လံာ်မးသဲ 13:42 - Sgaw Karen Common Bible

⁴² ဒီးကလူးတဖၣ်ကတ့ၢ်လီၤကွံာ်အဝဲသ့ၣ်ဆူမ့ၣ်အူအဖၣ်ကပူၤ, ဖဲအဝဲသ့ၣ်ကဟီၣ်တၢ်ယၢၤတၢ်ဒီးကအ့ၣ်စဃံးအမဲန့ၣ်လီၤ.

လံာ်မးသဲ 13:42 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 23:7

နကဘၣ်သူထးတၢ်အပီးအလီတမံၤမ့ၢ်ဂ့ၤ ဘီတဘ့ၣ်မ့ၢ်ဂ့ၤန့ၣ်လီၤ. အဝဲသ့ၣ်ကဘၣ်တၢ်ဆူးကဲၤကွံာ်အီၤလၢာ်လၢာ်ဆ့ဆ့န့ၣ်လီၤ.

စံးထီၣ်ပတြၢၤ 21:9

တုၤအအိၣ်ဖျါထီၣ်ဒီး ကမၤဟးဂီၤကွံာ်အဝဲသ့ၣ်ဒ် မ့ၣ်အူအီၣ်ကွံာ်တၢ်အသိးန့ၣ်လီၤ. ယွၤကမၤဟးဂီၤကွံာ်အဝဲသ့ၣ်လၢအတၢ်သးဒိၣ်အပူၤ ဒီးမ့ၣ်အူကအီၣ်ကွံာ်အဝဲသ့ၣ်လီၤ.

လံာ်ဒၤနံးယ့လး 3:6

ပှၤတဂၤလၢ်လၢ်လၢအတချံးခီၣ်တီၤလီၤဒီးဘူၣ်ထီၣ်ဘါထီၣ်တၢ်န့ၣ်ကဘၣ် တၢ်ကွံာ်လီၤအီၤဆူမ့ၣ်အူကဲၤကဖးအဖၣ်ကပူၤတဘျီဃီန့ၣ်လီၤ.”

လံာ်မးသဲ 13:50

ဒီးတ့ၢ်လီၤကွံာ်အဝဲသ့ၣ်ဆူမ့ၣ်အူအဖၣ်ကပူၤ, ဖဲအဝဲသ့ၣ်ကဟီၣ်တၢ်ယၢၤတၢ်ဒီးကအ့ၣ်စဃံးအမဲန့ၣ်လီၤ.”

လံာ်မးသဲ 22:13

တုၤနုၤတစုစီၤပၤစံးဘၣ်အခ့အပှၤတဖၣ်ဒီးစံး, ‘စၢအစုစၢအခီၣ်ဒီးတ့ၢ်လီၤကွံာ်အီၤဆူတၢ်ချၢ ဆူတၢ်ခံးကျါတက့ၢ်. ဖဲန့ၣ်ကဟီၣ်ကယၢၤတၢ်ဒီးကအ့ၣ်စဃံးအမဲလီၤ.’ ”

လံာ်မးသဲ 25:41

တုၤနုၤတစု, စီၤပၤကစံးဘၣ်ပှၤအိၣ်လၢအစုစ့ၣ်တဖၣ်ဒ်အံၤ, ‘ဟးဖးဒီးယၤတက့ၢ်. ပှၤလၢအဘၣ်ကစၢ်ယွၤအတၢ်ဆိၣ်အၢသ့ၣ်ဧၢ, လဲၤနုာ်ဆူမ့ၣ်အူလၢအတလီၤပံာ်ဘၣ်နီတဘျီဘၣ်, လၢအဘၣ်တၢ်ကတဲာ်ကတီၤပာ်စၢၤလၢမုၣ်ကီၤလံၢ်ဒီးအကလူးတဖၣ် အဂီၢ်, အပူၤန့ၣ်တက့ၢ်.

လံာ်မးသဲ 3:12

ကီၢ်လဲၢ်အိၣ်လၢအစုပူၤလၢအကပညၢကွံာ်ဖ့တဖၣ်ဒီး အဝဲကမၤပျီအကြဲၢ်ဒီးဂၢ်ဖှိၣ်က့ၤအဘုလၢဖီပူၤလီၤ. မ့မ့ၢ်ဖ့တဖၣ်န့ၣ်ကဆူးထီၣ်ကွံာ်ဝဲလၢမ့ၣ်အူလၢ အတလီၤပံာ်နီတဘျီဘၣ်န့ၣ်လီၤ.”

လံာ်မးသဲ 8:12

ဘၣ်ဆၣ်ဘီမုၢ်အဖိတဖၣ်န့ၣ်, ယွၤကတ့ၢ်လီၤကွံာ်အီၤဆူတၢ်ချၢလၢတၢ်ခံးကျါ, ဖဲတၢ်ဟီၣ်တၢ်ယၢၤဒီးတၢ်မဲအ့ၣ်စဃံးအိၣ်ဝဲန့ၣ်လီၤ.”

လံာ်လူၤကၣ် 13:28

တုၤသုထံၣ်ဘၣ်စီၤအၤဘြၤဟၣ်, စီၤအံၤစဲး, ဒီးစီၤယၤကိာ်ဒီးဝံခဲလၢာ် အိၣ်လၢကစၢ်ယွၤအဘီအမုၢ်အပူၤ, ဖဲသုဝဲတခီသုဘၣ်တၢ်ညိကွံာ်သုလၢတၢ်ချၢန့ၣ်, သုကအိၣ်ဒီးတၢ်ဟီၣ်တၢ်ယၢၤ, ဒီးတၢ်မဲအ့ၣ်တဃံးဆံးဒိၣ်လဲၣ်.

လံာ်လီၣ်ဖျါ 14:10

အဝဲအနီၢ်ကစၢ်ဒၣ်ဝဲကအီကစၢ်ယွၤအစပံးထံလၢ အတဃါဃုာ်အသးလၢတၢ်နီတမံၤ, စပံးထံဘၣ်ဃးကစၢ်ယွၤအတၢ်သးထီၣ်လၢကစၢ်ယွၤ လူလီၤဝဲဆူလီခီဘၣ်ဃးဒီးအတၢ်သးထီၣ်န့ၣ်လီၤ. ကယဲၢ်ပှၤလၢအမၤတၢ်တမံၤအံၤန့ၣ်, ကဘၣ်တၢ်မၤဆါအီၤနးနးကလဲာ်လၢမ့ၣ်အူဒီးကးအပူၤလၢ ကလူးစီဆှံတဖၣ်ဒီးသိဖိအမဲာ်ညါန့ၣ်လီၤ.

လံာ်လီၣ်ဖျါ 19:20

တၢ်ဒူတၢ်ဃိၤတဒုန့ၣ်ဘၣ်တၢ်ဖီၣ်န့ၢ်အီၤတပူၤဃီဒီးဝံ အဘျၣ်လၢအမၤတ့ၢ်တၢ်လီၤလးတဖၣ်လၢတၢ်ဒူတၢ်ဃိၤ တဒုန့ၣ်အမဲာ်ညါလီၤ. (ခီဖျိတၢ်လီၤလးတဖၣ်န့ၣ်, အဝဲဒၣ်လီန့ၢ်တ့ၢ်ပှၤသ့ၣ်တဖၣ်လၢအအိၣ်ဒီးတၢ်ဒူတၢ်ဃိၤ တဒုန့ၣ်အတၢ်ပနီၣ်, ဒီးပှၤသ့ၣ်တဖၣ်လၢအဘါတ့ၢ်တၢ်ဒူတၢ်ဃိၤတဒုန့ၣ် အက့ၢ်အဂီၤလီၤ.) တၢ်ဒူတၢ်ဃိၤဒီးဝံအဘျၣ်စ့ၢ်ကီး, ဘၣ်တၢ်တ့ၢ်လီၤမူဒံးအီၤဆူနိၣ်မ့ၣ်အူလၢအအီၣ်ဃုာ် တၢ်ဒီးကးန့ၣ်လီၤ.

လံာ်လီၣ်ဖျါ 20:10

တုၤနုၤတစုမုၣ်ကီၤလံၢ်, လၢအလီန့ၢ်တ့ၢ်အဝဲသ့ၣ်န့ၣ် ဘၣ်တၢ်တ့ၢ်လီၤအီၤဆူမ့ၣ်အူဒီးကးအနိၣ်အပူၤဖဲ တၢ်ဒူတၢ်ဃိၤဒီးဝံအဘျၣ်ဘၣ်တၢ်တ့ၢ်လီၤတ့ၢ်အီၤ, ဒီးအဝဲသ့ၣ်ကဘၣ်တၢ်မၤနးမၤဖှီၣ်အီၤလၢမုၢ်ဆါ ဒီးမုၢ်နၤအစိၤစိၤအဃၣ်ဃၣ်လီၤ.

လံာ်လီၣ်ဖျါ 21:8

မ့မ့ၢ်ပှၤလၢအသးသုၣ်, ပှၤသးတတီတဖၣ်, ပှၤတဖၣ်လၢအသးဘၣ်တၢ်ဘိးဃၣ်ကွံာ်အီၤဆူတၢ် အၢတၢ်သီ, ပှၤမၤသံတၢ်ဖိတဖၣ်, ပှၤမၤကမၣ်မုၣ်ကမၣ်ခွါ တဖၣ်, ပှၤသ့ၣ်တဖၣ်လၢအဟိၣ်တၢ်ယီတၢ်, ပှၤသ့ၣ်တဖၣ်လၢအဘါတၢ်ဂီၤတၢ်ဖီၣ်, ဒီးပှၤလီတၢ်ဖိကိးဂၤ ဒဲးတၢ်လီၢ်တၢ်ကျဲလၢအဝဲသ့ၣ်အဂီၢ်မ့ၢ်ဝဲနိၣ်မ့ၣ် အူအီၣ်ဃုာ်တၢ်ဒီးကး, လၢအမ့ၢ်ဝဲတၢ်သံခံစုတစုန့ၣ်လီၤ.”

လံာ်လီၣ်ဖျါ 9:2

ဆၣ်တဖျၢၣ်န့ၣ်အိးထီၣ်တၢ်ပူၤယိာ်, ဒီးမ့ၣ်အူလုၢ်ဟဲဖျိးထီၣ်ဒ်မ့ၣ်အူအလုၢ်ဟဲထီၣ်လၢ ဖၣ်ကပူၤဖးဒိၣ်တဖျၢၣ်အပူၤအသိးန့ၣ်လီၤ. မုၢ်အတၢ်ကပီၤဒီးတၢ်ဖးဖီခံးလီၤဝဲလၢမ့ၣ်အူလုၢ်လၢ အဟဲဖျိးထီၣ်လၢတၢ်ပူၤယိာ်အဃိန့ၣ်လီၤ.