လံာ်မးသဲ 13:23 - Sgaw Karen Common Bible

²³ တၢ်ချံလၢအဘၣ်တၢ်ဖှံလီၤအီၤလၢဟီၣ်ခိၣ်လၢအဂ့ၤတဖၣ်, မ့ၢ်ပှၤလၢအနၢ်ဟူတၢ်ကစီၣ်ဒီးနၢ်ပၢၢ်ဝဲလီၤ. အဝဲသ့ၣ်သၣ်ထီၣ်ဝဲ, တနီၤအါန့ၢ်အလီၢ်အစးတကယၤ, တနီၤဃုဆံဒီးတနီၤသၢဆံလီၤ.”

လံာ်မးသဲ 13:23 Iomraidhean Croise

လံာ်ယဃ့းစက့လး 18:31

စူးကွံာ်ညိကွံာ်ကယဲၢ်တၢ်အၢတၢ်သီခဲလၢာ်လၢသုမၤတ့ၢ်အီၤ ဒီးမၤန့ၢ်က့ၤတၢ်ပာ်သူၣ်ပာ်သးအသီတဖၣ်ဒီးသးအသီတဖၣ်လၢသု ကစၢ်ဒၣ်သုဝဲတက့ၢ်. ဘၣ်မနုၤအဃိသုဝဲပှၤအံၣ်စရ့လးဖိတဖၣ်အဲၣ်ဒိးသံန့ၣ်လဲၣ်.”

လံာ်ယဃ့းစက့လး 36:26

ယကဟ့ၣ်လီၤသုလၢသးအသီတဖျၢၣ်ဒီးတၢ်ပာ်သူၣ်ပာ်သးအသီ တမံၤန့ၣ်လီၤ. ယကဟံးထီၣ်ကွံာ်သုသးလၢအကိၤဒ်လၢၢ်အသိး ဒီးဟ့ၣ်လီၤသုသးလၢအစူၢ်တၢ်တဖျၢၣ်န့ၣ်လီၤ.

လံာ်မးသဲ 12:33

ဒ်သိးနကန့ၢ်ဘၣ်သ့ၣ်သၣ်လၢအဂ့ၤန့ၣ်, နကဘၣ်အိၣ်ဒီးသ့ၣ်လၢ အဂ့ၤလီၤ. သ့ၣ်လၢအတဂ့ၤန့ၣ်ဟ့ၣ်ထီၣ်သ့ၣ်သၣ်လၢအတဂ့ၤလီၤ. အဂ့ၢ်ဒ်အံၤ, သ့ၣ်မ့ၢ်တၢ်ဒ်လဲၣ်န့ၣ်အသၣ်လီၣ်ဖျါထီၣ်အီၤလီၤ.

လံာ်မးသဲ 13:8

ဘၣ်ဆၣ်ဒီးတၢ်ချံတနီၤလီၤဘၣ်လၢဟီၣ်ခိၣ်လၢအဂ့ၤဒီးတၢ် အမုၢ်တဖၣ်ဒိၣ်ထီၣ်ဒီးသၣ်ထီၣ်ဝဲလီၤ. တၢ်အမုၢ်တနီၤသၣ်ထီၣ်တကယၤ, တနီၤဃုဆံဒီးတနီၤသၢဆံလီၤ.”

လံာ်မးသဲ 3:10

အခဲအံၤဒၣ်လဲာ်ကွါအိၣ်ပာ်လီၤအသးလၢသ့ၣ်အဂံၢ်တဖၣ်အခီၣ်ထံးလံ. သ့ၣ်တထံးလၢ်လၢ်လၢအတသူထီၣ်သၣ်ထီၣ်တၤသၣ်လၢအဂ့ၤန့ၣ် ကဘၣ်တၢ်ကူာ်လီၤဒီးတ့ၢ်လီၤကွံာ်အီၤဆူမ့ၣ်အူအပူၤလီၤ.

လံာ်မးသဲ 3:8

အိၣ်မူဒီးမၤတၢ်မၤလၢအကြၢးဒီးတၢ်ပီၢ်ယၢ်ဒီးတၢ်ဃၣ်လိၤက့ၤ သုသးန့ၣ်တက့ၢ်.

လံာ်မၢ်ကူး 10:15

ယစံးဘၣ်သုတီတီလီၤ. ပှၤတဂၤလၢ်လၢ်လၢအတတူၢ်လိာ် ကစၢ်ယွၤအဘီအမုၢ်ဒ်ဖိသၣ်တဂၤအသိးဘၣ်န့ၣ်, တလဲၤနုာ်ဘၣ်ဝဲဆူအပူၤဘၣ်.”

လံာ်မၢ်ကူး 4:20

မ့မ့ၢ်ပှၤအဂၤတဖၣ်လီၤဂာ်ဒီးတၢ်ချံလၢအလီၤဘၣ်ဖဲဟီၣ်ခိၣ် လၢအဂ့ၤဝဲအလီၢ်လီၤ. တုၤအဝဲသ့ၣ်နၢ်ဟူယွၤအကလုၢ်ကထါ ဒီး တူၢ်လိာ်ဝဲဝံၤသူထီၣ်သၣ်ထီၣ်ဝဲလီၤ. အထံးတနီၤသၣ်ထီၣ်ဝဲ အဖျၢၣ်သၢဆံ, တနီၤအဖျၢၣ်ဃုဆံဒီးတနီၤအဖျၢၣ်တကယၤလီၤ.

လံာ်လူၤကၣ် 13:9

သ့ၣ်န့ၣ်မ့ၢ်သၣ်ထီၣ်တၤသၣ်လၢခံတနံၣ်ဒီး, ကဂ့ၤဒိၣ်ဒၣ်တၢ်တက့ၢ်လီၤ. မ့ၢ်တသၣ်ထီၣ်ဘၣ်တခီကူာ်လီၤကွံာ်အီၤ တက့ၢ်.’ ”

လံာ်လူၤကၣ် 8:15

တၢ်ချံလၢအလီၤဘၣ်လၢဟီၣ်ခိၣ်ညၣ်ထ့ၣ်အဂ့ၤပာ်ဖျါထီၣ်ပှၤ တဖၣ်လၢအနၢ်ဟူဘၣ်တၢ်အကလုၢ်ကထါဒီးဟံးဃာ်ဂၢၢ်ကျၢၤ ဝဲလၢသးလၢအဂ့ၤဒီးစူၢ်ယွၤအကလုၢ်အပူၤဒီးမၤဝဲဒ်န့ၣ်သပှၢ် ပှၢ်တုၤအဝဲသ့ၣ်သၣ်ထီၣ်တၤသၣ်တစုလီၤ.

လံာ်လူၤကၣ် 8:8

ဒီးတၢ်ချံတနီၤနီၤလီၤဘၣ်လၢဟီၣ်ခိၣ်ညၣ်ထ့ၣ်ဂ့ၤအလီၢ်လီၤ. တၢ်မုၢ်တၢ်ဘိတဖၣ်ဒိၣ်ထီၣ်ဒီးသၣ်ထီၣ်တၤသၣ်တကယၤစုာ်စုာ် လီၤ.” ဒီးယ့ၣ်ၡူးမၤကတၢၢ်အတၢ်ကတိၤဒီးစံးဝဲ, “လၢတၢ်န့ၣ်အဃိ, ပှၤအိၣ်ဒီးအနၢ်လၢအနၢ်ဟူတၢ်သ့န့ၣ်မ်အဒိကနၣ်တၢ်တက့ၢ်.”

လံာ်ယိၤဟၣ် 15:16

သုတဃုထၢယၤဘၣ်. မ့မ့ၢ်ယဃုထၢသုဒီးပာ်လီၤသုလၢသု ကလဲၤဒီးသၣ်ထီၣ်ဝဲဒၣ်အါဖျၢၣ်, တၤသၣ်တကလုာ်လၢ အအိၣ်ဂၢၢ်ဆိးကျၢၤလီၤ. ဒီးပၢ်ကဟ့ၣ်လီၤသုတၢ်တမံၤဂ့ၤ တမံၤဂ့ၤလၢသုဃ့အီၤလၢယမံၤအပူၤန့ၣ်လီၤ.

လံာ်ယိၤဟၣ် 8:47

ပှၤလၢအဟဲလၢကစၢ်ယွၤအအိၣ်န့ၣ်, ဒိကနၣ်ကစၢ်ယွၤကလုၢ် ကထါတဖၣ်လီၤ. မ့မ့ၢ်သုဝဲတခီ, သုတဟဲလၢကစၢ်ယွၤအအိၣ်ဘၣ်အဃိသတးဒီး, သုတဒိကနၣ်တၢ်ဘၣ်.”

မၤတၢ် 16:14

ပိာ်မုၣ်လၢအဒိကနၣ်ပတၢ်စံးတၢ်ကတိၤအကျါတဂၤမ့ၢ်ဝဲနီၢ် လူၤဒံဘၣ်ဃးဒီးဝ့ၢ်သူၤအတံရၤ, လၢအဆါတၢ်ကံးယာ်လုးတကုာ်လုၢ်ဒိၣ်ပှ့ၤဒိၣ်တဖၣ်န့ၣ်လီၤ. အဝဲဒၣ်မ့ၢ်ပှၤလၢအဘူၣ်ထူဘါယွၤ, ဒီးကစၢ်ယွၤအိးထီၣ်အသးဒ်သိးအကတူၢ်လိာ်တၢ်လၢစီၤ ပီလူးစံးကတိၤဝဲန့ၣ်လီၤ.

မၤတၢ် 17:11

ပှၤဖဲန့ၣ်တဖၣ်ပာ်အသးလဲၢ်ဒိၣ်န့ၢ်ဒံးပှၤဝ့ၢ်သ့းစၤလနံဖိ တဖၣ်လီၤ. အဝဲသ့ၣ်ဒိကနၣ်တၢ်ကစီၣ်လၢတၢ်သူၣ်ဆူၣ်သးဂဲၤ အပူၤ, ဒီးဃုသ့ၣ်ညါနၢ်ပၢၢ်တၢ်ကွဲးအသးစီဆှံကိးနံၤဒဲးဒ်သိး အကသ့ၣ်ညါဘၣ်ဝဲတၢ်လၢစီၤပီလူးစံးကတိၤလၢအဂ့ၢ်တဖၣ်မ့ၢ်, တမ့ၢ်လဲၣ်န့ၣ်လီၤ.

၂ ကရံၣ်သူး 9:10

ဒီးကစၢ်ယွၤလၢအဟ့ၣ်တၢ်ချံလၢတၢ်ကဖှံလီၤအီၤအဂီၢ်, ဒီးကိၣ်လၢတၢ်ကအီၣ်အီၤအဂီၢ်န့ၣ်, ကဟ့ၣ်စ့ၢ်ကီးသုတၢ်ချံလၢသုလိၣ်ဘၣ်အီၤခဲလၢာ်ဒီးကဒုးမဲ ထီၣ်အီၤဒီးဒုးအိၣ်ထီၣ်အသူအသၣ်အါအါဂီၢ်ဂီၢ်ခီဖျိတၢ်ဟ့ၣ် တၢ်အါအါဂီၢ်ဂီၢ်လၢတၢ်သးအိၣ်အပူၤန့ၣ်လီၤ.

ဖံလံးပံၤ 1:11

သုတၢ်အိၣ်မူတဖၣ်ကဘၣ်တၢ်မၤပှဲၤအီၤဒီးတၢ်ဂ့ၤ တၢ်ဝါနီၢ်နီၢ်တဖၣ်လၢထဲဒၣ်ယ့ၣ်ၡူးခရံာ်ဒုးအိၣ်ထီၣ် အီၤသ့, လၢယွၤလၤကပီၤဒီးတၢ်စံးထီၣ်ပတြၢၤကစၢ်ယွၤ အဂီၢ်န့ၣ်လီၤ.

ဖံလံးပံၤ 4:17

တၢ်အံၤတမ့ၢ်ယသးအိၣ်ထဲလၢယကဒိးန့ၢ်တၢ်ဟ့ၣ်တဖၣ်န့ၣ်ဘၣ်. မ့မ့ၢ်တခီ, ယသးအိၣ်ထံၣ်ဘၣ်အါထီၣ်သုတၢ်မၤဂ့ၤတဖၣ်အဃိလီၤ.

ကလီးစဲ 1:10

ဒ်သိးသုကအိၣ်မူတၢ်အိၣ်မူလၢအကြၢးဒီးကစၢ်, တၢ်အိၣ်မူလၢအမၤမုာ်အီၤသတးဒီးသုတၢ်အိၣ်မူ ကဟ့ၣ်ထီၣ်တၢ်မၤအဂ့ၤကိးကလုာ်ဒဲး, ဒီးသုကဒိၣ်ထီၣ်လၢတၢ်သ့ၣ်ညါကစၢ်ယွၤအပူၤအဂီၢ်န့ၣ်လီၤ.

ကလီးစဲ 1:6

တၢ်သးခုအကစီၣ်အံၤဟဲစိာ်ဃုာ်ဒီးတၢ်ဆိၣ်ဂ့ၤ, ရၤလီၤအသးသကုၤဟီၣ်ခိၣ်ဒီဘ့ၣ်ညါ, ဒ်အမၤတ့ၢ်လံ အသးလၢသုကျါစးထီၣ်မုၢ်တနံၤဖဲသုနၢ်ဟူတၢ်ဘၣ်ဃး ယွၤအဘျုးအဖှိၣ်အဆိကတၢၢ်တဘျီ, ဒီးသ့ၣ်ညါထံအီၤဒ် အမ့ၢ်တၢ်နီၢ်နီၢ်အသိး,

၁ သ့းစၤလနံ 4:1

လၢခံကတၢၢ်န့ၣ်, ယဒီပုၢ်ဝဲၢ်သ့ၣ်ဧၢ, သုမၤလိတ့ၢ်လၢပအိၣ် လၢသုကဘၣ်အိၣ်မူမၤဘၣ်ကစၢ်ယွၤအသးဒ်လဲၣ်အဂ့ၢ်န့ၣ်လီၤ. သုအိၣ်မူတ့ၢ်လံသုဝဲလၢကျဲဒ်အံၤအပူၤန့ၣ်လီၤ. ဒီးခဲကနံၣ်အံၤပဃ့ကညးဒီးသဆၣ်ထီၣ်သုခံသပှၢ်ပှၢ်လၢ ကစၢ်ယ့ၣ်ၡူးအမံၤအပူၤ, လၢသုကအိၣ်မူဂ့ၤန့ၢ်ဒံးအလီၢ်လီၤ.

၂ သ့းစၤလနံ 2:10

ဒီးကသူဝဲတၢ်အၢတၢ်သီအတၢ်လီန့ၢ်တၢ်လၢကျဲကိးဘိဒဲး ဒီးလီန့ၢ်ပှၤလၢအကတုၤဆူတၢ်ဟးဂီၤအပူၤခဲလၢာ်လီၤ. အဂ့ၢ်မ့ၢ်လၢ, အဝဲသ့ၣ်တသးခုတူၢ်လိာ်, ဒီးတပာ်လုၢ်ပာ်ပှ့ၤတၢ်မ့ၢ်တၢ်တီဒ်သိးကဘၣ်တၢ်အုၣ်က့ၤ ခီၣ်က့ၤအီၤအဂီၢ်ဘၣ်အဃိန့ၣ်လီၤ.

ဧ့ၤဘြံၤ 4:2

အဂ့ၢ်ဒ်အံၤပဒိးန့ၢ်လံတၢ်သးခုကစီၣ်ဒ်အဝဲသ့ၣ်အသိးလီၤ. ဘၣ်ဆၣ်ဒီးတၢ်အကစီၣ်လၢအဝဲသ့ၣ်နၢ်ဟူဝဲန့ၣ်တကဲဘျုးလၢ အဝဲသ့ၣ်အဂီၢ်ဘၣ်. အဂ့ၢ်မ့ၢ်လၢအဝဲသ့ၣ်တတူၢ်လိာ်ဘၣ်ဝဲလၢတၢ်နာ်အပူၤ အဃိန့ၣ်လီၤ.

ဧ့ၤဘြံၤ 6:7

ဟီၣ်ခိၣ်လၢအဆူးနုာ်တၢ်စူၤထံလၢအလီၤဘၣ်လၢအလိၤ တလီၢ်လီၢ်တလီၢ်လီၢ်ဒီးဒုးမဲထီၣ်တၢ်မုၢ်တၢ်ဘိလၢအကဲထီၣ် တၢ်ဘျုးတၢ်ဖှိၣ်လၢပှၤလၢတၢ်သူၣ်န့ၢ်တၢ်လၢအဂီၢ်န့ၣ်, ကစၢ်ယွၤဆိၣ်ဂ့ၤဝဲလီၤ.

ဧ့ၤဘြံၤ 8:10

အအံၤမ့ၢ်တၢ်အၢၣ်လီၤအီလီၤလၢ ယကမၤဒီးအံၣ်စရ့လးအပှၤဂီၢ်မုၢ် လၢမုၢ်နံၤတဖၣ်န့ၣ်အလီၢ်ခံ, ကစၢ်စံးဝဲဒၣ်, ယကတ့ၢ်နုာ်ယတၢ်သိၣ်တၢ်သီတဖၣ်လၢ အဝဲသ့ၣ်အတၢ်ဆိကမိၣ်အပူၤ ယကကွဲးလီၤအီၤလၢအဝဲသ့ၣ်အသးအလိၤ, ဒီးယကမ့ၢ်အဝဲသ့ၣ်အကစၢ်ယွၤ, ဒီးအဝဲသ့ၣ်ကမ့ၢ်ယပှၤဂီၢ်မုၢ်လီၤ.

၂ ပ့းတရူး 3:18

မ့မ့ၢ်ဒိၣ်ထီၣ်ဒံးသုဝဲလၢတၢ်ဘျုးတၢ်ဖှိၣ်ဒီးတၢ်သ့ၣ်ညါ ပကစၢ်ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အပူၤန့ၣ် တက့ၢ်. မ်တၢ်လၤကပီၤဘၣ်လၢ်အီၤအခဲအံၤဒီးဆူညါ အစိၤစိၤအဃၣ်ဃၣ်တက့ၢ်. အၤမ့ၣ်.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.