လံာ်မးသဲ 15:15 - Sgaw Karen Common Bible

¹⁵ စီၤပ့းတရူးစံး, “တဲဘၣ်ပှၤလၢတၢ်ကတိၤဒိအံၤအခီ ပညီတက့ၢ်.”

လံာ်မးသဲ 15:15 Iomraidhean Croise

လံာ်မးသဲ 13:18

“ဒိကနၣ်ဒီးမၤလိန့ၢ်တၢ်ကတိၤဒိဘၣ်ဃးပှၤဖှံတၢ်ချံအခီ ပညီတက့ၢ်.

လံာ်မးသဲ 13:36

တုၤနုၤတစုယ့ၣ်ၡူးဟးဖးဒီးပှၤဂီၢ်မုၢ်ဒီးက့ၤဝဲဆူဟံၣ်ပူၤန့ၣ်လီၤ. အပျဲၢ်အဘီၣ်တဖၣ်လဲၤဆူအအိၣ် ဒီးစံးဘၣ်အီၤ, “တဲဖျါန့ၢ်ပှၤလၢတၢ်ကတိၤဒိဘၣ်ဃးဒီး နီၣ်စံစၣ်လၢပျီပူၤအခီပညီတက့ၢ်.”

လံာ်မးသဲ 15:16

ယ့ၣ်ၡူးစံးဆၢဝဲ, “သုဝဲစ့ၢ်ကီးသုတနၢ်ပၢၢ်ဒံးဘၣ်ဧါ.

လံာ်မၢ်ကူး 4:34

မ့တမ့ၢ်ဘၣ်လၢတၢ်ကတိၤဒိတဖၣ်ဘၣ်ဒီး, အဝဲဒၣ်တသိၣ်လီၤသီလီၤအဝဲသ့ၣ်လၢတၢ်နီတမံၤဘၣ်. မ့မ့ၢ်တုၤအအိၣ်ဒၣ်ထဲအဝဲဒၣ်ဒီးအပျဲၢ်အဘီၣ်တဖၣ်န့ၣ်, ကတိၤဖျါထီၣ်တၢ်အခီပညီတဖၣ်ခဲလၢာ်လၢအဝဲသ့ၣ်လီၤ.

လံာ်မၢ်ကူး 7:17

တုၤမ့ၢ်အဟးထီၣ်ကွံာ်လၢပှၤဂီၢ်မုၢ်အအိၣ်ဒီးက့ၤနုာ်ဝဲဆူဟံၣ်ပူၤန့ၣ်, အပျဲၢ်အဘီၣ်တဖၣ်သံကွၢ်အီၤတၢ်ကတိၤဒိအခီပညီန့ၣ်လီၤ.

လံာ်ယိၤဟၣ် 16:29

ထဲန့ၣ်ဒီး, အပျဲၢ်အဘီၣ်တဖၣ်စံးဘၣ်အီၤ, “ခဲအံၤနကတိၤလံ တၢ်ဖျါဖျါ, ဒီးတသူတၢ်ကတိၤအဒိတဖၣ်န့ၣ်ဘၣ်.