လံာ်မးသဲ 13:46 - Sgaw Karen Common Bible

⁴⁶ ဒီးတုၤအထံၣ်န့ၢ်တၢ်မျၢ်ပလဲလၢအလုၢ်ဒိၣ်ပှ့ၤဒိၣ်မးတဖျၢၣ် ဒီးအဝဲလဲၤဆါလီၤကွံာ်တၢ်ခဲလၢာ်လၢအအိၣ်ဒီးအီၤဒီးဟဲက့ၤ ပှ့ၤန့ၢ်တၢ်မျၢ်ပလဲအဝဲန့ၣ်လီၤ.

လံာ်မးသဲ 13:46 Iomraidhean Croise

တၢ်ကတိၤဒိ. 2:4

ဃုအီၤဆူၣ်ဆူၣ်ဒ်နဃုစ့, မ့တမ့ၢ်ဒ်တၢ်လုၢ်ဒိၣ်ပှ့ၤဒိၣ်အိၣ်ခူ သူၣ်တနီၤနီၤအသိးတက့ၢ်.

လံာ်ယၡါယၤ 33:6

ဒီးဟ့ၣ်ပှၤကလုာ်လၢတၢ်အိၣ်ဂၢၢ်ဆိးကျၢၤန့ၣ်လီၤ. အဝဲကဟုကယာ်အပှၤဂီၢ်မုၢ်ဒီးဟ့ၣ်အဝဲသ့ၣ် လၢတၢ်ကူၣ်သ့ဒီးတၢ်သ့ၣ်ညါထီဘိလီၤ. အတၢ်လုၢ်ဒိၣ်ပှ့ၤဒိၣ်အဒိၣ်ကတၢၢ်မ့ၢ်ဝဲအဝဲသ့ၣ်အတၢ်ယူး ယီၣ်ယွၤန့ၣ်လီၤ.

လံာ်မးသဲ 13:44

မူခိၣ်အဘီအမုၢ်န့ၣ်လီၤဂာ်ဒီးတၢ်လုၢ်ဒိၣ်ပှ့ၤဒိၣ်လၢ အဘၣ်တၢ်ပာ်ခူသူၣ်အီၤလၢစံာ်ပျီတဘ့ၣ်အပူၤလီၤ. ပှၤလၢအထံၣ်န့ၢ်ဝဲတဂၤန့ၣ်, မၤဘံၣ်မၤဘၢအီၤဝံၤဒီး လၢတၢ်သးခုအပူၤ, လဲၤဒီးဆါကွံာ်တၢ်လၢအအိၣ်ဒီးအီၤခဲ လၢာ်, ဒီးဟဲက့ၤပှ့ၤစံာ်ပျီအဝဲန့ၣ်လီၤ.

လံာ်မးသဲ 13:45

မၤကဒီးတစု, မူခိၣ်အဘီအမုၢ်န့ၣ်လီၤဂာ်ဒီးပှၤကၤတၢ်ဖိလၢ အဃုထံၣ်န့ၢ်တၢ်မျၢ်ပလဲလၢအဂ့ၤတဖၣ်လီၤ.

လံာ်မးသဲ 13:47

မၤကဒီးတစုမူခိၣ်အဘီအမုၢ်န့ၣ်လီၤဂာ်ဒီးစၤလၢ အဘၣ်တၢ်တ့ၢ်လီၤအီၤလၢပီၣ်လဲၣ်အပူၤဒီးဖီၣ်န့ၢ်ညၣ်ကိး ကလုာ်ဒဲးန့ၣ်လီၤ.

မၤတၢ် 20:24

ဘၣ်ဆၣ်ဒီး, တၢ်မၤနးမၤဖှီၣ်ယသးသမူတမ့ၢ်တၢ်အကါဒိၣ်လၢ ယဂီၢ်ဘၣ်. မ့မ့ၢ်အကါဒိၣ်ဝဲလၢယကမၤဝံၤယတၢ်မၤလၢကစၢ် ယ့ၣ်ၡူးဟ့ၣ်လီၤယၤ, လၢအမ့ၢ်ဝဲတၢ်အုၣ်သးလၢတၢ်သးခု အကစီၣ်ဘၣ်ဃးကစၢ်ယွၤအဘျုးအဖှိၣ်အဂ့ၢ်န့ၣ်လီၤ.

ကလၤတံ 6:14

မ့မ့ၢ်ယဲဒၣ်အံၤ, ယကပာ်ကဖၢလၢယသးထဲဒၣ်လၢပကစၢ် ယ့ၣ်ၡူးခရံာ်အထူၣ်စုညါအဃိလီၤ. အဂ့ၢ်ဒ်အံၤ, ခီဖျိလၢ အထူၣ်စုညါန့ၣ်, တၢ်ဘၣ်ဃးဒီးဟီၣ်ခိၣ်သံသဒၣ်ကွံာ်ယၤဒီး ယသံသဒၣ်ကွံာ်တၢ်ဘၣ်ဃးဒီးဟီၣ်ခိၣ်န့ၣ်လီၤ.

အ့းဖ့းစူး 3:8

ယမ့မ့ၢ်ပှၤအဆံးန့ၢ်ဒံးပှၤအဆံးကတၢၢ်လၢပှၤစီဆှံတဖၣ် အကျါနာ်သက့, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်အံၤလၢယကစံၣ် တဲၤတဲလီၤန့ၢ်ဘၣ်ပှၤကလုာ်အဂၤတဖၣ်လၢခရံာ် အတၢ်လုၢ်ဒိၣ်ပှ့ၤဒိၣ်လၢတၢ်ဃုထံၣ်န့ၢ်အီၤတလၢာ်ဘၣ်,

ကလီးစဲ 2:3

ခရံာ်လီၣ်ဖျါထီၣ်ကစၢ်ယွၤအတၢ်ကူၣ်သ့ဒီးအတၢ်သ့ၣ်ညါခဲလၢာ် လၢအလီၤဂာ်ဒီးတၢ်ထူးတၢ်တီၤလုၢ်ဒိၣ်ပှ့ၤဒိၣ်လၢအအိၣ်သဒၢ တဖၣ်န့ၣ်လီၤ.

လံာ်လီၣ်ဖျါ 18:12

ထဲပှၤတဂၤဧိၤဒၣ်လဲာ်တပှ့ၤအဝဲသ့ၣ်အထူ, အစ့, လၢၢ်လုၢ်ဒိၣ်ပှ့ၤဒိၣ်တဖၣ်, ဒီးတၢ်မျၢ်ပလဲတဖၣ်, တၢ်ကံးယာ်အလွဲၢ်ဝါ, တၢ်ကံးယာ်အလွဲၢ်လုးတကုာ်, သတိၢ်, ဒီးတၢ်ကံးယာ်အလွဲၢ်ဂီၤ, သ့ၣ်လၢအကၤကိးကလုာ်ဒဲး ဒီးကယဲၢ်မ့ၢ်တၢ်ဖိတၢ်လံၤတမံၤလၢ်လၢ်လၢအဘၣ်တၢ်ဘှီ အီၤလၢကဆီမဲ, ဒီးလၢသ့ၣ်လုၢ်ဒိၣ်ပှ့ၤဒိၣ်, လၢတိၢ်ဘီ, ထး, ဒီးလၢၢ်ဝါ

လံာ်လီၣ်ဖျါ 21:21

တြဲၤဖးဒိၣ်တဆံခံဘ့ၣ်မ့ၢ်ဝဲတၢ်မျၢ်ပလဲတဆံခံဖျၢၣ်, တြဲၤ တဘ့ၣ်ဘၣ်တဘ့ၣ်ဘၣ်တၢ်မၤအီၤလၢတၢ်မျၢ်ပလဲတဖျၢၣ် ဧိၤလီၤ. ဝ့ၢ်အကျဲမုၢ်မ့ၢ်ဝဲဒၣ်ထူအစီ, ဖျါဆဲးကလၤဝဲဒ် ယွၤခၣ်စိးအသိးလီၤ.