ့ၤန့ၣ်, ကဘၣ်တၢ်တြီဃာ်အီၤလၢမူခိၣ်, ဒီးဖဲဒၣ်တၢ်လၢနပျဲတမံၤမံၤလၢပှၤကမၤလၢဟီၣ်ခိၣ်ချၢအံၤ န့ၣ်, ကဘၣ်တၢ်ပျဲမၤအီၤလၢမူခိၣ်လီၤ.”

လံာ်မးသဲ 16:19 Iomraidhean Croise

လံာ်ယၡါယၤ 22:22

ယကဟ့ၣ်လီၤအီၤတၢ်စိကမီၤလၢာ်လၢာ်ဆ့ဆ့လၢစီၤပၤ တဂၤလၢအဟဲလီၤစၢၤလၢစီၤပၤစီၤဒၤဝံး အဖီလာ်န့ၣ်လီၤ. အဝဲကအိၣ်ဒီးမူဒါလီၢ်လၤအနီၣ်ဝံာ်ခံတဖၣ်လီၤ. တၢ်လၢအအိးထီၣ်ဝဲန့ၣ်, ပှၤတကးတံၢ်နီတဂၤဘၣ်. ဒီးတၢ်လၢအကးတံၢ်ဝဲန့ၣ်, ပှၤတအိးထီၣ်နီတဂၤဘၣ်.

လံာ်မးသဲ 18:18

ယစံးဘၣ်တဲဘၣ်သုတၢ်မ့ၢ်တၢ်တီ, ဖဲဒၣ်တၢ်လၢသုတြီဃာ်လၢပှၤအသုတမၤလၢဟီၣ်ခိၣ်ချၢတဂ့ၤ တမံၤမံၤန့ၣ်, ကဘၣ်တၢ်တြီဃာ်အီၤလၢမူခိၣ်, ဒီးဖဲဒၣ်တၢ်လၢသုပျဲပှၤကမၤအီၤလၢဟီၣ်ခိၣ်ချၢတမံၤမံၤ န့ၣ်, ကဘၣ်တၢ်ပျဲမၤအီၤလၢမူခိၣ်လီၤ.

လံာ်ယိၤဟၣ် 20:23

သုမ့ၢ်ပျၢ်ကွံာ်ပှၤအတၢ်ဒဲးဘးတဖၣ်ဒီး, အတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤလီၤ. သုမ့ၢ်တပျၢ်ကွံာ်အဝဲသ့ၣ်အတၢ်ဒဲးဘးတဖၣ် ဘၣ်ဒီး, တၢ်တပျၢ်ကွံာ်ဘၣ်အီၤဘၣ်.”

မၤတၢ် 15:7

တၢ်ကတိၤဂ့ၢ်လိာ်ဘှီလိာ်အိၣ်ဝဲဒၣ်ဖးယံာ်ဝံၤအလီၢ်ခံ, စီၤပ့းတရူးဂဲၤဆၢထၢၣ်ဒီးစံးဝဲ, “ယဒီပုၢ်ဝဲၢ်သ့ၣ်ဧၢ, သုသ့ၣ်ညါလၢအပူၤကွံာ်ဖးယံာ်န့ၣ်, ကစၢ်ယွၤဃုထၢထီၣ် ယၤလၢသုကျါဒ်သိးယကစံၣ်တဲၤတဲလီၤတၢ်သးခုအကစီၣ် လၢပှၤကလုာ်ဂၤတဖၣ်, ဒ်သိးအဝဲသ့ၣ်ကနၢ်ဟူဒီးစူၢ်က့ၤနာ်က့ၤယ့ၣ်ၡူးအဂီၢ်လီၤ.

၂ ကရံၣ်သူး 2:10

ဖဲသုပျၢ်ကွံာ်ပှၤတဂၤအတၢ်ကမၣ်လၢအမၤဝဲန့ၣ်, ယဲဒၣ်ယပျၢ်ကွံာ်အတၢ်ကမၣ်စ့ၢ်ကီးလီၤ. အဂ့ၢ်ဒ်အံၤ, အလီၢ်မ့ၢ်အိၣ်နီၢ်နီၢ်လၢယကဘၣ်ပျၢ်တၢ်ကမၣ်တမံၤ မံၤန့ၣ်, ယမၤအီၤလၢခရံာ်အမဲာ်ညါလၢသုဃိ,

၁ သ့းစၤလနံ 4:8

လၢတၢ်န့ၣ်အဃိ, ပှၤတဂၤလၢ်လၢ်လၢအတတူၢ်လိာ် တၢ်သိၣ်လိအဝဲအံၤန့ၣ်, တမ့ၢ်အတတူၢ်လိာ်ပှၤကညီဘၣ်. မ့ၢ်အတတူၢ်လိာ်ကစၢ်ယွၤ, လၢအဟ့ၣ်သုအသးစီဆှံန့ၣ်လီၤ.

လံာ်လီၣ်ဖျါ 1:18

ယမ့ၢ်ပှၤလၢအမူဝဲတဂၤလီၤ. ယသံတ့ၢ်ယဲ, ဘၣ်ဆၣ်ဒီးခဲကနံၣ်အံၤ, ယမူယဲအစိၤစိၤအဃၣ်ဃၣ်လီၤ. ယအိၣ်ဒီးတၢ်စိတၢ်ကမီၤလၢတၢ်သံ, ဒီးပျုၤပူၤအဖီခိၣ်လီၤ.

လံာ်လီၣ်ဖျါ 11:6

အဝဲသ့ၣ်အိၣ်ဒီးတၢ်စိတၢ်ကမီၤလၢအကကးတံာ်ဃာ်မူခိၣ်ဒ်သိး, ဖဲဆၢကတီၢ်လၢအဝဲသ့ၣ်ကတိၤတၢ်လၢဝံအကျိာ်န့ၣ်မူခိၣ် အသုတစူၤနီတစဲးတဂ့ၤန့ၣ်လီၤ. အဝဲသ့ၣ်အိၣ်စ့ၢ်ကီးဒီးတၢ်စိတၢ်ကမီၤလၢထံမူအဖီခိၣ်လၢ အကလဲလိာ်အီၤဆူတၢ်သွံၣ်အဂီၢ်န့ၣ်လီၤ. အဝဲသ့ၣ်အိၣ်စ့ၢ်ကီးဒီးတၢ်စိတၢ်ကမီၤလၢအကတီၢ် ဟီၣ်ခိၣ်လၢတၢ်သံသတြိာ်အကလုာ်ကလုာ်အဘျီတဖၣ် အဘျီဖဲအဝဲသ့ၣ်အသးဒၣ်ဝဲအသိးန့ၣ်လီၤ.

လံာ်လီၣ်ဖျါ 3:7

ဆူဝ့ၢ်ဖံၤလဒ့းလဖံတၢ်အိၣ်ဖှိၣ်အကလူးအအိၣ်န့ၣ်, ကွဲးတၢ်ဒ်အံၤတက့ၢ်. “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအစီဝဲဆှံဝဲ, ဒီးတီဝဲလိၤဝဲအအိၣ်န့ၣ်လီၤ. အဝဲဒၣ်အိၣ်ဒီးနီၣ်ဝံာ်လၢ အမ့ၢ်စီၤဒၤဝံးအတၢ်, ဒီးဖဲအဝဲဒၣ်အိးထီၣ်တြဲၤတဘ့ၣ်န့ၣ်, ပှၤကးတံာ်အီၤတန့ၢ်နီတဂၤဘၣ်, ဒီးဖဲအကးတံာ်ဝဲန့ၣ်ပှၤအိးထီၣ်အီၤတန့ၢ်နီတဂၤဘၣ်.

လံာ်လီၣ်ဖျါ 9:1

တၢ်န့ၣ်ဝံၤအလီၢ်ခံ, ကလူးယဲၢ်ဂၤတဂၤအူထီၣ်အကွဲၤ လီၤ. ယထံၣ်ဆၣ်တဖျၢၣ်လၢအဟဲလီၤတဲာ်ဆူဟီၣ်ခိၣ်, ဒီးဘၣ်တၢ်ဟ့ၣ်အီၤတၢ်ပူၤယိာ်အနီၣ်ဝံာ်လီၤ.