လံာ်မးသဲ 13:24 - Sgaw Karen Common Bible

²⁴ ယ့ၣ်ၡူးတဲကဒီးတၢ်ကတိၤဒိအဂၤတခါဒီးစံး, “မူခိၣ်အဘီအမုၢ်လီၤဂာ်ဒီးပှၤလၢအဖှံလီၤတၢ်ချံလၢအ ဂ့ၤလၢအစံာ်ပျီပူၤလီၤ.

လံာ်မးသဲ 13:24 Iomraidhean Croise

လံာ်ယၡါယၤ 28:10

အဝဲကျဲးစၢးသိၣ်လိပှၤလံာ်တဖျၢၣ်ဘၣ်တဖျၢၣ်, တကျိၤဘၣ်တကျိၤ, တၢ်မၤလိတခါဘၣ်တခါလီၤ.”

လံာ်ယၡါယၤ 28:13

လၢတၢ်န့ၣ်အဃိ, ယွၤကသိၣ်လိသုလံာ်တဖျၢၣ်ဘၣ်တဖျၢၣ်, တကျိၤဘၣ်တကျိၤ, တၢ်မၤလိတခါဘၣ်တခါလီၤ. အန့ၣ်ဒီးသုခီၣ်ကဘၣ်တိၢ်လၢခီၣ်ကါလၢသုခါထီၣ်ကိးကါဒဲးလီၤ. သုကဘၣ်ဒိဘၣ်ထံး, ဘၣ်ပျံၤသကွီၤ, ဒီးဘၣ်တၢ်ဖီၣ်န့ၢ်ဒ်ပှၤဃိာ်ဖိအသိးလီၤ.

လံာ်မးသဲ 13:19

ပှၤလၢအနၢ်ဟူတၢ်ကစီၣ်ဘၣ်ဃးဒီးဘီမုၢ်ဘၣ်ဆၣ်တနၢ်ပၢၢ်ဝဲ တဖၣ်န့ၣ်, လီၤဂာ်ဒီးတၢ်ချံလၢအလီၤဘၣ်လၢကျဲအသရ့ၤထံးလီၤ. တၢ်အၢတၢ်သီတဂၤန့ၣ်ဟဲဒီးဂုာ်န့ၢ်ကွံာ်တၢ်လၢအဘၣ်တၢ်ဖှံလီၤလၢ အဝဲသ့ၣ်အသးပူၤလီၤ.

လံာ်မးသဲ 13:25

တနၤဖဲပှၤကိးဂၤဒဲးမံဘၣ်အသးအခါ, အဒုၣ်အဒါတဂၤဟဲဒီးဖှံလီၤနီၣ်စံစၣ်လၢဘုအကျါ ဒီးက့ၤက့ၤဝဲလီၤ.

လံာ်မးသဲ 13:31

ယ့ၣ်ၡူးတဲတၢ်ကတိၤဒိအဂၤတခါဒီးစံး, “မူခိၣ်အဘီအမုၢ်လီၤဂာ်ဒီးသဘၣ်ချံဖိတဖျၢၣ် လၢပှၤတဂၤဟံးန့ၢ်ဒီးဖှံလီၤအီၤလၢစံာ်ပျီပူၤလီၤ.

လံာ်မးသဲ 13:33

အဝဲစံးဘၣ်တဲဘၣ်အဝဲသ့ၣ်လၢတၢ်ကတိၤဒိအဂၤတခါ, “မူခိၣ်အဘီမုၢ်န့ၣ်လီၤဂာ်ဒီးကိၣ်မံၣ်တနီၤလၢပိာ်မုၣ်တဂၤ ဟံးန့ၢ်ဒီးစံၢ်ကျဲၣ်ကျီအီၤလၢကိၣ်ကမူၣ်သၢသလိးအကျါတုၤ ကိၣ်ဖးထီၣ်ဝဲခဲလၢာ်န့ၣ်လီၤ.”

လံာ်မးသဲ 13:37

ယ့ၣ်ၡူးစံးဆၢဝဲ, “ပှၤလၢအဖှံတၢ်ချံလၢအဂ့ၤန့ၣ်မ့ၢ်ပှၤကညီအဖိခွါလီၤ.

လံာ်မးသဲ 13:47

မၤကဒီးတစုမူခိၣ်အဘီအမုၢ်န့ၣ်လီၤဂာ်ဒီးစၤလၢ အဘၣ်တၢ်တ့ၢ်လီၤအီၤလၢပီၣ်လဲၣ်အပူၤဒီးဖီၣ်န့ၢ်ညၣ်ကိး ကလုာ်ဒဲးန့ၣ်လီၤ.

လံာ်မးသဲ 18:23

အဂ့ၢ်ဒ်အံၤ, မူခိၣ်ဘီမုၢ်န့ၣ်မ့ၢ်အလီၤဂာ်ဒ်သိးအံၤအဃိလီၤ. တဘျီစီၤပၤလၢအပာ်လီၤအသးလၢအကကွၢ်ကဒါက့ၤအခ့အပှၤ တဖၣ်အစ့စရီအိၣ်ဝဲတဂၤလီၤ.

လံာ်မးသဲ 20:1

မူခိၣ်အဘီအမုၢ်န့ၣ်မၤအသးဒ်အံၤလီၤ. တဘျီပှၤအိၣ်ဝဲတဂၤလၢအဟးထီၣ်လၢအဟံၣ်ဂီၤဂီၤ, ဒ်သိးကဒိးလဲန့ၢ်ပှၤမၤတၢ်ဖိလၢအကဟဲမၤတၢ်လၢအစပံးလီၢ် အပူၤန့ၣ်လီၤ.

လံာ်မးသဲ 21:33

ယ့ၣ်ၡူးစံးဝဲ, “ကနၣ်ကဒီးတၢ်ကတိၤဒိအဂၤတခါတက့ၢ်. တၢ်စံးဝဲတဘျီ, စပံးလီၢ်ကစၢ်အိၣ်တဂၤလၢအသူၣ်လီၤစပံးလီၢ်တလီၢ်, ဝံၤကရၢဃာ်အီၤဝးတရံး, ဒီးခူၣ်န့ၢ်တၢ်ပူၤတပူၤလၢကဆီလီၤနီၣ်စံၢ်စပံးသၣ်အကျိး အဂီၢ်, ဒီးဘှီထီၣ်ဒဲအခီၣ်ဖးထီတဖျၢၣ်လၢပှၤကခိးစပံးလီၢ်အဂီၢ်လီၤ. တုၤနုၤတစု, ဒိးလဲလီၤဝဲလၢပှၤဒိးလဲစပံးလီၢ်တဖၣ်အစုပူၤ, ဒီးဟးထီၣ်လၢအဟံၣ်ဒီးလဲၤတၢ်လီၤ.

လံာ်မးသဲ 22:2

“မူခိၣ်အဘီအမုၢ်န့ၣ်မၤအသးဒ်အံၤလီၤ. တဘျီစီၤပၤတဂၤကတဲာ်ကတီၤတၢ်ဖျီအမူးလၢအဖိခွါအဂီၢ်လီၤ.

လံာ်မးသဲ 25:1

တုၤနုၤတစု, မူခိၣ်အဘီအမုၢ်န့ၣ်ကမၤအသးဒ်အံၤလီၤ. တဘျီပှၤမုၣ်ကနီၤအိၣ်ဝဲအဂၤတဆံ, လၢအဟံးန့ၢ်အမ့ၣ်အူဒၢ, ဒီးဟးထီၣ်လဲၤသဂၢၢ်တလးမူးပိာ်ခွါတဂၤန့ၣ်လီၤ.

လံာ်မးသဲ 3:2

အဝဲစံးဝဲ, “ပီၢ်ယၢ်လီၤက့ၤဒီး ဃၣ်လိၤက့ၤသုသးတက့ၢ်. အဂ့ၢ်ဒ်အံၤ, မူခိၣ်အဘီအမုၢ်ကသူၣ်လီၤအသးဘူးထီၣ်လံ.”

လံာ်မးသဲ 4:23

ယ့ၣ်ၡူးဟးဝ့ၤဝီၤသကုၤကီၢ်ကၤလံၤလါ, သိၣ်လီၤသီလီၤတၢ်လၢဘူၣ်ဘျီၣ် လၢအမ့ၢ်တၢ်ဘါလီၢ်တဖၣ်အပူၤ, စံၣ်တဲၤတဲလီၤတၢ်သးခုကစီၣ်ဘၣ်ဃးယွၤအဘီအမုၢ် ဒီးမၤဘျါက့ၤပှၤဘၣ်ဆူးဘၣ်ဆါလၢကယဲၢ်မ့ၢ်တၢ်ဆူးတၢ် ဆါခဲလၢာ်လီၤ.

လံာ်လူၤကၣ် 13:18

မၤသးဒ်န့ၣ်ဒီးယ့ၣ်ၡူးစံးဝဲ, “ကစၢ်ယွၤအဘီအမုၢ်န့ၣ်လီၤဂာ်ဒီးမနုၤလဲၣ်. မ့ၢ်ယကထိၣ်သတြီၤအီၤလၢမနုၤတမံၤလဲၣ်.

လံာ်လူၤကၣ် 13:20

ယ့ၣ်ၡူးစံးကဒီးဝဲ, “မ့ၢ်ယကဒိလီၤကစၢ်ယွၤအဘီအမုၢ်လၢမနုၤတမံၤလဲၣ်.

ကလီးစဲ 1:5

လၢသုတၢ်မုၢ်လၢ်လၢအဘၣ်တၢ်ကတီၤပာ်န့ၢ်သုဂီၢ်လၢမူခိၣ် အဃိန့ၣ်လီၤ. ဘၣ်ဃးဒီးတၢ်မုၢ်လၢ်အံၤအဂ့ၢ်န့ၣ်, သုနၢ်ဟူတ့ၢ်လၢအခီၣ်ထံးလံၤလံၤခီဖျိတၢ်ကစီၣ်အမ့ၢ် အတီလၢအမ့ၢ်တၢ်သးခုအကစီၣ်န့ၣ်လီၤ.

၁ ပ့းတရူး 1:23

အဂ့ၢ်ဒ်လဲၣ်န့ၣ်, ခီဖျိကစၢ်ယွၤအကလုၢ်ကထါလၢအမူဝဲအထူ အယိာ်အဃိန့ၣ်, သုအိၣ်ဖျဲၣ်ထီၣ်ကဒီးတစုဒ်ဖိတဖၣ်လၢအအိၣ်ဒီးမိၢ်ပၢ်လၢ အသံတသ့ဘၣ်, ဒီးတမ့ၢ်မိၢ်ပၢ်လၢအသံသ့ဝဲအသိးန့ၣ်ဘၣ်.