လံာ်မးသဲ 15:8 - Sgaw Karen Common Bible

⁸ ‘ကစၢ်ယွၤစံးဝဲဒၣ်, ပှၤတကလုာ်အံၤ ယူးယီၣ်ယၤလၢအထးခိၣ် ဘၣ်ဆၣ်အသးန့ၣ်ယံၤမးဒီးယၤလီၤ.

လံာ်မးသဲ 15:8 Iomraidhean Croise

တၢ်ကတိၤဒိ. 23:26

ဖိခွါဧၢ, ပာ်သူၣ်ပာ်သးတံၢ်တံၢ်နီၢ်နီၢ်သပှၢ်ပှၢ်, ဒီးပျဲယတၢ်အိၣ်မူကဲဒိကဲတဲာ်လၢနဂီၢ်တက့ၢ်.

လံာ်ယၡါယၤ 29:13

ဒီးယွၤစံးဝဲဒၣ်, “မ့ၢ်ပှၤဂီၢ်မုၢ်အံၤသုးဘူးအသးဆူ ယအိၣ်လၢအထးခိၣ်ဒီးမၤလၤကပီၤယၤလၢအပျူၤ ဘၣ်ဆၣ်ဒီးပာ်အသးယံၤဒီးယၤလီၤ. အတၢ် ဘူၣ်တၢ်ဘါန့ၣ်မ့ၢ်ဒၣ်ပှၤကညီအတၢ်သိၣ်တၢ်ဘျၢ တဖၣ်ဒီးတၢ်ဟဲလီၤစၢၤတဖၣ်ဧိၤ, လၢအဝဲသ့ၣ်တိၢ်ရူးဝဲန့ၣ်လီၤ.

လံာ်ယံးရမံယၤ 12:2

နသူၣ်လီၤအဝဲသ့ၣ်, ဒီးအဝဲသ့ၣ်အဂံၢ်စဲၤလီၤအသးလီၤ. အဝဲသ့ၣ်ဒိၣ်ထီၣ်ဒီးသူထီၣ်သၣ်ထီၣ်ဝဲလီၤ. အဝဲသ့ၣ်ကတိၤဂ့ၤနၤထီဘိ, သနာ်က့, အဝဲသ့ၣ်တသူၣ်အိၣ်သးအိၣ်ဘၣ်နၤနီၢ်နီၢ်ဘၣ်.

လံာ်ယဃ့းစက့လး 33:31

လၢတၢ်န့ၣ်အဃိ, ယပှၤဂီၢ်မုၢ်ပာ်ဖှိၣ်ထီၣ်အသးဒ်သိးကနၢ်ဟူ တၢ်လၢနကစံးအီၤ, ဘၣ်ဆၣ်အဝဲသ့ၣ်တမၤတၢ်လၢနတဲဘၣ် အဝဲသ့ၣ်လၢကဘၣ်မၤဝဲန့ၣ်ဘၣ်. တၢ်ကတိၤတဖၣ်လၢအလီၤ အဲၣ်လီၤကွံန့ၣ်အိၣ်ဝဲလၢအနိးဖံးတဖၣ်အလိၤ, ဘၣ်ဆၣ်အဝဲသ့ၣ် မၤထွဲဒံးဒၣ်အတၢ်သူၣ်လီသးကွံအကျဲတဖၣ်န့ၣ်လီၤ.

လံာ်မးသဲ 15:7

ပှၤပာ်မၤအသးဖိသ့ၣ်ဧၢ, တၢ်လၢဝံယၡါယၤစံးတ့ၢ်ဝဲလၢသုဂ့ၢ် န့ၣ်တီမးလီၤ. စံးဝဲ,

လံာ်မၢ်ကူး 7:6

ယ့ၣ်ၡူးစံးဆၢအဝဲသ့ၣ်, “ဝံယၡါယၤအတၢ်ကတိၤဆိပာ်လၢသုဂ့ၢ်န့ၣ်ဘၣ်မးလီၤ. သုမ့ၢ်ပှၤပာ်မၤအသးတဖၣ်ဒ်အဝဲကွဲးတၢ်အသိး, ‘ကစၢ်ယွၤစံးဝဲပှၤသ့ၣ်တဖၣ်အံၤမၤလၤကပီၤယၤလၢ အထးခိၣ်ဘၣ်ဆၣ်ဒီး အသးတခီ အိၣ်ယံၤဒီးယၤလီၤ.

လံာ်ယိၤဟၣ် 1:47

ဖဲယ့ၣ်ၡူးထံၣ်စီၤနၤသန့လးဟဲဆူအအိၣ်ဒီး အဝဲကတိၤတၢ်လၢအဂ့ၢ်ဒီးစံးဝဲ, “အဝဲမ့ၢ်ပှၤအံၣ်စရ့လးဖိနီၢ်နီၢ် တဂၤလၢတၢ်လီတၢ်ဝ့ၤတအိၣ်ဘၣ်လၢအပူၤန့ၣ်လီၤ.”

လံာ်ယိၤဟၣ် 5:23

ဒ်သိးပှၤခဲလၢာ်ကယူးယီၣ်ဖိခွါဒ်အယူးယီၣ်ပၢ်အသိး န့ၣ်လီၤ. ပှၤလၢတယူးယီၣ်ဘၣ်ဖိခွါန့ၣ်, တယူးယီၣ်ဘၣ်ပၢ်လၢအမၢလီၤအီၤတဂၤန့ၣ်ဘၣ်.

မၤတၢ် 8:21

နတဘၣ်ထွဲဘၣ်ဃးဒီးပတၢ်မၤအံၤဘၣ်. အဂ့ၢ်မ့ၢ်လၢနသးတဘျၢလၢကစၢ်ယွၤအမဲာ်အတၢ်ထံၣ်အပူၤ အဃိလီၤ.

ဧ့ၤဘြံၤ 3:12

ယဒီပုၢ်ဝဲၢ်သ့ၣ်ဧၢ, ပလီၢ်သုသးဒ်သိးပှၤလၢသုကျါအသုတအိၣ်ဒီးသးလၢ အအၢဝဲဒီးအတစူၢ်တနာ်ဘၣ်တၢ်တုၤအကဃၣ်ကွံာ်အသး လၢကစၢ်ယွၤလၢအမူဝဲဒီးဟ့ၣ်တၢ်မူတဂၤအအိၣ်နီတဂၤ တဂ့ၤအဂီၢ်န့ၣ်တက့ၢ်.

၁ ပ့းတရူး 3:10

ဒ်တၢ်ကွဲးအသးစံးဝဲအသိး, “ပှၤတဂၤလၢ်လၢ်လၢအသးအိၣ်မုာ်လၤလၢ တၢ်အိၣ်မူအပူၤ ဒီးဆၢထံၣ်ဘၣ်နံၤသီလၢအဂ့ၤတဖၣ်န့ၣ်, တဘၣ်ကတိၤအၢကတိၤသီတၢ်ဘၣ် ဒီးကဘၣ်ဆိကတီၢ် တၢ်ကတိၤလီတၢ်တဖၣ်န့ၣ်လီၤ.