လံာ်မးသဲ 15:17 - Sgaw Karen Common Bible

¹⁷ တၢ်တမံၤလၢ်လၢ်လၢအလဲၤနုာ်ဆူပှၤအကိာ်ပူၤန့ၣ်, လဲၤခီဖျိပှၤအဟၢဖၢ, ဒီးဟးထီၣ်ကွံာ်လၢအနီၢ်ခိအပူၤန့ၣ်, မ့ၢ်သုတသ့ၣ်ညါဘၣ်ဧါ.

လံာ်မးသဲ 15:17 Iomraidhean Croise

လံာ်စီၤပၤခံဘ့ၣ်တဘ့ၣ် 10:27

သတးဒီး, အဝဲသ့ၣ်မၤဟးဂီၤကွံာ်ထူၣ်စီဆှံဒီးတၢ်လုၢ်ဟံၣ် ဒီးဒုးကဲထီၣ်တၢ်လုၢ်ဟံၣ်န့ၣ်ဆူတၢ်ဟးလီၢ်တဖျၢၣ်လၢအအိၣ်ဝဲ တုၤမုၢ်မဆါတနံၤအံၤန့ၣ်လီၤ.

လံာ်မးသဲ 15:16

ယ့ၣ်ၡူးစံးဆၢဝဲ, “သုဝဲစ့ၢ်ကီးသုတနၢ်ပၢၢ်ဒံးဘၣ်ဧါ.

လံာ်မးသဲ 15:18

ဘၣ်ဆၣ်တၢ်လၢအဟဲထီၣ်လၢပှၤအကိာ်ပူၤန့ၣ်, ဟဲထီၣ်လၢပှၤအသးကံၢ်ပူၤလီၤ. တၢ်န့ၣ်မ့ၢ်တၢ်လၢအမၤတကဆှီဘၣ်ပှၤကညီန့ၣ်လီၤ.

လံာ်မၢ်ကူး 7:19

အဂ့ၢ်မ့ၢ်လၢအတလဲၤနုာ်ဆူအသးကံၢ်ပူၤဘၣ်, မ့မ့ၢ်လဲၤနုာ်ဝဲဆူအဟၢဖၢပူၤဝံၤဒီးဟးထီၣ်ကွံာ်ဝဲလၢ အနီၢ်ခိအပူၤလီၤ.” (ယ့ၣ်ၡူးစံးတၢ်ဒ်သိးအံၤန့ၣ်မ့ၢ်အတဲဖျါထီၣ်ဝဲလၢ တၢ်အီၣ်ခဲလၢာ်မ့ၢ်တၢ်လၢအကဆှီဝဲန့ၣ်လီၤ.)

လံာ်လူၤကၣ် 6:45

ပှၤဂ့ၤပှၤဝါတဂၤန့ၣ်, ထုးထီၣ်တၢ်အဂ့ၤအဝါလၢတၢ်ဂ့ၤတၢ်ဝါ တဖၣ်အိၣ်ပာ်ဖှိၣ်အသးအလီၢ်, လၢအသးပူၤလီၤ. ပှၤအၢပှၤသီတဂၤန့ၣ်, ထုးထီၣ်တၢ်အၢတၢ်သီလၢအဝဲအတၢ်ပာ်ဖှိၣ်ဃာ်တၢ်အၢတၢ်သီတဖၣ် အလီၢ်အပူၤလီၤ. အဂ့ၢ်ဒ်အံၤ, ပှၤကညီတဂၤအထးခိၣ်ကတိၤတၢ်ဒ် တၢ်လၢအအိၣ်ပှဲၤဝဲလၢအသးပူၤအသိးန့ၣ်လီၤ.

1 ကရံၣ်သူး 6:13

ပှၤအဂၤတဂၤကစံးဝဲ, “တၢ်အီၣ်န့ၣ်မ့ၢ်ဝဲလၢဟၢဖၢအဂီၢ်, ဒီးဟၢဖၢန့ၣ်လၢတၢ်အီၣ်အဂီၢ်လီၤ.” မ့ၢ်လံ. ဘၣ်ဆၣ်ဒီး ယွၤကမၤဟးဂီၤကွံာ်အီၤခံမံၤလၢာ်လီၤ. နီၢ်ခိန့ၣ်တမ့ၢ်လၢတၢ်ကသူအီၤလၢတၢ်မၤကမၣ်မုၣ်ကမၣ်ခွါအဂီၢ် န့ၣ်ဘၣ်. မ့မ့ၢ်လၢတၢ်ကမၤတၢ်လၢကစၢ်ယွၤအဂီၢ်, ဒီးကစၢ်ယွၤဟ့ၣ်တၢ်လၢနီၢ်ခိလိၣ်ဘၣ်ဝဲန့ၣ်လီၤ.

ယၤကိာ် 3:6

ဒီးပျ့ၤမ့ၢ်တၢ်လၢအလီၤဂာ်ဒီးမ့ၣ်အူလီၤ. မၤအသးဒ်ဟီၣ်ခိၣ်လၢအတတီတလိၤတဘ့ၣ်လၢအအိၣ်လၢ ပနီၢ်ခိအက့ၢ်အဂီၤတဖၣ်အကျါ, ဒီးမၤဘၣ်အၢဘၣ်သီပနီၢ် ဒီဂၤညါန့ၣ်လီၤ. ပတၢ်အိၣ်မူအကျဲဒီဘိညါန့ၣ်, ဆိၣ်ကဲၤထီၣ်ဝဲလၢမ့ၣ်အူလၢအဟဲလၢလရာ်ဒၣ်ဝဲအပူၤ န့ၣ်လီၤ.