လံာ်မးသဲ 13:3 - Sgaw Karen Common Bible

³ အဝဲစံးဘၣ်တဲဘၣ်အဝဲသ့ၣ်လၢတၢ်အါမံၤခီဖျိတၢ်ကတိၤဒိ တဖၣ်ဒီးစံးဝဲ, “တဘျီပှၤဖှံတၢ်ချံတဂၤလဲၤဒီးဖှံတၢ်ချံလီၤ.

လံာ်မးသဲ 13:3 Iomraidhean Croise

စံးထီၣ်ပတြၢၤ 49:4

ယကဒိးယနၢ်ဆူတၢ်ကတိၤဒိ, ဒီးယကပာ်ဖျါထီၣ် အခီပညီဖဲယဒ့တနၢ်အဖၢမုၢ်န့ၣ်လီၤ.

စံးထီၣ်ပတြၢၤ 78:2

ယကအဲးထီၣ်ယထးခိၣ်လၢတၢ်ကူၣ်သ့အတၢ်ကတိၤ, ဒီးယကစံၣ်တဲၤတဲလီၤတၢ်ကတိၤခူသူၣ်လၢပျၢၤတဖၣ်,

လံာ်ယဃ့းစက့လး 20:49

ဘၣ်ဆၣ်ယကတိၤဂ့ၢ်လိာ်ဒီးစံး, “ယွၤပၢဘၣ်တၢ်ခဲလၢာ်ကစၢ်ဧၢ, တဘၣ်မၢယမၤတၢ်န့ၣ်တဂ့ၤ. ပှၤကိးဂၤဒဲးကဒူးကဒ့ၣ်လံတၢ်ဒီးစံးလၢထီဘိယကတိၤ တၢ်လၢတၢ်ပှိၤပှီၢ်တဖၣ်အပူၤန့ၣ်လီၤ.”

လံာ်မံကၤ 2:4

ဖဲတၢ်ဆၢကတီၢ်န့ၣ်ဟဲတုၤဝဲဒီး, ပှၤကသူတၢ်တဲပူဘၣ်ဃးဒီးသုဂ့ၢ်ဒ်တၢ်ဟးဂူာ်ဟးဂီၤအဒိအတဲာ် တမံၤ, ဒီးအဝဲသ့ၣ်ကသးဝံၣ်တၢ်သးဟးဂီၤအတၢ် သးဝံၣ်ဘၣ်ဃးဒီးသုတၢ်လဲၤခီဖျိအဂ့ၢ်ဒ်အံၤလီၤ. ပဟးဂီၤလၢာ်လၢာ်ဆ့ဆ့လံ. ယွၤဟံးထီၣ်ကွံာ်ပစံာ်လီၢ်ပှဲၤလီၢ်တဖၣ်. ဒီးဟ့ၣ်လီၤကွံာ်အီၤဆူပှၤလၢအစိာ်မၢကဲကုၢ်ပှၤတဖၣ်အအိၣ်န့ၣ်လီၤ.”

လံာ်ဃဘးကူာ် 2:6

ပှၤလၢအဘၣ်တၢ်မၤနၢၤအီၤတဖၣ်ကကတိၤဆဲးအဲးဒီးဒုၣ်ဒွဲၣ်ပှၤလၢ အမၤနၢၤအီၤတဖၣ်လီၤ. အဝဲသ့ၣ်ကစံးဝဲ, “သုဟံးန့ၢ်တၢ်လၢအတမ့ၢ်ဘၣ်သုတၢ်, ဘၣ်ဆၣ်ဒီးသုဘၣ်တၢ်စံၣ် ညီၣ်ဃါမနၤလီၤ. မ့ၢ်သုကမၤထူးထီၣ်တီၤထီၣ်သုသးခီဖျိတၢ်မၤဆူၣ်ပှၤလၢအကမၢ် အိၣ်ဒီးသုတဖၣ်ကဘၣ်လိးက့ၤအကမၢ်န့ၣ်ဆံးယံာ်လဲၣ်.”

လံာ်မးသဲ 13:4

ဖဲအဝဲဖှံလီၤတၢ်ချံန့ၣ်, တၢ်ချံတနီၤလီၤဘၣ်လၢကျဲသရ့ၤထံးဒီး ထိၣ်တဖၣ်ဟဲထၢအီၣ်ကွံာ်ဝဲလီၤ.

လံာ်မးသဲ 13:53

ဒီးတုၤယ့ၣ်ၡူးကတိၤတၢ်ကတိၤဒိတဖၣ်အံၤဝံၤဒီး အဝဲဟးထီၣ်ကွံာ်ဖဲတၢ်လီၢ်အဝဲန့ၣ်လီၤ.

လံာ်မးသဲ 22:1

ယ့ၣ်ၡူးကတိၤကဒီးတၢ်လၢပှၤဂီၢ်မုၢ်ခီဖျိ တၢ်ကတိၤဒိတဖၣ်ဒီးစံးဝဲ,

လံာ်မးသဲ 24:32

မၤလိတၢ်အဒိအတဲာ်လၢချၢၣ်ဒၢအအိၣ်တက့ၢ်. တုၤအဒ့တဖၣ်ဒိးစၢ်ထီၣ်ကပုာ်လုး, ဒီးအလၣ်တဖၣ်ဟဲထီၣ်ဝဲန့ၣ်, သုသ့ၣ်ညါလၢတၢ်ကိၢ်အကတီၢ်ဘူးထီၣ်လံန့ၣ်လီၤ.

လံာ်မၢ်ကူး 12:1

အန့ၣ်တစု, ယ့ၣ်ၡူးစံးကတိၤကဒီးတၢ်ဒီးပှၤတဖၣ်န့ၣ်လၢတၢ် ကတိၤဒိတဖၣ်လီၤ. တဘျီပှၤအိၣ်ဝဲတဂၤလၢအသူၣ်စပံးမုၢ်တဖၣ်လၢစပံးလီၢ်တလီၢ် အပူၤ, ကရၢဃာ်အစပံးလီၢ်ဝးတရံး, ခူၣ်လီၤဆၢၣ်ဝဲတၢ်ပူၤတပူၤလၢကဆီလီၤနီၣ်စံၢ်စပံးသၣ်အကျိး အဂီၢ်, ဝံၤဘှီထီၣ်ဝဲတၢ်လီၢ်ကစီၤထီၣ်ဖးထီတခါလီၤ. အန့ၣ်ဝံၤ, ဒိးလဲလီၤဝဲအစပံးလီၢ်လၢပှၤဒိးလဲအီၣ်တၢ်တဖၣ်အစုပူၤ ဒီးလဲၤဝဲဆူတခီထံတခီကီၢ်န့ၣ်လီၤ.

လံာ်မၢ်ကူး 12:12

ပှၤယူဒၤဖိအခိၣ်အနၢ်လၢယ့ၣ်ၡူးကတိၤတ့ၢ်တၢ်ဒီးအီၤတဖၣ်နၢ် ပၢၢ်ဝဲလၢတၢ်ကတိၤဒိအံၤမ့ၢ်တၢ်ကတိၤထီဒါအဝဲသ့ၣ်အဃိ, ဃုကျဲလၢအကဖီၣ်န့ၢ်အီၤလီၤ. ဘၣ်ဆၣ်ဒီးမ့ၢ်လၢအဝဲသ့ၣ်ပျံၤဘၣ်ပှၤဂီၢ်မုၢ်တဖၣ်အဃိ, ပာ်တ့ၢ်အီၤဒီးဟးထီၣ်ကွံာ်ဝဲဖဲန့ၣ်လီၤ.

လံာ်မၢ်ကူး 3:23

အန့ၣ်ဒီးယ့ၣ်ၡူးကိးဃီၤအဝဲသ့ၣ်ဆူအအိၣ်ဒီးကတိၤတၢ်ဒီးအဝဲ သ့ၣ်လၢတၢ်ကတိၤဒိတဖၣ်ဒီးစံးဝဲ, “မုၣ်ကီၤလံၢ်ကဟီထီၣ်ကွံာ်မုၣ်ကီၤလံၢ်န့ၣ်ကသ့ဒ်လဲၣ်.

လံာ်မၢ်ကူး 4:13

အန့ၣ်ဒီး ယ့ၣ်ၡူးသံကွၢ်အဝဲသ့ၣ်, “တၢ်ကတိၤဒိအဝဲအံၤမ့ၢ်သုတနၢ်ပၢၢ်ဘၣ်ဧါ. သုမ့ၢ်တနၢ်ပၢၢ်ဘၣ်ဒီးတၢ်ကတိၤဒိအဂၤတခါဂ့ၤတခါဂ့ၤသုနၢ် ပၢၢ်ကသ့ဒ်လဲၣ်.

လံာ်မၢ်ကူး 4:33

ယ့ၣ်ၡူးစံးဘၣ်တဲဘၣ်အဝဲသ့ၣ်လၢယွၤအကလုၢ်အကထါ ဒီးသူဝဲတၢ်ကတိၤဒိဒ်သိးအံၤတဖၣ်အါမးဖဲအဝဲသ့ၣ်နၢ်ပၢၢ် ဝဲသ့အတီၤန့ၣ်လီၤ.

လံာ်လူၤကၣ် 12:41

စီၤပ့းတရူးစံးဝဲ, “ကစၢ်ဧၢ, မ့ၢ်နကတိၤတၢ်ကတိၤဒိအဝဲအံၤလၢပဂီၢ်ဧါ. မ့တမ့ၢ်, လၢပှၤကိးဂၤဒဲးအဂီၢ်လဲၣ်.”

လံာ်လူၤကၣ် 8:10

ယ့ၣ်ၡူးစံးဆၢဝဲ, “တၢ်သ့ၣ်ညါနၢ်ပၢၢ်ဘၣ်ဃးဒီးကစၢ်ယွၤအဘီအမုၢ်အတၢ် ခူသူၣ်န့ၣ်, တၢ်ဟ့ၣ်တ့ၢ်လံအီၤလၢသုဝဲလံ. မ့မ့ၢ်ပှၤအဂၤတဖၣ်န့ၣ်, တၢ်ပာ်ဖျါထီၣ်အီၤခီဖျိတၢ်ကတိၤဒိဒ်သိး အဝဲသ့ၣ်ကကွၢ်တၢ်ဘၣ်ဆၣ်တထံၣ်တၢ်ဘၣ်, ဒီးကဒိကနၣ်တၢ်ဘၣ်ဆၣ်တနၢ်ပၢၢ်တၢ်ဘၣ်န့ၣ်လီၤ.”

လံာ်ယိၤဟၣ် 16:25

ယစံးဘၣ်တဲဘၣ်သုတၢ်သ့ၣ်တဖၣ်အံၤလၢတၢ်ကတိၤ အဒိန့ၣ်လီၤ. ဘၣ်ဆၣ်ဒီးတၢ်ဆၢကတီၢ်ကတုၤဝဲဖဲ ယတသူလၢၤတၢ်ကတိၤအဒိဘၣ်. မ့မ့ၢ်ယကကတိၤတၢ်ဒီး သုဖျါဖျါဘၣ်ဃးဒီးပၢ်အဂ့ၢ်န့ၣ်လီၤ.