လံာ်မးသဲ 13:36 - Sgaw Karen Common Bible

³⁶ တုၤနုၤတစုယ့ၣ်ၡူးဟးဖးဒီးပှၤဂီၢ်မုၢ်ဒီးက့ၤဝဲဆူဟံၣ်ပူၤန့ၣ်လီၤ. အပျဲၢ်အဘီၣ်တဖၣ်လဲၤဆူအအိၣ် ဒီးစံးဘၣ်အီၤ, “တဲဖျါန့ၢ်ပှၤလၢတၢ်ကတိၤဒိဘၣ်ဃးဒီး နီၣ်စံစၣ်လၢပျီပူၤအခီပညီတက့ၢ်.”

လံာ်မးသဲ 13:36 Iomraidhean Croise

လံာ်မးသဲ 13:1

တနံၤဃီန့ၣ်, ယ့ၣ်ၡူးဟးထီၣ်ဝဲလၢဟံၣ်ပူၤဒီးလဲၤဝဲဆူပီၣ်လဲၣ်ကၢၢ်နံၤ ဒီးဆ့ၣ်နီၤဝဲဒ်သိးအကသိၣ်လီၤသီလီၤတၢ်အဂီၢ်လီၤ.

လံာ်မးသဲ 13:11

ယ့ၣ်ၡူးစံးဆၢဝဲ, “ယွၤဟ့ၣ်ဒုးသ့ၣ်ညါသုလၢတၢ်မ့ၢ်တၢ်တီ အတၢ်ခူသူၣ်ဘၣ်ဃးဒီးမူခိၣ်အဘီအမုၢ်, ဘၣ်ဆၣ်အဝဲသ့ၣ်တဘၣ်တၢ်ဟ့ၣ်ဒုးသ့ၣ်ညါအီၤဘၣ်.

လံာ်မးသဲ 13:18

“ဒိကနၣ်ဒီးမၤလိန့ၢ်တၢ်ကတိၤဒိဘၣ်ဃးပှၤဖှံတၢ်ချံအခီ ပညီတက့ၢ်.

လံာ်မးသဲ 13:25

တနၤဖဲပှၤကိးဂၤဒဲးမံဘၣ်အသးအခါ, အဒုၣ်အဒါတဂၤဟဲဒီးဖှံလီၤနီၣ်စံစၣ်လၢဘုအကျါ ဒီးက့ၤက့ၤဝဲလီၤ.

လံာ်မးသဲ 14:22

အန့ၣ်ဝံၤဒီး, ယ့ၣ်ၡူးမၢအပျဲၢ်အဘီၣ်တဖၣ်ဒိးထီၣ်ချံ, ဒီးလဲၤဆိလၢအမဲာ်ညါဆူဝၢ်ဘးခီ, ဖဲအဝဲပျၢ်ကွံာ်ပှၤဂီၢ်မုၢ်တဖၣ်အခါန့ၣ်လီၤ.

လံာ်မးသဲ 15:39

ဒီးပျၢ်ကွံာ်ပှၤဂီၢ်မုၢ်တဖၣ်န့ၣ်ဒီး, လဲၤနုာ်ဆူချံပူၤဒီးလဲၤဆူကီၢ်မၤကဒၣ်အခိၣ်အဃၢၤန့ၣ်လီၤ.

လံာ်မးသဲ 9:28

ဖဲယ့ၣ်ၡူးလဲၤနုာ်ဆူဟံၣ်ပူၤန့ၣ်, ပှၤမဲာ်ဘျီၣ်ခံဂၤဟဲဆူအအိၣ်ဒီးအဝဲဒၣ်သံကွၢ်အဝဲသ့ၣ်, “သုနာ်လၢယမၤဘျါက့ၤသုသ့ဧါ.” အဝဲသ့ၣ်စံးဆၢ, “မ့ၢ်ကစၢ်ဧၢ, ပနာ်လီၤ.”

လံာ်မၢ်ကူး 4:34

မ့တမ့ၢ်ဘၣ်လၢတၢ်ကတိၤဒိတဖၣ်ဘၣ်ဒီး, အဝဲဒၣ်တသိၣ်လီၤသီလီၤအဝဲသ့ၣ်လၢတၢ်နီတမံၤဘၣ်. မ့မ့ၢ်တုၤအအိၣ်ဒၣ်ထဲအဝဲဒၣ်ဒီးအပျဲၢ်အဘီၣ်တဖၣ်န့ၣ်, ကတိၤဖျါထီၣ်တၢ်အခီပညီတဖၣ်ခဲလၢာ်လၢအဝဲသ့ၣ်လီၤ.

လံာ်မၢ်ကူး 6:45

တၢ်န့ၣ်ဝံၤတဘျီဃီ, ယ့ၣ်ၡူးမၤလိာ်ဆူၣ်အပျဲၢ်အဘီၣ်တဖၣ်လၢအကလဲၤနုာ်လီၤဆူချံ ပူၤဒီးလဲၤပာ်လၢအဝဲအမဲာ်ညါဆူဝ့ၢ်ဘ့ၤသစဲဒၤ, အိၣ်လၢပီၣ်လဲၣ်ကၤလံၤလါဝၢ်ဘးခီ, ဖဲအဝဲဒၣ်ပျၢ်ကွံာ်ပှၤဂီၢ်မုၢ်တဖၣ်ဆူအဟံၣ်အဃီဒၣ်ဝဲအကတီၢ် န့ၣ်လီၤ.

လံာ်မၢ်ကူး 7:17

တုၤမ့ၢ်အဟးထီၣ်ကွံာ်လၢပှၤဂီၢ်မုၢ်အအိၣ်ဒီးက့ၤနုာ်ဝဲဆူဟံၣ်ပူၤန့ၣ်, အပျဲၢ်အဘီၣ်တဖၣ်သံကွၢ်အီၤတၢ်ကတိၤဒိအခီပညီန့ၣ်လီၤ.

လံာ်မၢ်ကူး 8:9

ပှၤအီၣ်တၢ်ဖဲန့ၣ်အိၣ်အဂၤလွံၢ်ကထိဃၣ်ဃၣ်ညါန့ၣ်လီၤ.