လံာ်မးသဲ 15:25 - Sgaw Karen Common Bible

²⁵ ဘၣ်ဆၣ်ပိာ်မုၣ်န့ၣ် ဟဲဒီးတီၤလီၤကဒွံကျိာ်လၢအမဲာ်ညါဒီး စံး, “ကစၢ်ဧၢ, မၤစၢၤယၤတက့ၢ်.”

လံာ်မးသဲ 15:25 Iomraidhean Croise

လံာ်တၢ်ကဲထီၣ်အခီၣ်ထံး 32:26

ပှၤတဂၤန့ၣ်စံးဘၣ်အီၤ, “ပျၢ်ယၤတက့ၢ်. မုၢ်ဆ့ၣ်ထီၣ်လံ.” ဒီးစီၤယၤကိာ်စံးဆၢအီၤ, “မ့တမ့ၢ်ဘၣ်လၢနဆိၣ်ဂ့ၤယၤဘၣ် န့ၣ်, ယတပျၢ်နၤဘၣ်.”

လံာ်ဟိၤၡ့ 12:4

အဝဲဒုးတၢ်ထီဒါမူခိၣ်ကလူးတဂၤဒီးမၤနၢၤတၢ်န့ၣ်လီၤ. အဝဲဟီၣ်ဒီးဃ့န့ၢ်တၢ်ဆိၣ်ဂ့ၤတမံၤန့ၣ်လီၤ. ဒီးဖဲဝ့ၢ်ဘ့ၤသ့လးန့ၣ်ကစၢ်ယွၤဟဲဆူပပၢ်ဖးဒိၣ်လၢပျၢၤ စီၤယၤကိာ်အအိၣ်ဒီးကတိၤတၢ်ဒီးအီၤန့ၣ်လီၤ.

လံာ်မးသဲ 14:33

ဒီးအပျဲၢ်အဘီၣ်လၢအအိၣ်လၢချံပူၤတဖၣ်ဘူၣ်ထီၣ်ဘါထီၣ်အီၤဒီး စံး, “နမ့ၢ်နီၢ်နီၢ်ကစၢ်ယွၤအဖိခွါလီၤ.”

လံာ်မးသဲ 15:26

ယ့ၣ်ၡူးစံးဆၢဝဲ, “တၢ်လၢဖိအတၢ်အီၣ်န့ၣ်တဂ့ၤဘၣ်တၢ်ဟံးန့ၢ်ဒီးကွံာ်လီၤအီၤဆူ ထွံၣ်အအိၣ်န့ၣ်ဘၣ်.”

လံာ်မးသဲ 20:31

ပှၤဂီၢ်မုၢ်အ့ၣ်လိာ်အဝဲသ့ၣ်အလိၤ, ဒီးမၢအဝဲသ့ၣ်အိၣ်ဘှီၣ် ကလာ်လီၤ. ဘၣ်ဆၣ်, အဝဲသ့ၣ်ကိးပသူထီၣ်ဒိၣ်ဒၣ်တၢ်တက့ၢ်, ဒီးစံး, “စီၤဒၤဝံးအဖိခွါ, ကစၢ်ဧၢ, သူၣ်ကညီၤသးကညီၤပှၤတက့ၢ်.”

လံာ်မးသဲ 8:2

တုၤနုၤတစု, ပှၤဘၣ်တၢ်ဆါအၢတဂၤဟဲဆူအအိၣ်, ချံးခီၣ်တီၤလီၤလၢအမဲာ်ညါဒီးစံးဘၣ်အီၤ, “ကစၢ်ဧၢ, နသးမ့ၢ်အိၣ်ဒီးနမၤကဆှီထီၣ်က့ၤယၤသ့လီၤ.”

လံာ်မၢ်ကူး 9:22

တၢ်နါအဲၣ်ဒိးမၤသံအီၤသတးဒီး အတၢ်တ့ၢ်လီၤအီၤဆူမ့ၣ်အူပူၤဒီးဆူထံကျါတလီၢ်လီၢ်န့ၣ်လီၤ. နဲဒၣ်အံၤနမၤစၢၤပှၤမ့ၢ်သ့တမံၤမံၤဒီးသးကညီၤပှၤဒီးမၤစၢၤ ဘၣ်ပှၤတက့ၢ်.”

လံာ်မၢ်ကူး 9:24

တဘျီဃီပၢ်တဂၤကိးထီၣ်လၢအကလုၢ်ဖးဒိၣ်ဒီးစံးဝဲ, “ယနာ်လီၤ. ဘၣ်ဆၣ်မ့ၢ်တၢ်နာ်လၢအဆံးအစှၤဒံးအဃိ, မၤစၢၤယၤလၢယကအိၣ်ဒီးတၢ်နာ်လၢအအါန့ၣ်တက့ၢ်.”