လံာ်မးသဲ 13:47 - Sgaw Karen Common Bible

⁴⁷ မၤကဒီးတစုမူခိၣ်အဘီအမုၢ်န့ၣ်လီၤဂာ်ဒီးစၤလၢ အဘၣ်တၢ်တ့ၢ်လီၤအီၤလၢပီၣ်လဲၣ်အပူၤဒီးဖီၣ်န့ၢ်ညၣ်ကိး ကလုာ်ဒဲးန့ၣ်လီၤ.

လံာ်မးသဲ 13:47 Iomraidhean Croise

လံာ်ယဃ့းစက့လး 47:10

စးထီၣ်လၢဧ့ၣ်က့ၤဒံအထံမူထီၣ်ပၢၢ်တဖၣ်ပၢၢ်တုၤလၢဧ့ၣ်ဧ့ကလဲၣ် အထံမူထီၣ်ပၢၢ်တဖၣ်ဒီတကျဲညါန့ၣ်ကအိၣ်ဒီးပှၤမၤညၣ်ဖိတဖၣ် လၢပီၣ်လဲၣ်ဖိအကၢၢ်နံၤ, ဒီးအဝဲသ့ၣ်ကသလၣ်လီၤအပှာ်ဧိၤစၤဧိၤ ဖဲန့ၣ်လၢကမၤဃ့ထီအီၤအဂီၢ်န့ၣ်လီၤ. ဖဲန့ၣ်ညၣ်တဖၣ်ကအိၣ်ဝဲ အကလုာ်ကလုာ်အါဝဲဒ်သိးဒၣ်လၢပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ် အပူၤအသိးန့ၣ်လီၤ.

လံာ်မးသဲ 13:44

မူခိၣ်အဘီအမုၢ်န့ၣ်လီၤဂာ်ဒီးတၢ်လုၢ်ဒိၣ်ပှ့ၤဒိၣ်လၢ အဘၣ်တၢ်ပာ်ခူသူၣ်အီၤလၢစံာ်ပျီတဘ့ၣ်အပူၤလီၤ. ပှၤလၢအထံၣ်န့ၢ်ဝဲတဂၤန့ၣ်, မၤဘံၣ်မၤဘၢအီၤဝံၤဒီး လၢတၢ်သးခုအပူၤ, လဲၤဒီးဆါကွံာ်တၢ်လၢအအိၣ်ဒီးအီၤခဲ လၢာ်, ဒီးဟဲက့ၤပှ့ၤစံာ်ပျီအဝဲန့ၣ်လီၤ.

လံာ်မးသဲ 13:46

ဒီးတုၤအထံၣ်န့ၢ်တၢ်မျၢ်ပလဲလၢအလုၢ်ဒိၣ်ပှ့ၤဒိၣ်မးတဖျၢၣ် ဒီးအဝဲလဲၤဆါလီၤကွံာ်တၢ်ခဲလၢာ်လၢအအိၣ်ဒီးအီၤဒီးဟဲက့ၤ ပှ့ၤန့ၢ်တၢ်မျၢ်ပလဲအဝဲန့ၣ်လီၤ.

လံာ်မးသဲ 13:48

တုၤစၤအံၤပှဲၤဝဲဒီးညၣ်န့ၣ်ပှၤထုးထီၣ်အီၤဆူကၢၢ်ပၤနံၤ, ဝံၤပှၤဆ့ၣ်နီၤဒီးနီၤဖးလီၤညၣ်တဖၣ်လီၤ. ညၣ်လၢအဂ့ၤတဖၣ်န့ၣ်ဒၢနုာ်ဝဲလၢကုပူၤ, မ့မ့ၢ်ညၣ်လၢအတဂ့ၤတဖၣ်န့ၣ် ဘၣ်တၢ်စူးကွံာ်အီၤန့ၣ်လီၤ.

လံာ်မးသဲ 4:19

ဒီးယ့ၣ်ၡူးစံးဘၣ်အဝဲသ့ၣ်, “ဟဲဒီးကဲထီၣ်ယပျဲၢ်ယဘီၣ်တက့ၢ်. ယကသိၣ်လိသုဒ်သိးသုကမၤန့ၢ်ပှၤကညီလၢကကဲထီၣ်ယပျဲၢ်ယဘီၣ်ဒ် သုမၤန့ၢ်ညၣ်တဖၣ်အသိးလီၤ.”

လံာ်မၢ်ကူး 1:17

ယ့ၣ်ၡူးစံးဘၣ်အဝဲသ့ၣ်, “ဟဲဒီးကဲဘၣ်ယပျဲၢ်ယဘီၣ်တက့ၢ်. ယကသိၣ်လိသုဒ်သိးသုကဒုးကဲထီၣ်ပှၤကညီလၢယပျဲၢ် ယဘီၣ်တဖၣ်လီၤ.”

လံာ်လူၤကၣ် 5:10

ပှၤမၤသကိးတၢ်ဒီးစီၤၡံမိၣ်လၢအမ့ၢ်ဝဲစီၤစ့းဘ့းဒဲအဖိခွါ, စီၤယၤကိာ်ဒီးစီၤယိၤဟၣ်တဖၣ်ကမၢကမၣ်ဝဲစ့ၢ်ကီးလီၤ. ယ့ၣ်ၡူးစံးဘၣ်စီၤၡံမိၣ်, “တဘၣ်ပျံၤတၢ်တဂ့ၤ. စးထီၣ်မုၢ်တနံၤအံၤဒီးဆူညါန့ၣ်, နကဖီၣ်န့ၢ်ပှၤကညီတဖၣ်လီၤ.”

လံာ်ယိၤဟၣ် 15:2

ကယဲၢ်ဒ့လၢယလိၤလၢအတသၣ်ထီၣ်ဘၣ်ဝဲန့ၣ်, အဝဲကျီကွံာ်ဝဲ, ဒီးကယဲၢ်ဒ့လၢအသၣ်ထီၣ်ဝဲန့ၣ်, အဝဲပဲာ်ဟိကဆှီထီၣ်ဝဲဒ်သိးအကကဆှီထီၣ်ဒီး ကသၣ်အါထီၣ်ဝဲအဂီၢ်လီၤ.

လံာ်ယိၤဟၣ် 15:6

ပှၤတဂၤလၢ်လၢ်လၢအတအိၣ်ဆိးလၢယပူၤန့ၣ်, ကဘၣ်တၢ်စူးကွံာ်အီၤဒ်သ့ၣ်ဒ့အသိးဒီးကဃ့ထီကွံာ် ဝဲလီၤ. သ့ၣ်ဒ့ဒ်န့ၣ်အသိးတဖၣ်ကဘၣ်တၢ်ထၢဖှိၣ်အီၤ ဒီးကွံာ်နုာ်အီၤဆူမ့ၣ်အူပူၤဒီးမ့ၣ်အူကအီၣ်ကွံာ်အီၤဖဲ န့ၣ်လီၤ.

မၤတၢ် 20:30

ဆၢကတီၢ်ကတုၤဃီၤဝဲဖဲပှၤတနီၤလၢသုသိးသုကျါဒၣ်ဝဲ ကလီန့ၢ်တၢ်ဒ်သိးအကကွဲန့ၢ်လွဲန့ၢ်အပျဲၢ်အဘီၣ်တဖၣ်ဆူ အအိၣ်လီၤ.

1 ကရံၣ်သူး 11:19

သပှၢ်ကတၢၢ်တၢ်လီၤမုၢ်လီၤဖးကအိၣ်ဝဲဒၣ်လၢသုသိးသုကျါ, ဒ်သိးပှၤလၢအဂ့ၤအဝါတဖၣ်ကဘၣ်တၢ်ထံၣ်သ့ၣ်ညါအီၤဖျါဖျါ အဂီၢ်န့ၣ်လီၤ.

၂ ကရံၣ်သူး 11:26

လၢယတၢ်လဲၤတၢ်က့ၤအါစုအါဘျီအပူၤန့ၣ်, ယအိၣ်တ့ၢ်လၢတၢ်ဘၣ်ယိၣ်တၢ်လီၤပျံၤအလီၢ်ဘၣ်ဃးဒီးထံ လုၣ်ဘၢတၢ်ဒီးတမျိးတမျာ်, တၢ်ဘၣ်ယိၣ်အလီၢ်ဘၣ်ဃးပှၤယူဒၤဖိသကိးပှၤယူဒၤဖိ အတၢ်ထီဒါဒီးပှၤကလုာ်ဂၤတဖၣ်အတၢ်ထီဒါန့ၣ်လီၤ. တၢ်ဘၣ်ယိၣ်အလီၢ်အိၣ်တ့ၢ်ဝဲလၢယဂီၢ်ဖဲပှၤခူပူၤ ဝ့ၢ်ပူၤ, လၢပှၢ်လၢ်ကျါ, လၢပီၣ်လဲၣ်ပူၤ, ဒီးတၢ်လီၤပျံၤ အလီၢ်အိၣ်လၢယဂီၢ်ခီဖျိတံၤသကိးအတမ့ၢ်တတီတဖၣ်လီၤ.

ကလၤတံ 2:4

သနာ်က့ပှၤတနီၤအဲၣ်ဒိးဝဲလၢအဝဲဒၣ်ကမၤဝဲန့ၣ်လီၤ. ပှၤသ့ၣ်တဖၣ်အံၤပာ်မၤအသးဒ်အမ့ၢ်ပှၤစူၢ်က့ၤနာ်က့ၤတၢ် သကိးသကိးဒီးပှၤဒီးနုာ်လီၤဆူပကျါဒ်ပှၤကွၢ်ဟုၣ်ကွၢ်စုာ် တၢ်တဖၣ်အသိး, ဒ်သိးအကဃုသ့ၣ်ညါတၢ်သဘျ့လၢ အအိၣ်ဒီးပှၤခီဖျိပတၢ်မ့ၢ်တၢ်တမံၤဃီဒီးယ့ၣ်ၡူးခရံာ် န့ၣ်လီၤ. အဝဲသ့ၣ်အသးအိၣ်လၢပကကဲထီၣ်တၢ်အကုၢ် အပှၤလီၤ.

လံာ်လီၣ်ဖျါ 3:1

ဆူဝ့ၢ်စၢ်ဒံတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ, “အဝဲအံၤ မ့ၢ်တၢ်ကစီၣ်ဟဲလၢပှၤတဂၤလၢအအိၣ်ဒီးကစၢ်ယွၤ အသးနွံဖျၢၣ်, ဒီးဆၣ်နွံဖျၢၣ်အအိၣ်န့ၣ်လီၤ. နမၤတၢ်မနုၤလဲၣ်န့ၣ် ယသ့ၣ်ညါယဲလီၤ. ယသ့ၣ်ညါလၢနအိၣ်ဒီးနမံၤနသၣ်လၢ နအိၣ်မူအိၣ်ဂဲၤ, အနီၢ်နီၢ်တခီ, နသံနဲန့ၣ်လီၤ.