လံာ်မးသဲ 15:27 - Sgaw Karen Common Bible

²⁷ ပိာ်မုၣ်စံးဆၢတၢ်ဒီးစံး, “ကစၢ်ဧၢ, နတဲတၢ်န့ၣ်မ့ၢ်တီမးလီၤ. ဘၣ်ဆၣ်, တၢ်အီၣ်အဘျဲၣ်အစဲၢ်လၢအဟဲလီၤတဲာ်လၢ ကစၢ်အစီၢ်နီၤခိၣ်ဒၣ်လဲာ်န့ၣ်, ထွံၣ်အီၣ်ဘၣ်ဝဲလီၤ.”

လံာ်မးသဲ 15:27 Iomraidhean Croise

လံာ်တၢ်ကဲထီၣ်အခီၣ်ထံး 32:10

ယၤ, နခ့နပှၤတကၢကီၣ်ဘၣ်ဒီးကယဲၢ်နတၢ်သးကညီၤဒီးနတၢ်တီတၢ် လိၤလၢနဒုးနဲၣ်တ့ၢ်ယၤန့ၣ်ဘၣ်. ယခီဂာ်ထံကျိယၢ်ဒ့ၣ်ထဲစုယၢ်ခီဒီးအိၣ်ဒၣ်ထဲနီၣ်ထိးဘိတ ဘိ ဧိၤန့ၣ်လီၤ. ဒီးခဲကနံၣ်အံၤ, ယဟဲက့ၤကဒါက့ၤဃုာ်ဒီးပှၤခံ ဖုအံၤန့ၣ်လီၤ.

လံာ်ယဃ့းစက့လး 16:63

ယကပျၢ်တၢ်ကမၣ်တၢ်တဖၣ်လၢနမၤတ့ၢ်အီၤခဲလၢာ်, ဘၣ်ဆၣ်ဒီးနကသ့ၣ်နီၣ်တၢ်တဖၣ်န့ၣ်, ဒီးနကမဲာ်ဆှးကဲၣ်ဆိးလၢနကအဲးထီၣ်နထးခိၣ်အဂီၢ်န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ဒၤနံးယ့လး 9:18

အိကစၢ်ယွၤဧၢ, ဒိကနၣ်လၢ်ပှၤတက့ၢ်. ကွၢ်လီၤပှၤဒီးထံၣ်လီၤ ပတၢ်ကိၢ်တၢ်ဂီၤလၢအအိၣ်လၢပပူၤဒီးဝ့ၢ်တဝ့ၢ်လၢအအိၣ်ဒီး နမံၤအတၢ်ဘၣ်နးဘၣ်ဖှီၣ်န့ၣ်တက့ၢ်. ပဘါထုကဖၣ်တၢ်ဆူနအိၣ်န့ၣ်မ့ၢ် လၢနလၢပှဲၤဒီးတၢ်သးကညီၤအဃိလီၤ. တမ့ၢ်ဘၣ်လၢပမၤ တ့ၢ်တၢ်လိၤတၢ်ဘၣ်အဃိဘၣ်.

လံာ်မးသဲ 15:26

ယ့ၣ်ၡူးစံးဆၢဝဲ, “တၢ်လၢဖိအတၢ်အီၣ်န့ၣ်တဂ့ၤဘၣ်တၢ်ဟံးန့ၢ်ဒီးကွံာ်လီၤအီၤဆူ ထွံၣ်အအိၣ်န့ၣ်ဘၣ်.”

လံာ်မးသဲ 15:28

တုၤနုၤတစု, ယ့ၣ်ၡူးစံးဆၢအီၤ, “ပိာ်မုၣ်ဧၢ, နတၢ်နာ်အသဟီၣ်ဆူၣ်ဒိၣ်မးလီၤ. မ်တၢ်ကမၤအသးလၢနဂီၢ်, ဒ်နဆၢနဲအသိးန့ၣ်တက့ၢ်.” ဒီးအဖိမုၣ်န့ၣ်, ဘျါက့ၤဝဲတကတီၢ်ဃီန့ၣ်လီၤ.

လံာ်မးသဲ 5:45

မၤတၢ်အံၤဒ်သိးဒီးသုကကဲထီၣ်သုပၢ်အိၣ်လၢမူခိၣ်အဖိတဖၣ် န့ၣ်တက့ၢ်. အဂ့ၢ်ဒ်အံၤ, အဝဲဒုးကပီၤထီၣ်အမုၢ်လၢပှၤအအၢဒီးပှၤအဂ့ၤတဖၣ်အဂီၢ်ဒီး ဒုးစူၤလီၤတၢ်လၢပှၤလၢအအိၣ်မူတီတီလိၤလိၤဒီးပှၤလၢ အအိၣ်မူတတီတလိၤဘၣ်တဖၣ်အဂီၢ်ဒ်သိးသိးလီၤ.

လံာ်မးသဲ 8:8

ဘၣ်ဆၣ်ဒီးသုးခိၣ်စံးဝဲ, “ကစၢ်ဧၢယတကြၢးတဘၣ်လၢ နကဟဲနုာ်ဆူယဟံၣ်ပူၤအဂီၢ်ဘၣ်. ထဲခါလီၤနကလုၢ်တဘီဒီးယခ့ယပှၤကအိၣ်ဆူၣ်ထီၣ်က့ၤလီၤ.

လံာ်မၢ်ကူး 7:28

အဝဲဒၣ်စံးဆၢက့ၤအီၤ, “မ့ၢ်ယၢာ်, ကစၢ်ဧၢ, ဘၣ်ဆၣ်ဒီးထွံၣ်အိၣ်လၢစီၢ်နီၤခိၣ်အဖီလာ်တဖၣ်ဒၣ်လဲာ် အီၣ်ဘၣ်ဝဲဖိတဖၣ်အတၢ်အီၣ်အိၣ်ဘျဲၣ်အိၣ်စဲၢ်တဖၣ်န့ၣ်လီၤ.”

လံာ်လူၤကၣ် 16:21

အိၣ်ဒီးတၢ်ဆၢမုၢ်လၢ်လၢအကအီၣ်ဘၣ်တၢ်အီၣ်လၢအလီၤဆှု လၢပှၤထူးပှၤတီၤတဂၤအံၤအစီၢ်နီၤခိၣ်န့ၣ်လီၤ. ထွံၣ်တဖၣ်ဒၣ်လဲာ်ဟဲဒီးလ့ၣ်အဝဲဒၣ်အပူၤလီၢ်ပူၤကျဲတဖၣ်လီၤ.

လံာ်လူၤကၣ် 18:13

မ့မ့ၢ်ပှၤဃ့သွဲတဂၤန့ၣ်, အိၣ်ဆၢထၢၣ်ဝဲလၢတၢ်လီၢ်အယံၤ, ဒီးတကျ့ထီၣ်ဒၣ်လဲာ်အမဲာ်ဆူမူခိၣ်ဘၣ်. မ့မ့ၢ်, အဝဲဒၣ်ဒဲလီၤအသးနါပှၢ်ဒီးစံးဝဲ, ‘ကစၢ်ယွၤဧၢ, သူၣ်ကညီၤသးကညီၤလၢ်ယၤ, ပှၤတၢ်ဒဲးဘးဖိတဂၤအံၤတက့ၢ်.’ ”

ရိမ့ၤ 10:12

တၢ်အံၤဘၣ်ဃးဒီးပှၤကိးဂၤဒဲး, မ့ၢ်လၢတၢ်လီၤဆီတအိၣ် လၢပှၤယူဒၤဖိဒီးပှၤကလုာ်ဂၤတဖၣ်အဘၢၣ်စၢၤဘၣ်အဃိလီၤ. ကစၢ်ယွၤမ့ၢ်ကစၢ်တဂၤဃီလၢပှၤခဲလၢာ်အဂီၢ်ဒီးပှၤလၢအကိး ထီၣ်အီၤန့ၣ် ဆိၣ်ဂ့ၤဝဲထူးထူးတီၤတီၤခဲလၢာ်လီၤ.

ရိမ့ၤ 3:19

ခဲအံၤပသ့ၣ်ညါလၢတၢ်မၤလိာ်ခဲလၢာ်လၢတၢ်သိၣ်တၢ်သီအပူၤန့ၣ်, ဘၣ်ထွဲဒီးပှၤလၢအအိၣ်လၢတၢ်သိၣ်တၢ်သီအဖီလာ်, ဒ်သိးပှၤဟီၣ်ခိၣ်ဖိအသုတကတိၤပူၤဖျဲးအသးနီတဂၤတဂ့ၤဒီး ဟီၣ်ခိၣ်ဒီဘ့ၣ်ကဒိးဘၣ်ကစၢ်ယွၤအတၢ်စံၣ်ညီၣ်အဂီၢ်န့ၣ်လီၤ.

ရိမ့ၤ 3:29

ကစၢ်ယွၤအံၤမ့ၢ်ဒၣ်ထဲပှၤယူဒၤဖိတဖၣ်အကစၢ်ယွၤဧိၤန့ၣ်ဧါ. မ့ၢ်အတမ့ၢ်စ့ၢ်ကီးပှၤကလုာ်ဂၤတဖၣ်အကစၢ်ယွၤဘၣ်ဧါ. မ့ၢ်သပှၢ်ကတၢၢ်ပှၤကလုာ်ဂၤတဖၣ်အကစၢ်ယွၤစ့ၢ်ကီးလီၤ.

ရိမ့ၤ 3:4

တမ့ၢ်ဒ်န့ၣ်ဘၣ်. ပှၤကညီကိးဂၤဒဲးမ့မ့ၢ်ပှၤလီတၢ်သနာ်က့, ကစၢ်ယွၤတီဝဲလိၤဝဲလီၤ. ဒ်တၢ်ကွဲးအသးစံးဝဲအသိး, “နကဘၣ်တၢ်ပာ်တီပာ်လိၤနၤလၢ နတၢ်ကတိၤတဖၣ်အပူၤ, ဒီးနကမၤနၢၤတၢ်ဖဲ နဘၣ်တၢ်လိာ်ကွီၢ်နၤန့ၣ်လီၤ.”

အ့းဖ့းစူး 3:19

မ်သုကသ့ၣ်ညါဘၣ်ယွၤအတၢ်အဲၣ်, လၢပှၤသ့ၣ်ညါအီၤလၢလၢပှဲၤပှဲၤတသ့နီတစုဘၣ်, ဒ်သိးသုကလၢထီၣ်ပှဲၤထီၣ်ဒီးကစၢ်ယွၤအတၢ်လၢ တၢ်ပှဲၤခဲလၢာ်အဂီၢ်န့ၣ်တက့ၢ်.

အ့းဖ့းစူး 3:8

ယမ့မ့ၢ်ပှၤအဆံးန့ၢ်ဒံးပှၤအဆံးကတၢၢ်လၢပှၤစီဆှံတဖၣ် အကျါနာ်သက့, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်အံၤလၢယကစံၣ် တဲၤတဲလီၤန့ၢ်ဘၣ်ပှၤကလုာ်အဂၤတဖၣ်လၢခရံာ် အတၢ်လုၢ်ဒိၣ်ပှ့ၤဒိၣ်လၢတၢ်ဃုထံၣ်န့ၢ်အီၤတလၢာ်ဘၣ်,