လံာ်မးသဲ 14:28 - Sgaw Karen Common Bible

²⁸ ဒီးစီၤပ့းတရူးစံးဝဲ, “ကစၢ်ဧၢ, မ့မ့ၢ်နၤနီၢ်နီၢ်ဒီး, ခါလီၤနကလုၢ်လၢယကလဲၤဆူနအိၣ်လၢထံဖံးခိၣ်တက့ၢ်.”

လံာ်မးသဲ 14:28 Iomraidhean Croise

လံာ်မးသဲ 14:27

ဘၣ်ဆၣ်တဘျီဃီယ့ၣ်ၡူးကတိၤတၢ်ဒီးအဝဲသ့ၣ်ဒီးစံး, “ပာ်သုသးဒူဒူတက့ၢ်. မ့ၢ်ဒၣ်ယၤလီၤ. တဘၣ်ပျံၤတၢ်တဂ့ၤ.”

လံာ်မးသဲ 14:29

ယ့ၣ်ၡူးစံးဝဲ, “ဟဲတက့ၢ်.” အန့ၣ်ဒီးစီၤပ့းတရူးစံၣ်လီၤလၢချံအလိၤ, ဒီးဟးဝဲဒၣ်လၢထံဖံးခိၣ်ဆူယ့ၣ်ၡူးအအိၣ်လီၤ.

လံာ်မးသဲ 19:27

တုၤနုၤတစု စီၤပ့းတရူးကတိၤထီၣ်တၢ်ဒီးစံးဝဲ, “ပဝဲဒၣ်အံၤပပာ်တ့ၢ်တၢ်ခဲလၢာ်, ဒီးပပိာ်တ့ၢ်နခံလံ, မ့ၢ်ပကဒိးန့ၢ်ဘၣ်တၢ်မနုၤလဲၣ်.”

လံာ်မၢ်ကူး 14:31

စီၤပ့းတရူးစံးဆၢက့ၤအီၤဆူၣ်ဆူၣ်ကလဲာ်, “ယမ့ၢ်ဘၣ်တၢ်မၤသံဃုာ်ဒီးနၤဒၣ်လဲာ်န့ၣ်, ယတသမၢနၤနီတစုဘၣ်.” ဒီးအပျဲၢ်အဘီၣ်အဂၤတဖၣ်စံးစ့ၢ်ကီးတၢ်တမံၤဃီဒ်သိးန့ၣ်ကိး ဂၤဒဲးလီၤ.

လံာ်ယိၤဟၣ် 6:68

စီၤၡံမိၣ်ပ့းတရူးစံးဆၢတၢ်ဒီးစံးဝဲ, “ကစၢ်ဧၢ, ပကလဲၤဆူမတၤတဂၤအအိၣ်လဲၣ်. နအိၣ်ဒီးတၢ်ကတိၤတဖၣ်လၢအဟ့ၣ်တၢ်မူအထူ အယိာ်လီၤ.

ရိမ့ၤ 12:3

ဒီးမ့ၢ်ယွၤအတၢ်ဟ့ၣ်ဘျုးဟ့ၣ်ဖှိၣ်ယၤအဃိ, ယစံးဘၣ် တဲဘၣ်သုခဲလၢာ်လီၤ. တဘၣ်ဆိကမိၣ်လီၤသုသးဒိၣ်န့ၢ်ဒံး သုကြၢးဆိကမိၣ်န့ၣ်တဂ့ၤ. မ့မ့ၢ်တခီ, ဆိကမိၣ်လီၤသုသးဖဲ အဘၣ်အဘၣ်, ဒီးသုဝဲတဂၤဒီးတဂၤစံၣ်ညီၣ်လီၤသုသးဒ် တၢ်စူၢ်တၢ်နာ်လၢကစၢ်ယွၤဟ့ၣ်လီၤသုအသိးန့ၣ်တက့ၢ်.

ယၤကိာ် 1:6

ဘၣ်ဆၣ်တုၤသုဃ့ဘါထုကဖၣ်တၢ်ဒီး, သုကဘၣ်နာ်တၢ်ဒီးတဘၣ်သးဒ့ဒီနီတစဲးဘၣ်. ပှၤလၢ အသးဒ့ဒီတဂၤန့ၣ်, လီၤဂာ်ဒီးလပီလၢပီၣ်လဲၣ်ပူၤလၢကလံၤအူဘၣ်အီၤဒီး ဟူးဝးဝဲန့ၣ်လီၤ.