လံာ်မးသဲ 15:18 - Sgaw Karen Common Bible

¹⁸ ဘၣ်ဆၣ်တၢ်လၢအဟဲထီၣ်လၢပှၤအကိာ်ပူၤန့ၣ်, ဟဲထီၣ်လၢပှၤအသးကံၢ်ပူၤလီၤ. တၢ်န့ၣ်မ့ၢ်တၢ်လၢအမၤတကဆှီဘၣ်ပှၤကညီန့ၣ်လီၤ.

လံာ်မးသဲ 15:18 Iomraidhean Croise

စံးထီၣ်ပတြၢၤ 36:3

အထးခိၣ်အတၢ်ကတိၤမ့ၢ် တၢ်အၢတၢ်သီဒီးတၢ်လီတၢ်ဝ့ၤန့ၣ်လီၤ. အဝဲသ့ၣ်ဆိကတီၢ်လၢကမၤတၢ်လၢတၢ်ကူၣ်သ့ ဒီးတၢ်မၤဂ့ၤတၢ်န့ၣ်လီၤ.

တၢ်ကတိၤဒိ. 10:32

ပှၤအတီအလိၤသ့ၣ်ညါတၢ်အဂ့ၤလၢကဘၣ်စံးကတိၤဝဲလီၤ. မ့မ့ၢ်, ပှၤတတီတလိၤကတိၤတၢ်တဖၣ်လၢအမၤဘၣ်ဒိဘၣ်ထံးတၢ်ထီဘိလီၤ.

တၢ်ကတိၤဒိ. 15:2

ဖဲပှၤကူၣ်သ့ကတိၤတၢ်န့ၣ်, ဒုးကဲထီၣ်တၢ်သ့ၣ်ညါလၢတၢ်ထုးန့ၢ် ပှၤအသးလီၤ. မ့မ့ၢ်ပှၤဟးဂီၤဖိအထးခိၣ်ဖျိးထီၣ်လၢတၢ်တဂီာ်တသီၣ်ဘၣ်န့ၣ်လီၤ.

တၢ်ကတိၤဒိ. 15:28

ပှၤအဂ့ၤအဝါတဖၣ်န့ၣ်တချုးလၢအစံးဆၢတၢ်ဒီးဆိကမိၣ်တၢ်လီၤ. မ့မ့ၢ်ပှၤအအၢအသီတဖၣ်န့ၣ်အိၣ်ဒီးတၢ်စံးဆၢလၢအချ့မးဘၣ်ဆၣ် ဒီး, ဒုးအိၣ်ထီၣ်တၢ်ကီတၢ်ခဲလီၤ.

တၢ်ကတိၤဒိ. 4:23

နဆိကမိၣ်တၢ်ဒ်လဲၣ်ဒ်လဲၣ်န့ၣ်ပလီၢ်နသးတက့ၢ်. အဂ့ၢ်ဒ်အံၤ, နတၢ်အိၣ်မူအက့ၢ်အဂီၤမ့ၢ်တၢ်ဒ်နတၢ်ဆိကမိၣ်တဖၣ်အသိးလီၤ.

တၢ်ကတိၤဒိ. 6:12

ပှၤတဂီာ်တသီၣ်, ပှၤအၢပှၤသီတဖၣ်လဲၤဝ့ၤဝီၤဒီးကတိၤ လီတၢ်လီၤ.

လံာ်မးသဲ 12:34

ဂုၢ်ဘီၣ်အီးသ့ၣ်ဧၢ, မ့ၢ်သုအၢသုသီသတးဒီးသုကတိၤတၢ်ကတိၤအဂ့ၤကသ့ဒ်လဲၣ်. အဂ့ၢ်ဒ်အံၤတၢ်လၢအအိၣ်ပှဲၤလၢသးအပူၤန့ၣ်, ထးခိၣ်ကတိၤထီၣ်ဖျဲးဝဲလီၤ.

လံာ်မးသဲ 15:11

တၢ်လၢအလဲၤနုာ်ဆူပှၤအကိာ်ပူၤန့ၣ်, တမ့ၢ်ဘၣ်တၢ်လၢအမၤတကဆှီဘၣ်ပှၤကညီဘၣ်. မ့မ့ၢ်တၢ်လၢအဟဲထီၣ်လၢပှၤအကိာ်ပူၤန့ၣ်, မ့ၢ်တၢ်လၢအမၤတကဆှီဘၣ်ပှၤကညီန့ၣ်လီၤ.”

လံာ်မးသဲ 15:17

တၢ်တမံၤလၢ်လၢ်လၢအလဲၤနုာ်ဆူပှၤအကိာ်ပူၤန့ၣ်, လဲၤခီဖျိပှၤအဟၢဖၢ, ဒီးဟးထီၣ်ကွံာ်လၢအနီၢ်ခိအပူၤန့ၣ်, မ့ၢ်သုတသ့ၣ်ညါဘၣ်ဧါ.

လံာ်မၢ်ကူး 7:20

ဒီးစံးကဒီးဝဲ, “တၢ်လၢအဟဲထီၣ်လၢပှၤကညီတဂၤအပူၤန့ၣ်, မ့ၢ်တၢ်လၢအမၤတကဆှီဘၣ်အီၤန့ၣ်လီၤ.

လံာ်လူၤကၣ် 19:22

အဝဲဒၣ်စံးဘၣ်အီၤ, ‘ကုၢ်လၢအအၢတဂၤဧၢ, ယကသူက့ၤနတၢ်ကတိၤဒၣ်နဲလၢယကစံၣ်ညီၣ်နၤအဂီၢ်လီၤ. နသ့ၣ်ညါနဲလၢယမ့ၢ်ပှၤအကီတဂၤ, ယဟံးန့ၢ်တၢ်လၢအတမ့ၢ်ယတၢ်, ဒီးယကူးတၢ်လၢယတဖှံယဲန့ၣ်ဘၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:13

နသ့ၣ်ညါတၢ်ကတိၤဒိလၢပျၢၤ, တၢ်အၢတၢ်သီန့ၣ် ဘၣ်တၢ်မၤဒၣ်အီၤလၢပှၤအၢပှၤသီလီၤ. လၢတၢ်န့ၣ်အဃိဒီးယတမၤဆါနၤဘၣ်.