လံာ်မးသဲ 13:55 - Sgaw Karen Common Bible

⁵⁵ အဝဲဒၣ်အံၤတမ့ၢ်ပှၤစုသ့အဖိခွါဘၣ်ဧါ. အမိၢ်န့ၣ်တမ့ၢ်နီၢ်မၤရံဘၣ်ဧါ. ဒီးအဒီပုၢ်ဝဲၢ်တဖၣ်န့ၣ် တမ့ၢ်ဘၣ်စီၤယၤကိာ်, စီၤယိၤသး, ဒီးစီၤၡံမိၣ်ဒီးစီၤယူဒၤတဖၣ်န့ၣ်ဘၣ်ဧါ.

လံာ်မးသဲ 13:55 Iomraidhean Croise

စံးထီၣ်ပတြၢၤ 22:6

မ့မ့ၢ်ယဲဒၣ်အံၤယတမ့ၢ်လၢၤပှၤကညီလၢၤဘၣ်. ယမ့ၢ်ဒၣ်ထိးကလဲာ်တဘိလၢ အဘၣ်တၢ်သးဘၣ်အၢအီၤ ဒီးဘၣ်တၢ်ဒုၣ်ဒွဲၣ်လၢပှၤကိးဂၤဒဲးန့ၣ်လီၤ.

လံာ်ယၡါယၤ 49:7

ကီၢ်အံၣ်စရ့လးအကစၢ်ယွၤစီဆှံဒီးပှၤအုၣ်က့ၤခီၣ်က့ၤတၢ်စံး ဘၣ်ပှၤတဂၤလၢ အဘၣ်တၢ်သးဘၣ်အၢအီၤဒိၣ်မး, ပှၤလၢအဘၣ်တၢ်သးဟ့အီၤလၢပှၤကလုာ်တဖၣ်, ဒီးမ့ၢ်ပှၤပၢတၢ်တဖၣ်အခ့အပှၤတဂၤဒီးစံးဝဲ, “စီၤပၤတဖၣ်ကထံၣ်ဘၣ်တၢ်ပျၢ်ထူၣ်ဖျဲးနၤ ဒီးကဆၢထၢၣ်ဝဲလၢတၢ်ဒုးနဲၣ် အတၢ်ယူးယီၣ်ပာ်ကဲလီၤ. စီၤပၤဖိတဖၣ်စ့ၢ်ကီးကထံၣ်ဘၣ်ဝဲတၢ်အံၤ ဒီးကသကူးလီၤအသးလၢ တၢ်မၤလၤကပီၤနၤအဂီၢ်လီၤ.” တၢ်အံၤကမၤအသးလီၤ. အဂ့ၢ်ဒ်အံၤ, မ့ၢ်လၢယွၤဃုထၢတ့ၢ်အခ့ အပှၤအဃိလီၤ. ကီၢ်အံၣ်စရ့လးအကစၢ်ယွၤစီဆှံမၤတီ အတၢ်အၢၣ်လီၤအီလီၤတဖၣ်လီၤ.

လံာ်မးသဲ 27:56

ပှၤမၤကဒါလၣ်မုၣ်နီၢ်မၤရံ, နီၢ်မၤရံလၢအမ့ၢ်စီၤယၤကိာ်ဒီးစီၤယိၤသး အမိၢ်ဒီးစီၤစ့းဘ့းဒဲအမါအိၣ်လၢပှၤပိာ်မုၣ်သ့ၣ်တဖၣ်န့ၣ်အကျါ လီၤ.

လံာ်မၢ်ကူး 15:40

ဖဲန့ၣ်ပှၤပိာ်မုၣ်အိၣ်စ့ၢ်ကီးဝဲတနီၤလၢအဆၢထၢၣ်ကွၢ်စိတၢ် လၢအယံၤလီၤ. လၢအဝဲသ့ၣ်အကျါမ့ၢ်ဝဲပှၤမၤကဒါလၣ်မုၣ်နီၢ်မၤရံ, စီၤယၤကိာ်လၢအသးစၢ်တဂၤဒီးစီၤယိၤစ့ၣ်တဖၣ်အမိၢ်နီၢ်မၤရံ, ဒီးနီၢ်စၤလိၣ်လီၤ.

လံာ်မၢ်ကူး 15:47

ပှၤမၤကဒါလၣ်မုၣ်နီၢ်မၤရံဒီးစီၤယိၤစ့ၣ်အမိၢ်နီၢ်မၤရံ တဖၣ်ထံၣ်ဘၣ်ဝဲဒီးကွၢ်နီၣ်ဃာ်ဝဲတၢ်လီၢ်လၢတၢ်ပာ်လီၤ ယ့ၣ်ၡူးန့ၣ်လီၤ.

လံာ်မၢ်ကူး 6:3

ပှၤအံၤတမ့ၢ်ပှၤစုသ့တဂၤလၢအမ့ၢ်နီၢ်မၤရံအဖိခွါ, လၢအဒီပုၢ်ဝဲၢ်ဒီးစီၤယၤကိာ်, စီၤယိၤစ့, စီၤယူဒၤဒီးစီၤၡံမိၣ်တဖၣ်န့ၣ်ဘၣ်ဧါ. ဒီးအဒီပုၢ်ဝဲၢ်မုၣ်တဖၣ်အိၣ်ဒၣ်လၢပသိးပကျါဖဲအံၤလီၤတမ့ၢ် ဘၣ်ဧါ. ဒီးအဝဲသ့ၣ်အသးက့ၣ်ယ့ၣ်ၡူးဒီးတပာ်ကဲလၢၤအီၤဘၣ်.”

လံာ်လူၤကၣ် 1:27

အဝဲဒၣ်အိၣ်ဒီးတၢ်ကစီၣ်တမံၤလၢပှၤမုၣ်ကနီၤတဂၤလၢ အဘၣ်တၢ်အၢၣ်လီၤပာ်အီၤလၢအကကဲထီၣ်ပှၤတဂၤလၢ အမံၤမ့ၢ်စီၤယိၤသးအမါအဂီၢ်န့ၣ်လီၤ. စီၤယိၤသးမ့ၢ်ဝဲပှၤဟဲလီၤစၢၤလီၤသွဲၣ်လၢစီၤပၤဒၤဝံး အဒူၣ်ဖိထၢဖိဒီးမုၣ်ကနီၤအမံၤမ့ၢ်နီၢ်မၤရံလီၤ.

လံာ်လူၤကၣ် 24:10

ပိာ်မုၣ်တဖၣ်န့ၣ်မ့ၢ်ဝဲပှၤမၤကဒါလၣ်မုၣ်နီၢ်မၤရံ, နီၢ်ယိၤအၣ်နၣ်, ဒီးစီၤယၤကိာ်အမိၢ်နီၢ်မၤရံန့ၣ်လီၤ. အဝဲသ့ၣ်ဒီးပိာ်မုၣ်အဂၤလၢအအိၣ်ဒီးအဝဲသ့ၣ်တဖၣ်န့ၣ်, စံးဘၣ်တဲဘၣ်ပှၤတၢ်မၢဖိတဖၣ်လၢတၢ်ဂ့ၢ်သ့ၣ်တဖၣ်အံၤလီၤ.

လံာ်လူၤကၣ် 3:23

ဖဲယ့ၣ်ၡူးစးထီၣ်အတၢ်ဖံးတၢ်မၤန့ၣ်, အဝဲအသးအိၣ်သၢဆံဃၣ်ဃၣ်လီၤ. ပှၤအတၢ်ဆိကမိၣ်အိၣ်ဝဲဒၣ်လၢအမ့ၢ် စီၤယိၤသးလၢအဘၣ်တၢ်ထီၣ်ဖိအီၤလၢစီၤဟ့ၤလံတဂၤန့ၣ်အဖိခွါလီၤ.

လံာ်လူၤကၣ် 4:22

အဝဲသ့ၣ်ကိးဒံကိးဂၤဒဲးဘၣ်သူၣ်ဘၣ်သးလၢယ့ၣ်ၡူး, ဒီးကမၢကမၣ်ဝဲလၢတၢ်ကတိၤအသ့အဘၣ်လၢ အဝဲဒၣ်စံးကတိၤတ့ၢ်ဝဲတဖၣ်အဃိန့ၣ်လီၤ. အဝဲသ့ၣ်စံးဝဲ, “အဝဲဒၣ်တမ့ၢ်စီၤယိၤသးအဖိခွါဘၣ်ဧါ.”

လံာ်လူၤကၣ် 8:20

ပှၤတဂၤစံးဘၣ်ယ့ၣ်ၡူး, “နမိၢ်ဒီးနဒီပုၢ်ဝဲၢ်ခွါတဖၣ်အိၣ်ဆၢထၢၣ်လၢတၢ်ချၢ ဒီးအဲၣ်ဒိးထံၣ်နၤလီၤ.”

လံာ်ယိၤဟၣ် 19:25

ပှၤလၢအအိၣ်ဆၢထၢၣ်ဘူးဒီးယ့ၣ်ၡူးအထူၣ်စုညါန့ၣ်, မ့ၢ်ဝဲယ့ၣ်ၡူးအမိၢ်, အမိၢ်အဒီပုၢ်ဝဲၢ်မုၣ်, စီၤကျ့းအီၤပၤအမါနီၢ်မၤရံ, ဒီးပှၤမၤကဒါလၣ်မုၣ်နီၢ်မၤရံန့ၣ်လီၤ.

လံာ်ယိၤဟၣ် 6:42

အဝဲသ့ၣ်စံးဝဲ, “ပှၤတဂၤအံၤမ့ၢ်စီၤယိၤသးအဖိခွါယ့ၣ်ၡူး, တမ့ၢ်ဘၣ်ဧါ. ပသ့ၣ်ညါအမိၢ်ဒီးအပၢ်လီၤ. မ့မ့ၢ်ဒ်န့ၣ်ဒီး, ဘၣ်မနုၤအဃိအဝဲစံးဝဲခဲအံၤလၢအဟဲလီၤလၢမူခိၣ်န့ၣ်လဲၣ်.”

လံာ်ယိၤဟၣ် 9:29

ပသ့ၣ်ညါလၢကစၢ်ယွၤကတိၤတၢ်ဒီးစီၤမိၤၡ့လီၤ. မ့မ့ၢ်ပှၤအဝဲတဂၤန့ၣ်ဟဲလၢလဲၣ်ဒၣ်လဲာ်ပတသ့ၣ်ညါဘၣ်.”

ကလၤတံ 1:19

ယတထံၣ်ပှၤတၢ်မၢဖိအဂၤနီတဂၤဘၣ်. ယထံၣ်ထဲ စီၤယၤကိာ်, လၢအမ့ၢ်ပကစၢ်ယ့ၣ်ၡူးခရံာ်အဒီပုၢ်ဝဲၢ်န့ၣ်လီၤ.

ယူဒၤ 1:1

လၢယ့ၣ်ၡူးခရံာ်အခ့အပှၤ, ဒီးစီၤယၤကိာ်အဒီပုၢ်ဝဲၢ် စီၤယူဒၤ, ဆူပှၤလၢကစၢ်ယွၤကိးထီၣ်အီၤလၢအအိၣ်မူဝဲလၢ ပၢ်ကစၢ်ယွၤအတၢ်အဲၣ်တၢ်ကွံဒီးယ့ၣ်ၡူးခရံာ်အတၢ်ကဟုကယာ်အပူၤတဖၣ်အအိၣ်,