လံာ်မးသဲ 15:23 - Sgaw Karen Common Bible

²³ ဘၣ်ဆၣ် ယ့ၣ်ၡူးတကတိၤဆၢအီၤနီတဘီဘၣ်. အပျဲၢ်အဘီၣ်တဖၣ်ဟဲဆူအအိၣ်ဒီးဃ့ကညးအီၤဒီးစံး, “မၢအက့ၤတက့ၢ်. အဂ့ၢ်ဒ်အံၤအဝဲဟးပိာ်ပခံဒီးကိးပသူထီၣ်ဝဲလၢပလီၢ်ခံလီၤ.”

လံာ်မးသဲ 15:23 Iomraidhean Croise

လံာ်တၢ်ကဲထီၣ်အခီၣ်ထံး 42:7

ဒီးဖဲစီၤယိၤသးထံၣ်ဘၣ်အဒီပုၢ်ဝဲၢ်ခွါတဖၣ်န့ၣ်အဝဲသ့ၣ်ညါ အဝဲသ့ၣ်, ဘၣ်ဆၣ်ဒီးအဝဲပာ်မၤအသးဒ်တသ့ၣ်ညါအဝဲသ့ၣ်အသိးန့ၣ်လီၤ. အဝဲသံကွၢ်အဝဲသ့ၣ်လၢတၢ်ကတိၤဆူၣ်ဆူၣ်အပူၤ, “သုဟဲလၢလဲၣ်ခီလဲၣ်.” အဝဲသ့ၣ်စံးဆၢဝဲ, “ပဟဲလၢကီၢ်ကနၤဧၣ်ဒ်သိးပကပှ့ၤန့ၢ်တၢ် အီၣ်တၢ်အီလီၤ.”

စံးထီၣ်ပတြၢၤ 28:1

ယွၤယလၢၢ်ဧၢ, ယကိးထီၣ်နၤလီၤ. ဒိကနၣ်ယတၢ်ကိးထီၣ်န့ၣ်တက့ၢ်. နမ့ၢ်တစံးဆၢယၤဘၣ်ဒီး, ယကလီၤဂာ်ဒီးပှၤလၢအလဲၤလီၤဆူ တၢ်သံကီၢ်ပူၤန့ၣ်လီၤ.

လံာ်သးသယုၢ်တၢ် 3:8

ယကိးပသူထီၣ်ဖးဒိၣ်လၢတၢ်မၤစၢၤအဂီၢ်ဘၣ်ဆၣ်ဒီးကစၢ်ယွၤဂ့ၢ် လိာ်လၢကဒိကနၣ်ယၤအဂီၢ်န့ၣ်လီၤ.

လံာ်မးသဲ 14:15

တုၤမုၢ်ဟါလီၤအကတီၢ်ဘၣ်ဒီး, အပျဲၢ်အဘီၣ်တဖၣ်ဟဲဆူအအိၣ်ဒီးစံး, “တၢ်လီၢ်အံၤ မ့ၢ်တၢ်လီၢ်လၢပှၤတအိၣ်နီတဂၤဘၣ်ဒီးမုၢ်ဟါလီၤလံ. ပျၢ်ကွံာ်ပှၤဂီၢ်မုၢ်တဖၣ်, ဒ်သိးအကလဲၤနုာ်ဆူဒူသဝီတဖၣ်အပူၤဒီးပှ့ၤန့ၢ်တၢ်အီၣ်လၢ အဝဲသ့ၣ်အဂီၢ်ဒၣ်ဝဲန့ၣ်တက့ၢ်.”

လံာ်မးသဲ 15:22

ဒီးပှၤကနၤဧၣ်မုၣ်တဂၤ, လၢအအိၣ်ဖဲတၢ်လီၢ်န့ၣ်ဟဲဆူအအိၣ်ဒီးကိးထီၣ်ဝဲ, “စီၤဒၤဝံးအဖိခွါ, ကစၢ်ဧၢ, သူၣ်ကညီၤသးကညီၤလၢ်ယၤတက့ၢ်. ယဖိမုၣ်န့ၣ် တၢ်နါဒိးအီၤဒီးဘၣ်တူၢ်ဝဲနးမးလီၤ.”

လံာ်မးသဲ 15:24

ယ့ၣ်ၡူးစံးဆၢတၢ်ဒီးစံး, “ယဘၣ်တၢ်ဆှၢလီၤဒၣ်ယၤဆူသိဖိလၢအလီၤမၢ်လၢအမ့ၢ် ပှၤအံၣ်စရ့လးဖိအဒူၣ်အထၢတဖၣ်အအိၣ်လီၤ.”

လံာ်သိၣ်လီၤသီလီၤတၢ် 8:2

သ့ၣ်နီၣ်ထီၣ်လၢယွၤ, သုကစၢ်ယွၤဆှၢတ့ၢ်သုဒ်လဲၣ်လၢတၢ်လဲၤကျဲ ဖးယံၤခီဖျိပှၢ်မုၢ်ကနၢလၢအပူၤကွံာ်အနံၣ်လွံၢ်ဆံ, ဒုးကွၢ်ဆၢၣ်မဲာ်သုတၢ်မၤကွၢ်အကီအခဲတဖၣ်ဒ်သိးအဝဲကသ့ၣ်ညါ ဘၣ်ဝဲလၢသုပာ်လီၤသုသးလၢသုကမၤတၢ်မနုၤ, ဒီးမ့ၢ်သုကစူၢ်အဝဲအတၢ်မၤလိာ်တဖၣ်ကစီဒါဧါ, အဂ့ၢ်န့ၣ်တက့ၢ်.