လံာ်မးသဲ 13:27 - Sgaw Karen Common Bible

²⁷ ဒီးဟံၣ်ကစၢ်အကုၢ်အပှၤတဖၣ်ဟဲဆူအအိၣ်ဒီးစံးဘၣ်အီၤ, ‘တၢ်ဒိၣ်ဧၢ, နဖှံလီၤတၢ်ချံလၢအဂ့ၤလၢနစံာ်ပျီပူၤတမ့ၢ်ဘၣ်ဧါ. နစံာ်ပူၤအိၣ်ဒီးနီၣ်စံစၣ်ဒ်လဲၣ်.’

လံာ်မးသဲ 13:27 Iomraidhean Croise

လံာ်မးသဲ 13:25

တနၤဖဲပှၤကိးဂၤဒဲးမံဘၣ်အသးအခါ, အဒုၣ်အဒါတဂၤဟဲဒီးဖှံလီၤနီၣ်စံစၣ်လၢဘုအကျါ ဒီးက့ၤက့ၤဝဲလီၤ.

လံာ်မးသဲ 13:26

တုၤဘုအမုၢ်တဖၣ်ဒိၣ်ထီၣ်, ပျိာ်ထီၣ်သၣ်ထီၣ်ဒီး နီၣ်စံစၣ်အိၣ်ဖျါထီၣ်စ့ၢ်ကီးဝဲလီၤ.

လံာ်မးသဲ 13:28

အဝဲစံးဆၢအဝဲသ့ၣ်, ‘ဒုၣ်ဒါတဂၤမၤတ့ၢ်တၢ်အံၤလီၤ.’ အကုၢ်တဖၣ်စံးဘၣ်အီၤ, ‘မ့ၢ်နအဲၣ်ဒိးလၢပကလဲၤထဲးထီၣ်ကွံာ်နီၣ်စံစၣ်န့ၣ်ဧါ.’

လံာ်မးသဲ 20:1

မူခိၣ်အဘီအမုၢ်န့ၣ်မၤအသးဒ်အံၤလီၤ. တဘျီပှၤအိၣ်ဝဲတဂၤလၢအဟးထီၣ်လၢအဟံၣ်ဂီၤဂီၤ, ဒ်သိးကဒိးလဲန့ၢ်ပှၤမၤတၢ်ဖိလၢအကဟဲမၤတၢ်လၢအစပံးလီၢ် အပူၤန့ၣ်လီၤ.

ရိမ့ၤ 16:17

ယဒီပုၢ်ဝဲၢ်သ့ၣ်ဧၢ, ယသဆၣ်ထီၣ်သုခံ, ပလီၢ်သုသးလၢပှၤလၢအဒုးအိၣ်ထီၣ်တၢ်လီၤမုၢ် လီၤဖးဒီးမၤကဒံကဒါပှၤအတၢ်စူၢ်တၢ်နာ်, ပှၤလၢအထီဒါ တၢ်သိၣ်လိလၢသုဒိးန့ၢ်တ့ၢ်လံတဖၣ်န့ၣ်တက့ၢ်. ဟးဆှဲးပှၤတဖၣ်န့ၣ်တက့ၢ်.

1 ကရံၣ်သူး 16:10

စီၤတံၤမသ့းမ့ၢ်ဟဲဘၣ်ဆူသုအိၣ်န့ၣ်, ပာ်သူၣ်ပာ်သးဒ်သိးအဝဲဒၣ်ကကလၢၢ်ဘၣ်သုတၢ် တူၢ်လိာ်မုာ်အီၤလၢသုသိးသုကျါန့ၣ်တက့ၢ်. အဂ့ၢ်ဒ်အံၤ, အဝဲဒၣ်မၤတၢ်လၢကစၢ်အဂီၢ်ဒ်ယမၤယဲအသိးလီၤ.

၂ ကရံၣ်သူး 6:1

လၢတၢ်န့ၣ်အဃိ, လၢပတၢ်မၤသကိးဃုာ်တၢ်ဒီးကစၢ်ယွၤ အပူၤန့ၣ်, ပဃ့ကညးသုဝဲလၢအဒိးန့ၢ်လံကစၢ်ယွၤအဘျုး တဖၣ်လၢ မ်သုသုတပျဲအကဲထီၣ်တၢ်ကလီကလီန့ၣ်တဂ့ၤ.

၂ ကရံၣ်သူး 6:4

အခိၣ်တလိာ်လၢတၢ်ကိးမံၤဒဲးလၢပမၤအီၤအပူၤန့ၣ် ပဒုးနဲၣ်လၢပမ့ၢ်ကစၢ်ယွၤအခ့အပှၤတဖၣ်ခီဖျိပတူၢ်တၢ်ကီတၢ်ခဲ တၢ်ဖှီၣ်တၢ်ယာ်ဒီးတၢ်နးတၢ်ဖှီၣ်တဖၣ် လၢတၢ်သူၣ်စူၤသးစူၤ အပူၤန့ၣ်လီၤ.

ယၤကိာ် 4:4

ပှၤလၢအသးတတီဒီးကစၢ်ယွၤသ့ၣ်ဧၢ, မ့ၢ်သုတသ့ၣ်ညါဘၣ်လၢတၢ်ကဲဟီၣ်ခိၣ်အတံၤသကိး န့ၣ်အခီပညီမ့ၢ်တၢ်ကဲကစၢ်ယွၤအဒုၣ်အဒါန့ၣ်ဘၣ်ဧါ. ပှၤတဂၤဂ့ၤတဂၤဂ့ၤလၢသးအိၣ်ကဲဟီၣ်ခိၣ်အတံၤ သကိးန့ၣ်, ဒုးကဲထီၣ်အသးလၢကစၢ်ယွၤအဒုၣ်အဒါ တဖၣ်န့ၣ်လီၤ.