လံာ်မးသဲ 14:31 - Sgaw Karen Common Bible

³¹ ဒီးယ့ၣ်ၡူးယူာ်ဃီၤအစုတဘျီဃီ, ဒီးဟံးဃာ်အီၤဒီးစံးဝဲ, “နနာ်တၢ်စှၤမးလဲၣ်. ဘၣ်မနုၤလၢနသးဒ့ဒီလဲၣ်.”

လံာ်မးသဲ 14:31 Iomraidhean Croise

လံာ်တၢ်ကဲထီၣ်အခီၣ်ထံး 22:14

စီၤအၤဘြၤဟၣ်ယုၢ်တၢ်လီၢ်န့ၣ်အမံၤလၢ, “ယဟိဝၤယံၤရၤ” အခီပညီ, “ယွၤထံၣ်တၢ်ဟ့ၣ်တၢ်” လီၤ. ဒီးတုၤလီၤလၢမုၢ်မဆါတနံၤအံၤဒၣ်လဲာ်ပှၤဂီၢ်မုၢ်စံး, “လၢယွၤအကစၢၢ်ဒီခိၣ်န့ၣ်ယွၤအိၣ်ဖျါထီၣ်ဝဲလီၤ.”

စံးထီၣ်ပတြၢၤ 138:7

တုၤယလဲၤလၢတၢ်နးတၢ်ဖှီၣ်အပူၤန့ၣ်ဒီး, နပာ်ကီၤယသးသမူ, နယူာ်ထီၣ်နစုထီဒါယဒုၣ်ယဒါအတၢ်သးထီၣ် ဒီးနစုထွဲမၤပူၤဖျဲးယၤလီၤ.

လံာ်ယၡါယၤ 63:12

ယွၤလၢအမၤတ့ၢ်တၢ်အဒိၣ်တဖၣ်လၢအစိကမီၤဒၣ်ဝဲအပူၤခီဖျိ စီၤမိၤၡ့, နီၤဖးပီၣ်လဲၣ်အထံတဖၣ်ဒီးဆှၢအပှၤ ဂီၢ်မုၢ်လၢထံယိာ်အပူၤဒ်သိးအကမၤန့ၢ်အမံၤအထူအယိာ်လၢအဂီၢ် ဒၣ်ဝဲန့ၣ်အိၣ်ဖဲလဲၣ်.”

လံာ်မးသဲ 14:30

ဘၣ်ဆၣ်တုၤအထံၣ်ကလံၤအူတၢ်ဆူၣ်ဆူၣ်ဒီး, အသူၣ်ပျံၤသးဖုးဝဲ, ဒီးလီၤဘျၢဝဲဘူးတ့ၢ်မးအကလီၤအုးဒီးကိးထီၣ်ဝဲ, “ကစၢ်ဧၢ, မၤစၢၤယၤတက့ၢ်.”

လံာ်မးသဲ 14:32

အဝဲသ့ၣ်ခံဂၤလၢာ်ဟဲက့ၤထီၣ်ဆူချံပူၤဒီးကလံၤဂၢၢ်ထီၣ်က့ၤ ဝဲလီၤ.

လံာ်မးသဲ 16:8

ယ့ၣ်ၡူးသ့ၣ်ညါဆိတၢ်လၢအဝဲသ့ၣ်ကတိၤသကိးဒီးစံး, “သုနာ်တၢ်စှၤမးလဲၣ်. ဘၣ်မနုၤလၢသုကတိၤသကိးဘၣ်ဃးဒီးသုကိၣ်တအိၣ်ဘၣ် အဂ့ၢ်န့ၣ်လဲၣ်.

လံာ်မးသဲ 17:20

အဝဲစံးဆၢအဝဲသ့ၣ်, “မ့ၢ်လၢသုတၢ်နာ်န့ၢ်ယွၤဆံးဝဲစှၤဝဲအဃိလီၤ. နာ်ယၤတက့ၢ်. သုတၢ်နာ်မ့ၢ်အိၣ်ထဲသိးဒီးသဘၣ်အချံတဖျၢၣ်ဒီး, သုမ့ၢ်စံးဘၣ်ကစၢၢ်အံၤ, ‘သုးကွံာ်နသးဖဲအံၤဆူန့ၣ်တက့ၢ်.’ ဒီးကသုးကွံာ်အသးလီၤ. ဒီးတၢ်လၢသုမၤတသ့ဘၣ်န့ၣ်, တအိၣ်ဘၣ်နီတမံၤဘၣ်လီၤ.

လံာ်မးသဲ 6:30

ကစၢ်ယွၤမ့ၢ်ဒုးကူဒုးသိးနီၣ်ဧိၤမံၤဧိၤလၢအမူဝဲတနံၤ အံၤဒီးလၢခံတနံၤဘၣ်တၢ်ဆူးကဲၤကွံာ်အီၤလၢဖၣ်ကပူၤန့ၣ်ဒီး, ပှၤနာ်တၢ်စှၤသ့ၣ်ဧၢ, မ့ၢ်ယွၤအံၤတဒုးကူဒုးသိးသုအါန့ၢ်အဝဲသ့ၣ်ဘၣ်ဧါ.

လံာ်မးသဲ 8:26

ယ့ၣ်ၡူးစံးဆၢအဝဲသ့ၣ်, “ဘၣ်မနုၤလၢသုဘၣ်ပျံၤတၢ်ထဲန့ၣ် ညါလဲၣ်. သုတၢ်နာ်စှၤမးလဲၣ်.” ဝံၤအဝဲဂဲၤဆၢထၢၣ်ဒူကလံၤဒီးလပီအလိၤ, ဒီးကလံၤအိၣ်က့ၤမးဝဲဂၢၢ်တပၢၢ်လီၤ.

လံာ်မၢ်ကူး 1:31

ယ့ၣ်ၡူးလဲၤဃီၤဆူအအိၣ်, ဟံးထီၣ်အစုဒီးဝံၢ်ထီၣ်အီၤလီၤ. အတၢ်လိၤကိၢ်လီၤက့ၤတကီၢ်ခါဒီးအဝဲဒၣ်ဒုးအီၣ်ဒုးအီ အဝဲသ့ၣ်လီၤ.

လံာ်မၢ်ကူး 1:41

ယ့ၣ်ၡူးသးကညီၤဘၣ်အီၤဒီးယူာ်ဃီၤအစုဒီးထိးဘၣ်အီၤဒီး စံးဝဲ, “ယသးအိၣ်နၤ, မ်နကဆှီထီၣ်က့ၤတက့ၢ်.”

လံာ်မၢ်ကူး 11:23

ယစံးဘၣ်သုသပှၢ်ကတၢၢ်လီၤ. ပှၤတဂၤဂၤမ့ၢ်စံးဘၣ်ကစၢၢ်တဖျၢၣ်အံၤလၢအကထုးထီၣ်ကွံာ် အသးဖဲအလီၢ်အံၤဒီးကွံာ်လီၤအသးဆူပီၣ်လဲၣ်ပူၤဒီး တၢ်သးဒ့ဒီမ့တအိၣ်လၢအသးပူၤဘၣ်, မ့မ့ၢ်နာ်ဝဲလၢတၢ်ကမၤဒၣ်အသးဒ်အစံးဘၣ်ဝဲ အသိးန့ၣ်ဒီး, တၢ်န့ၣ်ကမၤဒၣ်အသးလၢအဂီၢ်လီၤ.

လံာ်မၢ်ကူး 16:7

ခဲအံၤလဲၤဒီးစံးဘၣ်တဲဘၣ်အပျဲၢ်အဘီၣ်တဖၣ်ဃုာ်ဒီးစီၤပ့းတရူး လၢအဝဲဒၣ်ကလဲၤဆိပာ်ဆူကီၢ်ကၤလံၤလါလၢအဝဲသ့ၣ်အမဲာ်ညါ, ဒီးဖဲန့ၣ်န့ၣ်သုကထံၣ်ဘၣ်အီၤဒ်အစံးဘၣ်တ့ၢ်သုအသိးန့ၣ်လီၤ.”

လံာ်မၢ်ကူး 4:40

ယ့ၣ်ၡူးစံးဘၣ်အပျဲၢ်အဘီၣ်တဖၣ်န့ၣ်, “ဘၣ်မနုၤလၢသုပျံၤတၢ်လဲၣ်. တုၤခဲအံၤသုတၢ်နာ်ဘၣ်မနုၤလၢအတအိၣ်ဘၣ်န့ၣ်လဲၣ်.”

လံာ်မၢ်ကူး 5:41

အဝဲဒၣ်ဟံးထီၣ်ဖိသၣ်မုၣ်န့ၣ်လၢအစုဒီးစံးဘၣ်အီၤ, “တၤလံၤသၤကူမံၤ,” အခီပညီ “ပိာ်မုၣ်ဖိဧၢ, ယစံးဘၣ်နၤ, ဂဲၤဆၢထၢၣ်တက့ၢ်.”

လံာ်လူၤကၣ် 24:34

လၢအစံးဝဲ, “ကစၢ်ဂဲၤဆၢထၢၣ်သမူထီၣ်က့ၤနီၢ်နီၢ်လီၤ. အဝဲဒၣ်လီၣ်ဖျါထီၣ်တ့ၢ်အသးလၢစီၤၡံမိၣ်လံ,” န့ၣ်လီၤ.

မၤတၢ် 4:30

ယူာ်ထီၣ်နစုလၢတၢ်မၤဘျါက့ၤတၢ်အဂီၢ်, ဒီးလၢတၢ်မၤတၢ်လီၤလးဒီးတၢ်ပနီၣ်လီၤလးတဖၣ်အဂီၢ်, ခီဖျိနခ့နပှၤစီဆှံယ့ၣ်ၡူးအမံၤန့ၣ်တက့ၢ်.”

လံာ်သိၣ်လီၤသီလီၤတၢ် 32:36

ယွၤကမၤပူၤဖျဲးပှၤဂီၢ်မုၢ်, ဖဲအဝဲထံၣ်ဘၣ်လၢအဝဲသ့ၣ်အဂံၢ်အဘါလၢာ်ကွံာ်လံန့ၣ်လီၤ. အဝဲကအိၣ်ဒီးတၢ်သးကညီၤဘၣ်ပှၤတဖၣ်လၢ အမၤအတၢ်, ဖဲအဝဲထံၣ်ဘၣ်လၢအဝဲသ့ၣ်အတၢ်မၤစၢၤလၢာ်ကွံာ်ဝဲလံန့ၣ်လီၤ.

၁ တံၤမသ့း 2:8

လၢတၢ်အိၣ်ဖှိၣ်အတၢ်ဘူၣ်ထီၣ်ဘါထီၣ်အလီၢ်ကိးပူၤ ဒဲးန့ၣ်, ယသးအိၣ်လၢပိာ်ခွါတဖၣ်ကဃ့ဘါထုကဖၣ်, ပိာ်ခွါလၢအပာ်စီဆှံအသးလၢကစၢ်ယွၤအဂီၢ်ဒီးသ့ယူာ်ထီၣ် အစုလၢတၢ်ထုကဖၣ်အပူၤတအိၣ်ဘၣ်ဒီးတၢ်သူၣ်ဒိၣ်သးဖျိး တၢ်ဂ့ၢ်လိာ်ဘှီလိာ်, တဖၣ်န့ၣ်လီၤ.

၁ ပ့းတရူး 1:5

တၢ်သ့ၣ်တဖၣ်အံၤမ့ၢ်လၢသုဂီၢ်, သုဝဲလၢခီဖျိတၢ်စူၢ်တၢ်နာ်န့ၣ် ဘၣ်တၢ်ပၢၤဃာ်အီၤလၢကစၢ်ယွၤအစိအကမီၤလၢတၢ် အုၣ်က့ၤခီၣ်က့ၤလၢအအိၣ်ကတဲာ်ကတီၤအသးလၢ အကဘၣ်တၢ်လီၣ်ဖျါထီၣ်အီၤဖဲတၢ်အကတၢၢ်အဆၢ ကတီၢ်န့ၣ်လီၤ.