လံာ်မးသဲ 13:57 - Sgaw Karen Common Bible

⁵⁷ ဒီးအဝဲသ့ၣ်အသးက့ၣ်ယ့ၣ်ၡူးဒီး တပာ်ကဲလၢၤအီၤဘၣ်. ယ့ၣ်ၡူးစံးဘၣ်အဝဲသ့ၣ်, “တၢ်လၢဝံန့ၣ်, မ့တမ့ၢ်ဘၣ်လၢအထံအကီၢ်ဒၣ်ဝဲဒီးအဟံၣ်အဃီဒၣ်ဝဲအပူၤဘၣ်ဒီး, တၢ်ပာ်ဒိၣ်ပာ်ကဲအီၤလၢတၢ်လီၢ်အဂုၤအဂၤကိးပူၤဒဲးန့ၣ်လီၤ.”

လံာ်မးသဲ 13:57 Iomraidhean Croise

လံာ်ယၡါယၤ 49:7

ကီၢ်အံၣ်စရ့လးအကစၢ်ယွၤစီဆှံဒီးပှၤအုၣ်က့ၤခီၣ်က့ၤတၢ်စံး ဘၣ်ပှၤတဂၤလၢ အဘၣ်တၢ်သးဘၣ်အၢအီၤဒိၣ်မး, ပှၤလၢအဘၣ်တၢ်သးဟ့အီၤလၢပှၤကလုာ်တဖၣ်, ဒီးမ့ၢ်ပှၤပၢတၢ်တဖၣ်အခ့အပှၤတဂၤဒီးစံးဝဲ, “စီၤပၤတဖၣ်ကထံၣ်ဘၣ်တၢ်ပျၢ်ထူၣ်ဖျဲးနၤ ဒီးကဆၢထၢၣ်ဝဲလၢတၢ်ဒုးနဲၣ် အတၢ်ယူးယီၣ်ပာ်ကဲလီၤ. စီၤပၤဖိတဖၣ်စ့ၢ်ကီးကထံၣ်ဘၣ်ဝဲတၢ်အံၤ ဒီးကသကူးလီၤအသးလၢ တၢ်မၤလၤကပီၤနၤအဂီၢ်လီၤ.” တၢ်အံၤကမၤအသးလီၤ. အဂ့ၢ်ဒ်အံၤ, မ့ၢ်လၢယွၤဃုထၢတ့ၢ်အခ့ အပှၤအဃိလီၤ. ကီၢ်အံၣ်စရ့လးအကစၢ်ယွၤစီဆှံမၤတီ အတၢ်အၢၣ်လီၤအီလီၤတဖၣ်လီၤ.

လံာ်ယၡါယၤ 53:3

ပသးဘၣ်အၢအီၤဒီးပညိကွံာ်အီၤလီၤ. အဝဲတူၢ်ဘၣ်တၢ်နးတၢ်ဖှီၣ်ဒီးတၢ်ဆူးတၢ်ဆါန့ၣ်လီၤ. ပှၤတကွၢ်ဃီၤအီၤဒၣ်လဲာ်နီတဂၤဘၣ်. ပကွၢ်ကပာ်ကွံာ်အီၤဒ်အဝဲတမ့ၢ်တၢ်နီတမံၤဘၣ်အသိးန့ၣ်လီၤ.

လံာ်ယၡါယၤ 8:14

မ့ၢ်လၢယတၢ်စီဆှံအတၢ်ကဟုကညီၢ်လီၤလးအဃိ, ယလီၤဂာ်ဒီးလၢၢ် တဖျၢၣ်လၢပှၤအခီၣ်ဘၣ်တိၢ်လီၤ. ယလီၤဂာ်ဒီးထုလၢကဖီၣ်န့ၢ် ကီၢ်ယူဒၤဒီးကီၢ်အံၣ်စရ့လးအပှၤဘီဖိမုၢ်ဖိတဖၣ်ဒီးဝ့ၢ်ယရူၤၡ လ့ၣ်အပှၤဂီၢ်မုၢ်တဖၣ်စ့ၢ်ကီးလီၤ.

လံာ်မးသဲ 11:6

ပှၤလၢအသးတဒ့ဒီဘၣ်လၢတၢ်နာ်ယၤအပူၤတဖၣ်န့ၣ်, ဘၣ်ဆိၣ်ဂ့ၤနီၢ်နီၢ်လီၤ.”

လံာ်မးသဲ 13:58

ယ့ၣ်ၡူးတမၤတၢ်လီၤလးအါအါဖဲန့ၣ်ဘၣ်, မ့ၢ်လၢအဝဲသ့ၣ်အတၢ်နာ်အီၤတအိၣ်ဘၣ်အဃိလီၤ.

လံာ်မၢ်ကူး 6:1

ယ့ၣ်ၡူးဟးထီၣ်ကွံာ်ဖဲတၢ်လီၢ်န့ၣ်ဝံၤက့ၤကဒါက့ၤဝဲဆူအခူအဝ့ၢ်ဒၣ်ဝဲ, ဒီးအပျဲၢ်အဘီၣ်တဖၣ်လဲၤသကိးဒီးအီၤလီၤ.

လံာ်မၢ်ကူး 6:14

စီၤပၤဟ့ၤရိာ်နၢ်ဟူဘၣ်တ့ၢ်ဝဲတၢ်မၤအသးတဖၣ်အံၤအဂ့ၢ်ခဲ လၢာ်, မ့ၢ်လၢယ့ၣ်ၡူးအမံၤဂ့ၤန့ၣ် ဟူထီၣ်သါလီၤသကုၤဆးဒးအဃိလီၤ. ပှၤတနီၤစံးဝဲ, “ပှၤဘျၢတၢ်စီၤယိၤဟၣ်ဂဲၤဆၢထၢၣ်က့ၤလၢတၢ်သံလံ. လၢတၢ်န့ၣ်အဃိအဝဲအိၣ်ဒီးတၢ်စိတၢ်ကမီၤလၢအပူၤ လၢကမၤတၢ်လီၤလးတဖၣ်အံၤအဂီၢ်လီၤ.

လံာ်မၢ်ကူး 6:3

ပှၤအံၤတမ့ၢ်ပှၤစုသ့တဂၤလၢအမ့ၢ်နီၢ်မၤရံအဖိခွါ, လၢအဒီပုၢ်ဝဲၢ်ဒီးစီၤယၤကိာ်, စီၤယိၤစ့, စီၤယူဒၤဒီးစီၤၡံမိၣ်တဖၣ်န့ၣ်ဘၣ်ဧါ. ဒီးအဒီပုၢ်ဝဲၢ်မုၣ်တဖၣ်အိၣ်ဒၣ်လၢပသိးပကျါဖဲအံၤလီၤတမ့ၢ် ဘၣ်ဧါ. ဒီးအဝဲသ့ၣ်အသးက့ၣ်ယ့ၣ်ၡူးဒီးတပာ်ကဲလၢၤအီၤဘၣ်.”

လံာ်မၢ်ကူး 6:4

ယ့ၣ်ၡူးစံးဘၣ်အဝဲသ့ၣ်, “တၢ်လၢဝံတဖၣ်န့ၣ်မ့တမ့ၢ်ဘၣ်လၢအကီၢ်ဒၣ်ဝဲအပူၤ, လၢအဘူးအတံၢ်ဒီးအဒူၣ်ဖိထၢဖိအကျါဘၣ်ဒီး, ဘၣ်တၢ်ယူးယီၣ်ပာ်ကဲအီၤလၢတၢ်လီၢ်အဂုၤအဂၤကိးပူၤဒဲးန့ၣ် လီၤ.”

လံာ်လူၤကၣ် 4:24

ယ့ၣ်ၡူးစံးကဒီးဝဲ, “ယစံးဘၣ်သုဒ်အံၤလီၤ. ဝံတဂၤန့ၣ်တဘၣ်တၢ်တူၢ်လိာ်အီၤဖဲအလီၢ်အိၣ်လီၢ်ဆိး အဝ့ၢ်ဒၣ်ဝဲအပူၤနီတစုဘၣ်.

လံာ်လူၤကၣ် 7:23

ပှၤလၢအသးတဒ့ဒီလၢယဂ့ၢ်တဖၣ်န့ၣ်, ဘၣ်ဆိၣ်ဂ့ၤဝဲဆံးဒိၣ်လဲၣ်.”

လံာ်ယိၤဟၣ် 4:44

အဂ့ၢ်ဒ်အံၤ, အကစၢ်ဒၣ်ဝဲစံးတ့ၢ်ဝဲ, “တၢ်လၢဝံန့ၣ် လၢအထံအကီၢ်ဒၣ်ဝဲအပူၤပှၤတယူးယီၣ်ပာ်ကဲအီၤဘၣ်.”

လံာ်ယိၤဟၣ် 6:42

အဝဲသ့ၣ်စံးဝဲ, “ပှၤတဂၤအံၤမ့ၢ်စီၤယိၤသးအဖိခွါယ့ၣ်ၡူး, တမ့ၢ်ဘၣ်ဧါ. ပသ့ၣ်ညါအမိၢ်ဒီးအပၢ်လီၤ. မ့မ့ၢ်ဒ်န့ၣ်ဒီး, ဘၣ်မနုၤအဃိအဝဲစံးဝဲခဲအံၤလၢအဟဲလီၤလၢမူခိၣ်န့ၣ်လဲၣ်.”

လံာ်ယိၤဟၣ် 6:61

ဘၣ်ဆၣ်ယ့ၣ်ၡူးသ့ၣ်ညါလၢအသးဒၣ်ဝဲလၢအပျဲၢ် အဘီၣ်သ့ၣ်တဖၣ်ကဒူးကဒ့ၣ်တၢ်လၢတၢ်ဂ့ၢ်အံၤ, သတးဒီးစံးဘၣ်အဝဲသ့ၣ်, “တၢ်အံၤမၤတံာ်တာ်သု သးဧါ.