လံာ်မးသဲ 13:33 - Sgaw Karen Common Bible

³³ အဝဲစံးဘၣ်တဲဘၣ်အဝဲသ့ၣ်လၢတၢ်ကတိၤဒိအဂၤတခါ, “မူခိၣ်အဘီမုၢ်န့ၣ်လီၤဂာ်ဒီးကိၣ်မံၣ်တနီၤလၢပိာ်မုၣ်တဂၤ ဟံးန့ၢ်ဒီးစံၢ်ကျဲၣ်ကျီအီၤလၢကိၣ်ကမူၣ်သၢသလိးအကျါတုၤ ကိၣ်ဖးထီၣ်ဝဲခဲလၢာ်န့ၣ်လီၤ.”

လံာ်မးသဲ 13:33 Iomraidhean Croise

လံာ်တၢ်ကဲထီၣ်အခီၣ်ထံး 18:6

ဒီးစီၤအၤဘြၤဟၣ်ဟဲက့ၤချ့သဒံးဆူအဒဲပူၤဒီးစံးဘၣ်နီၢ် စၤရါ, “မၤချ့ချ့ဒီးဟံးန့ၢ်နကိၣ်ကမူၣ်လၢအဂ့ၤကတၢၢ်တထၢၣ်ဒီး ကုၢ်ကိၣ်တနီၤတက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 13:6

လၢတၢ်န့ၣ်အဃိ, စီၤအၤမနိၣ်ပာ်မၤအသးဒ်အဆူးဝဲဆါဝဲအသိးဒီး မံဝဲလၢအလီၢ်မံဖီခိၣ်န့ၣ်လီၤ. စီၤပၤဒၤဝံးလဲၤကွၢ်အီၤဒီးစီၤအၤမနိၣ်တဲဘၣ်အီၤဒ်အံၤ, “ဝံသးစူၤပျဲနီၢ်တၤမၢ်ဟဲမၤန့ၢ်ယၤကိၣ်တနီၤဖဲအံၤ, ဖဲယထံၣ်ဘၣ်အီၤသ့ဝံၤဒီးဒုးအီၣ်ယၤကိၣ်န့ၣ်လၢအနီၢ်ကစၢ်ဒၣ်ဝဲတက့ၢ်.”

လံာ်စီၤယိၤဘး 17:9

အန့ၣ်ဒၣ်လဲာ်ပှၤအတီအလိၤကဟံးဃာ်အကျဲ, ဒီးပှၤလၢအစု ကဆှီန့ၣ်အဂံၢ်အဘါဒံးယံာ်ကဒံးဆူၣ်ထီၣ်လီၤ.

တၢ်ကတိၤဒိ. 4:18

ကျဲလၢပှၤတီပှၤလိၤပိာ်ဝဲန့ၣ်လီၤဂာ်ဒ်မုၢ်ဟဲထီၣ်ဒီးကပီၤ ဒံးယံာ်ဒံးဂ့ၤထီၣ်တုၤလၢမုၢ်ထူၣ်အသိးန့ၣ်လီၤ.

လံာ်ဟိၤၡ့ 6:3

မ်ပကဂုာ်ကျဲးစၢးသ့ၣ်ညါသကိးယွၤန့ၣ်တက့ၢ်. အဝဲကဟဲဆူပအိၣ်သပှၢ်ကတၢၢ်ဒ်မုၢ်ဟဲထီၣ်သီတဖၣ်အသိး, သပှၢ်ကတၢၢ်ဒ်တၢ်ယီၤထီၣ်သီအမူခိၣ်ထံမၤဘၣ်စီၣ်ဟီၣ်ခိၣ် အသိးန့ၣ်လီၤ.

လံာ်မးသဲ 13:24

ယ့ၣ်ၡူးတဲကဒီးတၢ်ကတိၤဒိအဂၤတခါဒီးစံး, “မူခိၣ်အဘီအမုၢ်လီၤဂာ်ဒီးပှၤလၢအဖှံလီၤတၢ်ချံလၢအ ဂ့ၤလၢအစံာ်ပျီပူၤလီၤ.

လံာ်မၢ်ကူး 13:20

ကစၢ်မ့ၢ်တမၤစှၤလီၤမုၢ်နံၤမုၢ်သီတဖၣ်န့ၣ်ဘၣ်ဒီး, တမ့ၢ်လၢပှၤကတုၤဘၣ်က့ၤလၢတၢ်အုၣ်က့ၤခီၣ်က့ၤနီတဂၤ ဘၣ်. ဘၣ်ဆၣ်ဒီးပှၤလၢအဘၣ်တၢ်ဃုထၢပာ်ဝဲတဖၣ် အဂီၢ်န့ၣ်, ကမၤစှၤလီၤမုၢ်နံၤမုၢ်သီတဖၣ်န့ၣ်လီၤ.

လံာ်လူၤကၣ် 13:21

မ့ၢ်အလီၤဂာ်ဒီးကိၣ်မံၣ်လၢပိာ်မုၣ်တဂၤဟံးန့ၢ်ဝဲ, ဒီးဃါဃုာ်ဝဲဒီးကိၣ်ကမူၣ်သၢသလီးတုၤအဖးထီၣ်ဝဲခဲလၢာ်လီၤ.”

လံာ်ယိၤဟၣ် 15:2

ကယဲၢ်ဒ့လၢယလိၤလၢအတသၣ်ထီၣ်ဘၣ်ဝဲန့ၣ်, အဝဲကျီကွံာ်ဝဲ, ဒီးကယဲၢ်ဒ့လၢအသၣ်ထီၣ်ဝဲန့ၣ်, အဝဲပဲာ်ဟိကဆှီထီၣ်ဝဲဒ်သိးအကကဆှီထီၣ်ဒီး ကသၣ်အါထီၣ်ဝဲအဂီၢ်လီၤ.

ကလၤတံ 5:9

တၢ်စံးဝဲ, “ကိၣ်မံၣ်တစဲးဖိမၤဖးထီၣ်ကိၣ်ဒီဖျၢၣ်ညါလီၤ.”

ဖံလံးပံၤ 1:6

ဒီးလၢတၢ်န့ၣ်အဃိယနာ်ယဲဒၣ်လၢကစၢ်ယွၤ, လၢအစးထီၣ်အတၢ်မၤအဂ့ၤတမံၤအံၤလၢသုပူၤန့ၣ်, ကမၤဒံးဝဲဆူညါတုၤအလၢထီၣ်ပှဲၤထီၣ်ဝဲတစုဖဲယ့ၣ်ၡူးခရံာ် အမုၢ်တနံၤန့ၣ်လီၤ.

ဖံလံးပံၤ 1:9

ယဃ့ဘါထုကဖၣ်ဒ်သိးသုတၢ်အဲၣ်တၢ်ကွံကဒိၣ်ထီၣ် အါထီၣ်ဆူညါကွ့ၢ်ကွ့ၢ်, ဃုာ်ဒီးတၢ်သ့ၣ်ညါအမ့ၢ်အတီ ဒီးတၢ်စံၣ်ညီၣ်ပဲာ်ဖးနီၤဖးတၢ်ဘၣ်အပူၤ,

၂ ပ့းတရူး 3:18

မ့မ့ၢ်ဒိၣ်ထီၣ်ဒံးသုဝဲလၢတၢ်ဘျုးတၢ်ဖှိၣ်ဒီးတၢ်သ့ၣ်ညါ ပကစၢ်ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အပူၤန့ၣ် တက့ၢ်. မ်တၢ်လၤကပီၤဘၣ်လၢ်အီၤအခဲအံၤဒီးဆူညါ အစိၤစိၤအဃၣ်ဃၣ်တက့ၢ်. အၤမ့ၣ်.

လံာ်ပှၤစံၣ်ညီၣ်ကွီၢ် 6:19

မၤသးဒ်န့ၣ်ဒီးစီၤကံဒဧိၣ်က့ၤနုာ်ဆူအဟံၣ်ပူၤဒီးဖီထီၣ် မဲာ်တဲးလဲးအစၢ်ဖိတဒုဒီးကိၣ်ကမူၣ်နာ်တဝာ်ဃၣ်ဃၣ်လၢကမၤဝဲ ကိၣ်တအိၣ်ဘၣ်ဒီးကိၣ်မံၣ်အဂီၢ်လီၤ. အဝဲဒၢနုာ်တၢ်ဖံးတၢ်ညၣ်လၢတီၣ်တဖျၢၣ်အပူၤဒီးတၢ်ညၣ်အထံလၢ သပၢၤတဖျၢၣ်အပူၤဒီးလဲၤစိာ်ဝဲဆူ ယွၤအကလူးအိၣ်လၢသ့ၣ်သ့ထိးဖၣ်အဖီလာ်ဒီးဟ့ၣ်အီၤလၢတၢ်န့ၣ် တဖၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:24

ဖဲအဝဲထုးဖှၣ်အနုၢ်လၢအီၤဝံၤန့ၣ်, ပိာ်မုၣ်အံၤလဲၤစိာ်အီၤ ဆူဝ့ၢ်ၡံလိၤ, ဃုာ်ဒီးကျီၢ်ဖါအသးအိၣ်သၢနံၣ်တဒု, ကိၣ်ကမူၣ်သၢသလိးဒီးထၢၣ်တၢ်ဖံးပှဲၤဒီးစပံးထံတဖျၢၣ်န့ၣ်လီၤ. ပိာ်မုၣ်န့ၣ်လဲၤစိာ်စီၤၡမူၤအ့လးဖဲအမ့ၢ်ဒံးဖိသၣ်ဆံးအခါ န့ၣ်ဆူယွၤအဟံၣ်လၢဝ့ၢ်ၡံလိၤန့ၣ်လီၤ.