လံာ်မးသဲ 15:30 - Sgaw Karen Common Bible

³⁰ ဒီးပှၤဂီၢ်မုၢ်ဖးဒိၣ်ဟဲဆူအအိၣ်, ဟဲစိာ်ဃုာ်ဒီးပှၤအခီၣ်ဟးဂီၤ, ပှၤအစုကၢ်အခီၣ်ချံး, ပှၤအမဲာ်ဘျီၣ်, ပှၤအုးအးဒီးပှၤဘၣ်ဆူးဘၣ်ဆါအဂုၤအဂၤအါဂၤ, ဒီးပာ်လီၤဝဲလၢယ့ၣ်ၡူးအခီၣ်ထံး, ဒီးအဝဲဒၣ်မၤဘျါက့ၤအဝဲသ့ၣ်လီၤ.

လံာ်မးသဲ 15:30 Iomraidhean Croise

စံးထီၣ်ပတြၢၤ 103:3

အဝဲဒၣ်န့ၣ်, မ့ၢ်ပှၤလၢအပျၢ်နတၢ်သရူးနတၢ်ကမၣ်ခဲလၢာ်, ဒီးမ့ၢ်ပှၤလၢအမၤဘျါက့ၤ နတၢ်ဆူးတၢ်ဆါကိးမံၤဒဲး,

လံာ်မၢ်ကူး 9:43

သတးဒီး, လၢနစုအဃိနတၢ်စူၢ်တၢ်နာ်မ့ၢ်ဟးဂီၤကွံာ်ဒီးဒီၣ်တဲာ်ကွံာ် အီၤတက့ၢ်. နကနုာ်လီၤဘၣ်ဆူတၢ်မူအထူအယိာ်အပူၤအိၣ်ဒီးနစု တူာ်တခီန့ၣ်, ဂ့ၤန့ၢ်ဒံးနကအိၣ်ဒီးနစုခံခီလၢာ်ဒီးနကလဲၤဆူလရာ်အပူၤ, ဖဲမ့ၣ်အူကဲၤတလီၤပံာ်နီတစုဘၣ်န့ၣ်လီၤ.

လံာ်လူၤကၣ် 14:13

မ့မ့ၢ်နဲဒၣ်အံၤ, ဖဲနကတဲာ်ကတီၤတၢ်အီၣ်တၢ်အီအမူးန့ၣ်, ကွဲပှၤဖှီၣ်ဖိယာ်ဖိ, ပှၤက့ပှၤကွဲၣ်, ပှၤခီၣ်ဟးဂီၤဒီးပှၤမဲာ်ဘျီၣ်တဖၣ်န့ၣ်တက့ၢ်.

မၤတၢ် 2:22

“ပှၤအံၣ်စရ့လးဖိသကိးသကိးဒီးယၤသ့ၣ်ဧၢ, ကနၣ်ယတၢ်ကတိၤတဖၣ်အံၤတက့ၢ်. တၢ်ဒုးနဲၣ်ဖျါထီၣ်န့ၢ်သုဂ့ၤဂ့ၤကလဲာ်လၢပှၤနစၤရ့းဖိယ့ၣ် ၡူးမ့ၢ်ပှၤလၢယွၤအစိကမီၤအိၣ်ဒီးအီၤခီဖျိတၢ်မၤလီၤလး တဖၣ်, ဒီးတၢ်ပနီၣ်လီၤလးတဖၣ်လၢကစၢ်ယွၤမၤဝဲခီဖျိအီၤန့ၣ်လီၤ. သုကစၢ်ဒၣ်သုဝဲသုသ့ၣ်ညါတၢ်တဖၣ်အံၤမ့ၢ်လၢအမၤတ့ၢ်အသး လၢသုသိးသုကျါအဃိလီၤ.