လံာ်မးသဲ 14:20 - Sgaw Karen Common Bible

²⁰ ပှၤခဲလၢာ်အီၣ်ဝဲဒီးဘျဲးအီၣ်ဝဲလီၤ. ဒီးအဝဲသ့ၣ်ထၢဖှိၣ်က့ၤတၢ်အီၣ်အဘျဲၣ်အစဲၢ်ပှဲၤကုတဆံခံဒုလီၤ.

လံာ်မးသဲ 14:20 Iomraidhean Croise

လံာ်တၢ်ဟးထီၣ်ကွံာ် 16:8

ဒီးစီၤမိၤၡ့စံးဝဲဒၣ်, “ယွၤမ့ၢ်ပှၤလၢကဟ့ၣ်သုတၢ်ဖံးတၢ် ညၣ်လၢသုကအီၣ်လၢမုၢ်ဟါ, ဒီးကိၣ်ပှဲၤသိးသုအဲၣ်ဒိးအီၣ်လၢမုၢ်ဂီၤအကတီၢ်န့ၣ်လီၤ. အဂ့ၢ်ဒ်အံၤ, အဝဲနၢ်ဟူတ့ၢ်သုတၢ်ကဒူးကဒ့ၣ်ထီဒါအီၤန့ၣ်လီၤ. ဖဲသုကဒူးကဒ့ၣ်ထီဒါပှၤန့ၣ်, မ့ၢ်သပှၢ်ကတၢၢ်သုကဒူးကဒ့ၣ်ထီဒါယွၤန့ၣ်လီၤ.”

တၢ်ကတိၤဒိ. 13:25

ပှၤတီပှၤလိၤအိၣ်ဒီးတၢ်အီၣ်လၢလၢပှဲၤပှဲၤလၢကအီၣ်ဝဲအဂီၢ်လီၤ. မ့မ့ၢ်ပှၤအၢပှၤသီတဖၣ်န့ၣ်သၣ်ဝံၤသၣ်စ့ၤတဘိယူၢ်ဃီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:26

ယကဆိကတီၢ်ကွံာ်တၢ်ဟ့ၣ်လီၤသုတၢ်အီၣ်တၢ်အီတုၤဒၣ်လဲာ် ပိာ်မုၣ်ဆံဆဲၣ်ဂၤကကုၢ်ကိၣ်လၢဖၣ်ကပူၤတပူၤဃီအပူၤလီၤ. အဝဲသ့ၣ်ကစီၤန့ၢ်ဒီးနီၤလီၤသုလၢကိၣ်ဒီးသုကအီၣ်အီၤဘၣ်ဆၣ်သုတဘျဲးအီၣ်ဘၣ်န့ၣ်လီၤ.

လံာ်ဃးကဲ 1:6

သုသူၣ်လီၤဖျးလီၤတ့ၢ်ဘုဧိၤဟုဧိၤအါမး, ဘၣ်ဆၣ်ကူးဘၣ်က့ၤတၢ်ထဲတဆံးတက့ၢ်လီၤ. သုအိၣ်ဒီးတၢ်အီၣ်လၢသုကအီၣ်, ဘၣ်ဆၣ်တလၢဝဲလၢကမၤကၢသုဟၢဖၢဘၣ်. သုအိၣ်ဒီးစပံးထံလၢသုကအီ, ဘၣ်ဆၣ်တလၢဝဲလၢသု ကအီမူၤသုသးဘၣ်. သုအိၣ်ဒီးတၢ်ကူတၢ်သိး, ဘၣ်ဆၣ်တလၢဝဲ လၢကမၤလၢၤသုန့ၣ်ဘၣ်. ဘူးလဲကလၢဝဲလၢတၢ်လုၢ်အီၣ်သးသမူအဂီၢ်န့ၣ်, ပှၤမၤတၢ်ဖိတဂၤဒိးန့ၢ်ဝဲတသ့ဘၣ်.

လံာ်မးသဲ 14:21

ဒီးလၢပိာ်မုၣ်ဒီးဖိသၣ်အမဲာ်ညါ, ပှၤပိာ်ခွါလၢအအီၣ်တၢ်ခဲလၢာ်အိၣ်ဝဲယဲၢ်ကထိဃၣ်ဃၣ်ညါလီၤ.

လံာ်မးသဲ 15:33

အပျဲၢ်အဘီၣ်တဖၣ်စံးဘၣ်အီၤ, “ပကလဲၤမၤန့ၢ်ဘၣ်တၢ်အီၣ်တၢ်အီလၢ အကလၢဝဲလၢပကဒုးအီၣ်ပှၤဂီၢ်မုၢ်ဖးဒိၣ်အံၤအဂီၢ်, လၢပှၢ်မုၢ်ကနၢအံၤအပူၤဖဲလဲၣ်.”

လံာ်မးသဲ 5:6

ပှၤလၢအတၢ်ဆၢမိၣ်န့ၢ်သးလီတၢ်အဒိၣ်ကတၢၢ် မ့ၢ်တၢ်တီတၢ်လိၤန့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, ကစၢ်ယွၤကမၤလၢပှဲၤအတၢ်မိၣ်န့ၢ် သးလီအံၤလၢလၢပှဲၤပှဲၤလီၤ.

လံာ်လူၤကၣ် 1:53

ပှၤလၢတၢ်သၣ်ဝံၤအသးတဖၣ်န့ၣ်, ဒုးဘျဲးအီၣ်ဘျဲးအီဝဲလၢတၢ်အဝံၣ်အဘဲ ဒီးပှၤအထူးအတီၤတဖၣ်န့ၣ် ဒုးက့ၤကလီကလီဝဲလီၤ.

လံာ်လူၤကၣ် 9:17

အဝဲသ့ၣ်ကိးဂၤဒဲးအီၣ်တၢ်, ဒီးဘျဲးအီၣ်ဘျဲးအီဝဲ, ဒီးအပျဲၢ်အဘီၣ်တဖၣ်ထၢဖှိၣ်က့ၤတၢ်အိၣ်ဘျဲၣ်အိၣ်စဲၢ်တဖၣ်, အိၣ်ဝဲကုတဆံခံဒုလီၤ.

လံာ်ယိၤဟၣ် 6:7

စီၤဖံလံးပူးစံးဆၢအီၤ, “လၢပှၤခဲလၢာ်ကအီၣ်ဘၣ်တၢ်ထဲ တဂၤတစဲးဖိဒၣ်လဲာ်, စ့ကလၢာ်အါန့ၢ်ဒံးဒန့ၤရံခံကယၤ လၢတၢ်ပှ့ၤန့ၢ်ကိၣ်အဂီၢ်လီၤ.