လံာ်မးသဲ 16:12 - Sgaw Karen Common Bible

¹² တုၤနုၤတစုအပျဲၢ်အဘီၣ်တဖၣ်နၢ်ပၢၢ်ဝဲလၢ, တၢ်လၢယ့ၣ်ၡူးတဲပလီၢ်အဝဲသ့ၣ်လၢအကတဒီတဒါအသးန့ၣ်, တမ့ၢ်ဘၣ်ကိၣ်မံၣ်လၢတၢ်သူအီၤပှၤမၤကိၣ်န့ၣ်ဘၣ်. မ့မ့ၢ်, မ့ၢ်လၢပှၤဖၤရံၤၡဲဒီးပှၤစးဒူၤကဲတဖၣ်အတၢ်သိၣ်လီၤသီလီၤန့ၣ်လီၤ.

လံာ်မးသဲ 16:12 Iomraidhean Croise

လံာ်မးသဲ 16:11

ဖဲယစံးဘၣ်သု, ပလီၢ်သုသးလၢပှၤဖၤရံၤၡဲဒီး ပှၤစးဒူၤကဲအကိၣ်မံၣ်န့ၣ်, ယတကတိၤတၢ်ဘၣ်ဃးဒီးကိၣ်ဘၣ်န့ၣ်, ဘၣ်မနုၤလၢသုတနၢ်ပၢၢ်ဘၣ်လဲၣ်.”

လံာ်မးသဲ 3:7

တုၤစီၤယိၤဟၣ်ထံၣ်ဘၣ်ပှၤဖၤရံၤၡဲဒီးပှၤစးဒူၤကဲအါဒံအါ ဂၤလၢအဟဲလၢကဒိးဘျၢအသးလၢထံအဂီၢ်န့ၣ်ဒီးစံးဘၣ်အဝဲသ့ၣ်, “ဂုၢ်ဘီၣ်အီးသ့ၣ်ဧၢ, မတၤဟ့ၣ်ပလီၢ်သုလၢသုကဃ့ၢ်ပူၤကွံာ်လၢ ကစၢ်ယွၤအတၢ်စံၣ်ညီၣ်လၢအကဟဲန့ၣ်လဲၣ်.

လံာ်မးသဲ 5:20

သုတၢ်တီတၢ်လိၤမ့ၢ်တဒိၣ်န့ၢ်အါန့ၢ်ပှၤသ့တၢ်ဘူၣ်တၢ်ဘါ အတၢ်သိၣ်တၢ်သီဒီးပှၤဖၤရံၤၡဲတဖၣ်အတၢ်တီတၢ်လိၤဘၣ်ဒီး, သုလဲၤနုာ်ဆူမူခိၣ်အဘီအမုၢ်အပူၤတသ့လ့ၤတက့ၤဘၣ်.

မၤတၢ် 23:8

(အဂ့ၢ်ဒ်အံၤ, ပှၤစးဒူၤကဲတဖၣ်စံးလၢပှၤကညီတဂဲၤဆၢ ထၢၣ်က့ၤလၢတၢ်သံဘၣ်. ဒီးမူခိၣ်ကလူးမ့ၢ်ဂ့ၤ, သးမ့ၢ်ဂ့ၤ တအိၣ်နီတမံၤဘၣ်. မ့မ့ၢ်ပှၤဖၤရံၤၡဲတခီနာ်လၢတၢ်သၢ ခါလိာ်အံၤခဲလၢာ်လီၤ.)

1 ကရံၣ်သူး 5:6

သုပာ်ကဖၢလၢသုသးန့ၣ်, တမ့ၢ်တၢ်လၢအကြၢးဝဲဘၣ်ဝဲ ဘၣ်. သုသ့ၣ်ညါတၢ်ကတိၤတထံၣ်လၢအစံးဝဲ, “ကိၣ်မံၣ်ထဲတစဲးဖိဧိၤမၤဖးထီၣ်ကိၣ်ကမူၣ်ကျဲအသးဒီးထံ ဒီကိၢ်လိၣ်ညါ” န့ၣ်လီၤ.