လံာ်မးသဲ 15:22 - Sgaw Karen Common Bible

²² ဒီးပှၤကနၤဧၣ်မုၣ်တဂၤ, လၢအအိၣ်ဖဲတၢ်လီၢ်န့ၣ်ဟဲဆူအအိၣ်ဒီးကိးထီၣ်ဝဲ, “စီၤဒၤဝံးအဖိခွါ, ကစၢ်ဧၢ, သူၣ်ကညီၤသးကညီၤလၢ်ယၤတက့ၢ်. ယဖိမုၣ်န့ၣ် တၢ်နါဒိးအီၤဒီးဘၣ်တူၢ်ဝဲနးမးလီၤ.”

လံာ်မးသဲ 15:22 Iomraidhean Croise

စံးထီၣ်ပတြၢၤ 4:1

ယတၢ်တီတၢ်လိၤကစၢ်ယွၤဧၢ, တုၤယကိးထီၣ်နၤဒီးစံးဆၢလၢ်ဘၣ်ယၤတက့ၢ်. ဖဲယအိၣ်လၢတၢ်ကိၢ်တၢ်ဂီၤအပူၤန့ၣ်နမၤစၢၤယၤလီၤ. သူၣ်ကညီၤသးကညီၤယၤဒီး ဒိကနၣ်ယတၢ်ထုကဖၣ်တက့ၢ်.

စံးထီၣ်ပတြၢၤ 45:12

ပှၤထါယၢၣ်ဖိတဖၣ်ကဟဲစိာ်န့ၢ်နၤတၢ်ဟ့ၣ်တဖၣ်, ဒီးပှၤထူးပှၤတီၤသ့ၣ်တဖၣ်ကဂုာ်ကျဲးစၢးလၢ ကဒိးန့ၢ်ဘၣ်နတၢ်ဘၣ်သူၣ်ဘၣ်သးန့ၣ်လီၤ.

စံးထီၣ်ပတြၢၤ 6:2

ယွၤဧၢ, သူၣ်ကညီၤသးကညီၤယၤတက့ၢ်. အဂ့ၢ်ဒ်အံၤ, ယလီၤဘှါယဲလီၤ. ယဂံၢ်ယဘါလၢာ်ခဲလၢာ်လံ, ဟ့ၣ်ယၤတၢ်ဂံၢ်တၢ်ဘါတက့ၢ်.

လံာ်ယဃ့းစက့လး 3:6

ယမ့ၢ်မၢလီၤနၤဆူ ပှၤကလုာ်ဖးဒိၣ်တဖၣ်အအိၣ်, လၢအကတိၤကျိာ်လၢအကီအခဲတဖၣ်လၢ နတနၢ်ပၢၢ်အီၤဘၣ်န့ၣ်, အဝဲသ့ၣ်ကဒိကနၣ်နၤလီၤ.

လံာ်မးသဲ 1:1

အအံၤမ့ၢ်တၢ်ကွဲးဖျါထီၣ်ယ့ၣ်ၡူးခရံာ်အတၢ်ဟဲလီၤစၢၤ အဂ့ၢ်လီၤ. အဝဲမ့ၢ်ပှၤဟဲလီၤစၢၤလၢစီၤဒၤဝံးလၢအဟဲလီၤစၢၤလၢစီၤ အၤဘြၣ်ဟၣ်လီၤ.

လံာ်မးသဲ 15:23

ဘၣ်ဆၣ် ယ့ၣ်ၡူးတကတိၤဆၢအီၤနီတဘီဘၣ်. အပျဲၢ်အဘီၣ်တဖၣ်ဟဲဆူအအိၣ်ဒီးဃ့ကညးအီၤဒီးစံး, “မၢအက့ၤတက့ၢ်. အဂ့ၢ်ဒ်အံၤအဝဲဟးပိာ်ပခံဒီးကိးပသူထီၣ်ဝဲလၢပလီၢ်ခံလီၤ.”

လံာ်မးသဲ 17:15

“ကစၢ်ဧၢ, သူၣ်ကညီၤသးကညီၤဘၣ်ယဖိခွါတက့ၢ်. အဂ့ၢ်ဒ်အံၤ, အဝဲဘၣ်န့ၢ်တၢ်ပျုၢ်ထိးအတၢ်ဆါ, ဒီးဘၣ်တူၢ်ဝဲနးမး, တုၤဒၣ်လဲာ်လီၤတဲာ်နုာ်ဆူမ့ၣ်အူအပူၤ, မ့တမ့ၢ်ထံကျါတလီၢ်လီၢ်တလီၢ်လီၢ်လီၤ.

လံာ်မးသဲ 4:24

ယ့ၣ်ၡူးအကစီၣ်ဟူထီၣ်သါလီၤလၢကီၢ်ဒီဘ့ၣ်ညါပၢၢ်တုၤလၢကီၢ် စူၤရံဒီးပှၤဟဲကိးန့ၢ်အီၤလၢပှၤဆူးပှၤဆါလၢအတူၢ်ဘၣ်တၢ်ဆူး တၢ်ဆါအကလုာ်ကလုာ်လၢအတူၢ်ဘၣ်တၢ်နးနးကျံၤကျံၤတဖၣ်, ဒ်ပှၤလၢတၢ်နါဒိးအီၤ, ပှၤလၢအပျုၢ်ထိးတဖၣ်ဒီးပှၤသံတခီပၤတဖၣ်, ဒီးယ့ၣ်ၡူးမၤဘျါက့ၤအဝဲသ့ၣ်ခဲလၢာ်လီၤ.

လံာ်မးသဲ 9:27

တုၤယ့ၣ်ၡူးဟးထီၣ်ဖဲတၢ်လီၢ်န့ၣ်ဒီးလဲၤဝဲဆူညါအခါန့ၣ်, ပှၤမဲာ်ဘျီၣ်ခံဂၤပိာ်ထီၣ်အခံဒီးကိးထီၣ်ဝဲလၢအကလုၢ်ဖးဒိၣ်, “စီၤဒၤဝံးအဖိခွါဧၢ, သူၣ်ကညီၤသးကညီၤပှၤတက့ၢ်.”

လံာ်လူၤကၣ် 17:13

ဒီးကိးပသူထီၣ်ဒီးစံးဝဲ, “ယ့ၣ်ၡူးကစၢ်ဧၢ, သူၣ်ကညီၤသးကညီၤပှၤတက့ၢ်.”

လံာ်လူၤကၣ် 18:13

မ့မ့ၢ်ပှၤဃ့သွဲတဂၤန့ၣ်, အိၣ်ဆၢထၢၣ်ဝဲလၢတၢ်လီၢ်အယံၤ, ဒီးတကျ့ထီၣ်ဒၣ်လဲာ်အမဲာ်ဆူမူခိၣ်ဘၣ်. မ့မ့ၢ်, အဝဲဒၣ်ဒဲလီၤအသးနါပှၢ်ဒီးစံးဝဲ, ‘ကစၢ်ယွၤဧၢ, သူၣ်ကညီၤသးကညီၤလၢ်ယၤ, ပှၤတၢ်ဒဲးဘးဖိတဂၤအံၤတက့ၢ်.’ ”

လံာ်လူၤကၣ် 6:18

အဝဲသ့ၣ်ဟဲဝဲဒ်သိးအကနၢ်ဟူဘၣ်အတၢ်ကတိၤဒီးဒ်သိး အတၢ်ဆူးတၢ်ဆါတဖၣ်ကဘၣ်တၢ်မၤဘျါအီၤအဂီၢ်န့ၣ်လီၤ. ပှၤလၢအဘၣ်တၢ်မၤတံာ်တာ်အီၤလၢတၢ်ဝံတၢ်နါတဖၣ်ဟဲ စ့ၢ်ကီးဝဲဒီးဘၣ်တၢ်မၤဘျါက့ၤအီၤလီၤ.