လံာ်မးသဲ 14:6 - Sgaw Karen Common Bible

⁶ ဘၣ်ဆၣ်ဒီးလၢစီၤဟ့ၤရိာ်အတၢ်အိၣ်ဖျဲၣ်ဆၢက့ၤအနံၤအမူးန့ၣ်, နီၢ်ဟ့ၤရိၤဒံအဖိမုၣ်ဂဲၤကလံာ်လၢပှၤခဲလၢာ်အမဲာ်ညါဒီး စီၤဟ့ၤရိာ်ဘၣ်သူၣ်ဘၣ်သးဝဲဒိၣ်မး,

လံာ်မးသဲ 14:6 Iomraidhean Croise

လံာ်တၢ်ကဲထီၣ်အခီၣ်ထံး 40:20

သၢသီပူၤကွံာ်ဝံၤဖဲစီၤပၤအိၣ်ဖျဲၣ်ဆၢက့ၤအမုၢ်နံၤန့ၣ် စီၤပၤအိၣ်ဒီးအတၢ်အီၣ်အမူးဖးဒိၣ်တမူးလၢအပဒိၣ်ပပှၢ်ခဲလၢာ် အဂီၢ်လီၤ. အဝဲပျၢ်ဖျဲးကွံာ်ပှၤကွၢ်ထွဲစပံးထံဒီးပှၤကုၢ်ကိၣ်အဒိၣ်ဒီး ဟဲစိာ်အဝဲသ့ၣ်ဆူအပဒိၣ်ပပှၢ်တဖၣ်အမဲာ်ညါန့ၣ်လီၤ.

လံာ်နီၢ်အ့ၤစတၢ် 2:18

အန့ၣ်ဝံၤဒီး, စီၤပၤမၤတၢ်အီၣ်တၢ်အီအမူးဖးဒိၣ်တမူး လၢတၢ်မၤလၤကပီၤနီၢ်အ့ၤစတၢ်အဂီၢ်ဒီးကွဲမုာ်အပဒိၣ်တဖၣ်လီၤ. အဝဲဘိးဘၣ်သ့ၣ်ညါမုၢ်နံၤန့ၣ်ဒ်တၢ်အိၣ်ဘှံးအမုၢ်တနံၤ လၢကီၢ်ဒီဘ့ၣ်ညါအပူၤဒီး, နီၤလီၤတၢ်ဟ့ၣ်တဖၣ်ဒ်အကြၢးဝဲဒီးစီၤပၤတဂၤအသိးန့ၣ်လီၤ.

လံာ်မးသဲ 14:3

အဂ့ၢ်ဒ်အံၤ, စီၤဟ့ၤရိာ်ဖီၣ်ဃာ်တ့ၢ်စီၤယိၤဟၣ်ဒီးစၢဃာ်အီၤဒီးဒၢနုာ် တ့ၢ်အီၤလၢဃိာ်ပူၤ, မ့ၢ်လၢအဒီပုၢ်ဝဲၢ်စီၤဖံလံးပူးအမါနီၢ်ဟ့ၤရိၤဒံအဃိ လီၤ.

လံာ်မးသဲ 14:7

တုၤဒၣ်လဲာ်အအၢၣ်လီၤအီလီၤအီၤ, အိၣ်ဒီးတၢ်ဆိၣ်လီၤအသးလၢ အကဟ့ၣ်အီၤတၢ်တမံၤလၢ်လၢ်လၢအကဃ့ဝဲန့ၣ်လီၤ.

လံာ်မးသဲ 22:24

“သရၣ်ဧၢ, စီၤမိၤၡ့စံးတ့ၢ်ဝဲလၢပှၤတဂၤလၢအသံဒီးတပာ်တ့ၢ်ဘၣ် အဖိနီတဂၤဘၣ်န့ၣ်, အပုၢ်ကဘၣ်ဟံးန့ၢ်က့ၤအမါမုၣ်ကမဲန့ၣ်, ဒ်သိးဒီးအကဒုးအိၣ်ထီၣ်ဖိတဖၣ်လၢအဝဲၢ်လၢအသံတ့ၢ်တဂၤအဂီၢ်လီၤ (သိၣ်သီ. ၂၅:၅).

လံာ်မၢ်ကူး 6:14

စီၤပၤဟ့ၤရိာ်နၢ်ဟူဘၣ်တ့ၢ်ဝဲတၢ်မၤအသးတဖၣ်အံၤအဂ့ၢ်ခဲ လၢာ်, မ့ၢ်လၢယ့ၣ်ၡူးအမံၤဂ့ၤန့ၣ် ဟူထီၣ်သါလီၤသကုၤဆးဒးအဃိလီၤ. ပှၤတနီၤစံးဝဲ, “ပှၤဘျၢတၢ်စီၤယိၤဟၣ်ဂဲၤဆၢထၢၣ်က့ၤလၢတၢ်သံလံ. လၢတၢ်န့ၣ်အဃိအဝဲအိၣ်ဒီးတၢ်စိတၢ်ကမီၤလၢအပူၤ လၢကမၤတၢ်လီၤလးတဖၣ်အံၤအဂီၢ်လီၤ.

လံာ်မၢ်ကူး 6:17

စီၤပၤဟ့ၤရိာ်အကစၢ်ဒၣ်ဝဲဟ့ၣ်လီၤတ့ၢ်အကလုၢ်လၢပှၤကဖီၣ်စၢ ဃာ်စီၤယိၤဟၣ်ဒီးဒၢနုာ်အီၤလၢဃိာ်ပူၤလီၤ. အဝဲမၤတၢ်အံၤမ့ၢ်လၢအဟံးန့ၢ်ဘၣ်အဒီပုၢ်ဝဲၢ်ပိာ်ခွါ စီၤဖံလံးပူးအမါနီၢ်ဟ့ၤရိၤဒံအဃိလီၤ.

လံာ်မၢ်ကူး 6:19

အန့ၣ်ဒီး, နီၢ်ဟ့ၤရိၤဒံသးက့ၣ်ထီၣ်စီၤယိၤဟၣ်ဒီးအဲၣ်ဒိးမၤသံအီၤ, ဘၣ်ဆၣ်မၤဝဲတသ့ဘၣ်.

လံာ်မၢ်ကူး 8:15

ယ့ၣ်ၡူးမၤလိာ်အဝဲသ့ၣ်ဒီးစံးဝဲ, “ပလီၢ်သုသးဒီးစီၣ်မဲာ်စီၣ်နါဘၣ်ဃး ပှၤဖၤရံၤၡဲတဖၣ်အကိၣ်မံၣ်ဒီးစီၤပၤဟ့ၤရိာ်အကိၣ်မံၣ်န့ၣ်တ က့ၢ်.”

လံာ်လူၤကၣ် 13:31

တကတီၢ်ဃီဖဲန့ၣ်, ပှၤဖၤရံၤၡဲတနီၤဟဲဆူယ့ၣ်ၡူးအအိၣ်ဒီးစံးဘၣ်အီၤ, “နကဘၣ်ဟးထီၣ်ကွံာ်နဲဖဲအံၤ ဒီးလဲၤဆူတၢ်လီၢ်တၢ်ကျဲအဂၤ တပူၤ, အဂ့ၢ်မ့ၢ်လၢစီၤပၤဟ့ၤရိာ်အဲၣ်ဒိးမၤသံနၤအဃိန့ၣ်လီၤ.”

လံာ်လူၤကၣ် 23:11

စီၤဟ့ၤရိာ်ဒီးအသုးဖိတဖၣ်နံၤဘၣ်ဖၣ်လဲယ့ၣ်ၡူး, ဒီးမၤအီၤတရီတပါလီၤ. အဝဲသ့ၣ်ဒုးကူဒုးသိးထီၣ်အီၤဆ့ကၤဖး ထီလၢအဂ့ၤ, ဒီးဆှၢက့ၤအီၤဆူစီၤပံၤလးအအိၣ်လီၤ.

လံာ်လူၤကၣ် 23:7

ဖဲအဝဲဒၣ်သ့ၣ်ညါဘၣ်လၢယ့ၣ်ၡူးဟဲလၢတၢ်လီၢ်လၢအဘၣ် တၢ်ပၢအီၤလၢစီၤဟ့ၤရိာ်န့ၣ်, ဆှၢဝဲဆူစီၤဟ့ၤရိာ်လၢအအိၣ်စ့ၢ်ကီးဝဲဖဲ ဝ့ၢ်ယရူၤၡလ့ၣ်ဖဲဆၢကတီၢ်အဝဲန့ၣ်, န့ၣ်လီၤ.

လံာ်လူၤကၣ် 3:1

အဆၢကတီၢ်မ့ၢ်ဝဲဖဲစီၤပၤဖးဒိၣ်တံၤဘ့းရံပၢတၢ်ပှဲၤထီၣ် တဆံယဲၢ်နံၣ်တနံၣ်, ဖဲစီၤပီၣ်တံၤပံၤလးမ့ၢ်ကီၢ်ယူဒၤအပဒိၣ်ဖးဒိၣ်, စီၤဟ့ၤရိာ်မ့ၢ်ကီၢ်ကၤလံၤလါအပဒိၣ်, ဒီးအဒီပုၢ်ဝဲၢ်စီၤဖံလံးပူးမ့ၢ်ကီၢ်ယတူၢ် ဒီးကီၢ်တြဃိၤန့တံၤအပဒိၣ်, စီၤလူၤစၤနံမ့ၢ်ကီၢ်အဘ့ၤလ့ၣ်အပဒိၣ်,

လံာ်လူၤကၣ် 3:19

ဘၣ်ဆၣ်အဝဲဒၣ်သိၣ်ဃီၣ်ဒီးပာ်တၢ်ကမၣ်လၢပဒိၣ်ဖးဒိၣ် စီၤဟ့ၤရိာ်အလိၤမ့ၢ်လၢအဝဲဒၣ်ဟံးန့ၢ်အဒီပုၢ်ဝဲၢ်အမါ, နီၢ်ဟ့ၤရိၤဒံ, ဒီးလၢတၢ်အၢတၢ်သီအဂၤအါမံၤအါကလုာ်လၢအမၤ တ့ၢ်ဝဲတဖၣ်အဃိလီၤ.

လံာ်လူၤကၣ် 8:3

စီၤဃူၤစါလၢအကွၢ်ထွဲစီၤပၤအတၢ်ဖိတၢ်လံၤလၢ စီၤပၤဟ့ၤရိာ်အနီပူၤတဂၤအမါနီၢ်ယိၤအၣ်နၣ်, ဒီးနီၢ်စူၤစၣ်နၤဒီးပိာ်မုၣ်အဂၤအါဒံအါဂၤလၢ အသူအတၢ်စုလီၢ်ခီၣ်ခိၣ်ဒၣ်ဝဲလၢအကမၤစၢၤယ့ၣ်ၡူးဒီး အပျဲၢ်အဘီၣ်တဖၣ်, ပိာ်အဝဲဒၣ်အခံစ့ၢ်ကီးလီၤ.

မၤတၢ် 12:1

အကတီၢ်ဖဲန့ၣ်, စီၤပၤဟ့ၤရိာ်စးထီၣ်မၤအၢမၤနးတၢ်အိၣ်ဖှိၣ်ဖိတနီၤလီၤ.

မၤတၢ် 4:27

အဂ့ၢ်ဒ်အံၤ, စီၤဟ့ၤရိာ်ဒီးစီၤပီၣ်တံၤပံၤလး, ပှၤကလုာ်ဂၤတဖၣ်, ဒီးပှၤအံၣ်စရ့လးဖိတဖၣ်, အိၣ်ဖှိၣ်သကိးနီၢ်နီၢ်ဖဲဝ့ၢ်အံၤအပူၤဒီးကူၣ်ထီၣ်သကိးတၢ်ထီ ဒါနခ့နပှၤစီဆှံယ့ၣ်ၡူး, ပှၤလၢနဖှူအီၤလၢသိဒီးဒုးကဲအီၤလၢခရံာ် န့ၣ်လီၤ.