လံာ်မးသဲ 16:18 - Sgaw Karen Common Bible

¹⁸ ဒီးယဲဒၣ်အံၤယစံးလၢနမ့ၢ်ပ့းတရူး, လၢၢ်တဖျၢၣ်, ဒီးလၢလၢၢ်အံၤအဖီခိၣ်န့ၣ်, ယကသူၣ်ထီၣ်ယတၢ်အိၣ်ဖှိၣ်, ဒီးတၢ်သံအစိကမီၤဒၣ်လဲာ်မၤနၢၤအီၤတန့ၢ်ဘၣ်လီၤ.

လံာ်မးသဲ 16:18 Iomraidhean Croise

လံာ်တၢ်ကဲထီၣ်အခီၣ်ထံး 22:17

ယအၢၣ်လီၤလၢယကဟ့ၣ်လီၤနၤလၢနစၢၤနသွဲၣ်တဖၣ်အါဝဲဂီၢ်ဝဲဒ်ဆၣ် ဧိၤဖီဧိၤလၢမူခိၣ်အသိးမ့ၢ်ဂ့ၤ, ဒ်မဲးဧိၤဟီၣ်ဧိၤလၢပီၣ်လဲၣ်နံၤအသိးမ့ၢ်ဂ့ၤန့ၣ်လီၤ. နစၢၤနသွဲၣ်တဖၣ်ကမၤနၢၤအဒုၣ်အဒါတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:4

စီၤပၤစံးဆၢဝဲဒၣ်, “တၢ်တမံၤလၢ်လၢ်လၢသုဆိကမိၣ်လၢမ့ၢ် တၢ်အဂ့ၤကတၢၢ်န့ၣ်ယကမၤအီၤလီၤ.” အန့ၣ်ဝံၤဒီး, အဝဲဆၢထၢၣ်ဖဲတြဲၤကပၤဖဲအဝဲအပှၤတဖၣ်ဟးထီၣ် ဝဲဒ်ပှၤတကထိမ့ၢ်ဂ့ၤ, ပှၤတကယၤမ့ၢ်ဂ့ၤအကရူၢ်အသိး, တဖုဘၣ်တဖုအခါန့ၣ်လီၤ.

လံာ်စီၤယိၤဘး 38:17

တၢ်သံအတြဲၤတဖၣ်ဘၣ်တၢ်လီၣ်ဖျါထီၣ်အီၤလၢနၤမ့ တမ့ၢ်နထံၣ်ဘၣ်တ့ၢ်တၢ်ခံးယိာ်အတြဲၤတဖၣ်စ့ၢ်ကီးဧါ.

စံးထီၣ်ပတြၢၤ 107:18

အဝဲသ့ၣ်သးဘၣ်အၢတၢ်အီၣ်ခဲလၢာ် ဒီးအဝဲသ့ၣ်သုးဘူးအသးဆူ တၢ်သံအတြဲၤတဖၣ်န့ၣ်လီၤ.

စံးထီၣ်ပတြၢၤ 127:5

ပှၤလၢအအိၣ်ဒီးပျၢ်ဒ်သိးန့ၣ်တဖၣ်လၢ အပီၤပူၤန့ၣ်ဘၣ်ဆိၣ်ဂ့ၤဝဲလီၤ. တုၤအကတိၤတၢ်ဒီးအဒုၣ်အဒါလၢပဲတြီအပူၤန့ၣ် ဒီးတဘၣ်တၢ်မၤမဲာ်ဆှးအီၤဘၣ်န့ၣ်လီၤ.

စံးထီၣ်ပတြၢၤ 129:2

“စးထီၣ်လၢယသးစၢ်လံၤလံၤန့ၣ် ယဒုၣ်ယဒါတဖၣ် မၤနးမၤဖှီၣ်ယၤ နးနးကျံၤကျံၤ, ဘၣ်ဆၣ်အဝဲသ့ၣ်တမၤနၢၤယၤဘၣ်.

စံးထီၣ်ပတြၢၤ 69:12

ယကဲထီၣ်တၢ်ဘၣ်ကတိၤအလီၢ်လၢပှၤလၢ အဆ့ၣ်နီၤလၢပဲတြီဒီး ပှၤအီမူၤသံးတဖၣ်မၤတၢ်သးဝံၣ်တဖၣ်ဘၣ်ဃး ဒီးယၤလီၤ.

စံးထီၣ်ပတြၢၤ 9:13

သူၣ်ကညီၤသးကညီၤယၤယွၤဧၢ, ကွၢ်ယတၢ်နးတၢ်ဖှီၣ်လၢ ယဒုၣ်ယဒါမၤဘၣ်ယၤန့ၣ်တက့ၢ်. ယွၤဧၢ, ဒုးပူၤဖျဲးယၤလၢတၢ်သံ,

တၢ်ကတိၤဒိ. 24:7

တၢ်ကူၣ်သ့အတၢ်ကတိၤတဖၣ်ယိာ်ကဲၣ်ဆိးလၢပှၤဟးဂီၤဖိ တဂၤကနၢ်ပၢၢ်ဝဲအဂီၢ်လီၤ. ဖဲတၢ်ဂ့ၢ်အကါဒိၣ်တဖၣ်ဘၣ်တၢ်ကတိၤ သကိးအီၤန့ၣ်, အဝဲစံးကတိၤတၢ်တသ့နီတမံၤဘၣ်.

လံာ်ယၡါယၤ 28:16

မၤသးဒ်န့ၣ်ဒီးခဲအံၤစိဒိၣ်ကမီၤဒိၣ်ယွၤစံးဝဲ, “ယပာ်လီၤတၢ်ခီၣ်ထံးအဂၢၢ်အကျၢၤဒီးဆူၣ်ဝဲတခါလၢ ဝ့ၢ်စံယိၣ်အပူၤလီၤ. လၢအပူၤန့ၣ်, ယပာ်လၢၢ်သနၢၣ်ဂၢၢ်ကျၢၤတ ဖျၢၣ်လၢအအိၣ်ဒီးတၢ်ကတိၤလၢအကွဲးလီၤအသးလၢအလိၤ, ‘တၢ်နာ်လၢအဂၢၢ်ဝဲကျၢၤဝဲန့ၣ်သးစူၤစ့ၢ်ကီးဝဲလီၤ.’

လံာ်ယၡါယၤ 28:6

အဝဲကဟ့ၣ်လီၤသးတမံၤလၢအစံၣ်ညီၣ်တီတၢ်ဆူပှၤလၢအမၤ စံၣ်ညီၣ်ကွီၢ်အတၢ်မၤတဖၣ်, ဒီးတၢ်သူၣ်ဒူသးဒူဆူပှၤလၢအက ဟုကယာ်ဝ့ၢ်အတြဲၤတဖၣ်လၢတၢ်ဟဲထီဒုၣ်ထီဒါအီၤန့ၣ်လီၤ.

လံာ်ယၡါယၤ 38:10

ယဆိကမိၣ်တ့ၢ်လၢ, လၢတၢ်အိၣ်မူမုၢ်ထူၣ်အကတီၢ်န့ၣ်, ယလဲၤလီၤတ့ၢ်ဆူပှၤသံတဖၣ်အကီၢ်ပူၤဒီးတအိၣ်မူဘၣ်လၢၤ ယတၢ်အိၣ်မူနီတစုဘၣ်န့ၣ်လီၤ.

လံာ်ယၡါယၤ 54:17

ဘၣ်ဆၣ်ဒီး, စုကဝဲၤမၤဘၣ်ဒိဘၣ်ထံးနၤတသ့ နီတခါခါဘၣ်. နကအိၣ်ဒီးတၢ်စံးဆၢတမံၤလၢပှၤလၢအပာ်တၢ်ကမၣ်လၢနလိၤ ကိးဂၤဒဲးအဂီၢ်လီၤ. ယကကဟုကယာ်ယခ့ယပှၤတဖၣ် ဒီးဟ့ၣ်အဝဲသ့ၣ်တၢ်မၤနၢၤလီၤ.” ယွၤစံးတ့ၢ်လံဝဲလံ.

လံာ်ယိၤနါ 2:6

ယလဲၤလီၤဆူကစၢၢ်ဂံၢ်ထံး ကီၢ်လၢတြဲၤကးတံာ်ဃာ်အသးအစိၤစိၤ အဃၣ်ဃၣ်န့ၣ်လီၤ. ဘၣ်ဆၣ်နဲဒၣ်ယွၤယကစၢ်ဧၢ, နထုးထီၣ်ကွံာ်ယၤလၢတၢ်ယိာ်ပူၤဒီးမၤမူထီၣ်ယၤလီၤ.

လံာ်မးသဲ 10:2

အအံၤမ့ၢ်ပှၤတၢ်မၢဖိတဆံခံဂၤအမံၤလီၤ. အဆိကတၢၢ် (စီၤၡံမိၣ်လၢအဘၣ်တၢ်ကိးစ့ၢ်ကီးအီၤလၢစီၤပ့းတရူး), ဝံၤအဒီပုၢ်ဝဲၢ်စီၤအၣ်ဒရ့း, စီၤစ့းဘ့းဒဲအဖိခွါစီၤယၤကိာ်ဒီး စီၤယိၤဟၣ်တဖၣ်,

လံာ်မးသဲ 11:23

နဲဒၣ်ဝ့ၢ်ကပ့းရနီၣ်ဧၢ, နအဲၣ်ဒိးဘၣ်တၢ်ပာ်ဒိၣ်ပာ်ထီနၤတုၤ လၢမူခိၣ်န့ၣ်ဧါ. ယွၤကတ့ၢ်လီၤကွံာ်နၤဆူလရာ်အပူၤလီၤ. တၢ်လီၤလးတဖၣ်လၢအဘၣ်တၢ်မၤအီၤလၢနပူၤန့ၣ် မ့ၢ်ဘၣ်တၢ်မၤတ့ၢ်အီၤလၢဝ့ၢ်စဒိၣ်အပူၤဒီး, ဝ့ၢ်အံၤကအိၣ်ဒံးတုၤမုၢ်မဆါတနံၤအံၤလီၤ.

လံာ်မးသဲ 18:17

ဒီးမ့ၢ်တဒိကနၣ်ဘၣ်အဝဲသ့ၣ်ဘၣ်ဒီး, စံးဘၣ်တဲဘၣ်တၢ်အိၣ်ဖှိၣ်လၢတၢ်ဂ့ၢ်တၢ်ကျိၤခဲလၢာ်တက့ၢ်. ဒီး, မ့ၢ်တဒိကနၣ်ဘၣ်တၢ်အိၣ်ဖှိၣ်အကလုၢ်ဘၣ်ဒီး, ပာ်အီၤဒ်ပှၤတစူၢ်တနာ်ဘၣ်ယွၤဒီး, ဒ်ပှၤဃ့သွဲတဂၤအသိးန့ၣ်တက့ၢ်.

လံာ်မးသဲ 4:18

ယ့ၣ်ၡူးဟဲဝဲလၢပီၣ်လဲၣ်ကၤလံၤလါအနံၤဒီးထံၣ်န့ၢ်ပှၤမၤညၣ် ဖိဒီပုၢ်ဝဲၢ်ခံဂၤလၢအမ့ၢ်စီၤၡံမိၣ်လၢအဘၣ်တၢ်ကိးစ့ၢ်ကီးအီၤလၢ စီၤပ့းတရူးဒီးစီၤအၣ်ဒရ့း ဖဲအဝဲသ့ၣ်ကွံာ်လီၤစၤလၢပီၣ်လဲၣ်ပူၤ အခါန့ၣ်လီၤ.

လံာ်မးသဲ 7:24

လၢတၢ်န့ၣ်အဃိ, ပှၤတဂၤလၢ်လၢ်လၢအနၢ်ဟူ ယတၢ်ကတိၤတဖၣ်အံၤဒီးစူၢ်ဝဲန့ၣ်, လီၤဂာ်ဒ်ပှၤကူၣ်ဘၣ်ကူၣ်သ့လၢ အဘှီထီၣ်အဟံၣ်လၢလၢၢ်အလိၤအသိးန့ၣ်လီၤ.

လံာ်ယိၤဟၣ် 1:42

ဒီးအဝဲဒၣ်လဲၤဆှၢစီၤၡံမိၣ်ဆူယ့ၣ်ၡူးအအိၣ်န့ၣ်လီၤ. ဒီးယ့ၣ်ၡူးကွၢ်ဃီၤအီၤဒီးစံးဝဲ, “နမံၤမ့ၢ်စီၤၡံမိၣ်ဒီးနပၢ်အမံၤမ့ၢ် စီၤယိၤနါန့ၣ်လီၤ. ဘၣ်ဆၣ်တၢ်ကကိးက့ၤနၤလၢစီၤက့ၤဖးန့ၣ်လီၤ.” (မ့ၢ်တမံၤဃီဒီးစီၤပ့းတရူးလၢအခီပညီမ့ၢ်လၢၢ်လီၤ.)

မၤတၢ် 2:47

အိၣ်ဒီးတၢ်စံးထီၣ်ပတြၢၤကစၢ်ယွၤ, ဒီးအဝဲသ့ၣ်ဒိးန့ၢ်ပှၤခဲလၢာ်အတၢ်ဘၣ်သူၣ်ဘၣ်သးန့ၣ်လီၤ. ဒီးကိးနံၤဒဲးန့ၣ်, ကစၢ်ပာ်ဖှိၣ်အါထီၣ်ပှၤဒိးန့ၢ်တၢ်အုၣ်က့ၤခီၣ်က့ၤ တဖၣ်ဆူအဝဲသ့ၣ်အတၢ်အိၣ်ဖှိၣ်အပူၤန့ၣ်လီၤ.

မၤတၢ် 20:28

အံးထွဲကွၢ်ထွဲလီၤသုသးဒၣ်ဝဲ, ဒီးအံးထွဲကွၢ်ထွဲသိခဲလၢာ်လၢသးစီဆှံပာ်လီၤတ့ၢ်ဝဲလၢသု တၢ်အံးတၢ်ကွၢ်အပူၤန့ၣ်တက့ၢ်. ကဲထီၣ်ပှၤကွၢ်သိတဖၣ် လၢကစၢ်ယွၤအတၢ်အိၣ်ဖှိၣ်အဂီၢ်, တၢ်အိၣ်ဖှိၣ်လၢအဝဲဒုးကဲထီၣ်အီၤဆူ အတၢ်ဒၣ်ဝဲခီဖျိအဖိခွါအတၢ်သံန့ၣ်တက့ၢ်.

မၤတၢ် 8:1

စီၤစီလူးအၢၣ်လီၤထွဲဝဲတၢ်မၤသံစီၤစတ့းဖၣ်န့ၣ်လီၤ. တနံၤဃီအဝဲန့ၣ်, တၢ်အိၣ်ဖှိၣ်လၢဝ့ၢ်ယရူၤၡလ့ၣ်အပူၤဘၣ်တၢ်စးထီၣ်မၤအၢမၤနး အီၤနးမးလီၤ. မ့တမ့ၢ်ဘၣ်လၢပှၤတၢ်မၢဖိတဖၣ်ဘၣ်ဒီး, ပှၤစူၢ်က့ၤနာ်က့ၤတၢ်ခဲလၢာ်လီၤပြံလီၤပြါဝဲသကုၤကီၢ်ယူဒၤ ဒီးကီၢ်ၡၤမရံန့ၣ်လီၤ.

1 ကရံၣ်သူး 15:55

“တၢ်သံဘၣ်တၢ်မၤဟးဂီၤကွံာ်အီၤလံ. တၢ်မၤနၢၤလၢဝဲပှဲၤ ဝဲလံ. တၢ်သံဧၢ, နတၢ်မၤနၢၤအိၣ်ဖဲလဲၣ်. တၢ်သံဧၢ, နတၢ်စိတၢ်ကမီၤလၢနကမၤဆူးမၤဆါတၢ်န့ၣ်အိၣ်ဖဲ လဲၣ်.”

ကလၤတံ 2:9

စီၤယၤကိာ်, စီၤပ့းတရူးဒီးစီၤယိၤဟၣ်, လၢအမ့ၢ်ပှၤခိၣ်ပှၤနၢ်တဖၣ်ထံၣ်သ့ၣ်ညါဝဲလၢကစၢ်ယွၤ ဟ့ၣ်တ့ၢ်ယၤတၢ်မၤလီၤဆီအဝဲအံၤန့ၣ်လီၤ. လၢတၢ်န့ၣ် အဃိအဝဲသ့ၣ်ဟံးစုကွၢ်မဲာ်စီၤဘၢ်နါဘၤဒီးယၤဒ်အမ့ၢ် တၢ်ပနီၣ်လၢပဝဲသ့ၣ်ခဲလၢာ်ပမ့ၢ်ပှၤမၤသကိးတၢ်တဖၣ် န့ၣ်လီၤ. ပအၢၣ်လီၤသကိးလၢစီၤဘၢ်နါဘၤဒီးယၤ ပကမၤတၢ်လၢပှၤကလုာ်ဂၤတဖၣ်အကျါဒီးအဝဲသ့ၣ်တခီလၢ ပှၤယူဒၤဖိတဖၣ်အကျါလီၤ.

အ့းဖ့းစူး 3:10

ဒ်သိးဒီးလၢမုၢ်မဆါတနံၤအံၤ, ခီဖျိတၢ်အိၣ်ဖှိၣ်န့ၣ်ယွၤအတၢ်ကူၣ်သ့ကူၣ်ဘၣ်အကလုာ် ကလုာ်ကဘၣ်တၢ်သ့ၣ်ညါမၤလိန့ၢ်အီၤလၢကလူးလၢအပၢတၢ် တဖၣ်ဒီးတၢ်စိတၢ်ကမီၤဘၣ်ဃးမူခိၣ်န့ၣ်လီၤ.

အ့းဖ့းစူး 5:32

လၢတၢ်အံၤအပူၤတၢ်မ့ၢ်တၢ်တီခူသူၣ်ဘၣ်တၢ်လီၣ်ဖျါထီၣ်အီၤ လီၤ. ယနၢ်ပၢၢ်လၢတၢ်အံၤမ့ၢ်တၢ်ဘၣ်ဃးဒီးခရံာ်ဒီးတၢ်အိၣ်ဖှိၣ် အဂ့ၢ်လီၤ.

ကလီးစဲ 1:18

ခရံာ်မ့ၢ်တၢ်အိၣ်ဖှိၣ်အခိၣ်ဒီးတၢ်အိၣ်ဖှိၣ်မ့ၢ်ခရံာ်အနီၢ်ခိလီၤ. အဝဲမ့ၢ်နီၢ်ခိအံၤအတၢ်မူအခီၣ်ထံးခီၣ်ဘိလီၤ. ခရံာ်မ့ၢ်ယွၤ အဖိဝဲၢ်ကိလၢအဘၣ်တၢ်ဒုးဂဲၤဆၢထၢၣ်က့ၤအီၤလၢတၢ်သံ အဆိကတၢၢ်, ဒ်သိးဒီးအဝဲကဒိၣ်စိလၢတၢ်ခဲလၢာ်အဖီခိၣ် အဂီၢ်န့ၣ်လီၤ.

၁ တံၤမသ့း 3:15

ဘၣ်ဆၣ်ဒီးယမ့ၢ်ဘၣ်တံာ်တာ်ဘၣ်ဖုးန့ၣ်, လံာ်ပရၢအဝဲအံၤကဒုးသ့ၣ်ညါနၤလၢပဂ့ၤအိၣ်မူဒ်လဲၣ်ဒ် လဲၣ်လၢကစၢ်ယွၤအဒူၣ်ပူၤထၢပူၤ, လၢအမ့ၢ်ကစၢ်ယွၤလၢအမူဝဲတဂၤအတၢ်အိၣ်ဖှိၣ်, ဟံၣ်ထူၣ်ဒီးတၢ်ပၢၢ်ဃာ်လၢအစိာ်ဂၢၢ်စိာ်ကျၢၤတၢ်မ့ၢ် တၢ်တီန့ၣ်လီၤ.

၁ တံၤမသ့း 3:5

အဂ့ၢ်ဒ်လဲၣ်န့ၣ်, ပှၤတဂၤလၢအတသ့ၣ်ညါပၢဆှၢအဟံၣ် ဖိဃီဖိဒၣ်ဝဲန့ၣ်, အံးထွဲကွၢ်ထွဲယွၤအတၢ်အိၣ်ဖှိၣ်ကသ့လၢကျဲဒ်လဲၣ်.

ဧ့ၤဘြံၤ 12:28

လၢတၢ်န့ၣ်အဃိ, ဂ့ၤလၢပသးအံၤပှဲၤဒီးတၢ်စံးဘျုးစံးဖှိၣ်, အဂ့ၢ်မ့ၢ်လၢပဒိးန့ၢ်ဘၣ်ဘီမုၢ်လၢတၢ်မၤဟူးမၤဝးအီၤ တန့ၢ်ဘၣ်အဃိန့ၣ်လီၤ. မ်ပသ့ၣ်ညါဆၢတၢ်ဘျုးတၢ်ဖှိၣ်ဒီးဘူၣ်ထီၣ်ဘါထီၣ် ကစၢ်ယွၤဖဲဒၣ်တၢ်ဘၣ်ကစၢ်ယွၤအသးလၢတၢ်ယူးယီၣ်ပာ်ကဲဒီး တၢ်ပျံၤကစၢ်ယွၤအပူၤန့ၣ်တက့ၢ်.

လံာ်လီၣ်ဖျါ 11:15

အန့ၣ်ဝံၤဒီး, ကလူးနွံဂၤတဂၤအူထီၣ်အကွဲၤ, ဒီးတၢ်ကလုၢ်တဖၣ်သီၣ်ထီၣ်ဖးဒိၣ်လၢမူခိၣ်, ဒီးစံးဝဲဒၣ်, “ခဲကနံၣ်အံၤ, တၢ်စိကမီၤဘၣ်ဃးဒီးတၢ်ပၢဘၣ်ဟီၣ်ခိၣ်မ့ၢ် ပကစၢ်ဒီးအမ့းၡံအၤအတၢ်, ဒီးအဝဲဒၣ်ကပၢတၢ်လီၤထူလီၤ ယိာ်လီၤ.”

လံာ်လီၣ်ဖျါ 21:14

ဝ့ၢ်တဖျၢၣ်န့ၣ်အတၢ်ဒူၣ်ဘၣ်တၢ်သူၣ်ထီၣ်အီၤလၢလၢၢ် အခီၣ်ထံးတဆံခံဖျၢၣ်အဖီခိၣ်, ဒီးလၢလၢၢ်အခီၣ်ထံးတဖၣ်န့ၣ် အလိၤ, သိဖိအပှၤတၢ်မၢဖိတဆံခံဂၤအမံၤတဖၣ်အိၣ်ကွဲး အသးလီၤ.