လံာ်မးသဲ 15:21 - Sgaw Karen Common Bible

²¹ ယ့ၣ်ၡူးဟးထီၣ်ဖဲန့ၣ်, ဒီးလဲၤဝဲဆူတၢ်လီၢ်လၢအအိၣ်ဘူးဒီးဝ့ၢ်ထါယၢၣ် ဒီးစံဒိၣ်တဖၣ်လီၤ.

လံာ်မးသဲ 15:21 Iomraidhean Croise

လံာ်တၢ်ကဲထီၣ်အခီၣ်ထံး 49:13

စီၤစဘူလိၣ်ကအိၣ်ကဆိးလၢပီၣ်လဲၣ်နံၤလီၤ. အထံကၢၢ်ခိၣ်ကမ့ၢ်သန့တခါလၢကဘီတဖၣ်အဂီၢ်လီၤ. အတၢ်န့ၢ်သါအကီၢ်န့ၣ်ကလဲၤဝဲယံၤတုၤလၢဝ့ၢ်စံဒိၣ်ဒၣ်လဲာ်လီၤ.

လံာ်မးသဲ 15:20

တၢ်တဖၣ်အံၤ, မ့ၢ်တၢ်လၢအမၤတကဆှီဘၣ်ပှၤကညီလီၤ. မ့မ့ၢ်, ပှၤအီၣ်တၢ်ဒီးအစုလၢအတဘၣ်တၢ်သ့အီၤန့ၣ်, တမၤတကဆှီဘၣ်ပှၤကညီဘၣ်.”

လံာ်စီၤယိၤၡူ 11:8

ဒီးယွၤဟ့ၣ်လီၤအဝဲသ့ၣ်လၢအံၣ်စရ့လးဖိအစုပူၤဒီးဘၣ်တၢ်ကျီ သံကွံာ်အီၤဒီးလူၤအီၤပၢၢ်တုၤလၢဝ့ၢ်စံဒိၣ်ဖးဒိၣ်ဒီး ဝ့ၢ်မံးစြဖိးမၤယံၣ်လၢကလံၤစိးတကပၤ, ဒီးပၢၢ်တုၤလၢမံးစပၤ တၢ်ပၢၤခိၣ်ကစၢၢ်ကဆူးလၢမုၢ်ထီၣ်တကပၤန့ၣ်လီၤ. တၢ်ဒုးမၤအသးတုၤလၢဒုၣ်ဒါတအိၣ်မူလၢၤနီတဂၤဘၣ်န့ၣ်လီၤ.

လံာ်စီၤယိၤၡူ 13:6

အဝဲအံၤပၣ်ဃုာ်ဒီးပှၤစံဒိၣ်ဖိအကီၢ်ခဲလၢာ်, ပှၤစံဒိၣ်ဖိလၢအအိၣ်လၢကစၢၢ်ကလိလၢလဘၤနိၣ်ဒီး မံးစြဖိးမၤယံၣ်အဘၢၣ်စၢၤန့ၣ်လီၤ. ယကဟီထီၣ်ကွံာ်ပှၤသ့ၣ်တဖၣ်အံၤခဲ လၢာ်ဖဲပှၤအံၣ်စရ့လးဖိတဖၣ်ဟဲထီၣ်ဝဲအခါန့ၣ်လီၤ. နကဘၣ်နီၤဖးထံဧိၤကီၢ်ဧိၤလၢပှၤအံၣ်စရ့လးဖိတဖၣ်အကျါဒ်ယမၤ လိာ်တ့ၢ်နၤအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 1:31

ဒီးအၤၡ့ၢ်အဒူၣ်တနီၣ်ထီၣ်ကွံာ်ပှၤအိၣ်လၢဝ့ၢ်ဧးကိၤ, ဝ့ၢ်စံဒိၣ်, ဝ့ၢ်အၤဃလာ်, ဝ့ၢ်အၤကစံာ်, ဝ့ၢ်ဃ့လဘၤ, ဝ့ၢ်အဖံး, ဒီးဝ့ၢ်ရဃိာ်အပူၤန့ၣ်ဘၣ်လီၤ.