လံာ်မးသဲ 14:2 - Sgaw Karen Common Bible

² ဒီးစံးဘၣ်အခ့အပှၤတဖၣ်, “ပှၤအံၤမ့ၢ်နီၢ်နီၢ်ပှၤဘျၢတၢ်စီၤယိၤဟၣ်လၢ အဘၣ်တၢ်မၤမူထီၣ်က့ၤအီၤလီၤ. လၢတၢ်န့ၣ်အဃိ, အဝဲအိၣ်ဒီးတၢ်စိတၢ်ကမီၤလၢ ကမၤတၢ်လီၤလးတဖၣ်အံၤလီၤ.”

လံာ်မးသဲ 14:2 Iomraidhean Croise

လံာ်မးသဲ 11:11

နာ်ယၤတက့ၢ်. ပှၤဘျၢတၢ်စီၤယိၤဟၣ်န့ၣ်, ဒိၣ်န့ၢ်ဒံးကယဲၢ်ပှၤ ဟီၣ်ခိၣ်ဖိလၢအအိၣ်ဖျဲၣ်ထီၣ်လၢပိာ်မုၣ်န့ၣ်လီၤ. ဘၣ်ဆၣ်ဒီးပှၤအဆံးကတၢၢ်လၢမူခိၣ်အဘီအမုၢ်န့ၣ်, ဒိၣ်န့ၢ်ဒံးအီၤတက့ၢ်လီၤ.

လံာ်မးသဲ 16:14

ဒီးအဝဲသ့ၣ်စံးဝဲဒၣ်, “ပှၤတနီၤစံးလၢနမ့ၢ်ပှၤဘျၢတၢ်စီၤယိၤဟၣ်, တနီၤစံးလၢစီၤအ့ၤလံယၤ, ဒီးအဂၤတနီၤစံးဝဲမ့ၢ်စီၤယံးရမံယၤ, မ့တမ့ၢ်ဘၣ်ဒီးဝံအဂၤတဂၤဂၤလီၤ.”

လံာ်မးသဲ 3:1

လၢမုၢ်နံၤတဖၣ်န့ၣ်, ပှၤဘျၢတၢ်စီၤယိၤဟၣ်တဂၤလဲၤဝဲဆူပှၢ်မုၢ်ကနၢ လၢကီၢ်ယူဒၤအပူၤဒီးစံၣ်တဲၤတဲလီၤတၢ်လီၤ.

လံာ်မၢ်ကူး 6:14

စီၤပၤဟ့ၤရိာ်နၢ်ဟူဘၣ်တ့ၢ်ဝဲတၢ်မၤအသးတဖၣ်အံၤအဂ့ၢ်ခဲ လၢာ်, မ့ၢ်လၢယ့ၣ်ၡူးအမံၤဂ့ၤန့ၣ် ဟူထီၣ်သါလီၤသကုၤဆးဒးအဃိလီၤ. ပှၤတနီၤစံးဝဲ, “ပှၤဘျၢတၢ်စီၤယိၤဟၣ်ဂဲၤဆၢထၢၣ်က့ၤလၢတၢ်သံလံ. လၢတၢ်န့ၣ်အဃိအဝဲအိၣ်ဒီးတၢ်စိတၢ်ကမီၤလၢအပူၤ လၢကမၤတၢ်လီၤလးတဖၣ်အံၤအဂီၢ်လီၤ.

လံာ်မၢ်ကူး 8:28

အဝဲသ့ၣ်စံးဆၢက့ၤအီၤ, “တနီၤစံးဝဲလၢနမ့ၢ်ပှၤဘျၢတၢ် စီၤယိၤဟၣ်, အဂၤတနီၤစံးဝဲလၢနမ့ၢ်ဝံအ့ၤလံယၤ, ဒီးအဂၤတနီၤစံးဝဲလၢနမ့ၢ်ဝံတဂၤဂၤလီၤ.”

လံာ်လူၤကၣ် 9:7

ကီၢ်ကၤလံၤလါအပဒိၣ်, စီၤဟ့ၤရိာ်နၢ်ဟူဘၣ်ဝဲဘၣ်ဃးဒီးတၢ်လၢအမၤအသးတဖၣ်ခဲလၢာ်လီၤ. အဝဲအတၢ်ဆိကမိၣ်ကဒံကဒါဝဲလၢအဂ့ၢ်လီၤ. အဂ့ၢ်ဒ်အံၤ, ပှၤတနီၤစံးဝဲလၢပှၤဘျၢတၢ်စီၤယိၤဟၣ်ဂဲၤဆၢထၢၣ်သမူထီၣ်က့ၤဝဲလံ.

လံာ်ယိၤဟၣ် 10:41

ဒီးပှၤဟဲအါဂၤဆူအအိၣ်ဒီးအဝဲသ့ၣ်စံးဝဲ, “စီၤယိၤဟၣ်တမၤတၢ်လီၤလးနီတမံၤဘၣ်. ဘၣ်ဆၣ်ကယဲၢ်တၢ်လၢအဝဲစံးဝဲဘၣ်ဃးပှၤတဂၤအံၤအဂ့ၢ် အကျိၤန့ၣ်, မ့ၢ်ဝဲတီဝဲခဲလၢာ်လီၤ.”