လံာ်မးသဲ 15:14 - Sgaw Karen Common Bible

¹⁴ ပျဲအဝဲသ့ၣ်အိၣ်ဒၣ်အတၢ်တက့ၢ်. အဝဲသ့ၣ်မ့ၢ်ပှၤဆှၢတၢ်လၢအမဲာ်ဘျီၣ်တဖၣ်လီၤ. ဒီးဖဲပှၤမဲာ်ဘျီၣ်ဆှၢပှၤမဲာ်ဘျီၣ်န့ၣ်, အဝဲသ့ၣ်ကလီၤတဲာ်နုာ်ဆူတၢ်ပူၤခံဂၤလၢာ်န့ၣ်လီၤ.”

လံာ်မးသဲ 15:14 Iomraidhean Croise

လံာ်ယၡါယၤ 31:3

ပှၤအဲၤကူပတူးဖိတဖၣ်တမ့ၢ်ကစၢ်တဖၣ်ဘၣ်. အဝဲသ့ၣ်မ့ၢ်ဒၣ်ပှၤကညီလီၤ. အကသ့ၣ်တဖၣ်တအိၣ်ဒီးစိ ကမီၤလၢန့ဆၢၣ်အဖီခိၣ်ဘၣ်. ဖဲယွၤမၤတၢ်လံဒီး, ပှၤကလုာ်လၢအဂံၢ်ဆူၣ်ကဟးဂီၤဝဲလီၤ. ဒီးပှၤကလုာ်လၢအဂံၢ်စၢ်လၢအဝဲသ့ၣ်မၤစၢၤဝဲန့ၣ်ကလီၤဃံၤ ဝဲလီၤ. ဒီးခံဖုလိာ်ကဘၣ်တၢ်မၤဟးဂီၤကွံာ်အီၤလီၤ.

လံာ်ယၡါယၤ 42:19

မ့ၢ်ပှၤတဂၤဂၤအမဲာ်ဘျီၣ်ဒိၣ်န့ၢ်ယခ့ယပှၤဧါ. မ့ၢ်အနၢ်တအၢဒိၣ်န့ၢ်ဒံးပှၤစိာ်တၢ်ကစီၣ်လၢ ယဆှၢလီၤန့ၣ်ဧါ.

လံာ်ယၡါယၤ 56:10

အဝဲစံး, “ခိၣ်နၢ်ခဲလၢာ်လၢအကဘၣ်ဟ့ၣ်ပလီၢ် ယပှၤဂီၢ်မုၢ်န့ၣ်အမဲာ်ဘျီၣ်လီၤ. အဝဲသ့ၣ်တသ့ၣ် ညါတၢ်နီတမံၤဘၣ်. အဝဲသ့ၣ်လီၤဂာ်ဒီးထွံၣ်ခိးတၢ် တဖၣ်လၢတမီၤတၢ်ဘၣ်, အိၣ်ဒၣ်ထဲစူၣ်လီၤအသးဒီးမံမီၢ်တၢ်န့ၣ်လီၤ. အဝဲသ့ၣ်အဲၣ်တၢ်မံဒိၣ်မးလဲၣ်.

လံာ်ယၡါယၤ 9:16

ပှၤလၢအဆှၢပှၤသ့ၣ်တဖၣ်အံၤဆှၢကမၣ်တ့ၢ်အဝဲသ့ၣ်ဒီး မၤကဒံကဒါအဝဲသ့ၣ်လၢာ်လၢာ်ဆ့ဆ့လီၤ.

လံာ်ယံးရမံယၤ 5:31

ဝံတဖၣ်တကတိၤတၢ်အဂၤဘၣ်မ့ၢ်ဒၣ်ထဲတၢ်လီတၢ်ဝ့ၤ, ပှၤလုၢ်တၢ်အခိၣ်တဖၣ်ပၢတၢ်ဒ်ဝံတဖၣ်အံၤဟ့ၣ်လီၤအကလုၢ်အသိး, ဒီးယပှၤဂီၢ်မုၢ်တဒုးနဲၣ်ဘၣ်အတၢ်သးတလီၤပလိာ်လၢတၢ်ဂ့ၢ်တဖၣ် အံၤအဖီခိၣ်နီတမံၤဘၣ်. ဘၣ်ဆၣ်, ဖဲတၢ်အံၤခဲလၢာ်အကတၢၢ် ဟဲတုၤလံန့ၣ်အဝဲသ့ၣ်ကမၤတၢ်မနုၤလဲၣ်.”

လံာ်ယံးရမံယၤ 6:15

လၢအဝဲသ့ၣ်မၤတ့ၢ်တၢ်လီၤသးဘၣ်အၢဒ်သိးအံၤတဖၣ်အဃိ, မ့ၢ်အဝဲသ့ၣ်အမဲာ်ကဆှးကစီဒီဧါ. တမဲာ်ဆှးဘၣ်. အဝဲသ့ၣ်တမဲာ်ဆှးလ့ၤတက့ၤဘၣ်. အဝဲသ့ၣ်တသ့ၣ်ညါဒၣ်လဲာ်လၢကဘၣ် မဲာ်ကိၢ်နါကိၢ်ဘၣ်. လၢတၢ်န့ၣ်အဃိ, အဝဲသ့ၣ်ကလီၤဃံၤဝဲ ဒ်ပှၤတဖၣ်လီၤဃံၤတ့ၢ်ဝဲအသိးန့ၣ်လီၤ. ဖဲယစံၣ်ညီၣ်အဝဲသ့ၣ် န့ၣ်, တၢ်န့ၣ်ကမ့ၢ်တၢ်အကတၢၢ်လၢအဝဲသ့ၣ်အဂီၢ်လီၤ. ယၤ, ယွၤအံၤကတိၤလံတၢ်လံ.”

လံာ်ယံးရမံယၤ 8:12

ယပှၤဂီၢ်မုၢ်သ့ၣ်ဧၢ, လၢသုမၤတ့ၢ်တၢ်လီၤသးဘၣ်အၢဒ်သိးအံၤ တဖၣ်အဃိ, မ့ၢ်သုတမဲာ်ဆှးတ့ၢ်ဘၣ်ဧါ. သုတမဲာ်ဆှး လ့ၤတက့ၤဘၣ်. သုတသ့ၣ်ညါဘၣ်ဒၣ်လဲာ်လၢသုကဘၣ်မဲာ်ကိၢ်နါကိၢ်ဒ်လဲၣ်န့ၣ်ဘၣ်. လၢတၢ်န့ၣ်အဃိသုကလီၤဃံၤဝဲဒ်ပှၤဂၤတဖၣ် လီၤဃံၤဝဲအသိးန့ၣ်လီၤ. ဖဲယစံၣ်ညီၣ်သုန့ၣ်, အဝဲန့ၣ်ကမ့ၢ်တၢ်အကတၢၢ်လၢသုဂီၢ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ဟိၤၡ့ 4:17

ကီၢ်အံၣ်စရ့လးအပှၤဂီၢ်မုၢ်အိၣ်လၢတၢ်ဂီၤတၢ်ဖီၣ်တဖၣ်အတၢ်ရဲၣ်သံ အဖီလာ်န့ၣ်လီၤ. ပျဲအဝဲသ့ၣ်လဲၤလၢအကျဲဒၣ်ဝဲန့ၣ်တက့ၢ်.

လံာ်မၤလကံ 2:8

မ့မ့ၢ်ခဲကနံၣ်အံၤ, သုဝဲပှၤလုၢ်တၢ်အခိၣ်တဖၣ်သုဃၣ် ကွံာ်တ့ၢ်သုသးလၢကျဲအတီအလိၤန့ၣ်လံ. သုတၢ်သိၣ်လိဆှၢပှၤအါဂၤလၢကမၤကမၣ်တၢ်န့ၣ်လီၤ. သုမၤဟးဂီၤကွံာ်တၢ်အၢၣ်လီၤအီလီၤလၢယမၤတ့ၢ်ဒီးသုလီၤ.

လံာ်လူၤကၣ် 6:39

ဒီးယ့ၣ်ၡူးစံးဘၣ်တဲဘၣ်အဝဲသ့ၣ်လၢတၢ်ကတိၤဒိတထံၣ်အံၤဒီးစံးဝဲ, “ပှၤမဲာ်ဘျီၣ်တဂၤဆှၢပှၤမဲာ်ဘျီၣ်အဂၤတဂၤတသ့ဘၣ်. မ့ၢ်မၤဝဲဒီးအဝဲသ့ၣ်ခံဂၤလၢာ်ကလီၤတဲာ်နုာ်ဆူတၢ်ပူၤလီၤ.

လံာ်ယိၤဟၣ် 9:39

ယ့ၣ်ၡူးစံးဝဲဒၣ်, “ယဟဲဆူဟီၣ်ခိၣ်အံၤလၢယကစံၣ်ညီၣ်တၢ် အဂီၢ်, ဒ်သိးပှၤလၢအတထံၣ်တၢ်တဖၣ်ကထံၣ်ထီၣ်က့ၤတၢ်, ဒီးပှၤလၢအထံၣ်တၢ်တဖၣ်အမဲာ်ကဘျီၣ်အဂီၢ်န့ၣ်လီၤ.”

၁ တံၤမသ့း 6:5

ဒီးတၢ်ဂ့ၢ်လိာ်ဘှီလိာ်တထံၣ်ဃီလၢပှၤလၢအတဆိကမိၣ်ဆိ ကမးတၢ်ဒီးလၢအတအိၣ်လၢၤဒီးတၢ်မ့ၢ်တၢ်တီတဖၣ်အသိး အကျါန့ၣ်လီၤ. အဝဲသ့ၣ်ဆိကမိၣ်ဝဲလၢတၢ်ဘူၣ်တၢ်ဘါမ့ၢ်ကျဲ တဘိလၢပှၤကထူးထီၣ်တီၤထီၣ်အဂီၢ်န့ၣ်လီၤ.

၂ ပ့းတရူး 2:1

လၢအပူၤကွံာ်ဝံအဘျၣ်တဖၣ်အိၣ်ထီၣ်လၢပှၤဂီၢ်မုၢ် အကျါ, ဒီးဒ်န့ၣ်အသိးသရၣ်အဘျၣ်တဖၣ်ကအိၣ်ထီၣ် လၢသုကျါန့ၣ်လီၤ. အဝဲသ့ၣ်ကဟဲစိာ်နုာ်တၢ်စူၢ်ကမၣ်နာ်ကမၣ်တဖၣ်လၢ ကမၤဟးဂီၤတၢ်, ဒီးအဝဲသ့ၣ်ကသမၢကစၢ်လၢအပှ့ၤက့ၤ အီၤ, သတးဒီးအဝဲသ့ၣ်ကဟဲစိာ်အတၢ်ဟးဂီၤဒၣ်ဝဲချ့ သဒံးန့ၣ်လီၤ.

၂ ပ့းတရူး 2:17

ပှၤသ့ၣ်တဖၣ်အံၤလီၤဂာ်ဒီးထံမူထီၣ်ပၢၤလၢထံတအိၣ် လၢၤဘၣ်, တၢ်အၢၣ်တဖၣ်လၢကလံၤမုၢ်အူဒီးဒံကွံာ်ဝဲ အသိး, ဒီးကစၢ်ယွၤကတဲာ်ကတီၤတၢ်လီၢ်လၢအဝဲသ့ၣ် အဂီၢ်လၢတၢ်ခံးယိာ်ကတၢၢ်အပူၤန့ၣ်လီၤ.

လံာ်လီၣ်ဖျါ 19:20

တၢ်ဒူတၢ်ဃိၤတဒုန့ၣ်ဘၣ်တၢ်ဖီၣ်န့ၢ်အီၤတပူၤဃီဒီးဝံ အဘျၣ်လၢအမၤတ့ၢ်တၢ်လီၤလးတဖၣ်လၢတၢ်ဒူတၢ်ဃိၤ တဒုန့ၣ်အမဲာ်ညါလီၤ. (ခီဖျိတၢ်လီၤလးတဖၣ်န့ၣ်, အဝဲဒၣ်လီန့ၢ်တ့ၢ်ပှၤသ့ၣ်တဖၣ်လၢအအိၣ်ဒီးတၢ်ဒူတၢ်ဃိၤ တဒုန့ၣ်အတၢ်ပနီၣ်, ဒီးပှၤသ့ၣ်တဖၣ်လၢအဘါတ့ၢ်တၢ်ဒူတၢ်ဃိၤတဒုန့ၣ် အက့ၢ်အဂီၤလီၤ.) တၢ်ဒူတၢ်ဃိၤဒီးဝံအဘျၣ်စ့ၢ်ကီး, ဘၣ်တၢ်တ့ၢ်လီၤမူဒံးအီၤဆူနိၣ်မ့ၣ်အူလၢအအီၣ်ဃုာ် တၢ်ဒီးကးန့ၣ်လီၤ.

လံာ်လီၣ်ဖျါ 22:15

မ့မ့ၢ်, ဖဲဝ့ၢ်အချၢန့ၣ်, ပှၤလၢအဘၣ်တၢ်ဘိးဃၣ်အီၤဆူတၢ် အၢတၢ်သီတဖၣ်, ဒီးပှၤသ့ၣ်တဖၣ်လၢအဟိၣ်တၢ်ယီတၢ်, ပှၤမၤကမၣ်မုၣ်ကမၣ်ခွါဒီးပှၤမၤသံမၤဝီတၢ်တဖၣ်, ပှၤလၢအဘါတၢ်ဂီၤတၢ်ဖီၣ်တဖၣ်ဒီးပှၤသ့ၣ်တဖၣ်လၢ အလီတၢ်, လၢတၢ်စံးတၢ်ကတိၤ, ဒီးတၢ်ဖံးတၢ်မၤခံမံၤလၢာ်န့ၣ်, အိၣ်ဝဲဒၣ်လီၤ.