လံာ်မးသဲ 13:30 - Sgaw Karen Common Bible

³⁰ ပျဲအဝဲသ့ၣ်ခံကလုာ်လၢာ်ဒိၣ်ထီၣ်တပူၤဃီတက့ၢ်. တုၤကူးဘုအကတီၢ်ဘၣ်ဒီးယကစံးဘၣ်ပှၤကူးဘုဖိတဖၣ်လၢ အကထဲးထီၣ်ဆိနီၣ်စံစၣ်, စၢကဒိၣ်အီၤတကဒိၣ်ဘၣ်တကဒိၣ် ဒီးဆူးထီၣ်ကွံာ်အီၤလၢမ့ၣ်အူအပူၤလီၤ. မ့မ့ၢ်ဘုဧိၤဟုဧိၤန့ၣ်ယကမၢအထၢဖှိၣ်ဝဲဒီးဂၢ်ဖှိၣ်လၢယဖီပူၤလီၤ.’ ”

လံာ်မးသဲ 13:30 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 23:7

နကဘၣ်သူထးတၢ်အပီးအလီတမံၤမ့ၢ်ဂ့ၤ ဘီတဘ့ၣ်မ့ၢ်ဂ့ၤန့ၣ်လီၤ. အဝဲသ့ၣ်ကဘၣ်တၢ်ဆူးကဲၤကွံာ်အီၤလၢာ်လၢာ်ဆ့ဆ့န့ၣ်လီၤ.

လံာ်စီၤယိၤဘး 39:12

နမုၢ်လၢ်အီၤလၢကဟဲစိာ်ဘုလၢနကူးအီၤဒီးပာ်ဖှိၣ်ဘု ကဒိၣ်တဖၣ်ဆူနယီၢ်ဘုအလီၢ်န့ၣ်ဧါ.

လံာ်ယၡါယၤ 17:5

ကီၢ်အံၣ်စရ့လးကလီၤဂာ်ဒ်စံာ်ပျီတပျီဖဲဘုချံဘၣ်တၢ်ကူးကွံာ် ဒီးပာ်ဖှိၣ်တ့ၢ်အီၤအသိးဒီးကလီၤဃီဒ်စံာ်ပျီလၢကစၢၢ်ရၤဖၤ အတြီၤပူၤလၢတၢ်ကူးကွံာ်အီၤလၢကလၤတၤကူၤအသိးလီၤ.

လံာ်မၤလကံ 3:18

တုၤနုၤတစု, ယပှၤဂီၢ်မုၢ်ကထံၣ်ဘၣ်တၢ်လီၤဆီလၢအမၤအ သးလၢပှၤတီပှၤလိၤဒီးပှၤတတီတလိၤ, ပှၤလၢအမၤယတၢ်ဒီးပှၤလၢ အတမၤယတၢ်အဘၢၣ်စၢၤန့ၣ်လီၤ.”

လံာ်မးသဲ 13:25

တနၤဖဲပှၤကိးဂၤဒဲးမံဘၣ်အသးအခါ, အဒုၣ်အဒါတဂၤဟဲဒီးဖှံလီၤနီၣ်စံစၣ်လၢဘုအကျါ ဒီးက့ၤက့ၤဝဲလီၤ.

လံာ်မးသဲ 13:29

အဝဲစံးဝဲ, ‘တဘၣ်မၤတဂ့ၤ. သုထဲးထီၣ်နီၣ်စံစၣ်အဖၢမုၢ်ဒီး သုကထဲးထီၣ်ကွံာ်ဘၣ်ဖုးဘုန့ၣ်လီၤ.

လံာ်မးသဲ 25:32

ဒီးပှၤကလုာ်ခဲလၢာ်ကအိၣ်ဖှိၣ်ရိဖှိၣ်လၢအဝဲအမဲာ်ညါလီၤ. တုၤနုၤတစုအဝဲကနီၤဖးလီၤအဝဲသ့ၣ်ခံဖု, ဒ်ပှၤကွၢ်သိတဂၤနီၤဖးအသိဒီးမဲာ်တဲးလဲးတဖၣ်အသိး န့ၣ်လီၤ.

လံာ်မးသဲ 25:41

တုၤနုၤတစု, စီၤပၤကစံးဘၣ်ပှၤအိၣ်လၢအစုစ့ၣ်တဖၣ်ဒ်အံၤ, ‘ဟးဖးဒီးယၤတက့ၢ်. ပှၤလၢအဘၣ်ကစၢ်ယွၤအတၢ်ဆိၣ်အၢသ့ၣ်ဧၢ, လဲၤနုာ်ဆူမ့ၣ်အူလၢအတလီၤပံာ်ဘၣ်နီတဘျီဘၣ်, လၢအဘၣ်တၢ်ကတဲာ်ကတီၤပာ်စၢၤလၢမုၣ်ကီၤလံၢ်ဒီးအကလူးတဖၣ် အဂီၢ်, အပူၤန့ၣ်တက့ၢ်.

လံာ်မးသဲ 3:12

ကီၢ်လဲၢ်အိၣ်လၢအစုပူၤလၢအကပညၢကွံာ်ဖ့တဖၣ်ဒီး အဝဲကမၤပျီအကြဲၢ်ဒီးဂၢ်ဖှိၣ်က့ၤအဘုလၢဖီပူၤလီၤ. မ့မ့ၢ်ဖ့တဖၣ်န့ၣ်ကဆူးထီၣ်ကွံာ်ဝဲလၢမ့ၣ်အူလၢ အတလီၤပံာ်နီတဘျီဘၣ်န့ၣ်လီၤ.”

လံာ်လူၤကၣ် 3:17

အဝဲဒၣ်လီၤဂာ်ဒီးပှၤတဂၤလၢအဟံးဃာ်အကီၢ်လဲၢ်လၢအစုပူၤ ဒ်သိးအကပညၢကဆှီထီၣ်အဘုတဖၣ်, ဒီးကဂၢ်ဖှိၣ်အဘုကၠူၣ်တဖၣ်ဆူအဘုဖီအပူၤ, မ့မ့ၢ်လီၢ်ဧိၤဒံးဧိၤဒီးဖ့တဖၣ် ကဆူးကဲၤထီၣ်ကွံာ်ဝဲလၢမ့ၣ်အူလၢအလီၤပံာ်တသ့အပူၤန့ၣ်လီၤ.”

လံာ်ယိၤဟၣ် 15:6

ပှၤတဂၤလၢ်လၢ်လၢအတအိၣ်ဆိးလၢယပူၤန့ၣ်, ကဘၣ်တၢ်စူးကွံာ်အီၤဒ်သ့ၣ်ဒ့အသိးဒီးကဃ့ထီကွံာ် ဝဲလီၤ. သ့ၣ်ဒ့ဒ်န့ၣ်အသိးတဖၣ်ကဘၣ်တၢ်ထၢဖှိၣ်အီၤ ဒီးကွံာ်နုာ်အီၤဆူမ့ၣ်အူပူၤဒီးမ့ၣ်အူကအီၣ်ကွံာ်အီၤဖဲ န့ၣ်လီၤ.

1 ကရံၣ်သူး 4:5

လၢတၢ်န့ၣ်အဃိတချုးတၢ်ဆၢကတီၢ်အဘၣ်တုၤဃီၤဒံးဘၣ်န့ၣ်, သုတကြၢးဟ့ၣ်တၢ်စံၣ်ညီၣ်ဘၣ်ဃးဒီးပှၤနီတဂၤဘၣ်. တၢ်စံၣ်ညီၣ်လၢခံကတၢၢ်န့ၣ်, ကဘၣ်အိၣ်ခိးတုၤလၢကစၢ်ဟဲတုၤ တစုလီၤ. အဝဲကလီၣ်ဖျါထီၣ်တၢ်ခူသူၣ်အိၣ်တဒၢလၢတၢ်ခံးတၢ်နၤ အပူၤတဖၣ်ဒီးမၤဖျါထီၣ်တၢ်တိာ်ပာ်ခူသူၣ်အိၣ်လၢ ပှၤကညီအသူၣ်ကံၢ်သးလဲအပူၤန့ၣ်လီၤ. တုၤနုၤတစုပှၤကိးဂၤဒဲးကဒိးန့ၢ်တၢ်စံးထီၣ်ပတြၢၤလၢအ ကြၢးဒီးအီၤလၢကစၢ်ယွၤအအိၣ်န့ၣ်လီၤ.

၁ တံၤမသ့း 5:24

ပှၤတနီၤနီၤအတၢ်ဒဲးဘးတဖၣ်တၢ်ထံၣ်ဘၣ်အီၤဖျါဖျါ, ဒီးအတၢ်ဒဲးဘးတဖၣ်လဲၤလၢအမဲာ်ညါလၢတၢ်စံၣ်ညီၣ် အဂီၢ်န့ၣ်လီၤ. မ့မ့ၢ်, ပှၤအဂၤတဖၣ်အတၢ်ဒဲးဘးတဖၣ်န့ၣ်, ဘၣ်တၢ်ထံၣ်န့ၢ်ဒၣ်အီၤလၢခံန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:29

ပှၤတဂၤဂၤမ့ၢ်ကဘၣ်ဒုးနၤဒီးကျဲးစၢးလၢကမၤသံနၤန့ၣ်ယွၤ, နကစၢ်ယွၤကမၤပူၤဖျဲးနၤ, ဒ်ပှၤတဂၤကဟုကယာ်တၢ်စုလီၢ်ခီၣ်ခိၣ် လုၢ်ဒိၣ်ပှ့ၤဒိၣ်တမံၤအသိးန့ၣ်လီၤ. ဘၣ်ဆၣ်ဒီးလၢနဒုၣ်နဒါတဖၣ်အဂီၢ်န့ၣ်, ယွၤကစူးကွံာ်အဝဲသ့ၣ်ဆူအယံၤ, ဒ်ပှၤတဂၤဘျုးထီၣ်ကွံာ်လၢၢ်တဖၣ်လၢအနီၣ်ဘျုးအသိးန့ၣ်လီၤ.