လံာ်မးသဲ 15:31 - Sgaw Karen Common Bible

³¹ တုၤပှၤဂီၢ်မုၢ်တဖၣ်ထံၣ်ဘၣ်ပှၤအုးအးကတိၤထီၣ်တၢ်, ပှၤအစုကၢ်အခီၣ်ချံးတဖၣ်ဂ့ၤထီၣ်က့ၤ, ပှၤအခီၣ်ဟးဂီၤတဖၣ်ဟးထီၣ်က့ၤ, ဒီးပှၤအမဲာ်ဘျီၣ်ထံၣ်ထီၣ်က့ၤတၢ်ဒီး, ကမၢကမၣ်ဝဲ ဒီးစံးထီၣ်ပတြၢၤအံၣ်စရ့လးအကစၢ်ယွၤလီၤ.

လံာ်မးသဲ 15:31 Iomraidhean Croise

လံာ်တၢ်ကဲထီၣ်အခီၣ်ထံး 32:28

ဒီးပှၤတဂၤန့ၣ်စံးဘၣ်အီၤ, “နမံၤတမ့ၢ်လၢၤဘၣ်စီၤယၤကိာ် ဘၣ်. နဂဲၤပျုၢ်ပြၢလိာ်တ့ၢ်နသးဒီးကစၢ်ယွၤဒီးပှၤကညီ, ဒီးနမၤနၢၤလံတၢ်လံ. အဃိဒီးနမံၤကမ့ၢ်စီၤအံၣ်စရ့လးလီၤ.”

လံာ်တၢ်ကဲထီၣ်အခီၣ်ထံး 33:20

ဒီးဖဲန့ၣ်မၤထီၣ်ဝဲတၢ်လုၢ်လီၢ်တခါဒီးကိးဝဲအမံၤလၢ “အ့ၤလံ,” ဒ်ပစံးတၢ်အသိး, “အံၣ်စရ့လးအကစၢ်ယွၤ” န့ၣ်လီၤ.

စံးထီၣ်ပတြၢၤ 50:15

လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

စံးထီၣ်ပတြၢၤ 50:23

ပှၤလၢအဟဲစိာ်တၢ်စံးဘျုးစံးဖှိၣ်ဒ်တၢ်လုၢ်အသိးန့ၣ် မၤလၤကပီၤယၤလီၤ. ဒီးပှၤလၢအကတဲာ်ကတီၤအကျဲန့ၣ် ယကဒုးနဲၣ်အီၤလၢ ယတၢ်အုၣ်က့ၤခီၣ်က့ၤလီၤ.”

လံာ်တၢ်ဟးထီၣ်ကွံာ် 24:10

ဒီးအဝဲသ့ၣ်ထံၣ်ပှၤအံၣ်စရ့လးဖိအကစၢ်ယွၤန့ၣ်လီၤ. လၢအခီၣ်ဖီလာ်န့ၣ်တၢ်လီၤဂာ်ဒီးတၢ်မျၢ်နံၤလါအိၣ်ဒါလီၤအသး, ဒီးလါအဲးဝဲဒ်မူကပိာ်လိၤအသိးန့ၣ်လီၤ.

လံာ်မးသဲ 15:30

ဒီးပှၤဂီၢ်မုၢ်ဖးဒိၣ်ဟဲဆူအအိၣ်, ဟဲစိာ်ဃုာ်ဒီးပှၤအခီၣ်ဟးဂီၤ, ပှၤအစုကၢ်အခီၣ်ချံး, ပှၤအမဲာ်ဘျီၣ်, ပှၤအုးအးဒီးပှၤဘၣ်ဆူးဘၣ်ဆါအဂုၤအဂၤအါဂၤ, ဒီးပာ်လီၤဝဲလၢယ့ၣ်ၡူးအခီၣ်ထံး, ဒီးအဝဲဒၣ်မၤဘျါက့ၤအဝဲသ့ၣ်လီၤ.

လံာ်မးသဲ 18:8

ဒီးနစုမ့ၢ်ဂ့ၤ, နခီၣ်မ့ၢ်ဂ့ၤ, မ့ၢ်မၤဟးဂီၤနတၢ်စူၢ်တၢ်နာ် ဒီး, ဒီၣ်တဲာ်ကွံာ်အီၤဒီးစူးကွံာ်အီၤတက့ၢ်. နလဲၤနုာ်ဆူတၢ်မူအပူၤအိၣ်ဒီးနစုကၢ်ခီၣ်ကၢ်န့ၣ်, ဂ့ၤဒိၣ်န့ၢ်ဒံးနဘၣ်တၢ်တ့ၢ်လီၤကွံာ်နၤဆူမ့ၣ်အူအထူအယိာ်အ ပူၤ, အိၣ်ဒီးနစုခံခီနခီၣ်ခံခီလၢာ်တက့ၢ်လီၤ.

လံာ်မးသဲ 21:14

ပှၤမဲာ်ဘျီၣ်ဒီးပှၤစုကၢ်ခီၣ်ချံးတဖၣ်ဟဲဆူအအိၣ်လၢတၢ်လုၢ် ဟံၣ်အပူၤ, ဒီးအဝဲမၤဘျါက့ၤအဝဲသ့ၣ်လီၤ.

လံာ်မးသဲ 8:10

တုၤယ့ၣ်ၡူးနၢ်ဟူတၢ်အံၤဒီး, ကမၢကမၣ်ဝဲဒီးစံးဘၣ်ပှၤလၢအပိာ်အခံတဖၣ်, “ယတဲသုတၢ်မ့ၢ်တၢ်တီလီၤ. ယတထံၣ်န့ၢ်ပှၤအိၣ်ဒီးတၢ်နာ်ဒ်အံၤအသိးလၢကီၢ်အံၣ်စရ့လး အပူၤနီတဂၤဘၣ်.

လံာ်မးသဲ 9:32

ဖဲပှၤခံဂၤအံၤဟးထီၣ်ကွံာ်ဝဲအဖၢမုၢ်န့ၣ်, ပှၤတနီၤဟဲကိးန့ၢ်ပှၤလၢတၢ်နါဒိးအီၤဒီးအုးအးကတာ်ပျ့ၤ တဂၤဆူယ့ၣ်ၡူးအအိၣ်လီၤ.

လံာ်မးသဲ 9:33

တုၤယ့ၣ်ၡူးဟီထီၣ်ကွံာ်တၢ်နါဝံၤတကတီၢ်ဃီဖဲန့ၣ်, ပှၤအုးအးန့ၣ်ကတိၤထီၣ်က့ၤတၢ်ဒီးပှၤကမၢကမၣ်ကိးဂၤဒဲးဒီးစံးဝဲ, “ပတထံၣ်တၢ်မၤအသးဒ်အံၤအသိးလၢကီၢ်အံၣ်စရ့လး အပူၤနီတစုနီတခီၣ်ဒံးဘၣ်.”

လံာ်မၢ်ကူး 2:12

ဖဲပှၤကိးဂၤဒဲးကွၢ်အီၤအခါ, ပှၤတဂၤန့ၣ်ဂဲၤဆၢထၢၣ်ဟံးထီၣ်အလီၢ်မံဒါ ဒီးဟးထီၣ်ကွံာ်ဝဲလီၤ. ပှၤသ့ၣ်တဖၣ်လၢအထံၣ်တၢ်မၤအသးအဝဲအံၤကိးဂၤဒဲးန့ၣ်, ကမၢကမၣ်ဝဲဒိၣ်မးဒီးစံးထီၣ်ပတြၢၤကစၢ်ယွၤဒီးစံးဝဲ, “တၢ်မၤအသးဒ်သိးအံၤပတထံၣ်ဘၣ်ဒံးနီတစုနီတခီၣ်ဘၣ်.”

လံာ်မၢ်ကူး 7:37

အဝဲသ့ၣ်တဖၣ်န့ၣ်တၢ်လီၤကမၢကမၣ်ဘၣ်အီၤဒိၣ်မးဒီးစံးဝဲ, “အဝဲဒၣ်တဂၤအံၤ, မၤတၢ်ကိးမံၤဒဲးသ့ဝဲဂ့ၤဂ့ၤဘၣ်ဘၣ်လီၤ. ပှၤလၢအနၢ်တအၢဒၣ်လဲာ်န့ၣ်ဒုးနၢ်ဟူထီၣ်က့ၤဝဲတၢ်, ဒီးပှၤလၢအအုးအးန့ၣ်ဒုးကတိၤထီၣ်က့ၤဝဲတၢ်လီၤ.”

လံာ်မၢ်ကူး 9:43

သတးဒီး, လၢနစုအဃိနတၢ်စူၢ်တၢ်နာ်မ့ၢ်ဟးဂီၤကွံာ်ဒီးဒီၣ်တဲာ်ကွံာ် အီၤတက့ၢ်. နကနုာ်လီၤဘၣ်ဆူတၢ်မူအထူအယိာ်အပူၤအိၣ်ဒီးနစု တူာ်တခီန့ၣ်, ဂ့ၤန့ၢ်ဒံးနကအိၣ်ဒီးနစုခံခီလၢာ်ဒီးနကလဲၤဆူလရာ်အပူၤ, ဖဲမ့ၣ်အူကဲၤတလီၤပံာ်နီတစုဘၣ်န့ၣ်လီၤ.

လံာ်လူၤကၣ် 14:13

မ့မ့ၢ်နဲဒၣ်အံၤ, ဖဲနကတဲာ်ကတီၤတၢ်အီၣ်တၢ်အီအမူးန့ၣ်, ကွဲပှၤဖှီၣ်ဖိယာ်ဖိ, ပှၤက့ပှၤကွဲၣ်, ပှၤခီၣ်ဟးဂီၤဒီးပှၤမဲာ်ဘျီၣ်တဖၣ်န့ၣ်တက့ၢ်.

လံာ်လူၤကၣ် 14:21

တၢ်ခ့တၢ်ပှၤက့ၤကဒါက့ၤဒီးစံးဘၣ်တဲဘၣ်အကစၢ် လၢတၢ်သ့ၣ်တဖၣ်အံၤခဲလၢာ်လီၤ. ဟံၣ်ကစၢ်အသူၣ်ဒိၣ်သးဖျိးဒီးစံးဘၣ်အတၢ်ခ့တၢ်ပှၤ, ‘ဟးထီၣ်ချ့ချ့ဆူဝ့ၢ်အကျဲမုၢ်ခိၣ်ဒီးကျဲဖိတဖၣ် ဒီးဟဲက့ၤကိးပှၤဖှီၣ်ဖိယာ်ဖိ, ပှၤက့ပှၤကွဲၣ်, ပှၤမဲာ်ဘျီၣ်, ဒီးပှၤခီၣ်ဟးဂီၤတဖၣ်န့ၣ်တက့ၢ်.’

လံာ်လူၤကၣ် 18:43

တဘျီဃီဖဲန့ၣ်အဝဲဒၣ်ထံၣ်ထီၣ်က့ၤတၢ်, ဒီးအဝဲဒၣ်ပိာ်ထီၣ်ယ့ၣ်ၡူးအခံ, အိၣ်ဒီးတၢ်စံးဘျုးစံးဖှိၣ်ယွၤလီၤ. ဖဲပှၤဂီၢ်မုၢ်ထံၣ်တၢ်အံၤဒီး, စံးထီၣ်ပတြၢၤယွၤခဲလၢာ်လီၤ.

လံာ်လူၤကၣ် 7:16

ပှၤကိးဂၤဒဲးပှဲၤဒီးတၢ်ပျံၤတၢ်ဖုး, ဒီးစံးထီၣ်တြၢၤကစၢ်ယွၤဒီးစံးဝဲ, “ဝံဖးဒိၣ်တဂၤဟဲအိၣ်ဖျါထီၣ်လၢပသိးပကျါလံ. ဒီး, ကစၢ်ယွၤဟဲဝဲဒ်သိးအကအုၣ်က့ၤခီၣ်က့ၤအပှၤဂီၢ်မုၢ်လံ.”

လံာ်ယိၤဟၣ် 9:24

ပှၤယူဒၤဖိအခိၣ်အနၢ်တဖၣ်ကိးကဒါက့ၤပှၤလၢအမဲာ်ထံၣ်ထီၣ် က့ၤတၢ်တဂၤန့ၣ်ခံဘျီတဘျီဒီးစံးဘၣ်အီၤ, “အၢၣ်လီၤနသးလၢကစၢ်ယွၤအမဲာ်ညါလၢနကတဲတၢ်မ့ၢ် တၢ်တီန့ၣ်တက့ၢ်. ပသ့ၣ်ညါလၢပှၤလၢအမၤဘျါနၤအံၤ မ့ၢ်ပှၤတၢ်ဒဲးဘးဖိတဂၤန့ၣ်လီၤ.”