လံာ်မးသဲ 14:5 - Sgaw Karen Common Bible

⁵ စီၤဟ့ၤရိာ်သးအိၣ်မၤသံအီၤဘၣ်ဆၣ်, မ့ၢ်လၢအပျံၤပှၤယူဒၤဖိတဖၣ်လၢ အပာ်စီၤယိၤဟၣ်ဒ်ဝံတဂၤအသိးအဃိ, တမၤဝဲဘၣ်.

လံာ်မးသဲ 14:5 Iomraidhean Croise

လံာ်ယံးရမံယၤ 26:21

ဖဲစီၤပၤယဟိၤယါ ကံၣ်ဒီးအသုးဖိတဖၣ်ဒီးအပဒိၣ်ပပှၢ်တဖၣ် နၢ်ဟူ တၢ်လၢစီၤအူၤရံယၤကတိၤတ့ၢ်ဝဲန့ၣ်, စီၤပၤကျဲးစၢးတ့ၢ် လၢကမၤသံအီၤန့ၣ်လီၤ. ဘၣ်ဆၣ် စီၤအူၤရံယၤနၢ်ဟူတ့ၢ်တၢ်အံၤ, သတးဒီး အဝဲထွးထီၣ်ဃ့ၢ်ပူၤဖျဲးကွံာ်ဝဲလၢ တၢ်ပျံၤတၢ်ဖုးအ ပူၤ ဆူကီၢ်အဲၤကူပတူးန့ၣ်လီၤ.

လံာ်မးသဲ 11:9

မ့မ့ၢ်ဒ်န့ၣ်ဒီး မ့ၢ်သုလဲၤလၢသုကထံၣ်ဘၣ်တၢ်မနုၤအဂီၢ်လဲၣ်. မ့ၢ်ဒ်သိးသုကထံၣ်ဘၣ်ဝံတဂၤန့ၣ်ဧါ. မ့မ့ၢ်ဒ်န့ၣ်ဒီးဘၣ်မး လီၤ. ဘၣ်ဆၣ်သုထံၣ်ဘၣ်တ့ၢ်လံပှၤလၢအဒိၣ်န့ၢ်ဒံးဝံတဂၤတက့ၢ်လီၤ.

လံာ်မးသဲ 21:26

ပမ့ၢ်စံး, ‘လၢပှၤဟီၣ်ခိၣ်ဖိအအိၣ်’ ဒီးပဘၣ်ပျံၤဘၣ်ပှၤဂီၢ်မုၢ်လီၤ. အဂ့ၢ်ဒ်အံၤ, ပှၤဂီၢ်မုၢ်နာ်လၢစီၤယိၤဟၣ်မ့ၢ်ဝံတဂၤလီၤ.”

လံာ်မးသဲ 21:32

အဂ့ၢ်ဒ်အံၤ, ပှၤဘျၢတၢ်စီၤယိၤဟၣ်ဟဲဒုးနဲၣ်သုလၢတၢ်တီတၢ်လိၤ အကျဲလၢသုကပိာ်အီၤအဂီၢ်, ဒီးသုတနာ်အီၤဘၣ်. မ့မ့ၢ်ပှၤဃ့သွဲတဖၣ်ဒီးပိာ်မုၣ်ဟးဂီၤတဖၣ်နာ်အီၤလီၤ. သုထံၣ်တၢ်အံၤဝံၤအလီၢ်ခံဒၣ်လဲာ်, သုသးတလဲလိာ်အသးဒီးနာ်အီၤဘၣ်.”

လံာ်လူၤကၣ် 20:6

မ့မ့ၢ်ပမ့ၢ်စံး, ‘ဟဲလၢပှၤကညီအအိၣ်’ ဒီးပှၤကမျၢၢ်ဖဲအံၤခဲလၢာ်ကကွံာ်ပှၤလၢလၢၢ်, အဂ့ၢ်မ့ၢ်လၢအဝဲသ့ၣ်နာ်လၢစီၤယိၤဟၣ်မ့ၢ်ဝံတဂၤအဃိလီၤ.”

မၤတၢ် 4:21

အန့ၣ်ဒီးကီၣ်ကးကတိၤဟ့ၣ်ပလီၢ်အဝဲသ့ၣ်ဆူၣ်န့ၢ်အလီၢ်တက့ၢ်ဝံၤဒီး ပျၢ်ထူၣ်ဖျဲးကွံာ်အဝဲသ့ၣ်လီၤ. လၢကစံၣ်ညီၣ်စီၤပ့းတရူးဒီးစီၤယိၤဟၣ်န့ၣ်သ့ၣ်ညါဝဲလၢတသ့ လ့ၤတက့ၤဘၣ်, အဂ့ၢ်မ့ၢ်လၢပှၤခဲလၢာ်စံးထီၣ်ပတြၢၤကစၢ်ယွၤ, လၢတၢ်လၢအမၤတ့ၢ်အသးအဃိန့ၣ်လီၤ.

မၤတၢ် 5:26

အန့ၣ်ဒီး, ပှၤပၢၤတၢ်ဖိအခိၣ်ဒီးအပှၤပၢၤတၢ်ဖိတဖၣ်လဲၤဝဲဒီးဟဲက့ၤ ကိးပှၤတၢ်မၢဖိတဖၣ်န့ၣ်လီၤ. အဝဲသ့ၣ်တမၤဆူၣ်မၤစိးတၢ်မၢဖိ တဖၣ်ဘၣ်. အဂ့ၢ်မ့ၢ်လၢအပျံၤဘၣ်ဝဲပှၤကကွံာ်ဘၣ်ဖုးအဝဲသ့ၣ် လၢလၢၢ်အဃိန့ၣ်လီၤ.