လံာ်မးသဲ 15:11 - Sgaw Karen Common Bible

¹¹ တၢ်လၢအလဲၤနုာ်ဆူပှၤအကိာ်ပူၤန့ၣ်, တမ့ၢ်ဘၣ်တၢ်လၢအမၤတကဆှီဘၣ်ပှၤကညီဘၣ်. မ့မ့ၢ်တၢ်လၢအဟဲထီၣ်လၢပှၤအကိာ်ပူၤန့ၣ်, မ့ၢ်တၢ်လၢအမၤတကဆှီဘၣ်ပှၤကညီန့ၣ်လီၤ.”

လံာ်မးသဲ 15:11 Iomraidhean Croise

စံးထီၣ်ပတြၢၤ 10:7

အထးခိၣ်ပှဲၤဒီးတၢ်ဆိၣ်အၢ, တၢ်လီတၢ်ဝ့ၤဒီးတၢ်ကတိၤပျံၤကတိၤဖုးတၢ်လီၤ. တၢ်ကတိၤမၤဟးဂီၤတၢ်ဒီးတၢ်ကတိၤအအၢအသီန့ၣ် ကတိၤဝဲချ့သဒံးလီၤ.

စံးထီၣ်ပတြၢၤ 12:2

အဝဲသ့ၣ်ခဲလၢာ်လီလိာ်အသးတဂၤဒီးတဂၤ, လီန့ၢ်လွဲန့ၢ်လိာ်အသးလၢ တၢ်ကတိၤအူသဖှိတၢ်န့ၣ်လီၤ.

လံာ်ယၡါယၤ 37:23

ပှၤလၢနဒုၣ်ဒွဲၣ်ပယွဲဒီးနနံၤဘၣ်ဖၣ်လဲအီၤန့ၣ်နဆိကမိၣ်အမ့ၢ် မတၤလဲၣ်. နတယူးယီၣ်ပာ်ကဲတ့ၢ်ယၤ, အံၣ်စရ့လးအကစၢ်ယွၤစီဆှံတဂၤန့ၣ်ဘၣ်.

လံာ်မးသဲ 15:10

ယ့ၣ်ၡူးကိးပှၤဂီၢ်မုၢ်ဆူအအိၣ်ဒီးစံးဘၣ်အဝဲသ့ၣ်, “ဒိကနၣ်ဒီးနၢ်ပၢၢ်တက့ၢ်.

လံာ်မးသဲ 15:12

တုၤနုၤတစု, အပျဲၢ်အဘီၣ်တဖၣ်ဟဲဆူအအိၣ်ဒီးစံးဘၣ်အီၤ, “တၢ်လၢနတဲတဖၣ်မၤဆါပှၤဖၤရံၤၡဲတဖၣ်အသးန့ၣ်, မ့ၢ်နသ့ၣ်ညါစ့ၢ်ကီးဧါ.”

လံာ်မၢ်ကူး 7:15

တၢ်လၢအလဲၤနုာ်ဆူပှၤကညီတဂၤအပူၤဒီးကဒုးကဲထီၣ် အီၤလၢပှၤတကဆှီဘၣ်န့ၣ်, တအိၣ်နီတမံၤဘၣ်. မ့မ့ၢ်တၢ်လၢအဟဲထီၣ်လၢပှၤကညီတဂၤအပူၤန့ၣ်, မ့ၢ်တၢ်လၢအဒုးကဲထီၣ်အီၤလၢပှၤတကဆှီဘၣ်တခီန့ၣ်လီၤ.

ရိမ့ၤ 14:14

ဒ်ယအိၣ်လၢကစၢ်ယ့ၣ်ၡူးအပူၤအသိးန့ၣ်, ယသ့ၣ်ညါလီၤတံၢ်လၢတၢ်အီၣ်လၢအတကဆှီဒၣ်အတၢ်တအိၣ်နီ တမံၤဘၣ်. ဘၣ်ဆၣ်ဒီး, တုၤပှၤတဂၤနာ်ဝဲလၢတၢ်တမံၤမံၤအံၤ တကဆှီဘၣ်ဒီး, တၢ်တမံၤန့ၣ်ကဲထီၣ်တၢ်တကဆှီဘၣ်လၢအဝဲဒၣ် အဂီၢ်န့ၣ်လီၤ.

ရိမ့ၤ 14:17

အဂ့ၢ်ဒ်လဲၣ်န့ၣ်, ယွၤအဘီအမုၢ်တမ့ၢ်တၢ်လၢအဘၣ်ဃးဒီး တၢ်အီၣ်တၢ်အီဘၣ်. မ့မ့ၢ်ဘၣ်ဃးဒီးတၢ်တီတၢ်လိၤ, တၢ်ဃူတၢ်ဖိး, ဒီးတၢ်သးခုလၢသးစီဆှံဟ့ၣ်ဝဲန့ၣ်လီၤ.

ရိမ့ၤ 14:20

လၢတၢ်အီၣ်အဃိန့ၣ်, တဘၣ်မၤဟးဂီၤတၢ်လၢကစၢ်ယွၤမၤတ့ၢ် လံဝဲန့ၣ်တဂ့ၤ. တၢ်အီၣ်ခဲလၢာ်ကဆှီဝဲဒီးပအီၣ်သ့လီၤ. ဘၣ်ဆၣ်ဒီး ပအီၣ်တၢ်တမံၤဂ့ၤတမံၤဂ့ၤမ့ၢ်ကဲထီၣ်တၢ်ဒဲးဘးလၢပှၤအဂၤ တဂၤအဂီၢ်ဒီးမ့ၢ်တၢ်လၢအကမၣ်န့ၣ်လီၤ.

၁ တံၤမသ့း 4:3

ပှၤဒ်သိးအံၤတဖၣ်သိၣ်လီၤသီလီၤဝဲလၢတၢ်န့ၢ်ဖိန့ၢ်မါန့ၣ်, မ့ၢ်တၢ်ကမၣ်ဒီးတၢ်အီၣ်တၢ်အီတနီၤနီၤန့ၣ်, ဂ့ၤဘၣ်တၢ်ဟးဆှဲး အီၤန့ၣ်လီၤ. ဘၣ်ဆၣ်ဒီးတၢ်အီၣ်တဖၣ်န့ၣ်, ယွၤတ့လီၤပာ်လီၤဝဲလၢပှၤစူၢ်က့ၤနာ်က့ၤတၢ်ဒီးသ့ၣ်ညါ တၢ်မ့ၢ်တၢ်တီတဖၣ်ကစံးထီၣ်ပတြၢၤတၢ်အဘျုးအဖှိၣ်ဝံၤ, ကအီၣ်ဝဲအဂီၢ်န့ၣ်လီၤ.

တံတူး 1:15

တၢ်ခဲလၢာ်န့ၣ်ကဆှီဝဲလၢပှၤလၢအကစၢ်ဒၣ်ဝဲကဆှီတဖၣ် အဂီၢ်, ဘၣ်ဆၣ်ဒီးပှၤလၢအတကဆှီဒီးတစူၢ်တၢ်နာ်တၢ်အဂီၢ်န့ၣ်, တၢ်အကဆှီတအိၣ်နီတမံၤဘၣ်. မ့ၢ်လၢအတၢ်ဆိကမိၣ်ဒီးအသးလၢအသ့ၣ်ညါဒၣ်တၢ်ဒၣ် လဲာ်ဘၣ်တၢ်မၤတကဆှီအီၤအဃိန့ၣ်လီၤ.

ဧ့ၤဘြံၤ 13:9

တဘၣ်ပျဲတၢ်သိၣ်လိအကလုာ်ကလုာ်ဒီးအလီၤတိၢ်လီၤဆီ တဖၣ်ထုးဝ့ၤဝီၤသုတဂ့ၤ. အဂ့ၢ်ဒ်အံၤ, ဂ့ၤဝဲလၢပဒိးန့ၢ်တၢ်ဂံၢ်တၢ်ဘါဘၣ်ဃးဒီးသူၣ်ဒီးသးလၢ ကစၢ်ယွၤအဘျုးအဖှိၣ်ဒီးတမ့ၢ်ဘၣ်လၢတၢ်အီၣ်တၢ်အီ အတၢ်သိၣ်တၢ်ဘျၢန့ၣ်ဘၣ်. အဂ့ၢ်မ့ၢ်လၢပှၤလၢစူၢ်တၢ်ဘျၢ တဖၣ်အံၤန့ၣ်, တန့ၢ်ဘျုးန့ၢ်ဖှိၣ်ဘၣ်ဝဲဘၣ်.

၂ ပ့းတရူး 2:18

အဝဲသ့ၣ်ကတိၤဒိၣ်ကတိၤသွါတၢ်လၢအခီပညီတအိၣ် တဖၣ်, ဒီးသူဝဲနီၢ်ခိအတၢ်သူၣ်ကတၢသးကတၢလုၢ်လၢ်အၢသီ တဖၣ်လၢအကကွဲန့ၢ်လွဲန့ၢ်ပှၤလၢအထူၣ်ဖျဲးထီၣ်သီလၢပှၤလၢ အအိၣ်မူလၢတၢ်ကမၣ်အပူၤတဖၣ်အကျါန့ၣ်လီၤ.