လံာ်မးသဲ 15:6 - Sgaw Karen Common Bible

⁶ အလီၢ်တအိၣ်ဘၣ်လၢအကယူးယီၣ်အမိၢ်အပၢ်လၢၤဘၣ်န့ၣ်လီၤ. လၢကျဲဒ်အံၤ, သုမၤဟးဂီၤကွံာ်ယွၤအတၢ်မၤလိာ်, ဒ်သိးသုကမၤဘၣ်သုလုၢ်သုလၢ်ဒၣ်ဝဲန့ၣ်လီၤ.

လံာ်မးသဲ 15:6 Iomraidhean Croise

စံးထီၣ်ပတြၢၤ 119:126

ဆၢကတီၢ်ဘၣ်လံလၢယွၤကမၤတၢ်လီၤ. အဂ့ၢ်ဒ်အံၤ, နတၢ်သိၣ်တၢ်သီတဖၣ် ဘၣ်တၢ်ဘိးကဒါကွံာ်အီၤလံ.

စံးထီၣ်ပတြၢၤ 119:139

ယတၢ်သးဒိၣ်ထီၣ်အီၣ်တၢ်လၢယပူၤဒ်မ့ၣ်အူအသိး မ့ၢ်လၢယဒုၣ်ယဒါတဖၣ်တဒိကနၣ် နတၢ်မၤလိာ်တဖၣ်အဃိန့ၣ်လီၤ.

လံာ်ယံးရမံယၤ 8:8

သုစံးလၢသုကူၣ်တၢ်သ့ဒီးလၢသုသ့ၣ်ညါ ယတၢ်စူၢ်တၢ်နာ်အတၢ်သိၣ်တၢ်သီတဖၣ်သ့ဒ်လဲၣ်. ကွၢ်ကွၢ်, တၢ်စူၢ်တၢ်နာ်အတၢ်သိၣ်တၢ်သီတဖၣ်ဘၣ်တၢ် လဲလိာ်ကွံာ်အီၤလၢပှၤကွဲးလံာ်လၢအတတီတလိၤတဖၣ်န့ၣ်လီၤ.

လံာ်ဟိၤၡ့ 4:6

ယပှၤဂီၢ်မုၢ်ဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, အဝဲသ့ၣ်, တသ့ၣ်ညါအၢၣ်လီၤယၤဘၣ်. သုဝဲပှၤလုၢ်တၢ်အခိၣ်တဖၣ်ဂ့ၢ်လိာ်သ့ၣ်ညါအၢၣ်လီၤတ့ၢ်ယၤ, ဒီးညိကွံာ်တ့ၢ်ယတၢ်သိၣ်လိလီၤ. ဒီးလၢတၢ်န့ၣ်အဃိ, ယကညိကွံာ်သုဒီးတသ့ၣ်ညါအၢၣ်လီၤဘၣ်သုဖိခွါတဖၣ် ဒ်ပှၤလုၢ်တၢ်အခိၣ်တဖၣ်အသိးဘၣ်န့ၣ်လီၤ.

လံာ်မးသဲ 15:5

ဘၣ်ဆၣ်ဒီး, သုစံးလၢပှၤတဂၤလၢ်လၢ်လၢအအိၣ်ဒီးတၢ်တမံၤမံၤလၢ ကဟ့ၣ်မၤစၢၤအမိၢ်မ့ၢ်ဂ့ၤ, အပၢ်မ့ၢ်ဂ့ၤန့ၣ်, မ့ၢ်စံးဝဲလၢအလုၢ်ထီၣ်တ့ၢ်တၢ်န့ၣ်လၢယွၤလံဒီး,

လံာ်မးသဲ 15:7

ပှၤပာ်မၤအသးဖိသ့ၣ်ဧၢ, တၢ်လၢဝံယၡါယၤစံးတ့ၢ်ဝဲလၢသုဂ့ၢ် န့ၣ်တီမးလီၤ. စံးဝဲ,

လံာ်မၢ်ကူး 7:13

သုမၤဒ်အံၤန့ၣ်, မ့ၢ်သုဒုးကဲထီၣ်ကစၢ်ယွၤအကလုၢ်ကထါလၢတၢ် ကလီကလီခီဖျိသုဟ့ၣ်ယုၢ်လီၤမိၢ်ပၢ်ဖံဖုလၢပျၢၤ အတၢ်သိၣ်လိသီလိတဆီဘၣ်တဆီအဃိန့ၣ်လီၤ. ဒီးတၢ်ဒ်သိးအံၤလၢသုမၤအီၤန့ၣ်, အိၣ်အါမံၤလီၤ.”

ရိမ့ၤ 3:31

တၢ်အဝဲအံၤအခီပညီမ့ၢ်ပတၢၤကွံာ်တၢ်သိၣ်တၢ်သီလၢတၢ် စူၢ်တၢ်နာ်အံၤန့ၣ်ဧါ. တမ့ၢ်ဒ်န့ၣ်ဘၣ်. မ့မ့ၢ်ပပာ်ဂၢၢ်ပာ်ကျၢၤတၢ်သိၣ်တၢ်သီအံၤတခီန့ၣ်လီၤ.

၁ တံၤမသ့း 5:16

ဘၣ်ဆၣ်ဒီး, ပိာ်မုၣ်လၢအစူၢ်က့ၤနာ်က့ၤတၢ်တဂၤဂၤအဒူၣ်ဖိထၢဖိ အပူၤမုၣ်ကမဲမ့ၢ်အိၣ်ဒီး, အဝဲကဘၣ်အံးထွဲကွၢ်ထွဲမုၣ်ကမဲတဖၣ်အံၤ ဒီးမ်အသုတပာ်ထီၣ်တၢ်ဝံတၢ်ယိးအဝဲအံၤလၢတၢ်အိၣ်ဖှိၣ် အဖီခိၣ်တဂ့ၤ. အဂ့ၢ်ဒ်လဲၣ်န့ၣ်, တၢ်အိၣ်ဖှိၣ်ကဘၣ်ကွၢ်ထွဲမၤ စၢၤမုၣ်ကမဲနီၢ်နီၢ်တဖၣ်န့ၣ်လီၤ.

၁ တံၤမသ့း 5:8

ဘၣ်ဆၣ်ဒီး, ပှၤတဂၤဂၤမ့ၢ်တအံးထွဲကွၢ်ထွဲအဘူးအတံၢ်, လီၤဆီဒၣ်တၢ်အဟံၣ်ဖိဃီဖိဒူၣ်ဖိထၢဖိဒၣ်ဝဲဘၣ်ဒီး, အဝဲသမၢဘၣ်လံတၢ်စူၢ်တၢ်နာ်ဒီးမ့ၢ်ပှၤလၢအအၢန့ၢ်ဒံး ပှၤလၢအတစူၢ်တနာ်တၢ်တဂၤန့ၣ်လီၤ.